ನಿಮ್ಮ ರಾಶಿಗೆ ಯಾವ ಬಣ್ಣ ಲಕ್ಕಿ ಗೊತ್ತಾ?

ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಯಾವ ಬಣ್ಣ ಯಾವ ರಾಶಿಯವರಿಗೆ ಧನಾತ್ಮಕತೆಯನ್ನು ಹೆಚ್ಚಿಸುತ್ತದೆ, ಯಾವ ರೀತಿಯ ಪ್ರಯೋಜನಗಳನ್ನು ನೀಡುತ್ತದೆ ಎಂದು ಈಗ ತಿಳಿದುಕೊಳ್ಳೋಣ...

ನಮ್ಮ ಸುತ್ತಲಿನ ಎಲ್ಲವೂ ಅಂದರೆ.. ಅದು ಶಬ್ದ, ಬೆಳಕು, ಬಣ್ಣ ಹೀಗೆ ಯಾವುದಾದರೂ ಒಂದು ವಿಶೇಷವಾದ ಕಂಪನವನ್ನು ಹೊರಸೂಸುತ್ತದೆ. ಈ ಕಂಪನಗಳು ಮಾನಸಿಕವಾಗಿ, ದೈಹಿಕವಾಗಿ ಭಾವನಾತ್ಮಕ ಪರಿಸ್ಥಿತಿಗಳನ್ನು ಪ್ರಭಾವಿಸುತ್ತವೆ. ಮುಖ್ಯವಾಗಿ ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಪ್ರತಿ ರಾಶಿ ಚಕ್ರವು ಒಂದು ನಿರ್ದಿಷ್ಟ ಅಂಶದೊಂದಿಗೆ, ಗ್ರಹದೊಂದಿಗೆ ಸಂಬಂಧ ಹೊಂದಿದೆ. ಈ ಕಾರಣದಿಂದಾಗಿ ಪ್ರತಿ ರಾಶಿಗೆ ಅನುಕೂಲಕರ ಪ್ರಯೋಜನಗಳನ್ನು ಒದಗಿಸುವ ಕೆಲವು ವಿಶೇಷ ಬಣ್ಣಗಳಿವೆ.

ಆ ಬಣ್ಣಗಳು ಆ ವ್ಯಕ್ತಿಯ ನೈಸರ್ಗಿಕ ಗುಣಲಕ್ಷಣಗಳನ್ನು ವೃದ್ಧಿಪಡಿಸುವಂತೆ, ನ್ಯೂನತೆಗಳನ್ನು ಸರಿಪಡಿಸುವಂತೆ ಇರುತ್ತವೆ. ಬಣ್ಣ ಚಿಕಿತ್ಸೆಯನ್ನು ಹಲವು ರೀತಿಯ ಚಿಕಿತ್ಸೆಗಳಲ್ಲಿಯೂ ಬಳಸಲಾಗುತ್ತದೆ. ಹಾಗಾದರೆ, ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಯಾವ ಬಣ್ಣ ಯಾವ ರಾಶಿಯವರಿಗೆ ಧನಾತ್ಮಕತೆಯನ್ನು ಹೆಚ್ಚಿಸುತ್ತದೆ, ಯಾವ ರೀತಿಯ ಪ್ರಯೋಜನಗಳನ್ನು ನೀಡುತ್ತದೆ ಎಂದು ಈಗ ತಿಳಿದುಕೊಳ್ಳೋಣ...

ಮೇಷ ರಾಶಿ

1.ಮೇಷ ರಾಶಿ..
ಮೇಷ ರಾಶಿಯವರು ತುಂಬಾ ಧೈರ್ಯಶಾಲಿಗಳು, ಶಕ್ತಿವಂತರು, ಸಾಹಸಿಗಳು. ಕೆಂಪು, ಹಸಿರು ಬಣ್ಣಗಳು ಈ ರಾಶಿಯವರಿಗೆ ತುಂಬಾ ಒಳ್ಳೆಯದು. ಇವುಗಳ ಜೊತೆಗೆ ಕಿತ್ತಳೆ, ಹಳದಿ ಬಣ್ಣಗಳು ಕೂಡ ಇವರಿಗೆ ಶುಭಪ್ರದ. ಈ ಬಣ್ಣಗಳನ್ನು ಬಳಸಿದರೆ ಈ ರಾಶಿಯವರ ಆತ್ಮವಿಶ್ವಾಸ, ಧೈರ್ಯ ಹೆಚ್ಚಿಸಲು ಸಹಾಯ ಮಾಡುತ್ತದೆ.

