ಮಹೇಶ್ ಬಾಬು ಜತೆ ಕಿಸ್ ಮಾಡಿದ್ದೀರಾ ಎಂದ ಫ್ಯಾನ್ಸ್‌ಗೆ ರಶ್ಮಿಕಾ ಮಂದಣ್ಣ ಏನಂದ್ರು ನೋಡಿ!

ಅದು ಇದು ಅಂತಲ್ಲ, ಒಬ್ಬ ನಟ ಅಥವಾ ನಟಿಯಾಗಿ ಯಾರೇ ಆದರೂ ಸಿನಿಮಾಗೆ ಅಗತ್ಯವಿರುವುದನ್ನು ಮಾಡಲೇಬೇಕು. ಅದು ಕಲಾವಿದರ ಕರ್ತವ್ಯ ಕೂಡ ಎಂದಿದ್ದಾರೆ ನಟಿ ರಶ್ಮಿಕಾ.

ನ್ಯಾಷನಲ್ ಕ್ರಶ್ ಖ್ಯಾತಿಯ ನಟಿ ರಶ್ಮಿಕಾ ಮಂದಣ್ಣ (Rashmika Mandanna)ಅವರು ತಮ್ಮ ಮೊದಲ ಕಿಸ್ ಬಗ್ಗೆ ಮಾತನಾಡಿದ್ದಾರೆ. ಇತ್ತೀಚೆಗೆ ನಟಿ ರಶ್ಮಿಕಾ ಮಂದಣ್ಣ ಅವರು ತಮ್ಮ ಅಭಿಮಾನಿಗಳೊಂದಿಗೆ ಸಂವಾದ ಮಾಡುತ್ತಿದ್ದರು. ಆಗ ಸಾಕಷ್ಟು ಪ್ರಶ್ನೆಗಳು ನಟಿ ರಶ್ಮಿಕಾ ಮಂದಣ್ಣ ಅವರಿಗೆ ಬಂದಿವೆ. 

ಈ ವೇಳೆ ಅವರ ಫ್ಯಾನ್ಸ್‌ ಹುಡುಗನೊಬ್ಬ 'ನೀವು ನಟ ಮಹೇಶ್ ಬಾಬು (Mahesh Babu)ಅವರೊಂದಿಗೆ ಕಿಸ್ ಮಾಡಿದ್ದೀರಾ' ಎಂದು ಕೇಳಿದ್ದಾರೆ. ಅದಕ್ಕೆ ನಟಿ ರಶ್ಮಿಕಾ ಮಂದಣ್ಣ ಅವರು ಕಿಸ್ ಪುರಾಣವನ್ನು ಆ ವ್ಯಕ್ತಿಗೆ ಉತ್ತರ ಕೊಡುತ್ತ ಹೇಳಿದ್ದಾರೆ. ಹಾಗಿದ್ದರೆ ನಟಿ ರಶ್ಮಿಕಾ ಏನು ಹೇಳಿದ್ದಾರೆ ಎಂಬ ಕುತೂಹಲ ನಿಮಗಿದ್ದರೆ ಮುಂದೆ ನೋಡಿ..

ನಟಿ ರಶ್ಮಿಕಾ ಮಂದಣ್ಣ ಹಾಗೂ ಮಹೇಶ್ ಬಾಬು ಜೋಡಿಯ 'ಸರಿಲೇರು ನೀಕೆವ್ವಾರು (Sarileru Neekevvaru)ಸಿನಿಮಾದಲ್ಲಿ ಒಟ್ಟಿಗೇ ನಟಿಸಿದ್ದರು. ಆದರೆ ಆ ಚಿತ್ರದಲ್ಲಿ ಯಾವುದೇ ಕಿಸ್ ಸೀನ್ ಇರಲಿಲ್ಲ. ಅದನ್ನು ಸ್ಪಷ್ಟಪಡಿಸಿರುವ ನಟಿ ರಶ್ಮಿಕಾ, ಸ್ಕ್ರಿಪ್ಟ್‌ ಡಿಮ್ಯಾಂಡ್ ಮಾಡಿದರೆ ಮಾತ್ರ ಕಿಸ್ ಸೀನ್ ಸಿನಿಮಾದಲ್ಲಿ ಇರುತ್ತದೆ, ಇಲ್ಲದಿದ್ದರೆ ಇಲ್ಲ. 

