ಸೈಫ್ ಅಲಿ ಖಾನ್‌, ಸಲ್ಮಾನ್, ಶಾರುಖ್ ತಮ್ಮ ಸೆಕ್ಯೂರಿಟಿಗೆ ವರ್ಷಕ್ಕೆ ಎಷ್ಟು ಹಣ ಖರ್ಚು ಮಾಡ್ತಾರೆ ಗೊತ್ತಾ?

ಬಾಲಿವುಡ್ ಸ್ಟಾರ್ ಸೈಫ್ ಅಲಿ ಖಾನ್ ಮೇಲೆ ಆದ ದಾಳಿ ದೇಶಾದ್ಯಂತ ಸುದ್ದಿ ಮಾಡಿದೆ. ಭಾರೀ ಭದ್ರತೆ ಇದ್ದರೂ ದಾಳಿ ಹೇಗೆ ಆಯ್ತು ಅಂತ ಎಲ್ಲರೂ ಚರ್ಚೆ ಮಾಡ್ತಿದ್ದಾರೆ. ಸೈಫ್ ತಮ್ಮ ಸೆಕ್ಯೂರಿಟಿಗೆ ಎಷ್ಟು ಖರ್ಚು ಮಾಡ್ತಾರೆ ಅಂತ ತಿಳ್ಕೊಳೋಣ.

ಬಾಲಿವುಡ್ ನಟ ಸೈಫ್ ಅಲಿ ಖಾನ್‌ಗೆ ಚಿಕಿತ್ಸೆ ನೀಡಲಾಗ್ತಿದೆ. ಬಾಂದ್ರಾದಲ್ಲಿರುವ ಸೈಫ್ ಮನೆಗೆ ಒಬ್ಬ ದುಷ್ಕರ್ಮಿ ನುಗ್ಗಿ ಸೈಫ್ ಮೇಲೆ ಹಲ್ಲೆ ಮಾಡಿದ್ದಾನೆ. ಸೈಫ್‌ಗೆ 6 ಬಾರಿ ಚೂರಿ ಇರಿದಿದ್ದು, ಲೀಲಾವತಿ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.

ಸೈಫ್ ಅಲಿ ಖಾನ್ ಬಾಂದ್ರಾದ ಸದ್ಗುರು ಶರಣ್ ಅಪಾರ್ಟ್ಮೆಂಟ್ ನಲ್ಲಿ ವಾಸಿಸುತ್ತಿದ್ದಾರೆ. ಈ ಮನೆಯನ್ನು ದರ್ಶಿನಿ ಶಾ ವಿನ್ಯಾಸಗೊಳಿಸಿದ್ದಾರೆ. ಸೈಫ್ ಮೂರು ಮಹಡಿಗಳಲ್ಲಿ ವಾಸಿಸುತ್ತಿದ್ದಾರೆ. ಈ ಫ್ಲಾಟ್ ಬೆಲೆ 55 ಕೋಟಿ ರೂಪಾಯಿ ಅಂತ ಅಂದಾಜಿಸಲಾಗಿದೆ.

ಸೈಫ್ ಅಲಿ ಖಾನ್ ನಿವಾಸಕ್ಕೆ 24 ಗಂಟೆ ಭದ್ರತೆ ಇದೆ. ಸಿಸಿಟಿವಿ ಕ್ಯಾಮೆರಾಗಳು ಇವೆ. ಯಾರನ್ನೂ ಅನುಮತಿ ಇಲ್ಲದೆ ಒಳಗೆ ಬಿಡುವುದಿಲ್ಲ. ಸೈಫ್ ಮತ್ತು ಅವರ ಕುಟುಂಬಕ್ಕೆ ವೈಯಕ್ತಿಕ ಭದ್ರತೆ ಒದಗಿಸಲಾಗುತ್ತದೆ.

