ಲಾರ್ಡ್ಸ್ ಟೆಸ್ಟ್: ಮೂರನೇ ದಿನ ಭಾರತದ ಪ್ರದರ್ಶನ ಹೇಗಿತ್ತು?

ಲಾರ್ಡ್ಸ್‌ನಲ್ಲಿ ನಡೆದ ಮೂರನೇ ದಿನದಾಟ ರೋಚಕತೆ ಹಾಗೂ ಜಿದ್ದಾಜಿದ್ದಿನಿಂದ ಕೂಡಿತ್ತು. ಈ ಸಮತೋಲಿತ ಟೆಸ್ಟ್‌ನಲ್ಲಿ ನಾಲ್ಕನೇ ದಿನದ ರೋಚಕ ಆಟಕ್ಕೆ ವೇದಿಕೆ ಸಜ್ಜಾಗಿದೆ.

ಭಾರತದ ದಿನ 3ರ ಪ್ರದರ್ಶನದ ಮುಖ್ಯಾಂಶಗಳು

ಶನಿವಾರ, ಜುಲೈ 12 ರಂದು ಲಾರ್ಡ್ಸ್‌ನಲ್ಲಿ ನಡೆದ ಇಂಗ್ಲೆಂಡ್ ಮತ್ತು ಭಾರತ ನಡುವಿನ ಮೂರನೇ ಟೆಸ್ಟ್‌ನ ಮೂರನೇ ದಿನವು ಭಾರತೀಯ ಬ್ಯಾಟ್ಸ್‌ಮನ್‌ಗಳ ದಿಟ್ಟ ಪ್ರದರ್ಶನಕ್ಕೆ ಸಾಕ್ಷಿಯಾಯಿತು.

ಭಾರತವನ್ನು 387 ರನ್‌ಗಳಿಗೆ ಆಲೌಟ್ ಮಾಡಿ ಮೊದಲ ಇನ್ನಿಂಗ್ಸ್‌ನ ಮೊತ್ತವನ್ನು ಸಮಗೊಳಿಸಿದ ನಂತರ, ಇಂಗ್ಲೆಂಡ್ ಮೂರನೇ ದಿನದಂತ್ಯಕ್ಕೆ 2/0 ರನ್ ಗಳಿಸಿತು. ಜಾಕ್ ಕ್ರಾಲಿ ಮತ್ತು ಬೆನ್ ಡಕೆಟ್ 2 ಮತ್ತು 0 ರನ್ ಗಳಿಸಿದ್ದಾರೆ, ಮತ್ತು 4 ನೇ ದಿನಕ್ಕೆ 2 ರನ್‌ಗಳ ಮುನ್ನಡೆ ಸಾಧಿಸಿದ್ದಾರೆ. 

ಆ ಲೇಖನದಲ್ಲಿ ಲಾರ್ಡ್ಸ್ ಟೆಸ್ಟ್‌ನ ಮೂರನೇ ದಿನ ಭಾರತದ ಪ್ರದರ್ಶನ ಹೇಗಿತ್ತು ನೋಡೋಣ ಬನ್ನಿ

1. ರಿಷಭ್ ಪಂತ್ ಅವರ ದಿಟ್ಟ 74 ರನ್

ರಿಷಭ್ ಪಂತ್ ಲಾರ್ಡ್ಸ್ ಟೆಸ್ಟ್‌ನ ಮೊದಲ ದಿನದಂದು ತಮ್ಮ ಬೆರಳಿನಲ್ಲಿ ನೋವಿನಿಂದ ಮೈದಾನ ತೊರೆದಿದ್ದರು. ಹೀಗಾಗಿ ಎಡಗೈ ಆಟಗಾರ ಎರಡನೇ ದಿನದಂದು ವಿಕೆಟ್ ಕೀಪಿಂಗ್ ಮಾಡಲಿಲ್ಲ, ಆದರೆ ಗಾಯದ ಹೊರತಾಗಿಯೂ ಬ್ಯಾಟ್ ಮಾಡಲು ಹೊರಟರು. ಶುಭಮನ್ ಗಿಲ್ 107/3ಕ್ಕೆ ಔಟಾದ ನಂತರ ಪಂತ್ ಕೆಎಲ್ ರಾಹುಲ್ ಜೊತೆ ಕ್ರೀಸ್‌ಗಿಳಿದರು. ಮೂರನೇ ದಿನದಾಟದಂತ್ಯಕ್ಕೆ 33 ಎಸೆತಗಳಲ್ಲಿ 19 ರನ್ ಗಳಿಸಿ ಅಜೇಯರಾಗಿದರು. 

