ಈ ಹಸುವಿಗೆ ಇದೆಂಥಾ ಅದೃಷ್ಟ, 1 ಕೋಟಿಯ ಕೊಟ್ಟಿಗೆಯಲ್ಲಿ ವಾಸಿಸುವ 'ರಾಧಾ'!
First Published Nov 3, 2022, 4:21 PM ISTಬಹುಶಃ ಇದು ದೇಶದಲ್ಲಿಯೇ ಅತ್ಯಂತ ಅದೃಷ್ಟವಂತ ಹಸು ಎಂದರೆ ತಪ್ಪಾಗೋದಿಲ್ಲ. ಯಾಕೆಂದರೆ, 1 ಕೋಟಿ ರೂಪಾಯಿಯ ಕೊಟ್ಟಿಗೆಯಲ್ಲಿ ಈ ಹಸು ವಾಸವಿದೆ. ದಿನದ 24 ಗಂಟೆಯೂ ಈ ಹಸುವಿಗೆ ಬೇಕಾದನ್ನು ನೀಡಲು ನಾಲ್ವರು ಸಿಬ್ಬಂದಿಗಳಿದ್ದಾರೆ. ಹಾಗೇನಾದರೂ ಹಸುವಿನ ಆರೋಗ್ಯದಲ್ಲಿ ಸಣ್ಣಮಟ್ಟದ ಏರುಪೇರಾದರೂ ಅದನ್ನು ನೋಡಿಕೊಳ್ಳಲು ವೈದ್ಯರ ತಂಡವೇ ಇದೆ. ಇಂಥದ್ದೊಂದು ಹಸು ಇರುವುದು ರಾಜಸ್ಥಾನದ ಜಲೋರ್‌ ಜಿಲ್ಲೆಯ ಧನೋಲ್ ಗ್ರಾಮದ ರಾಣಿವಾಡ ಪ್ರದೇಶದಲ್ಲಿ. ಉದ್ಯಮಿ ನರೇಂದ್ರ ಪುರೋಹಿತ್ ಅವರ ನಿವಾಸದಲ್ಲಿರುವೀ ಹಸುವಿನ ಹೆಸರು ರಾಧಾ. ಪುರೋಹಿತ್ ಮುಂಬೈನ ಬಿಎಂಸಿಯಲ್ಲಿ ಗುತ್ತಿಗೆದಾರರು ಮತ್ತು ಎಲೆಕ್ಟ್ರಿಕ್ ವಾಹನಗಳನ್ನು ತಯಾರಿಸುವ ವ್ಯವಹಾರವನ್ನು ಹೊಂದಿದ್ದಾರೆ.