ಎಲ್ಲಾ ಸಿನಿಮಾ ಕಥೆಯಲ್ಲೂ ಅದನ್ನು ಅಳವಡಿಸಿಕೊಳ್ಳುವ ಅನಿವಾರ್ಯತೆ ಇರುವುದಿಲ್ಲ. ಸರಿಲೇರು ನೀಕೆವ್ವಾರು ಚಿತ್ರದಲ್ಲಿ ನಮ್ಮಿಬ್ಬರದು ಕಿಸ್ ಬೇಡುವ ಪಾತ್ರವೇ ಆಗಿರಲಿಲ್ಲ. ಹೀಗಾಗಿ ಅದು ಇರಲಿಲ್ಲ' ಎಂದಿದ್ದಾರೆ ನಟಿ ರಶ್ಮಿಕಾ ಮಂದಣ್ಣ. 

'ನಾನು ಮೊದಲು ಸಿನಿಮಾದಲ್ಲಿ ಕಿಸ್ ಮಾಡಿದ್ದು 'ಗೀತ ಗೋವಿಂದಂ'ನಲ್ಲಿ. ಅದರಲ್ಲಿ ಕಥೆಗೆ ತಕ್ಕಂತೆ ಕಿಸ್ ಸೀನ್ ಇತ್ತು, ಅದಕ್ಕಾಗಿ ನನಗೆ ಮತ್ತು ನಟ ವಿಜಯ್ ದೇವರಕೊಂಡ (Vijay Devarakonda)ಅವರಿಗೆ ಮೊದಲೇ ಹೇಳಲಾಗಿತ್ತು. ಕಥೆಗೆ ಅಗತ್ಯವಿದ್ದಾಗ ಅದನ್ನು ಮಾಡುವುದರಲ್ಲಿ ಯಾವುದೇ ತಪ್ಪಿಲ್ಲ ಎನ್ನುವುದು ನನ್ನ ಅಭಿಪ್ರಾಯ. 

ಅದು ಇದು ಅಂತಲ್ಲ, ಒಬ್ಬ ನಟ ಅಥವಾ ನಟಿಯಾಗಿ ಯಾರೇ ಆದರೂ ಸಿನಿಮಾಗೆ ಅಗತ್ಯವಿರುವುದನ್ನು ಮಾಡಲೇಬೇಕು. ಅದು ಕಲಾವಿದರ ಕರ್ತವ್ಯ ಕೂಡ ಎಂದಿದ್ದಾರೆ ನಟಿ ರಶ್ಮಿಕಾ. ನನ್ನ ಕೆರಿಯರ್‌ನಲ್ಲಿ ನಾನು ಕಿಸ್ ಮಾಡುತ್ತೇನೆ ಅಥವಾ ಇಲ್ಲ ಎನ್ನವುದು ನಿರ್ದೇಶಕರು ಮಾಡಿಕೊಂಡ ಕಥೆಯನ್ನು ಅವಲಂಬಿಸಿರುತ್ತದೆಯೇ ಹೊರತೂ ನನ್ನ ವೈಯಕ್ತಿಕ ಅಭಿಪ್ರಾಯವನ್ನಲ್ಲ. 

ಹೀಗಾಗಿ ನಾನು ಮುಂದೆ ಯಾವತ್ತು ಯಾವ ಸಿನಿಮಾದಲ್ಲಿ ಕಿಸ್ ದೃಶ್ಯದಲ್ಲಿ ಭಾಗಿಯಾಗುತ್ತೇನೆ ಎಂಬುದನ್ನು ಈಗಲೇ ಹೇಳಲಾರೆ. ಅದು ನನಗೆ ಬಂದ ಕಥೆಯ ಆಫರ್ ಮೇಲೆ ನಿರ್ಧಾರವಾಗಲಿದೆ. 

