ಭವಿಷ್ಯದಲ್ಲಿ ಜೈಲುಗಳಲ್ಲಿ ಸಾಕಷ್ಟು ಬದಲಾವಣೆಯಾಗಲಿದೆ. ಈಗ ಇರುವಂತೆ ಜೈಲಿನಲ್ಲಿರದೆ ಮನೆಯಲ್ಲೇ ಬಂಧಿಯಾಗುವ ದಿನಗಳು ದೂರವೇನಿಲ್ಲ. ಹೌದು ಅಂತಹದ್ದೊಂದು ಪ್ರಯೋಗಕ್ಕೆ ಬ್ರಿಟನ್ ಸರ್ಕಾರ ಮುಂದಾಗಿರುವ ಬಗ್ಗೆ ಚರ್ಚೆ ನಡೆಯುತ್ತಿವೆ. ಅಷ್ಟಕ್ಕೂ ಏನಿದು ವರ್ಚುವಲ್ ಪ್ರಿಸನ್? ಹೇಗಿರಲಿದೆ? ಜೈಲಿನಿಂದ ತಪ್ಪಿಸಿಕೊಳ್ಳೋ ಕೈದಿ, ಮನೆಯಿಂದ ತಪ್ಪಿಸಿಕೊಳ್ಳಲ್ವ? ಇಲ್ಲಿದೆ ನೋಡಿ..
ಭಾರತದಲ್ಲಿ, ಯಾವುದೇ ಪ್ರಕರಣದಲ್ಲಿ ಅಪರಾಧಿ ಅಂತಾ ಸಾಬೀತಾದ್ರೆ ಅವನಿಗೆ ಜೈಲು ಶಿಕ್ಷೆ ಗ್ಯಾರಂಟಿ. ಇದು ಭಾರತದಲ್ಲಷ್ಟೇ ಅಲ್ಲ, ಅನೇಕ ದೇಶಗಳಲ್ಲಿ ಅಪರಾಧಿಗಳನ್ನು ಜೈಲಿಗೆ ತಳ್ಳುವ ನಿಯಮ ಒಂದೇ ಆಗಿದೆ. ಪಾತಕಿಗಳು, ಕಳ್ಳರು,ವಿಧ್ವಂಸದ ಕೃತ್ಯವೆಸಗಿದ ಹೀಗೆ ಲಕ್ಷಾಂತರ ಕೈದಿಗಳು ಹೊರಪ್ರಪಂಚದ ಮುಖ ನೋಡದೆ ಜೈಲುಗಳಲ್ಲೇ ಕಳೆಯುತ್ತಿದ್ದಾರೆ. ಕೊಳೆಯುತ್ತಿದ್ದಾರೆ. ಜಗತ್ತಿನಾದ್ಯಂತ ಕೈದಿಗಳಿಂದ ಜೈಲುಗಳು ತುಂಬಿತುಳುತ್ತಿವೆ. ಆದರೆ ಇತ್ತೀಚೆಗೆ ಜಗತ್ತು ವೇಗವಾಗಿ ಬದಲಾಗುತ್ತಿದ್ದು, ಜೈಲು ಮತ್ತು ನಡುವಿನ ಸಂಬಂಧದಲ್ಲಿ ಭವಿಷ್ಯದಲ್ಲಿ ಬದಲಾವಣೆ ಕಾಣಲಿದೆ. ಅಂದರೆ ಇನ್ನೊಂದು ಹತ್ತು ವರ್ಷಗಳಲ್ಲಿ ಜೈಲು ಹೀಗಿದ್ದಂತೆ ಇರಲಿಕ್ಕಿಲ್ಲ! ಯಾಕೆ ಗೊತ್ತಾ?
ಅಪರಾಧ ಎಸಗುವ ಕ್ರಿಮಿನಲ್ ಗಳು ಜೈಲಿಗೆ ಹೋಗದೆ, ಅವರ ಮನೆಯಲ್ಲೇ ಇದ್ದು ಶಿಕ್ಷೆ ಅನುಭವಿಸುವಂಥ ಸೌಲಭ್ಯವನ್ನು ಬ್ರಿಟನ್ ಹೊಸ ಪ್ರಯೋಗಕ್ಕೆ ಮುಂದಾಗಿರುವ ಸುದ್ದಿ ಬಂದಿದೆ. ಇದನ್ನು 'ವರ್ಚುವಲ್ ಪ್ರಿಸನ್' ಎಂದು ಕರೆಯಲಾಗುತ್ತಿದೆ. ವರ್ಚುವಲ್ ಜೈಲು ಎಂದರೇನು? ಅದು ಹೇಗಿರಲಿದೆ? ಅಷ್ಟಕ್ಕೂ ಬ್ರಿಟನ್ ಯಾಕೆ ವರ್ಚುವಲ್ ಜೈಲು ತರಲು ಯೋಜಿಸಿದೆ ಎಂಬುದು ತಿಳಿಯೋಣ ಅದಕ್ಕೂ ಮುನ್ನ ವರ್ಚುವಲ್ ಪ್ರಿಸನ್ ಎಂದರೇನು? ವಿಷಯ ಏನು ಮತ್ತು ಬ್ರಿಟನ್ ಏಕೆ ಇದನ್ನು ಮಾಡಲು ಪ್ರಯತ್ನಿಸುತ್ತಿದೆ ಎಂದು ನಮಗೆ ತಿಳಿಯೋಣ.
