ಇಷ್ಟೊಂದು ಟೆಕ್ನಾಲಜಿ ಮುಂದುವರೆದಿರುವ ಈ ಕಾಲದಲ್ಲೂ ಜ್ಯೋತಿಷ್ಯ ಶಾಸ್ತ್ರವನ್ನು ನಂಬುವವರು ಬಹಳಷ್ಟು ಜನ ಇದ್ದಾರೆ. ನಾವು ಹುಟ್ಟಿದ ದಿನಾಂಕ, ಸಮಯ ನಮ್ಮ ಜೀವನದಲ್ಲಿ ಆಗುವ ಬದಲಾವಣೆಗಳ ಮೇಲೆ ಪರಿಣಾಮ ಬೀರುತ್ತದೆ ಅಂತ ನಂಬುತ್ತಾರೆ.
ನಾವು ಹುಟ್ಟಿದ ದಿನಾಂಕದ ಆಧಾರದ ಮೇಲೆ ನಮ್ಮ ಭವಿಷ್ಯ ಹೇಗಿರುತ್ತದೆ ಅಂತ ಹೇಳೋಕೆ ಸಂಖ್ಯಾಶಾಸ್ತ್ರವನ್ನು ಉಪಯೋಗಿಸುತ್ತಾರೆ. ಸಂಖ್ಯಾಶಾಸ್ತ್ರದ ಪ್ರಕಾರ ಒಬ್ಬ ಮನುಷ್ಯನ ವ್ಯಕ್ತಿತ್ವ, ಅವರ ಆಲೋಚನೆ ಮೇಲೆ ಅವರು ಹುಟ್ಟಿದ ದಿನಾಂಕ ಪರಿಣಾಮ ಬೀರುತ್ತದೆ ಅಂತ ಹೇಳ್ತಾರೆ. ಸಂಖ್ಯಾಶಾಸ್ತ್ರದಲ್ಲಿ ಕೆಲವು ದಿನಾಂಕಗಳನ್ನು ರಾಡಿಕ್ಸ್ ನಂಬರ್ ಅಂತ ವಿಂಗಡಿಸಿದ್ದಾರೆ. ರಾಡಿಕ್ಸ್ ನಂಬರ್ 4, 7 ರಲ್ಲಿ ಹುಟ್ಟಿದವರ ಜೀವನದಲ್ಲಿ ಬಹಳ ಟ್ವಿಸ್ಟ್ ಇರುತ್ತೆ. ಮುಖ್ಯವಾಗಿ ಇವರ ಜೊತೆ ಜೀವನ ಮಾಡೋದು ಕಷ್ಟ, ಅಷ್ಟೇ ಅಲ್ಲ ಇವರ ಜೊತೆ ಸಂಬಂಧ ಅಪಾಯಕಾರಿ ಅಂತ ಕೂಡ ಶಾಸ್ತ್ರ ಹೇಳುತ್ತೆ.
ರಾಡಿಕ್ಸ್ 4,7 ನಂಬರ್ ಗಳಿಗೆ ರಾಹುವು ಅಧಿಪತಿಯಾಗಿರುತ್ತಾನೆ. ಹಾಗೇ ಇವರ ಮೇಲೆ ಕೇತು ಗ್ರಹದ ಪ್ರಭಾವ ಕೂಡ ಹೆಚ್ಚಾಗಿ ಇರುತ್ತದೆ. ಇದರಿಂದ ಇವರ ಆಲೋಚನೆ ಬಹಳ ವಿಭಿನ್ನವಾಗಿರುತ್ತದೆ. ಇವರನ್ನು ಅರ್ಥ ಮಾಡಿಕೊಳ್ಳುವುದು ಕಷ್ಟ. ವೈಯಕ್ತಿಕವಾಗಿ ಉನ್ನತ ಸ್ಥಾನಕ್ಕೆ ತಲುಪಿದರೂ ಇವರನ್ನು ನಂಬಿಕೊಂಡವರನ್ನು, ಮುಖ್ಯವಾಗಿ ಇವರ ಜೊತೆ ಸಂಬಂಧದಲ್ಲಿ ಇರುವವರನ್ನು ಮೋಸ ಮಾಡುವ ಸ್ವಭಾವ ಇವರಲ್ಲಿ ಹೆಚ್ಚಾಗಿರುವ ಸಾಧ್ಯತೆ ಇರುತ್ತದೆ. ರಾಡಿಕ್ಸ್ 4, 7 ರಲ್ಲಿ ಯಾವ್ಯಾವ ದಿನಾಂಕಗಳು ಇರುತ್ತವೆ? ಇವರ ಮನಸ್ಥಿತಿ ಹೇಗಿರುತ್ತದೆ?
