ಹಿಂದೂ ಧರ್ಮದಲ್ಲಿ ವೀಳ್ಯದೆಲೆಗೆ ಪ್ರಮುಖ ಸ್ಥಾನವಿದೆ. ವೀಳ್ಯದೆಲೆಯನ್ನು ಪೂಜೆ ಮತ್ತು ಶುಭ ಕಾರ್ಯಗಳಲ್ಲಿ ಬಳಸಲಾಗುತ್ತದೆ. ವೀಳ್ಯದೆಲೆಯನ್ನು ಬಹಳ ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ಇದನ್ನು ದಿಂಬಿನ ಕೆಳಗೆ ಇಟ್ಟು ಮಲಗೋದರ ಪ್ರಯೋಜನ ಏನು ತಿಳಿಯೋಣ.
ಹಿಂದೂ ಧರ್ಮದಲ್ಲಿ (Hindu Dharma) ವೀಳ್ಯದೆಲೆಗೆ ಪ್ರಮುಖ ಸ್ಥಾನವಿದೆ. ವೀಳ್ಯದೆಲೆಯನ್ನು ಪೂಜೆ ಮತ್ತು ಶುಭ ಕಾರ್ಯಗಳಲ್ಲಿ ಬಳಸಲಾಗುತ್ತದೆ. ಇದನ್ನು ಬಹಳ ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ಧಾರ್ಮಿಕ ದೃಷ್ಟಿಕೋನದಿಂದ ಮಾತ್ರವಲ್ಲದೆ ಜ್ಯೋತಿಷ್ಯದಲ್ಲಿಯೂ, ವೀಳ್ಯದೆಲೆಗೆ ಸಂಬಂಧಿಸಿದ ಅನೇಕ ಪರಿಹಾರಗಳನ್ನು ವಿವರಿಸಲಾಗಿದೆ, ಇದು ತುಂಬಾ ಪರಿಣಾಮಕಾರಿ ಎಂದು ಸಹ ಹೇಳಲಾಗುವುದು. ಜ್ಯೋತಿಷ್ಯದಲ್ಲಿ ವೀಳ್ಯದೆಲೆಯನ್ನು (betel leaf) ದಿಂಬಿನ ಕೆಳಗೆ ಇಡೋದರಿಂದ ಹಲವು ಪ್ರಯೋಜನಗಳಿವೆ ಎಂದು ಹೇಳಲಾಗಿದೆ. ಅದು ಯಾಕೆ ಅನ್ನೋದನ್ನು ತಿಳಿಯೋಣ.
ವೀಳ್ಯದೆಲೆಯನ್ನು ದಿಂಬಿನ ಕೆಳಗೆ ಏಕೆ ಇಡಬೇಕು?
ಜ್ಯೋತಿಷ್ಯದ ಪ್ರಕಾರ, ವೀಳ್ಯದೆಲೆಗಳು ಬುಧ ಗ್ರಹಕ್ಕೆ ಸಂಬಂಧಿಸಿವೆ. ಬುಧ ಗ್ರಹವನ್ನು ಬುದ್ಧಿವಂತಿಕೆ, ವಿವೇಚನೆ, ವ್ಯಕ್ತಿತ್ವ ಇತ್ಯಾದಿಗಳ ಅಂಶವೆಂದು ಪರಿಗಣಿಸಲಾಗುತ್ತದೆ. ಇದಲ್ಲದೆ, ಎಲ್ಲಾ ಗ್ರಹಗಳು ದೇಹದ ಕೆಲವು ಭಾಗಗಳಿಗೆ ಸಂಬಂಧಿಸಿರುವಂತೆಯೇ, ಬುಧ ಗ್ರಹವು ಹಲ್ಲುಗಳು, ಕುತ್ತಿಗೆ, ಭುಜಗಳು ಮತ್ತು ಚರ್ಮಕ್ಕೆ ಸಂಬಂಧಿಸಿದೆ.
