ರಸ್ತೆಯಲ್ಲಿ ಇರಿಸುವ ಇಂತಹ ವಸ್ತುಗಳ ಮೇಲೆ ಕಾಲಿಟ್ಟರೆ ಏನಾಗುತ್ತೆ?

ಮೂರು ರಸ್ತೆ ಸೇರುವ ಜಾಗದಲ್ಲಿ ಬಿದ್ದಿರುವ ನಿಂಬೆಹಣ್ಣು, ಕುಂಕುಮ, ಅರಿಶಿನದ ಮೇಲೆ ಕಾಲಿಡಬಾರದು ಅಂತ ಮನೆಯಲ್ಲಿ ದೊಡ್ಡವರು ಹೇಳೋದನ್ನ ಕೇಳಿರ್ತೀವಿ. ಯಾಕೆ ಹೇಳ್ತಾರೆ ಗೊತ್ತಾ? 

ಇವತ್ತಿಗೂ ಕೆಲವು ವಿಷಯಗಳನ್ನ ಜನರು ನಂಬುತ್ತಾರೆ. ರಸ್ತೆಯಲ್ಲಿ ಬಿದ್ದಿರುವ ಮಂತ್ರಿಸಿದ ಅರಿಶಿನ, ಕುಂಕುಮ, ನಿಂಬೆಹಣ್ಣುಗಳ ಮೇಲೆ ಕಾಲಿಡಬಾರದು. ಮೂರು ರಸ್ತೆ ಸೇರುವ ಜಾಗದಲ್ಲಿ ಸಾಯಂಕಾಲ ನಡೆಯಬಾರದು ಅಂತ ಕೆಲವು ವಿಷಯಗಳನ್ನ ಒಂದು ವರ್ಗದ ಜನರು ಕಡ್ಡಾಯವಾಗಿ ಪಾಲಿಸ್ತಾರೆ. ತಪ್ಪಾಗಿ ಇವುಗಳ ಮೇಲೆ ಕಾಲಿಟ್ಟರೆ ಏನಾಗುತ್ತೆ? ಜ್ಯೋತಿಷಿಗಳು ಏನು ಹೇಳ್ತಾರೆ? 

ಇದರಿಂದ ಏನೋ ಕೆಟ್ಟದ್ದಾಗುತ್ತೆ ಅಂತ ನಂಬುವವರು ತುಂಬಾ ಜನರಿದ್ದಾರೆ. ನಿಜಕ್ಕೂ ಇದಕ್ಕೆ ಯಾವುದೇ ವೈಜ್ಞಾನಿಕ ಆಧಾರ ಇಲ್ಲ. ಆದ್ರೆ ಜ್ಯೋತಿಷ್ಯದಲ್ಲಿ ಈ ವಿಷಯಗಳಿಗೆ ತುಂಬಾ ಮಹತ್ವ ಇದೆ. ಜ್ಯೋತಿಷ್ಯದ ಪ್ರಕಾರ ರಸ್ತೆಯಲ್ಲಿ ಯಾವ್ಯಾವ ವಸ್ತುಗಳ ಮೇಲೆ ಕಾಲಿಡಬಾರದು ಅಂತ ಈಗ ತಿಳ್ಕೊಳ್ಳೋಣ. 

ಸತ್ತ ಪ್ರಾಣಿಗಳು, ಸುಟ್ಟ ಮರ

ಜ್ಯೋತಿಷ್ಯದ ಪ್ರಕಾರ ಸತ್ತ ಪ್ರಾಣಿಗಳ ಮೇಲೆ ತಪ್ಪಾಗಿಯಾದ್ರೂ ಕಾಲಿಡೋದು ಒಳ್ಳೆಯದಲ್ಲ. ಇದು ಪಾಪ ಮಾಡಿದ್ದಕ್ಕೆ ಸಮ. ಸತ್ತ ಪ್ರಾಣಿಗಳ ದೇಹದಿಂದ ಹೊರಬರುವ ನೆಗೆಟಿವ್ ಎನರ್ಜಿ ನಿಮ್ಮ ಮೇಲೂ ಪರಿಣಾಮ ಬೀರುತ್ತೆ ಎಂದು ಹೇಳುತ್ತಾರೆ. 