ಆದರೆ ಈ ಸಮಯದಲ್ಲಿ ನಾನು ನಿಮ್ಮ ಪ್ರಶ್ನೆಗೆ ಉತ್ತರ ರೂಪದಲ್ಲಿ ಹೇಳಬೇಕು ಎಂದರೆ, ಮಹೇಶ್ ಬಾಬು ಅವರೊಂದಿಗೆ ನಾನು ನಟಿಸಿದ ಸರಿಲೇರು ನೀಕೆವ್ವಾರು ಚಿತ್ರದಲ್ಲಿ ಕಿಸ್ ದೃಶ್ಯವಿರಲಿಲ್ಲ, ಹೀಗಾಗಿ ನಾವಿಬ್ಬರು ಕಿಸ್ ಸೀನ್‌ ಮಾಡಿಯೇ ಇಲ್ಲ' ಎಂದಿದ್ದಾರೆ. 

ಅಲ್ಲಿಗೆ ರಶ್ಮಿಕಾರ ಆ ಅಭಿಮಾನಿಗೆ ತಮ್ಮ ಪ್ರಶ್ನೆಗೆ ಉತ್ತರ ಸಿಕ್ಕಿದ್ದು ಮಾತ್ರವಲ್ಲ, ಕಿಸ್ ದೃಶ್ಯವನ್ನು  ಯಾರಾದರೂ ಯಾಕೆ ಮಾಡುತ್ತಾರೆ ಎಂಬುದಕ್ಕೂ ಉತ್ತರ ಸಿಕ್ಕಂತಾಗಿದೆ. ಆ ಅಭಿಮಾನಿಗೆ ರಶ್ಮಿಕಾ ಉತ್ತರದಿಂದ ಸಮಾಧಾನವಾಗಿದೆ. ನಟಿ ರಶ್ಮಿಕಾ ತಮ್ಮ ಅಭಿಮಾನಿಗಳ ಜತೆ ನಡೆಸಿದ ಮಾತುಕತೆ ವೇಳೆ ತಮ್ಮ ಹಲವು ವೈಯಕ್ತಿಕ ಸಂಗತಿಗಳನ್ನು ಸಹ ಹಂಚಿಕೊಂಡಿದ್ದಾರೆ. ತಮ್ಮ ಸಿನಿಮಾ ಕೆರಿಯರ್ ಸ್ಟಾರ್ಟ್ ಆಗಿದ್ದು ಹೇಗೆ, ಯಾವ ಸಿನಿಮಾದಲ್ಲಿ ಎಂತ ಪಾತ್ರವನ್ನು ಮಾಡಿದ್ದೇನೆ ಎಂಬುದನ್ನು ಹೇಳಿದ್ದಾರೆ.

ಜತೆಗೆ, ತಾವು ಸಿನಿಮಾ ನಟನೆ ವಿಷಯದಲ್ಲಿ ಯಾವುದೇ ಭಾಷೆಯ ಬೌಂಡರಿ ಇಟ್ಟುಕೊಂಡಿಲ್ಲ. ನನ್ನ ಪಾತ್ರ, ಟೀಮ್, ಸಿನಿಮಾ ಕಥೆ ಎಲ್ಲವೂ ಓಕೆ ಅನ್ನಿಸಿದರೆ ನಾನು ಭಾಷೆಯ ಹಂಗಿಗೆ ಒಳಗಾಗಿ ಸಿನಿಮಾ ಒಪ್ಪಿಕೊಳ್ಳುವುದಿಲ್ಲ. ಕಥೆ ನನಗೆ ಒಪ್ಪಿಗೆಯಾದರೆ ಕನ್ನಡ, ತಮಿಳು, ತೆಲುಗು, ಹಿಂದಿ ಅಥವಾ ಮಲಯಾಳಂ ಹೀಗೆ ಭಾಷೆಗಳ ಬಗ್ಗೆ ನಾನು ಯಾವತ್ತೂ ತಲೆ ಕೆಡಿಸಿಕೊಂಡಿಲ್ಲ, ತಲೆ ಕೆಡಿಸಿಕೊಳ್ಳುವುದೂ ಇಲ್ಲ' ಎಂದಿದ್ದಾರೆ ನಟಿ ರಶ್ಮಿಕಾ ಮಂದಣ್ಣ.