ವೀಳ್ಯದೆಲೆಯನ್ನು ದಿಂಬಿನ ಕೆಳಗೆ (under the pillow) ಇಡುವ ಮೂಲಕ, ಜಾತಕದಲ್ಲಿ ಬುಧ ಗ್ರಹದ ಸ್ಥಾನವು ಬಲಗೊಳ್ಳುತ್ತದೆ. ಬುಧ ಗ್ರಹದಿಂದ ಶುಭ ಫಲಿತಾಂಶಗಳು ಜೀವನದಲ್ಲಿ ಕಾಣಿಸಿಕೊಳ್ಳಲು ಪ್ರಾರಂಭಿಸುತ್ತವೆ. ಬುಧನ ಮಂಗಳಕರತೆಯಿಂದಾಗಿ, ವ್ಯಕ್ತಿಯ ಬುದ್ಧಿಶಕ್ತಿ ತೀಕ್ಷ್ಣವಾಗಿರುತ್ತದೆ ಮತ್ತು ತೀಕ್ಷ್ಣವಾದ ಬುದ್ಧಿವಂತಿಕೆಯಿಂದಾಗಿ ವೃತ್ತಿ ಇತ್ಯಾದಿಗಳಲ್ಲಿ ಯಶಸ್ಸನ್ನು ಸಾಧಿಸುವುದು ಸುಲಭವಾಗುತ್ತದೆ.
ಇದಲ್ಲದೆ, ವೀಳ್ಯದೆಲೆಯನ್ನು ದಿಂಬಿನ ಕೆಳಗೆ ಇಡುವುದು ಮನಸಿನಲ್ಲಿ ನಕಾರಾತ್ಮಕ ಆಲೋಚನೆಗಳು (negative thinking) ಬಾರದಂತೆ ತಡೆಯುತ್ತೆ. ಯಾವುದೇ ರೀತಿಯ ಒತ್ತಡವು ತೊಂದರೆ ನೀಡುವುದಿಲ್ಲ. ನೀವು ಮಾನಸಿಕ ಶಾಂತಿಯನ್ನು ಪಡೆಯುತ್ತೀರಿ ಮತ್ತು ಮನಸ್ಸಿನಲ್ಲಿ ಸಕಾರಾತ್ಮಕತೆ ಹುಟ್ಟಲು ಪ್ರಾರಂಭಿಸುತ್ತದೆ. ಅಲ್ಲದೆ, ಬುಧನ ಸಂಯೋಗದಲ್ಲಿ ರೂಪುಗೊಂಡ ಗ್ರಹಗಳು ಸಹ ಪ್ರಯೋಜನಕಾರಿಯಾಗಿರುತ್ತವೆ.
ವೀಳ್ಯದೆಲೆಯನ್ನು ದಿಂಬಿನ ಕೆಳಗೆ ಇಡುವ ಮೊದಲು, ಅದನ್ನು ಗಂಗಾ ನೀರಿನಲ್ಲಿ ನೆನೆಸಿಡಿ. ಅದರ ನಂತರ, ಅದನ್ನು ಕೆಂಪು ಬಟ್ಟೆಯಲ್ಲಿ ಸುತ್ತಿ ದಿಂಬಿನ ಕೆಳಗೆ ಇರಿಸಿ. ಮನೆಯಲ್ಲಿ ಗಂಗಾ ನೀರು ಇಲ್ಲದಿದ್ದರೆ ನೀವು ತುಳಸಿ ನೀರನ್ನು ಸಹ ಬಳಸಬಹುದು. ಇದು ಕೂಡ ಶುಭಫಲ (good luck) ನೀಡುತ್ತೆ.
ನೀವು ಕೂಡ ಮನಸಿನಲ್ಲಿ ನಕಾರಾತ್ಮಕ ಆಲೋಚನೆಯಿಂದಾಗಿ ರಾತ್ರಿ ಹೊತ್ತು ನಿದ್ರೆ ಇಲ್ಲದೇ ಬಳಲುತ್ತಿದ್ದರೆ, ಇವತ್ತೆ ವೀಳ್ಯದೆಲೆಯನ್ನು ದಿಂಬಿನ ಕೆಳಗಿಟ್ಟು ಮಲಗಿ ಫಲಿತಾಂಶ ನೋಡಿ. ಎಲ್ಲವೂ ಒಳ್ಳೆಯದ್ದೇ ಆಗುತ್ತದೆ.