ರಿಷಭ್ ಪಂತ್ 112 ಎಸೆತಗಳಲ್ಲಿ 8 ಬೌಂಡರಿ ಮತ್ತು 2 ಸಿಕ್ಸರ್‌ಗಳನ್ನು ಒಳಗೊಂಡಂತೆ 74 ರನ್‌ಗಳ ಧೈರ್ಯಶಾಲಿ ಇನ್ನಿಂಗ್ಸ್ ಆಡಿದರು. ಇದರ ಜತೆಗೆ ಕೆಎಲ್ ರಾಹುಲ್ ಜೊತೆ ನಾಲ್ಕನೇ ವಿಕೆಟ್‌ಗೆ ನಿರ್ಣಾಯಕ 141 ರನ್‌ಗಳ ಜೊತೆಯಾಟವಾಡುವ ಮೂಲಕ ತಂಡಕ್ಕೆ ಆಸರೆಯಾದರು. ಆದರೆ ಇಲ್ಲದ ರನ್ ಕದಿಯಲು ಹೋಗಿ ರನೌಟ್ ಆಗಿ ಪೆವಿಲಿಯನ್ ಸೇರಿದರು. 

2. ಕೆಎಲ್ ರಾಹುಲ್ ಐತಿಹಾಸಿಕ ಲಾರ್ಡ್ಸ್ ಶತಕ

ಭಾರತದ ಆರಂಭಿಕ ಆಟಗಾರ ಕೆಎಲ್ ರಾಹುಲ್ ತಂಡಕ್ಕೆ ಅಗತ್ಯವಿರುವಾಗ ಮತ್ತೆ ಆಪಾತ್ಬಾಂಧವ ಎನಿಸಿದರು. 33 ವರ್ಷದ ಆಟಗಾರ ಅದ್ಭುತ ಫಾರ್ಮ್‌ನಲ್ಲಿದ್ದಾರೆ, ಇಂಗ್ಲೆಂಡ್ ವಿರುದ್ಧ ನಡೆಯುತ್ತಿರುವ ಟೆಸ್ಟ್ ಸರಣಿಯ ಎರಡನೇ ಶತಕ ಸಿಡಿಸಿ ಮಿಂಚಿದ್ದಾರೆ.

ಊಟದ ವಿರಾಮದ ನಂತರ, ಕೆಎಲ್ ರಾಹುಲ್ ತಮ್ಮ ವೃತ್ತಿಜೀವನದ  ಹತ್ತನೇ ಟೆಸ್ಟ್ ಶತಕ ಮತ್ತು ಲಾರ್ಡ್ಸ್‌ನಲ್ಲಿ ಎರಡನೇ ಶತಕವನ್ನು ಪೂರ್ಣಗೊಳಿಸಿದರು. ಈ ಮೊದಲು ಆರಂಭಿಕ ಆಟಗಾರ 2021 ರಲ್ಲಿ ತಮ್ಮ ಮೊದಲ ಲಾರ್ಡ್ಸ್ ಟೆಸ್ಟ್ ಶತಕವನ್ನು ಗಳಿಸಿದ್ದರು. 

