ಶಿಲ್ಪಕಲೆಗಳ ವೈಭವ, ಪುರಾಣಗಳ ಚಿತ್ರಕಾವ್ಯ... ರಾಮಮಂದಿರ ಒಳಾಂಗಣದ First look!

Ram Mandir Inside Images ಮರ್ಯಾದಾ ಪುರುಷೋತ್ತಮ ಶ್ರೀರಾಮಚಂದ್ರನ ಹುಟ್ಟೂರು ಅಯೋಧ್ಯೆ ಸಿಂಗಾರಗೊಳ್ಳುತ್ತಿದೆ. ಜನವರಿ 22ಕ್ಕೆ ರಾಮಮಂದಿರ ಪ್ರಾಣ ಪ್ರತಿಷ್ಠಾಪನೆ ಕಾರ್ಯಕ್ರಮ ನಡೆಯಲಿದೆ. ಅದಕ್ಕೂ ಮುನ್ನ ರಾಮಮಂದಿರದ ಒಳಾಂಗಣದ ಅಪರೂಪದ ಚಿತ್ರಗಳು ಇಲ್ಲಿವೆ.

2024ರ ವರ್ಷ ಭಾರತಕ್ಕೆ ಅತ್ಯಂತ ಮಹತ್ವದ ಘಟನೆಯೊಂದಿಗೆ ಆರಂಭವಾಗಲಿದೆ. ಅಯೋಧ್ಯೆಯಲ್ಲಿ ಶ್ರೀರಾಮಚಂದ್ರನ ಮಂದಿರದಲ್ಲಿ ರಾಮನ ವಿಗ್ರಹದ ಪ್ರಾಣ ಪ್ರತಿಷ್ಠಾಪನೆ ನಡೆಯುವ ದಿನಾಂಕ ನಿಗದಿಯಾಗಿದೆ.

ಇಲ್ಲಿಯವರೆಗೂ ರಾಮಮಂದಿರ ಹೊರಆವರಣ ಹಾಗೂ ರಾಮ ಮಂದಿರದ ಗರ್ಭಗುಡಿಯ ಚಿತ್ರಗಳ ಪ್ರಕಟವಾಗಿದ್ದವು. ಈಗ ಇದೇ ಮೊದಲ ಬಾರಿಗೆ ರಾಮಮಂದಿರ ಒಳಾಂಗಣದ ಕೆತ್ತನೆಗಳ ಚಿತ್ರಗಳು ಪ್ರಕಟಗೊಂಡಿವೆ.

ಜನವರಿ 17 ರಂದು ಅಯೋಧ್ಯೆಯಲ್ಲಿ ಭಗವಾನ್ ರಾಮನ ಸ್ತಬ್ಧಚಿತ್ರವನ್ನು ತೋರಿಸಲಾಗುತ್ತದೆ. ಈ ಟ್ಯಾಬ್ಲೋ ಮೂಲಕ ಭಗವಾನ್ ರಾಮನ ಜೀವನವನ್ನು ಚಿತ್ರಿಸಲಾಗುತ್ತದೆ.. ಟ್ಯಾಬ್ಲೋನಲ್ಲಿ, ರಾಮನ ಜನನದಿಂದ ಅವನ ವನವಾಸ, ಲಂಕಾದ ಮೇಲಿನ ವಿಜಯ ಮತ್ತು ಅಯೋಧ್ಯೆಗೆ ಹಿಂದಿರುಗಿದ ಚಿತ್ರಗಳನ್ನು ಚಿತ್ರಿಸಲಾಗುತ್ತದೆ.

ರಾಮಮಂದಿರದ ಭವ್ಯತೆಯನ್ನು ಒಳಾಂಗಣದ ಚಿತ್ರಗಳಲ್ಲಿ ಕಾಣಬಹುದು. ಒಂದಕ್ಕಿಂತ ಹೆಚ್ಚು ಕಲಾಕೃತಿಗಳು ಮನಸ್ಸನ್ನು ಆಕರ್ಷಿಸುತ್ತವೆ. ದೇವಾಲಯದ ಗೋಡೆಗಳ ಮೇಲಿನ ಕೆತ್ತನೆಗಳು ಮತ್ತು ಕೆತ್ತಿದ ಪ್ರತಿಮೆಗಳಿಗೆ ಯಾವುದೇ ಸಾಟಿಯಿಲ್ಲ.

ಎರಡೂವರೆ ಎಕರೆಯಲ್ಲಿ ರಾಮಮಂದಿರ ನಿರ್ಮಾಣವಾಗಿದೆ. ಆದರೆ ಅದಕ್ಕೆ 'ಪರಿಕ್ರಮ ಪಥ' ಕೂಡ ಸೇರಿಕೊಂಡರೆ ಇಡೀ ಸಂಕೀರ್ಣವೇ 70 ಎಕರೆಯಷ್ಟಾಗುತ್ತದೆ. ಇದು ಮೂರು ಅಂತಸ್ತಿನದ್ದಾಗಿದ್ದು, ಇದರ ಎತ್ತರ 162 ಅಡಿ ಇರಲಿದೆ.