ಸೈಫ್ ಅಲಿ ಖಾನ್ ತಮ್ಮ ಸೆಕ್ಯೂರಿಟಿಗೆ ವರ್ಷಕ್ಕೆ ಒಂದು ಕೋಟಿ ಖರ್ಚು ಮಾಡ್ತಾರಂತೆ. ಶಾರುಖ್ ಖಾನ್ 3 ಕೋಟಿ ಮತ್ತು ಸಲ್ಮಾನ್ ಖಾನ್ 2 ಕೋಟಿ ಖರ್ಚು ಮಾಡ್ತಾರಂತೆ.

ಸೈಫ್  ನಿಜ ಜೀವನದ ಹೀರೋ ಎಂದ ವೈದ್ಯರು: ಲೀಲಾವತಿ ಆಸ್ಪತ್ರೆಯ COO ನೀರಜ್ ಉತ್ತಮಾನಿ ಸೈಫ್ ಅಲಿ ಖಾನ್ ಬಗ್ಗೆ ಮಾತನಾಡಿ, ಸೈಫ್ ಆಸ್ಪತ್ರೆಗೆ ಬಂದಾಗ, ನಾನು ಅವರನ್ನು ಭೇಟಿಯಾದ ಮೊದಲ ವ್ಯಕ್ತಿ. ಅವರು ರಕ್ತದ ಮಡುವಿನಲ್ಲಿದ್ದರು, ಆದರೆ ತಮ್ಮ 7 ವರ್ಷದ ಮಗ ತೈಮೂರ್ ಜೊತೆ ಸಿಂಹದಂತೆ ನಡೆದು ಬಂದರು. ಸೈಫ್ ನಿಜವಾದ ಹೀರೋ. ಸಿನಿಮಾಗಳಲ್ಲಿ ಹೀರೋ ಆಗುವುದು ಬೇರೆ, ಆದರೆ ನಿಮ್ಮ ಮನೆಯ ಮೇಲೆ ದಾಳಿ ನಡೆದಾಗ ಧೈರ್ಯವಾಗಿ ವರ್ತಿಸಿ ಹೀಗೆ ಆಸ್ಪತ್ರೆಗೆ ಬರುವುದು, ಅಂಥವರನ್ನು ನಿಜ ಜೀವನದ ಹೀರೋ ಅಂತಾನೆ ಕರೆಯಬೇಕು. 

ಆ ಸಮಯದಲ್ಲಿ ಸೈಫ್ ಸ್ಟ್ರೆಚರ್ ಕೂಡ ಕೇಳಲಿಲ್ಲ. ಈಗ ಅವರ ಆರೋಗ್ಯ ಸುಧಾರಿಸುತ್ತಿದೆ. ಅವರನ್ನು ICU ನಿಂದ ಸಾಮಾನ್ಯ ವಾರ್ಡಿಗೆ ವರ್ಗಾಯಿಸಲಾಗಿದೆ. ಕೆಲವು ದಿನಗಳಲ್ಲಿ ನಾವು ಅವರನ್ನು ಬಿಡುಗಡೆ ಮಾಡುತ್ತೇವೆ' ಎಂದರು. ಸೈಫ್ ಮೇಲೆ ದಾಳಿಕೋರ 6 ಬಾರಿ ಚಾಕುವಿನಿಂದ ಇರಿದಿದ್ದ. ಅವರು ಆಸ್ಪತ್ರೆಗೆ ಬಂದಾಗ ಸೈಫ್ ದೇಹದಲ್ಲಿ ಚಾಕು ಚುಚ್ಚಿತ್ತು. ಶಸ್ತ್ರಚಿಕಿತ್ಸೆಯ ಸಮಯದಲ್ಲಿ ವೈದ್ಯರು ಸೈಫ್ ದೇಹದಿಂದ ತೆಗೆದ ಚಾಕುವಿನ ಫೋಟೋವನ್ನು ಬಿಡುಗಡೆಗೊಳಿಸಿದ್ದಾರೆ.