180 ಕೋಟಿ ಆಸ್ತಿ, ಖಾಸಗಿ ಜೆಟ್: IPL ಹೊಸ ತಂಡದ ಮಾಲೀಕ ಸಂಜೀವ್ ಗೋಯೆಂಕಾ ಐಷಾರಾಮಿ ಲೈಫ್!
First Published Oct 26, 2021, 12:59 PM ISTಎರಡು ಹೊಸ ತಂಡಗಳೊಂದಿಗೆ ಇಂಡಿಯನ್ ಪ್ರೀಮಿಯರ್ ಲೀಗ್‌ (ಐಪಿಎಲ್) ಹೊಸ ಅಧ್ಯಾಯ ಪ್ರಾರಂಭವಾಗಿದೆ. ಮುಂಬರುವ 2022ರಿಂದ, ಐಪಿಎಲ್‌ನಲ್ಲಿ 10 ತಂಡಗಳು ಭಾಗವಹಿಸುತ್ತವೆ. ಎರಡು ಹೊಸ ಐಪಿಎಲ್ ಫ್ರಾಂಚೈಸಿಗಳು ಅಹಮದಾಬಾದ್ ಮತ್ತು ಲಕ್ನೋ ಎಂದು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಸೋಮವಾರ ಪ್ರಕಟಿಸಿದೆ. ಖಾಸಗಿ ಇಕ್ವಿಟಿ ಮತ್ತು ಹೂಡಿಕೆ ಸಲಹಾ ಸಂಸ್ಥೆಯಾದ ಸಿವಿಸಿ ಕ್ಯಾಪಿಟಲ್ ಪಾರ್ಟ್‌ನರ್ಸ್ ಅಹಮದಾಬಾದ್ ತಂಡದ ಹರಾಜಿನಲ್ಲಿ ಗೆದ್ದರೆ, ಆರ್‌ಪಿಎಸ್‌ಜಿ ಗ್ರೂಪ್ ಲಕ್ನೋ ಫ್ರಾಂಚೈಸಿಯ ಬಿಡ್ ಗೆದ್ದಿದೆ. ಆರ್‌ಪಿಎಸ್‌ಜಿ ಕಂಪನಿಯ ಮಾಲೀಕ ಸಂಜೀವ್ ಗೋಯೆಂಕಾ ಅವರು 7,090 ಕೋಟಿ ರೂಪಾಯಿಗೆ ಬಿಡ್ ಮಾಡುವ ಮೂಲಕ ತಂಡವನ್ನು ಗೆದ್ದಿದ್ದಾರೆ.