15 ನಿಮಿಷದಲ್ಲಿ ಫುಲ್ ಚಾರ್ಜ್, ಬೆಂಗಳೂರು ಕಂಪನಿಯಿಂದ ವಿಶ್ವದ ಫಾಸ್ಟೆಸ್ಟ್ ಚಾರ್ಜಿಂಗ್ ಇವಿ ಬಿಡುಗಡೆ!

ಬೆಂಗಳೂರು ಸ್ಟಾರ್ಟ್ಅಪ್ ಕಂಪನಿಗಳ ತವರು. ಅದರಲ್ಲೂ ಅತೀ ಹೆಚ್ಚಿನ ಎಲೆಕ್ಟ್ರಿಕ್ ವಾಹನ ಉದ್ಯಮ ಬೆಂಗಳೂರಿನಲ್ಲೇ ಕಾರ್ಯನಿರ್ವಹಿಸುತ್ತಿದೆ. ಇದೀಗ ಅಲ್ಟಿಗ್ರೀನ್ ಇವಿ ಕಂಪನಿ ವಿಶ್ವದಲ್ಲೇ ಅತೀ ಶೀಘ್ರದಲ್ಲೇ ಚಾರ್ಜ್ ಆಗಬಲ್ಲ ಎಲೆಕ್ಟ್ರಿಕ್ ವಾಹನ ಬಿಡುಗಡೆ ಮಾಡಿದೆ. ಕೇವಲ 15 ನಿಮಿಷದಲ್ಲಿ ಫುಲ್ ಚಾರ್ಜ್ ಆಗಲಿದೆ.  

ಅಲ್ಟಿಗ್ರೀನ್ ಸ್ಟಾರ್ಟ್ ಅಪ್ ಕಂಪನಿ ಬಿಡುಗಡೆ ಮಾಡಿರುವ ತ್ರಿಚಕ್ರ ವಾಹನ ಕೇವಲ 15 ನಿಮಿಷದಲ್ಲಿ ಸಂಪೂರ್ಣ ಚಾರ್ಜ್ ಆಗಲಿದೆ. ಶೂನ್ಯದಿಂದ ಸಂಪೂರ್ಣ ಚಾರ್ಜ್‌ಗೆ ಕೇವಲ 15 ನಿಮಿಷ ಮಾತ್ರ.

ಇದು ವಾಣಿಜ್ಯ ಉದ್ದೇಶಕ್ಕಾಗಿ ಬಳಸುವ ಕಾರ್ಗೋ ವಾಹನವಾಗಿದೆ. ಅಲ್ಟಿಗ್ರೀನ್ ಸ್ಟಾರ್ಟ್ ಅಪ್ ಕಂಪನಿ ಲೋ ಡೆಕ್, ಹೈಡೆಕ್, neEV ತೆಜ್ ಎಂಬ ವೇರಿಯೆಂಟ್ ಕಾರ್ಗೋಗಳನ್ನು ಬಿಡುಗಡೆ ಮಾಡಿದೆ.

ಅಲ್ಟಿಗ್ರೀನ್ ಕಂಪನಿಯ ಎಲ್ಲಾ ಕಾರ್ಗೋ ವಾಹನಗಳು ಕೇವಲ 15 ನಿಮಿಷದಲ್ಲಿ ಚಾರ್ಜ್ ಆಗಲಿದೆ. 8.2kWh ಬ್ಯಾಟರಿ ಪ್ಯಾಕ್ ಹೊಂದಿರುವ  ಕಾರ್ಗೋ ವಾಹನಗಳು ದೇಶದ ಯಾವುದೇ ಮೂಲೆಯಲ್ಲೂ ಬುಕ್ ಮಾಡಿದರೂ ಡೆಲವರಿ ಆಗಲಿದೆ.

ಅಲ್ಟಿಗ್ರೀನ್ ಸ್ಟಾರ್ಟ್‌ಅಪ್ ಕಾರ್ಗೋ ಎಲೆಕ್ಟ್ರಿಕ್ ವಾಹನದ ಬೆಲೆ 3.55 ಲಕ್ಷ ರೂಪಾಯಿ ಬೆಲೆಯಿಂದ ಆರಂಭಗೊಳ್ಳುತ್ತಿದೆ. ನೂತನ ಕಾರ್ಗೋ ವಾಹನ ಚಾರ್ಜಿಂಗ್ ಸಮಸ್ಯೆಗೆ ಪರಿಹಾರ ನೀಡಿದೆ.

ಸದ್ಯ ಲಭ್ಯವಿರುವ ಕಾರ್ಗೋ ಅಥವಾ ಯಾವುದೇ ಎಲೆಕ್ಟ್ರಿಕ್ ವಾಹನಗಳು ಕನಿಷ್ಠ 1 ಗಂಟೆ ಚಾರ್ಜಿಂಗ್ ಸಮಯ ತೆಗೆದುಕೊಳ್ಳಲಿದೆ. ಈ ಸಮಸ್ಯೆಯಿಂದಾಗಿ ಹಲವರು ಎಲೆಕ್ಟ್ರಿಕ್ ಕಾರುಗಳತ್ತ ಮುಖ ಮಾಡುತ್ತಿಲ್ಲ.

ಅಲ್ಟಿಗ್ರೀನ್ ಕಾರ್ಗೋ ವಾಹನಗಳ ಸುರಕ್ಷತೆಯನ್ನು ಪರೀಕ್ಷೆ ಮಾಡಲಾಗಿದೆ. ಉರಿಬಿಸಿಲ ವಾತಾವರ, ತಂಪು ಹಾಗೂ ಮಳೆಗಾಲದಲ್ಲೂ ವಾಹನ ಪರೀಕ್ಷಿಸಲಾಗಿದೆ. 

ಬೆಂಗಳೂರು ಮೂಲಕ ಅಲ್ಟಿಗ್ರೀನ್ ಸ್ಟಾರ್ಟ್ ಅಪ್ ಕಂಪನಿ ಇದೀಗ ಎಲೆಕ್ಟ್ರಿಕ್ ಆಟೋರಿಕ್ಷಾ ಬಿಡುಗಡೆ ಮಾಡಿದೆ. ಎನರ್ಜಿ ಸ್ಟಾರ್ಟ್‌ಅಪ್ ಕಂಪನಿ ಜೊತೆ ಸೇರಿ ಈ ತ್ರಿಚಕ್ರ ವಾಹನ ಬಿಡುಗಡೆ ಮಾಡಲಾಗಿದೆ.