ವೃಷಭ ರಾಶಿ

2.ವೃಷಭ ರಾಶಿ...
ವೃಷಭ ರಾಶಿಯವರು ಯಾವುದೇ ಕೆಲಸ ಶುರು ಮಾಡಬೇಕೆಂದುಕೊಂಡರೂ ಹಸಿರು, ಕಂದು ಬಣ್ಣಗಳನ್ನು ಆರಿಸಿಕೊಳ್ಳಬೇಕು. ಈ ಬಣ್ಣಗಳು ವಿಶ್ರಾಂತಿ, ಸ್ಥಿರತೆಯನ್ನು ಉತ್ತೇಜಿಸುತ್ತವೆ. ಈ ಬಣ್ಣಗಳು ವೃಷಭ ರಾಶಿಯವರಿಗೆ ಅದೃಷ್ಟ ತರುತ್ತವೆ.

ಮಿಥುನ ರಾಶಿ

3.ಮಿಥುನ ರಾಶಿ..
ಮಿಥುನ ರಾಶಿಯವರು ಹಳದಿ, ತಿಳಿ ಹಸಿರು ಬಣ್ಣಗಳನ್ನು ಆರಿಸಿಕೊಳ್ಳಬೇಕು. ಈ ರಾಶಿಯವರು ಈ ಬಣ್ಣಗಳನ್ನು ಧರಿಸುವುದರಿಂದ ಹೆಚ್ಚು ಚುರುಕಾಗಿ, ಸೃಜನಶೀಲರಾಗಿರುತ್ತಾರೆ. ಈ ಬಣ್ಣಗಳು ಈ ರಾಶಿಯವರಲ್ಲಿ ಸಂವಹನ, ಮಾನಸಿಕ ಸ್ಪಷ್ಟತೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ.

ಕರ್ಕಾಟಕ ರಾಶಿ

ಕರ್ಕಾಟಕ ರಾಶಿ – ಗುಲಾಬಿ, ತಿಳಿ ನೀಲಿ, ಹಸಿರು. ಈ ರಾಶಿಯವರು ಹೆಚ್ಚು ಮಾತೃ ಹೃದಯಿಗಳು. ಶಾಂತಿ, ಭದ್ರತೆ, ಭಾವನಾತ್ಮಕ ಸ್ಥಿರತೆ ಅಗತ್ಯ. ಗುಲಾಬಿ, ತಿಳಿ ನೀಲಿ, ಬೆಳ್ಳಿ ಬಣ್ಣಗಳು ಈ ಗುಣಗಳನ್ನು ಬಲಪಡಿಸುತ್ತವೆ.

ಸಿಂಹ ರಾಶಿ

ಸಿಂಹರಾಶಿ – ಚಿನ್ನ, ಹಳದಿ, ಕಿತ್ತಳೆ. ಆತ್ಮವಿಶ್ವಾಸ, ನಾಯಕತ್ವ ಗುಣಗಳು ಈ ರಾಶಿಯವರಿಗೆ ಸಹಜ. ಚಿನ್ನ, ಕಿತ್ತಳೆ, ಹಳದಿ ಬಣ್ಣಗಳು ಇವರ ತೇಜಸ್ಸು, ವ್ಯಕ್ತಿತ್ವವನ್ನು ಹೊರತರುತ್ತವೆ.

ಕನ್ಯಾ ರಾಶಿ

ಕನ್ಯಾ ರಾಶಿ – ತಿಳಿ ಹಸಿರು, ನೀಲಿ. ಶುದ್ಧತೆ, ಶಾಂತಿ, ಆಳವಾದ ಚಿಂತನೆ ಕನ್ಯಾ ರಾಶಿಯವರಿಗೆ ಮುಖ್ಯ. ಈ ಗುಣಗಳನ್ನು ಸಮತೋಲನಗೊಳಿಸಲು ಹಸಿರು, ನೀಲಿ ಬಣ್ಣಗಳು ಸೂಕ್ತ.