ರಾಮಮಂದಿರದ ಹೊರತಾಗಿ ಇನ್ನೂ ಆರು ದೇವಾಲಯಗಳನ್ನು ದೇವಾಲಯದ ಸಂಕೀರ್ಣದಲ್ಲಿ ನಿರ್ಮಿಸಲಾಗುತ್ತಿದೆ. ಸಿಂಗ್ ಗೇಟ್‌ನಿಂದ ರಾಮ ಮಂದಿರವನ್ನು ಪ್ರವೇಶಿಸುವ ಮೊದಲು, ಪೂರ್ವ ಭಾಗದಲ್ಲಿ ಒಂದು ಮುಖ್ಯ ದ್ವಾರವಿದ್ದು ಅಲ್ಲಿಂದ ಭಕ್ತರು ಸಂಕೀರ್ಣವನ್ನು ಪ್ರವೇಶಿಸುತ್ತಾರೆ.

ದೇವಾಲಯದ ಮುಖ್ಯ ದ್ವಾರ 'ಸಿಂಗ್ ದ್ವಾರ' ಆಗಿರುತ್ತದೆ. ರಾಮಮಂದಿರದಲ್ಲಿ ಒಟ್ಟು 392 ಕಂಬಗಳು ಇರುತ್ತವೆ. ಗರ್ಭಗುಡಿಯಲ್ಲಿ 160 ಕಂಬಗಳು ಮತ್ತು ಮೇಲಿನ ಅಂತಸ್ತಿನಲ್ಲಿ 132 ಕಂಬಗಳು ಇರುತ್ತವೆ. ದೇವಾಲಯದಲ್ಲಿ 12 ದ್ವಾರಗಳಿರುತ್ತವೆ. ತೇಗದ ಮರದಿಂದ ಇವುಗಳನ್ನು ತಯಾರಿಸಲಾಗಿದೆ.

ರಾಮ ಮಂದಿರ ಸಂಕೀರ್ಣ ನಿರ್ಮಾಣಕ್ಕೆ 1,700 ರಿಂದ 1,800 ಕೋಟಿ ರೂಪಾಯಿ ವೆಚ್ಚವಾಗಲಿದೆ ಎಂದು ಅಂದಾಜಿಸಲಾಗಿದೆ. ದೇವಾಲಯದ ಗರ್ಭಗುಡಿಯಲ್ಲಿ ವೇದಿಕೆ ನಿರ್ಮಿಸಲಾಗುವುದು. ಈ ವೇದಿಕೆಯಲ್ಲಿ ರಾಮಲಲ್ಲ ವಿಗ್ರಹವನ್ನು ಸ್ಥಾಪಿಸಲಾಗುವುದು. ರಾಮಲಲ್ಲ ವಿಗ್ರಹವು 51 ಇಂಚು ಎತ್ತರವಿರುತ್ತದೆ.

ರಾಮಮಂದಿರದಲ್ಲಿ ಒಟ್ಟು ಐದು ಗುಮ್ಮಟಗಳನ್ನು ನಿರ್ಮಿಸಬೇಕಿದೆ. ರಾಮ ಮಂದಿರದ ಮೂರು ಗುಮ್ಮಟಗಳೂ ಸಿದ್ಧವಾಗಿದ್ದು, ನಾಲ್ಕನೇ ಗುಮ್ಮಟದ ನಿರ್ಮಾಣ ಕಾರ್ಯ ನಡೆಯುತ್ತಿದೆ.

ಪ್ರಾಣ ಪ್ರತಿಷ್ಠೆಯ ನಂತರ ರಾಮ ಮಂದಿರವನ್ನು ಸಾರ್ವಜನಿಕರಿಗಾಗಿ ತೆರೆಯಲಾಗುತ್ತದೆ.  ಪ್ರತಿದಿನ ಒಂದೂವರೆ ಲಕ್ಷ ಭಕ್ತರು ಆಗಮಿಸುವ ನಿರೀಕ್ಷೆಯಿದೆ.

ಶ್ರೀರಾಮ ಮಂದಿರದಲ್ಲಿ ರಾಮಲಲ್ಲಾನ ದರ್ಶನ ಪಡೆಯಲು ಪ್ರತಿಯೊಬ್ಬ ಭಕ್ತನಿಗೆ ಕೇವಲ 15 ರಿಂದ 20 ಸೆಕೆಂಡುಗಳು ಮಾತ್ರವೇ ಸಿಗುತ್ತವೆ.

70 ಎಕರೆ ವಿಸ್ತೀರ್ಣದ ರಾಮ ಮಂದಿರದ ಸಂಕೀರ್ಣದಲ್ಲಿ ಶೇಕಡಾ 70 ರಷ್ಟು ಹಸಿರುಮಯವಾಗಲಿದೆ ಎಂದು ರಾಮಮಂದಿರ ಟ್ರಸ್ಟ್ ಪ್ರಧಾನ ಕಾರ್ಯದರ್ಶಿ ಚಂಪತ್ ರಾಯ್ ಹೇಳಿದ್ದಾರೆ. ಹಸಿರು ವಲಯದಲ್ಲಿ ಬೀಳುವ ಸುಮಾರು 600 ಮರಗಳನ್ನು ರಕ್ಷಿಸಲಾಗಿದೆ.