3. ರವೀಂದ್ರ ಜಡೇಜಾ ಸತತ ಮೂರನೇ ಇನ್ನಿಂಗ್ಸ್‌ನಲ್ಲಿ ಅರ್ಧಶತಕ

ಇಂಗ್ಲೆಂಡ್ ವಿರುದ್ಧ ನಡೆಯುತ್ತಿರುವ ಟೆಸ್ಟ್ ಸರಣಿಯ ಕೊನೆಯ ಮೂರು ಇನ್ನಿಂಗ್ಸ್‌ಗಳಲ್ಲಿ ರವೀಂದ್ರ ಜಡೇಜಾ ಭಾರತದ ಬ್ಯಾಟಿಂಗ್‌ಗೆ ಸಾಕಷ್ಟು ಕೊಡುಗೆ ನೀಡಿದ್ದಾರೆ. ಎಡ್ಜ್‌ಬಾಸ್ಟನ್‌ನಲ್ಲಿ ಅವಳಿ ಅರ್ಧಶತಕ (89 ಮತ್ತು 69*) ಗಳಿಸಿದ ನಂತರ, ಎಡಗೈ ಆಟಗಾರ ಸತತ ಮೂರನೇ ಇನ್ನಿಂಗ್ಸ್‌ನಲ್ಲಿ ಮತ್ತೊಂದು ಅರ್ಧಶತಕವನ್ನು ಸಿಡಿಸುವ ಮೂಲಕ ತಮ್ಮ ಬ್ಯಾಟಿಂಗ್ ಫಾರ್ಮ್ ಮುಂದುವರೆಸಿದ್ದಾರೆ.

254/4ಕ್ಕೆ ರಿಷಭ್ ಪಂತ್ ಔಟಾದ ನಂತರ 6 ನೇ ಸ್ಥಾನದಲ್ಲಿ ಬ್ಯಾಟ್ ಮಾಡಲು ಬಂದ ಜಡೇಜಾ 131 ಎಸೆತಗಳಲ್ಲಿ 72 ರನ್‌ಗಳ ನಿರ್ಣಾಯಕ ಇನ್ನಿಂಗ್ಸ್ ಆಡಿ ಭಾರತ ತಂಡವನ್ನು 350 ರನ್‌ಗಳ ಗಡಿ ದಾಟಿಸಿದರು, ಜೊತೆಗೆ ನಿತೀಶ್ ಕುಮಾರ್ ರೆಡ್ಡಿ (30) ಜೊತೆ ಆರನೇ ವಿಕೆಟ್‌ಗೆ 72 ರನ್‌ಗಳ ಜೊತೆಯಾಟ ಮತ್ತು ವಾಷಿಂಗ್ಟನ್ ಸುಂದರ್ (23) ಜೊತೆ ಏಳನೇ ವಿಕೆಟ್‌ಗೆ 50 ರನ್‌ಗಳ ಜೊತೆಯಾಟ, ಇದು ಭಾರತಕ್ಕೆ  ಅಮೂಲ್ಯ ಕೊಡುಗೆ ಎನಿಸಿಕೊಂಡಿತು.

4. ವಾಷಿಂಗ್ಟನ್ ಸುಂದರ್ ಅವರ ನಿರ್ಣಾಯಕ ಕೆಳ ಕ್ರಮಾಂಕದ ಬ್ಯಾಟಿಂಗ್

ಇಂಗ್ಲೆಂಡ್ ವಿರುದ್ಧ ನಡೆಯುತ್ತಿರುವ ಟೆಸ್ಟ್ ಸರಣಿಗೆ ಆಡುವ XI ನಲ್ಲಿ ಏಕೆ ಇರಬೇಕು ಎಂಬುದನ್ನು ವಾಷಿಂಗ್ಟನ್ ಸುಂದರ್ ಮತ್ತೊಮ್ಮೆ ಸಾಬೀತುಪಡಿಸಿದ್ದಾರೆ. 