ವರ್ಚುವಲ್ ಪ್ರಿಸನ್ ಕೇಸ್
ಮಾಧ್ಯಮ ವರದಿಗಳ ಪ್ರಕಾರ, ಈಗಾಗಲೇ ಜೈಲುಗಳಲ್ಲಿ ಕೈದಿಗಳ ಸಂಖ್ಯೆ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಬ್ರಿಟನ್ ಈ ನಿರ್ಧಾರ ಕೈಗೊಂಡಿದೆ. ವಾಸ್ತವವಾಗಿ, ಕಳೆದ ತಿಂಗಳು ಇಂಗ್ಲೆಂಡ್ ಮತ್ತು ವೇಲ್ಸ್ ಜೈಲುಗಳಲ್ಲಿ ಕೈದಿಗಳ ಸಂಖ್ಯೆಯಲ್ಲಿ ಹೊಸ ದಾಖಲೆಯನ್ನು ನಿರ್ಮಿಸಿತು. ಇಂತಹ ಪರಿಸ್ಥಿತಿಯಲ್ಲಿ ಅಲ್ಲಿನ ಸರಕಾರಕ್ಕೆ ಇಷ್ಟು ಸಂಖ್ಯೆಯ ಕೈದಿಗಳ ನಿರ್ವಹಣೆ ಕಷ್ಟವಾಗುತ್ತಿದೆ. ಇದೇ ಕಾರಣಕ್ಕೆ ಇದೀಗ ವರ್ಚುವಲ್ ಪ್ರಿಸನ್ ವಿಚಾರವನ್ನು ಗಂಭೀರವಾಗಿ ಪರಿಗಣಿಸಿದೆ. ಜುಲೈನಲ್ಲಿ ಸರ್ಕಾರವ ರಚಿಸಿದ ಬ್ರಿಟನ್‌ನ ಹೊಸ ಲೇಬರ್ ಪಾರ್ಟಿ, ಎಲ್ಲಾ ಯುಕೆ ಜೈಲುಗಳನ್ನು ಕೆಲವೇ ವಾರಗಳಲ್ಲಿ ಸಂಪೂರ್ಣವಾಗಿ ಭರ್ತಿ ಮಾಡಬಹುದು ಎಂದಿತ್ತು. ವರ್ಚುವಲ್ ಜೈಲಿನ ಬಗ್ಗೆ ಗಂಭೀರವಾಗಿ ಚಿಂತನೆ ನಡೆಸಿತ್ತು.
ಯಾರಿಗೆ ವರ್ಚುವಲ್ ಜೈಲು?
ಸದ್ಯ ಈ ವ್ಯವಸ್ಥೆ ಜೈಲಿನಲ್ಲಿ ಒಂದಷ್ಟು ಶಿಕ್ಷೆ ಅನುಭವಿಸಿ ಇನ್ನು ಕೆಲವು ಅವಧಿವರೆಗೆ ಶಿಕ್ಷೆ ಬಾಕಿ ಇರುವ ಕೈದಿಗಳಿಗೆ ಅನ್ವಯವಾಗಲಿದೆ ಎಂದು ಹೇಳಲಾಗುತ್ತಿದೆ. ಅಂದರೆ, ಒಬ್ಬ ಕೈದಿಯು ಒಂದು ವರ್ಷ ಶಿಕ್ಷೆಗೆ ಒಳಗಾಗಿದ್ದರೆ ಮತ್ತು ಈಗಾಗಲೇ ಜೈಲಿನಲ್ಲಿ 6 ತಿಂಗಳ ಶಿಕ್ಷೆಯನ್ನು ಅನುಭವಿಸಿದ್ದರೆ, ಭವಿಷ್ಯದಲ್ಲಿ ಅವನು ತನ್ನ ಸ್ವಂತ ಮನೆಯಲ್ಲಿ ವರ್ಚುವಲ್ ಜೈಲಿನಲ್ಲಿ ಉಳಿದ 6 ತಿಂಗಳುಗಳನ್ನು ಪೂರೈಸಲು ಸಾಧ್ಯವಾಗುತ್ತದೆ.