ರಾಡಿಕ್ಸ್ ನಂಬರ್ 4:
4, 13, 22 ಈ ದಿನಾಂಕಗಳಲ್ಲಿ ಹುಟ್ಟಿದವರು ರಾಡಿಕ್ಸ್ ನಂಬರ್ 4 ಕೆಳಗೆ ಬರುತ್ತಾರೆ. ಇವರ ಮೇಲೆ ರಾಹು ಗ್ರಹದ ಪ್ರಭಾವ ಹೆಚ್ಚಾಗಿ ಇರುತ್ತದೆ. ಇವರು ವೈಯಕ್ತಿಕವಾಗಿ ಉನ್ನತ ಸ್ಥಾನಕ್ಕೆ ತಲುಪುತ್ತಾರೆ. ಇವರಲ್ಲಿ ನಾಯಕತ್ವದ ಗುಣಗಳು ಹೆಚ್ಚಾಗಿ ಇರುತ್ತವೆ. ಒಳ್ಳೆಯ ವ್ಯಾಪಾರಸ್ಥರಾಗಿ ಉನ್ನತ ಸ್ಥಾನಕ್ಕೆ ತಲುಪುತ್ತಾರೆ. ಆದರೆ ಇವರಲ್ಲಿ ಕೆಟ್ಟ ಗುಣಗಳು ಹೆಚ್ಚಾಗಿ ಇರುತ್ತವೆ. ಬೇಗನೆ ಕೆಟ್ಟ ಚಟಗಳಿಗೆ ದಾಸರಾಗುವ ಸಾಧ್ಯತೆ ಇರುತ್ತದೆ.
ಮುಖ್ಯವಾಗಿ ಗ್ಯಾಂಬ್ಲಿಂಗ್, ಡ್ರಗ್ಸ್ ಗೆ ದಾಸರಾಗುತ್ತಾರೆ. ಹಾಗೇ ಇವರು ತಮ್ಮ ಪಾರ್ಟನರ್ ಜೊತೆ ಕೂಡ ನಿಜವಾಗಿ ಇರಲ್ಲ. ಒಂದಕ್ಕಿಂತ ಹೆಚ್ಚು ಜನರ ಜೊತೆ ರಿಲೇಷನ್ ಶಿಪ್ ನಲ್ಲಿ ಇರುತ್ತಾರೆ. ಈ ದಿನಾಂಕಗಳಲ್ಲಿ ಹುಟ್ಟಿದವರು ಡಿವೋರ್ಸ್ ತೆಗೆದುಕೊಳ್ಳುವ ಸಾಧ್ಯತೆ ಹೆಚ್ಚಾಗಿ ಇರುತ್ತದೆ.
ರಾಡಿಕ್ಸ್ ನಂಬರ್ 7:
7, 16, 25 ಈ ದಿನಾಂಕಗಳಲ್ಲಿ ಹುಟ್ಟಿದವರು ರಾಡಿಕ್ಸ್ ನಂಬರ್ 7 ಲಿಸ್ಟ್ ಗೆ ಬರುತ್ತಾರೆ. ಈ ದಿನಾಂಕಗಳಲ್ಲಿ ಹುಟ್ಟಿದವರು ಬಹಳ ಒಳ್ಳೆಯವರು ಆದರೆ ಕಷ್ಟಗಳನ್ನು ಎದುರಿಸುತ್ತಾರೆ. ಮುಖ್ಯವಾಗಿ ಪಾರ್ಟನರ್ ಜೊತೆ ನಿಜವಾಗಿ ಇರುತ್ತಾರೆ. ಆದರೆ ಇವರನ್ನು ಎದುರುಗಡೆ ಇರುವ ವ್ಯಕ್ತಿ ಅರ್ಥ ಮಾಡಿಕೊಳ್ಳುವುದಿಲ್ಲ. ಪ್ರೀತಿಯಲ್ಲಿ ಫೇಲ್ ಆಗ್ತಾರೆ. ಜೀವನದಲ್ಲಿ ಗಂಡ ಹೆಂಡತಿ ಮಧ್ಯೆ ಜಗಳಗಳು ಹೆಚ್ಚಾಗಿ ಬರುತ್ತವೆ. ಪ್ರೇಮ ಜೀವನದಲ್ಲಿ, ವೈವಾಹಿಕ ಜೀವನದಲ್ಲಿ ತೊಂದರೆಗಳು ಹೆಚ್ಚಾಗಿ ಬರುವ ಸಾಧ್ಯತೆ ಇರುತ್ತದೆ.