ಮೊಬೈಲ್ ನೆಟ್ವರ್ಕ್ ಸರಿಯಿಲ್ಲವಾ? ಮನೆಯಿಂದಲೇ ನಿಮ್ಮ ಮೊಬೈಲ್ ನಂಬರ್ ಪೋರ್ಟ್ ಮಾಡಿ!

ನಿಮ್ಮ ಮೊಬೈಲ್ ನೆಟ್ವರ್ಕ್ ಸರಿಯಿಲ್ಲದೆ ತೊಂದರೆ ಅನುಭವಿಸುತ್ತಿದ್ದೀರಾ? ನಿಮ್ಮಲ್ಲಿ ಸಿಗ್ನಲ್ ಸಮಸ್ಯೆ ಹೆಚ್ಚಿದೆಯೇ? ಹಾಗಾದರೆ ಸುಲಭ ವಿಧಾನದಲ್ಲಿ ನಿಮ್ಮ ಮೊಬೈಲ್ ನಂಬರ್ ಅನ್ನು ಪೋರ್ಟ್ ಮಾಡಿಕೊಳ್ಳುವುದು ಹೇಗೆಂದು ಇಲ್ಲಿ ತಿಳಿದುಕೊಳ್ಳೋಣ.

ಮೊಬೈಲ್ ನಂಬರ್ ಪೋರ್ಟ್

ಸಾಮಾನ್ಯವಾಗಿ ಹಳ್ಳಿಗಳಲ್ಲಿ ಕೆಲವು ನೆಟ್ವರ್ಕ್‌ಗಳಿಗೆ ಮಾತ್ರ ಸರಿಯಾದ ಸಿಗ್ನಲ್ಸ್ ಇರುತ್ತವೆ. ಕೆಲವು ಕಡೆ ಏರ್ಟೆಲ್, ಜಿಯೋ ಸಿಗ್ನಲ್ಸ್ ಹೆಚ್ಚಿದ್ದರೆ, ಕೆಲವು ಕಡೆ ಬಿಎಸ್ಎನ್ಎಲ್, ವೊಡಾಫೋನ್-ಐಡಿಯಾ ನೆಟ್ವರ್ಕ್ ಸಿಗ್ನಲ್ಸ್ ಹೆಚ್ಚಿರುತ್ತವೆ. ಕಡಿಮೆ ಸಿಗ್ನಲ್ಸ್ ಇರುವ ನೆಟ್ವರ್ಕ್ ಬಳಕೆದಾರರ ಪರಿಸ್ಥಿತಿ ಕಷ್ಟಕರ. ಈ ಸಮಸ್ಯೆಯಿಂದ ಹೊರಬರಲು ನೀವು ಮೊಬೈಲ್ ನಂಬರ್ ಪೋರ್ಟಬಿಲಿಟಿ ಮಾಡಿಕೊಳ್ಳಬೇಕು.

ಮೊಬೈಲ್ ನಂಬರ್ ಬದಲಾಯಿಸದೆ ನೆಟ್ವರ್ಕ್ ಬದಲಾಯಿಸುವುದನ್ನು ಮೊಬೈಲ್ ನಂಬರ್ ಪೋರ್ಟಬಿಲಿಟಿ ಎನ್ನುತ್ತಾರೆ. ನೀವು ಬಿಎಸ್ಎನ್ಎಲ್ ಬಳಸುತ್ತಿದ್ದರೆ ಏರ್ಟೆಲ್, ಜಿಯೋ ಅಥವಾ ವಿಐ ನೆಟ್ವರ್ಕ್‌ಗೆ ಬದಲಾಯಿಸಬಹುದು. ನಿಮ್ಮ ಮೊಬೈಲ್ ನಂಬರ್ ಬದಲಾಯಿಸದೆ ಈ ಪ್ರಕ್ರಿಯೆ ಮಾಡಬಹುದು.