ತುಲಾ ರಾಶಿ

ತುಲಾ ರಾಶಿ – ತಿಳಿ ನೀಲಿ, ಪಾಸ್ಟೆಲ್ ಗುಲಾಬಿ. ಸಮತೋಲನ, ನ್ಯಾಯ, ಶಾಂತಿ ಬಯಸುವ ತುಲಾ ರಾಶಿಯವರಿಗೆ ಪಾಸ್ಟೆಲ್ ಬಣ್ಣಗಳು ಉತ್ತಮ. ತಿಳಿ ನೀಲಿ, ಗುಲಾಬಿ ಬಣ್ಣಗಳು ಭಾವನಾತ್ಮಕ ಸಮತೋಲನ ನೀಡುತ್ತವೆ.

ವೃಶ್ಚಿಕ ರಾಶಿ

ವೃಶ್ಚಿಕ ರಾಶಿ – ಕಪ್ಪು, ಕಡುಗೆಂಪು, ಮೆರೂನ್. ಕಲ್ಪನಾಶಕ್ತಿ, ತೀವ್ರತೆ ಇರುವ ವೃಶ್ಚಿಕ ರಾಶಿಯವರಿಗೆ ಕಡು ಬಣ್ಣಗಳು ಸೂಕ್ತ. ಈ ಬಣ್ಣಗಳು ಇವರ ಅಂತರ್ಮುಖಿ ಸ್ವಭಾವಕ್ಕೆ ಬಲ ನೀಡುತ್ತವೆ.

ಧನುಸ್ಸು ರಾಶಿ

ಧನುಸ್ಸು ರಾಶಿ – ನೇರಳೆ, ಕಡು ನೀಲಿ. ಜ್ಞಾನ, ಸಂಶೋಧನೆ, ಆಧ್ಯಾತ್ಮದಲ್ಲಿ ಆಸಕ್ತಿ ಇರುವ ಧನುಸ್ಸು ರಾಶಿಯವರಿಗೆ ನೇರಳೆ, ಕಡು ನೀಲಿ ಬಣ್ಣಗಳು ಆಧ್ಯಾತ್ಮಿಕ ಬೆಳವಣಿಗೆಗೆ ಸಹಾಯಕ.

ಮಕರ ರಾಶಿ

ಮಕರ ರಾಶಿ – ಕಂದು, ಬೂದು, ನೇವಿ ಬ್ಲೂ. ಪ್ರಾಮಾಣಿಕತೆ, ಶಿಸ್ತು, ಸ್ಥಿರತೆಗೆ ಮಹತ್ವ ನೀಡುವ ಮಕರ ರಾಶಿಯವರಿಗೆ ಮಣ್ಣಿನ ಬಣ್ಣಗಳು ಸೂಕ್ತ. ಇವು ಇವರ ಗುರಿ ಸಾಧನೆಗೆ ಬೆಂಬಲ ನೀಡುತ್ತವೆ.

ಕುಂಭ ರಾಶಿ

ಕುಂಭರಾಶಿ – ಎಲೆಕ್ಟ್ರಿಕ್ ನೀಲಿ, ನೇರಳೆ. ಹೊಸ ಆಲೋಚನೆಗಳು, ಸ್ವಾತಂತ್ರ್ಯ ಬಯಸುವ ಕುಂಭ ರಾಶಿಯವರಿಗೆ ಎಲೆಕ್ಟ್ರಿಕ್ ನೀಲಿ, ನೇರಳೆ ಬಣ್ಣಗಳು ಮಾನಸಿಕ ಸ್ಪಷ್ಟತೆ, ಸೃಜನಶೀಲತೆ ನೀಡುತ್ತವೆ.

ಮೀನ ರಾಶಿ

ಮೀನ ರಾಶಿ – ಲ್ಯಾವೆಂಡರ್, ಸಮುದ್ರ ನೀಲಿ, ತಿಳಿ ಹಸಿರು. ಕನಸಿನ ಲೋಕದ ಮೀನ ರಾಶಿಯವರು ಭಾವನಾತ್ಮಕರು. ಇವರಿಗೆ ವಿಶ್ರಾಂತಿ, ಅಂತರ್ಮುಖಿತನ ನೀಡುವ ಲ್ಯಾವೆಂಡರ್, ತಿಳಿ ನೀಲಿ, ತಿಳಿ ಹಸಿರು ಬಣ್ಣಗಳು ಸೂಕ್ತ.