ವರ್ಚುವಲ್ ಜೈಲು ಹೇಗಿರಲಿದೆ?
ಕೈದಿಯು ವರ್ಚುವಲ್ ಜೈಲಿನಲ್ಲಿ ಉಳಿದುಕೊಂಡಾಗ, ಅವನು ಜಿಪಿಎಸ್ ಟ್ಯಾಗ್, ಸ್ಮಾರ್ಟ್‌ಫೋನ್ ಮತ್ತು ಇತರ ಸಾಧನಗಳನ್ನು ಧರಿಸಬೇಕಾಗುತ್ತದೆ. ಇದರಿಂದ ಕೈದಿಯನ್ನು ಟ್ರ್ಯಾಕ್ ಮಾಡಬಹುದು ಮತ್ತು ಮೇಲ್ವಿಚಾರಣೆ ಮಾಡಬಹುದು. ಅಂತಹ ಪರಿಸ್ಥಿತಿಯಲ್ಲಿ, ಕೈದಿ ತನ್ನ ಮನೆಯಿಂದ ಹೊರಗೆ ಹೋಗಲು ಸಾಧ್ಯವಾಗುವುದಿಲ್ಲ ಮತ್ತು ಮನೆಯಲ್ಲಿಯೇ ಉಳಿದು ತನ್ನ ಸಂಪೂರ್ಣ ಶಿಕ್ಷೆಯನ್ನು ಅನುಭವಿಸುತ್ತಾನೆ. ಆದರೆ, ಯಾವ ಕೈದಿಗಳಿಗೆ ಈ ವ್ಯವಸ್ಥೆ ಅನ್ವಯವಾಗುತ್ತದೆ ಎಂಬ ಸಂಪೂರ್ಣ ವರದಿ ಇನ್ನೂ ಬಂದಿಲ್ಲ.
ವಾಸ್ತವವಾಗಿ, ಬ್ರಿಟಿಷ್ ಸರ್ಕಾರವು ಅಪಾಯಕಾರಿ ಕೈದಿಗಳಿಗೆ ಈ ಸೌಲಭ್ಯವನ್ನು ಒದಗಿಸಿದರೆ, ಅವರು ತಮ್ಮ ಮನೆಯಲ್ಲಿಯೇ ಇದ್ದುಕೊಂಡು ತಮ್ಮ ಗ್ಯಾಂಗ್‌ಗಳನ್ನು ನಿರ್ವಹಿಸಬಹುದು ಎಂದು ಜನರು ಸಾಮಾಜಿಕ ಮಾಧ್ಯಮಗಳಲ್ಲಿ ಆತಂಕ ವ್ಯಕ್ತಪಡಿಸಿರುವ ನೆಟ್ಟಿಗರು. ಇದಲ್ಲದೆ, ಅವನು ಸುಲಭವಾಗಿ ವರ್ಚುವಲ್ ಜೈಲಿನಿಂದ ತಪ್ಪಿಸಿಕೊಳ್ಳಬಹುದು. ಏಕೆಂದರೆ ಈಗಾಗಲೇ ಎಷ್ಟೇ ಭದ್ರತೆ ಇದ್ದರೂ ಜೈಲಿನಿಂದ ಗ್ರೇಟ್ ಎಸ್ಕೇಪ್ ಆಗಿರುವ ಹಲವು ಘಟನೆಗಳು ಕಣ್ಮುಂದೆ ಇವೆ. ಹೀಗಿರುವಾಗ ವರ್ಚುವಲ್ ಜೈಲಿನಲ್ಲಿ ಕೈದಿ ಮನೆಯಿಂದ ತಪ್ಪಿಸಿಕೊಳ್ಳುವುದಿಲ್ಲ ಎಂದು ಹೇಗೆ ಹೇಳುವುದು? ಈ ವಿಚಾರವಾಗಿ ಪರ-ವಿರೋಧ ಚರ್ಚೆ ನಡೆದಿದೆ. ಒಟ್ಟಾರೆ ಭವಿಷ್ಯದಲ್ಲಿ ಜೈಲಿನಲ್ಲೂ ಸಾಕಷ್ಟು ಬದಲಾವಣೆಯಾಗಲಿರುವುದುಂತೂ ದಿಟ.