ಪಬ್ನಲ್ಲಿ ರಾಹುಲ್ ಗಾಂಧಿ ಪಾರ್ಟಿ, ಜೊತೆಗಿದ್ದ ಯುವತಿ ಯಾರು? ಸದ್ದು ಮಾಡುತ್ತಿದೆ ಚೀನಾ ಸುಂದರಿಯ ಹೆಸರು!
First Published May 3, 2022, 3:04 PM ISTನೇಪಾಳಕ್ಕೆ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ತಮ್ಮ ವೈಯಕ್ತಿಕ ಪ್ರವಾಸದಲ್ಲಿದದು, ಸದ್ಯ ಇದಕ್ಕೂ 'ರಾಜಕೀಯ ಗ್ರಹಣ' ಬಡಿದಿದೆ. ಕಠ್ಮಂಡುವಿನ ನೈಟ್ಕ್ಲಬ್ನಲ್ಲಿ ರಾಹುಲ್ ಗಾಂಧಿ ಪಾರ್ಟಿ ಮಾಡುತ್ತಿರುವ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ಬಿರುಗಾಳಿ ಎಬ್ಬಿಸಿದೆ. ಭಾರತದ ರಾಜಕೀಯದಲ್ಲೂ ಅಲ್ಲೋಲ ಕಲ್ಲೋಲ ಉಂಟು ಮಾಡಿದೆ. ರಾಹುಲ್ ಗಾಂಧಿ ಅವರೊಂದಿಗೆ ಪಾರ್ಟಿಯಲ್ಲಿ ಕಾಣಿಸಿಕೊಂಡಿರುವ ಮಹಿಳೆ ನೇಪಾಳದಲ್ಲಿ ಚೀನಾದ ರಾಯಭಾರಿ ಹೌ ಯಾಂಕಿ ಎಂದು ಹೇಳಲಾಗುತ್ತಿದೆ. Hou Yanqi ಅವರು ಚೀನಾದ ರಾಯಭಾರಿಯಾಗಿದ್ದು, 2018 ರಿಂದ ನೇಪಾಳದಲ್ಲಿ ರಾಯಭಾರಿಯಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಹೌ ಯಾಂಕೀ ಅವರನ್ನು 'ಕೆಟ್ಟ ಮಹಿಳೆ' ಎಂದು ಪರಿಗಣಿಸಲಾಗುತ್ತದೆ. ಅಲ್ಲದೇ ಹನಿ ಟ್ರ್ಯಾಪ್ ಲೇಡಿ ಎಂದೂ ಕರೆಯುತ್ತಾರೆ. ಕಳೆದ ಕೆಲವು ವರ್ಷಗಳಿಂದ ನೇಪಾಳ ಮತ್ತು ಭಾರತ ನಡುವಿನ ಸಂಬಂಧ ಅಷ್ಟೇನೂ ಉತ್ತಮವಾಗಿಲ್ಲ. ನೇಪಾಳದಲ್ಲಿ ಚೀನಾದ ಹೆಚ್ಚುತ್ತಿರುವ ರಾಜಕೀಯ ಪ್ರಭಾವದ ಪರಿಣಾಮ ಇದು ಎಂದು ತಜ್ಞರು ಹೇಳುತ್ತಾರೆ. ಪ್ರವಾಸೋದ್ಯಮ, ಭೂಕಂಪದ ನಂತರದ ಪುನರ್ನಿರ್ಮಾಣ, ವ್ಯಾಪಾರ ಮತ್ತು ಇಂಧನವನ್ನು ಗುರಿಯಾಗಿಸಿಕೊಂಡು ನೇಪಾಳದಲ್ಲಿ ಹೂಡಿಕೆ ಮಾಡುವ ಮೂಲಕ ಚೀನಾ ಈ ಉತ್ತಮ ಯೋಜಿತ ಸಂಚು ರೂಪಿಸಿದೆ. ನೇಪಾಳದಲ್ಲಿ ಯಾಂಕೀ ಈ ‘ರಾಜಕೀಯ’ ನಡೆಸುತ್ತಾ ಬಂದಿದ್ದಾರೆ. ನೇಪಾಳದ ಆಗಿನ ಪ್ರಧಾನಿ (ಈಗ ಮಾಜಿ) ಕೆಪಿ ಶರ್ಮಾ ಒಲಿ ಅವರನ್ನು ಹನಿ ಟ್ರ್ಯಾಪ್ನಲ್ಲಿ ಸಿಲುಕಿಸಿದ್ದಾರೆ ಎಂಬ ಆರೋಪ ಹೌ ಯಾಂಕೀ ವಿರುದ್ಧ ಕೇಳಿ ಬಂದಿತ್ತು. ಹೌವಿನ ಪ್ರೀತಿಯ ಬಲೆಯಲ್ಲಿ ಓಲಿಯೇ ಸಿಕ್ಕಿಬಿದ್ದಿದ್ದಾರೆ ಎಂದು ಹೇಳಲಾಗುತ್ತದೆ.