ನಟಿ ಅದಿತಿ ರಾವ್ ಹೈದರಿ ಮತ್ತು ನಟ ಸಿದ್ಧಾರ್ಥ್ ಡೇಟಿಂಗ್ ಮಾಡುತ್ತಿರುವುದು ದೃಢಪಟ್ಟಿದೆ. ಇಬ್ಬರು ಹೊಸ ವರ್ಷ 2024ಕ್ಕೆ ರೊಮ್ಯಾಂಟಿಕ್ ಗೆಟ್‌ಅವೇನಲ್ಲಿರುವ ತಮ್ಮ ಚಿತ್ರವನ್ನು ಹಂಚಿಕೊಂಡು ವಿಶ್ ಮಾಡಿದ್ದಾರೆ.
ರೂಮರ್‌ ಪ್ರಣಯ ಪಕ್ಷಿಗಳು ಅಭಿಮಾನಿಗಳಿಗೆ 'ಹೊಸ ವರ್ಷದ ಶುಭಾಶಯಗಳು' ಎಂದು ಹಾರೈಸಿದ್ದಾರೆ. ಅದಿತಿ ಅಥವಾ ಸಿದ್ಧಾರ್ಥ್ ತಮ್ಮ ಸಂಬಂಧವನ್ನು ಅಧಿಕೃತವಾಗಿ ಘೋಷಿಸದಿದ್ದರೂ, ಅವರು ಆಗಾಗ್ಗೆ ಕಾರ್ಯಕ್ರಮಗಳಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ ಮತ್ತು ಸಾಮಾಜಿಕ ಮಾಧ್ಯಮದಲ್ಲಿ ಪರಸ್ಪರ ಚಿತ್ರಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ.
ಇನ್‌ಸ್ಟಾಗ್ರಾಮ್‌ನಲ್ಲಿ ತಮ್ಮ ಫೋಟೋ ಹಂಚಿಕೊಂಡು "ಸಂತೋಷದ ಉತ್ತಮ ಆಶೀರ್ವಾದ, ಮ್ಯಾಜಿಕ್, ಸಂತೋಷ, ಪ್ರೀತಿ, ನಗು, ಹೊಸತನ, ಮಳೆಬಿಲ್ಲುಗಳು ಮತ್ತು ಬೆಳವಣಿಗೆಗೆ ನಿಮ್ಮೆಲ್ಲರಿಗೂ ಹೊಸ ವರ್ಷದ ಶುಭಾಶಯಗಳು..." ಎಂದು ಬರೆದಿದ್ದಾರೆ.
ಹೊಸ ವರ್ಷದ ಆಚರಣೆಯಲ್ಲಿ ಇಬ್ಬರೂ ಸಂತೋಷದಿಂದ ಸೆಲ್ಫಿ ತೆಗೆದುಕೊಂಡಿದ್ದು. ಅವರಿಬ್ಬರೂ ತಮ್ಮ ಯುರೋಪ್ ರಜೆಯಲ್ಲಿ ತೆಗೆದಿರುವ ಈ ಚಿತ್ರದಲ್ಲಿ ಚಳಿಗಾಲದ ಬಟ್ಟೆಗಳನ್ನು ಧರಿಸಿದ್ದರು.
2021 ರ ತೆಲುಗು ಚಿತ್ರ ಮಹಾ ಸಮುದ್ರಂನಲ್ಲಿ ಒಟ್ಟಿಗೆ ಕೆಲಸ ಮಾಡಿದ ನಂತರ ಅದಿತಿ ರಾವ್ ಹೈದರಿ ಮತ್ತು ಸಿದ್ಧಾರ್ಥ್ ಅವರ ಸಂಬಂಧದ ಬಗ್ಗೆ ವದಂತಿಗಳು ಪ್ರಾರಂಭವಾದವು. ವರದಿಗಳ ಪ್ರಕಾರ, ಅವರು ಚಿತ್ರೀಕರಣದ ಸಮಯದಲ್ಲಿ ಡೇಟಿಂಗ್ ಮಾಡಲು ಪ್ರಾರಂಭಿಸಿದರು. ಅಂದಿನಿಂದ, ಅದಿತಿ ಮತ್ತು ಸಿದ್ಧಾರ್ಥ್ ಇಬ್ಬರೂ ಸಾರ್ವಜನಿಕ ಕಾರ್ಯಕ್ರಮಗಳಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ಸಂಬಂಧವನ್ನು ದೃಢೀಕರಿಸದಿದ್ದರೂ ಸಹ ಅವರು ಪರಸ್ಪರ ಎಲ್ಲವನ್ನೂ ಹಂಚಿಕೊಳ್ಳುವಷ್ಟು ಹತ್ತಿರವಾಗಿರುವ ಜೋಡಿ ಎನ್ನಲಾಗಿದೆ.
37 ವರ್ಷದ ನಟಿ ಅದಿತಿ ರಾವ್ ಈಗಾಗಲೇ ನಟ ಸತ್ಯದೀಪ್ ಮಿಶ್ರಾ ಅವರನ್ನು 2009ರಲ್ಲಿ ಮದುವೆಯಾಗಿ 2023ರಲ್ಲಿ ವಿಚ್ಚೇದನ ಪಡೆದುಕೊಂಡಿದ್ದಾರೆ. ನಟ ಸಿದ್ದಾರ್ಥ್ 44 ವರ್ಷದ ನಟ ಸಿದ್ದಾರ್ಥ್ ಕೂಡ 2003ರಲ್ಲಿ ಮೇಘಾ ನಾಯಾಯಣ್ ಅವರನ್ನು ಮದುವೆಯಾಗಿ 2007 ರಲ್ಲಿ ವಿಚ್ಚೇದಿತರಾಗಿದ್ದಾರೆ.
2013ರಲ್ಲಿ ಜಬರ್‌ದಸ್ತ್‌ ತೆಲುಗು ಸಿನೆಮಾದಲ್ಲಿ ಸಿದ್ದಾರ್ಥ್ ನಟಿ ಸಮಂತಾ ಅವರೊಂದಿಗೆ ನಟಿಸಿದ್ದರು. ಈ ವೇಳೆ ಇಬ್ಬರ ನಡುವೆ ಪ್ರೇಮಾಂಕುರವಾಗಿತ್ತು. 2015ರಲ್ಲಿ ಇಬ್ಬರೂ ಬ್ರೇಕ್‌ ಅಪ್‌ ಮಾಡಿಕೊಂಡಿದ್ದರು. ಇದಕ್ಕೂ ಮುನ್ನ ಸಿದ್ದಾರ್ಥ್ ಸೋಹಾ ಅಲಿ ಖಾನ್‌ ಮತ್ತು ಶ್ರುತಿ ಹಾಸನ್‌ ಅವರ ಜೊತೆಗೆ ಡೇಟಿಂಗ್ ನಲ್ಲಿದ್ದರು.