ಸುಟ್ಟ ಮರ ಎರಡು ವಿಷಯಗಳ ಸಂಕೇತ. ಒಂದು ಆ ಮರದಿಂದ ಜನರನ್ನ ದಹನ ಮಾಡಿರಬಹುದು. ಇಲ್ಲಾ ಆ ಮರವನ್ನ ಉಪಯೋಗಿಸಿ ಯಾವುದೋ ತಾಂತ್ರಿಕ ಪರಿಹಾರ ಮಾಡಿರಬಹುದು. ಅದಕ್ಕೆ ರಸ್ತೆಯಲ್ಲಿ ಬಿದ್ದಿರುವ ಸುಟ್ಟ ಮರದ ಮೇಲೆ ತಪ್ಪಾಗಿಯಾದ್ರೂ ಕಾಲಿಡಬಾರದು ಅಂತ ಜ್ಯೋತಿಷಿಗಳು ಹೇಳ್ತಾರೆ. 

ಕೂದಲು

ಜ್ಯೋತಿಷಿಗಳ ಪ್ರಕಾರ, ಒಳ್ಳೆಯದೋ ಕೆಟ್ಟದ್ದೋ ಈ ಎನರ್ಜಿ ಮೊದಲು ತಲೆಯ ಮೂಲಕನೇ ದೇಹ ಸೇರುತ್ತೆ ಅಂತಾರೆ. ಅದಕ್ಕೆ ಈ ರೀತಿಯ ಸನ್ನಿವೇಶದಲ್ಲಿ ಒಂದು ಶಕ್ತಿ ಕೂದಲಲ್ಲೂ ಬೆಳೆಯುತ್ತೆ ಅಂತ ನಂಬ್ತಾರೆ. ಹಾಗಾಗಿ ರಸ್ತೆಯಲ್ಲಿ ಬಿದ್ದಿರುವ ಕೂದಲ ಮೇಲೆ ಕಾಲಿಡಬೇಡಿ. 

ಅನ್ನ

ಏನೇ ಇರಲಿ, ಅನ್ನವನ್ನ ಅವಮಾನ ಮಾಡಬಾರದು. ಅನ್ನವನ್ನ ಅವಮಾನ ಮಾಡೋದು ದೇವರನ್ನ ಅವಮಾನ ಮಾಡಿದಂಗೆ. ಅದಕ್ಕೆ ಅನ್ನನ ಮಿತ್ರಬಾರ್ದು ಅಂತಾರೆ. ಇದರ ಜೊತೆಗೆ ಧಾನ್ಯಗಳನ್ನ ಮಂತ್ರಕ್ಕೂ ಉಪಯೋಗಿಸ್ತಾರೆ. ಹಾಗಾಗಿ ರಸ್ತೆಯಲ್ಲಿ ಬಿದ್ದಿರುವ ಅನ್ನದ ಮೇಲೆ ನಡೆಯೂಬಾರದು.

ನಿಂಬೆಹಣ್ಣು, ಅರಿಶಿನ

ದೊಡ್ಡವರು ಹೇಳಿದಂಗೆ ಬಳೆಗಳು, ಕುಂಕುಮ, ಅರಿಶಿನ, ಕರ್ಪೂರ, ಕಪ್ಪು ಬಟ್ಟೆಗಳು, ಹರಿದ ಚಪ್ಪಲಿಗಳು, ನಿಂಬೆಹಣ್ಣು, ಮೆಣಸಿನಕಾಯಿ, ಲವಂಗ ರಸ್ತೆಯಲ್ಲಿ ಇದ್ರೆ ಅವುಗಳ ಮೇಲೆ ತಪ್ಪಾಗಿಯಾದ್ರೂ ಕಾಲಿಡಬೇಡಿ. ಇಲ್ಲಾಂದ್ರೆ ನೆಗೆಟಿವ್ ಎನರ್ಜಿ ದೇಹ ಸೇರುತ್ತೆ.