ಪೋರ್ಟಬಿಲಿಟಿ ರಿಕ್ವೆಸ್ಟ್

ನೀವು ನಂಬರ್ ಪೋರ್ಟಬಿಲಿಟಿ ಮಾಡಲು ಬಯಸಿದರೆ ನಿಮ್ಮ ಫೋನ್‌ನಲ್ಲಿ ಮೆಸೇಜಿಂಗ್ ಆ್ಯಪ್ ತೆರೆಯಿರಿ. PORT ಎಂದು ಟೈಪ್ ಮಾಡಿ ಒಂದು ಸ್ಪೇಸ್ ಬಿಟ್ಟು ನಿಮ್ಮ 10 ಅಂಕಿಯ ಮೊಬೈಲ್ ನಂಬರ್ ನಮೂದಿಸಿ. ಈ ಮೆಸೇಜ್ ಅನ್ನು 1900ಕ್ಕೆ SMS ಮೂಲಕ ಕಳುಹಿಸಿ. ತಕ್ಷಣ ನಿಮಗೆ SMS ಮೂಲಕ ಯುನಿಕ್ ಪೋರ್ಟಿಂಗ್ ಕೋಡ್ (UPC) ಬರುತ್ತದೆ. ಈ ಕೋಡ್ 4 ದಿನಗಳವರೆಗೆ ಮಾನ್ಯ.

ಹೊಸ ಆಪರೇಟರ್ ಅಂಗಡಿಗೆ ಭೇಟಿ

ನಂತರ ನೀವು ಯಾವ ನೆಟ್ವರ್ಕ್‌ಗೆ ಬದಲಾಯಿಸಲು ಬಯಸುತ್ತೀರೋ ಆ ಅಂಗಡಿಗೆ ಭೇಟಿ ನೀಡಿ. ನಿಮ್ಮ ಆಧಾರ್ ಕಾರ್ಡ್, ವೋಟರ್ ಐಡಿ ಅಥವಾ ಸರ್ಕಾರ ನೀಡಿರುವ ಯಾವುದೇ ಐಡಿ ಪ್ರತಿಯನ್ನು ಸಿಬ್ಬಂದಿಗೆ ನೀಡಿ. ಪಾಸ್‌ಪೋರ್ಟ್ ಅಳತೆಯ ಫೋಟೋ ನೀಡಿ, ನಿಮಗೆ SMS ಮೂಲಕ ಬಂದ ಯುನಿಕ್ ಪೋರ್ಟಿಂಗ್ ಕೋಡ್ (UPC) ಅನ್ನು ಸಿಬ್ಬಂದಿಗೆ ತಿಳಿಸಿ.

ಪೋರ್ಟಿಂಗ್ ಫಾರ್ಮ್ ಸಲ್ಲಿಸಿ

ಹೊಸ ಆಪರೇಟರ್ ನೀಡಿದ ಗ್ರಾಹಕ ಅರ್ಜಿ ನಮೂನೆ (CAF) ತೆಗೆದುಕೊಂಡು ವಿವರಗಳನ್ನು ಭರ್ತಿ ಮಾಡಿ. ಆ ನೆಟ್ವರ್ಕ್‌ನಲ್ಲಿ ನಿಮಗೆ ಇಷ್ಟವಾದ ಮೊಬೈಲ್ ಪ್ಲಾನ್ ಆಯ್ಕೆ ಮಾಡಿ. ಸಿಬ್ಬಂದಿ ನಿಮಗೆ ಹೊಸ ಸಿಮ್ ಕಾರ್ಡ್ ನೀಡುತ್ತಾರೆ. ನಿಮ್ಮ ಹಳೆಯ ಸಿಮ್ ಕಾರ್ಡ್ 4 ದಿನಗಳಲ್ಲಿ ಕೆಲಸ ಮಾಡುವುದನ್ನು ನಿಲ್ಲಿಸುತ್ತದೆ. ನಂತರ ಹೊಸ ಸಿಮ್ ಹಾಕಿ ಮೊಬೈಲ್ ಆನ್ ಮಾಡಿ. ಹೊಸ ನೆಟ್ವರ್ಕ್ ಸೇವೆಗಳನ್ನು ಆನಂದಿಸಿ.