ಲಾರ್ಡ್ಸ್ ಟೆಸ್ಟ್‌ನ ಮೊದಲ ಇನ್ನಿಂಗ್ಸ್‌ನಲ್ಲಿ, ಇಂಗ್ಲೆಂಡ್‌ನ 387 ರನ್‌ಗಳ ಮೊದಲ ಇನ್ನಿಂಗ್ಸ್‌ಗೆ ವಿರುದ್ಧವಾಗಿ ಭಾರತ 61 ರನ್‌ಗಳಿಂದ ಹಿನ್ನಡೆಯಲ್ಲಿರುವಾಗ ಸುಂದರ್ ಬ್ಯಾಟ್ ಮಾಡಲು ಹೊರಟರು. ಎಡಗೈ ಆಟಗಾರ ಮತ್ತೊಮ್ಮೆ ಕೆಳ ಕ್ರಮಾಂಕದಲ್ಲಿ ಪ್ರಭಾವಶಾಲಿ ಪ್ರದರ್ಶನ ನೀಡಿದರು, 76 ಎಸೆತಗಳಲ್ಲಿ 23 ರನ್ ಗಳಿಸಿದರು ಮತ್ತು ಏಳನೇ ವಿಕೆಟ್‌ಗೆ ನಿರ್ಣಾಯಕ 50 ರನ್‌ಗಳ ಜೊತೆಯಾಟವಾಡುವ ಮೂಲಕ ಭಾರತವನ್ನು 350 ರನ್‌ಗಳ ಗಡಿ ದಾಟಿಸಿದರು.

5. ಶುಭಮನ್ ಗಿಲ್ vs ಜಾಕ್ ಕ್ರಾಲಿ ಮಾತಿನ ಚಕಮಕಿ

ದಿನದಾಟಕ್ಕೆ ಒಂದು ಓವರ್ ಬಾಕಿ ಇರುವಾಗ, ಭಾರತ ತಂಡದ ನಾಯಕ ಶುಭಮನ್ ಗಿಲ್ ಮತ್ತು ಇಂಗ್ಲೆಂಡ್ ಆರಂಭಿಕ ಆಟಗಾರ ಜಾಕ್ ಕ್ರಾಲಿ  ಮಾತಿನ ಚಕಮಕಿಯಲ್ಲಿ ತೊಡಗಿದ್ದರು. ಈ ಘಟನೆ ಇಂಗ್ಲೆಂಡ್‌ನ ಎರಡನೇ ಇನ್ನಿಂಗ್ಸ್‌ನ ಮೊದಲ ಓವರ್‌ನಲ್ಲಿ ನಡೆಯಿತು, ಜಸ್ಪ್ರೀತ್ ಬುಮ್ರಾ ಮೂರನೇ ಎಸೆತಕ್ಕೆ ಓಡುತ್ತಿರುವಾಗ ಕ್ರಾಲಿ ಇದ್ದಕ್ಕಿದ್ದಂತೆ ಹಿಂದೆ ಸರಿದರು.

ಬುಮ್ರಾ ಅವರ ಲಯವನ್ನು ಕ್ರಾಲಿ ಉದ್ದೇಶಪೂರ್ವಕವಾಗಿ 'ಸಮಯ ವ್ಯರ್ಥ' ಮಾಡುತ್ತಿದ್ದಾರೆ ಮತ್ತು ಅಡ್ಡಿಪಡಿಸುತ್ತಿದ್ದಾರೆ ಎಂದು ಶುಭಮನ್ ಗಿಲ್ ಇದರಿಂದ ಕೋಪಗೊಂಡರು. ಗಿಲ್ ಆಕ್ರಮಣಕಾರಿಯಾಗಿ ಜಾಕ್ ಕ್ರಾಲಿಯ ಬಳಿಗೆ ನಡೆದರು ಮತ್ತು ಅವರು ಆಟವನ್ನು ನಿಧಾನಗೊಳಿಸುವ ಅವರ ತಂತ್ರಗಳ ಬಗ್ಗೆ ಕೋಪಗೊಂಡಿದ್ದರಿಂದ 'Grow some f***ing balls' ಎಂದು ಹೇಳುವುದನ್ನು ಕೇಳಿದರು. ಭಾರತದ ನಾಯಕ ಕ್ರಾಲಿಯ ಮೇಲೆ ಕೋಪಗೊಂಡ ನಂತರ, ಮೊಹಮ್ಮದ್ ಸಿರಾಜ್ ಸೇರಿದಂತೆ ಇತರ ಭಾರತೀಯ ಆಟಗಾರರು ಕೆಲವು ಮಾತುಗಳೊಂದಿಗೆ ಇಂಗ್ಲೆಂಡ್ ಆರಂಭಿಕ ಆಟಗಾರನನ್ನು ಕೆರಳಿಸಿದರು.