7ರಿಂದ 8 ಕೋಟಿ ರೂಪಾಯಿ ಜಾಸ್ತಿ.. ಅಂತದ್ದರಲ್ಲಿ ರಜನಿಕಾಂತ್ 'ಕೂಲಿ' ಸಿನಿಮಾಗೆ ನಾಗಾರ್ಜುನ ಪಡೆದ ಸಂಭಾವನೆ ಇಷ್ಟೊಂದಾ?

ಕಿಂಗ್ ನಾಗಾರ್ಜುನ ಈ ವfಷ ಫ್ಲಾಫ್‌ ಸಿನಿಮಾಗಳನ್ನು ನಿಡಿದ್ದಾರೆ. ಬಿಗ್ ಬಾಸ್ ಮೂಲಕ ಈ ಸೀಸನ್‌ನಲ್ಲಿ ಮತ್ತೆ ಪ್ರೇಕ್ಷಕರನ್ನು ರಂಜಿಸಲು ಸಜ್ಜಾಗಿದ್ದಾರೆ ನಾಗ್. ಆದರೆ ಅವರ ಹೊಸ ಸಿನಿಮಾಗೆ ಶಾಕಿಂಗ್ ಸಂಭಾವನೆ ಪಡೆಯುತ್ತಿದ್ದಾರಂತೆ. 

ಟಾಲಿವುಡ್ ಮನ್ಮಥುಡು ಕಿಂಗ್ ನಾಗಾರ್ಜುನ ಕೆಲ ಕಾಲದಿಂದ ಹಿಟ್ ಸಿನಿಮಾಗಳನ್ನು ನೀಡಿಲ್ಲ. ಯಾವ ಸಿನಿಮಾ ಮಾಡಿದರೂ ಎಷ್ಟೇ ಪ್ರಯೋಗ ಮಾಡಿದರೂ ಉಪಯೋಗವಿಲ್ಲದಂತಾಗಿದೆ. ಬಂಗಾರಾಜು ಸ್ವಲ್ಪ ಮಟ್ಟಿಗೆ ಸಮಾಧಾನ ತಂದರು ಆದರೆ ಹಿಟ್ ಸಿನಿಮಾ ಅಲ್ಲ. ಅದಾದ ನಂತರ ನಾಗಾರ್ಜುನ ಎಷ್ಟೇ ಪ್ರಯತ್ನಿಸಿದರೂ ಹಿಟ್ ಸಿನಿಮಾ ಮಾತ್ರ ಸಿಗುತ್ತಿಲ್ಲ. ಈ ಹಿನ್ನೆಲೆಯಲ್ಲಿ ಅವರು ಒಂದು ದೊಡ್ಡ ಹಿಟ್ ಗಾಗಿ ಕಾಯುತ್ತಿದ್ದಾರೆ. ಇಲ್ಲಿ ನಾಗಾರ್ಜುನ ಮಾತ್ರವಲ್ಲ.. ಅಲ್ಲಿ ನಾಗಚೈತನ್ಯ, ಅಖಿಲ್ ಪರಿಸ್ಥಿತಿ ಕೂಡ ಅದೇ. ಯಾರಿಗೂ ಹಿಟ್ ಸಿಕ್ಕಿಲ್ಲ. ಇದೀಗ ಬಿಗ್ ಬಾಸ್ ತೆಲುಗು ಸೀಸನ್ 8 ಆರಂಭವಾಗುತ್ತಿದ್ದಂತೆ ನಾಗಾರ್ಜುನ ಬ್ಯುಸಿಯಾಗಿದ್ದಾರೆ. 

ಈ ಮೂರು ತಿಂಗಳು ಈ ಸೀಸನ್ ಮೂಲಕ ಪ್ರೇಕ್ಷಕರನ್ನು ರಂಜಿಸಲಿದ್ದಾರೆ. ಹಿಟ್ ಸಿನಿಮಾಗಳಿಲ್ಲದ ಕಾರಣ ಬಾಕ್ಸಾಫೀಸ್‌ನಲ್ಲಿ ನಾಗಾರ್ಜುನ ಮಾರುಕಟ್ಟೆ ಕೂಡ ಕುಸಿದಿದೆ. ಈ ಹಿನ್ನೆಲೆಯಲ್ಲಿ ಅವರು ತಮಿಳಿನಲ್ಲಿ ಸೂಪರ್ ಸ್ಟಾರ್ ರಜನಿಕಾಂತ್ ಜೊತೆ ಕೂಲಿ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಈ ಸಿನಿಮಾ ಬಿಡುಗಡೆಗೆ ಸಿದ್ಧವಾಗುತ್ತಿದೆ. 

ಆದರೆ ಈ ಸಿನಿಮಾದಲ್ಲಿ ಅವರು ವಿಭಿನ್ನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ. ಇತ್ತೀಚೆಗೆ ನಾಗಾರ್ಜುನ ಅವರ ಪೋಸ್ಟರ್ ಅನ್ನು ಸಹ ಚಿತ್ರತಂಡ ಬಿಡುಗಡೆ ಮಾಡಿದೆ. ಆದರೆ ನಾಗ್ ಪಾತ್ರ ಹೇಗಿರಲಿದೆ ಎಂಬ ಕುತೂಹಲ ಮೂಡಿದೆ. ತಮಿಳಿನಲ್ಲಿ ನಾಗಾರ್ಜುನ ಬಹಳ ದಿನಗಳ ನಂತರ ನಟಿಸುತ್ತಿರುವ ಸಿನಿಮಾ ಇದಾಗಿದ್ದು, ಚಿತ್ರದ ಮೇಲೆ ನಿರೀಕ್ಷೆಗಳು ಹೆಚ್ಚಾಗಿವೆ. ಆದರೆ ಈ ಸಿನಿಮಾದಲ್ಲಿ ನಾಗಾರ್ಜುನ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಒಂದು ಸುದ್ದಿ ವೈರಲ್ ಆಗುತ್ತಿದೆ. ಕೂಲಿ ಸಿನಿಮಾಗಾಗಿ ನಾಗಾರ್ಜುನ ಪಡೆದ ಸಂಭಾವನೆ ನೆಟ್ಟಿಗರನ್ನು ಬೆಚ್ಚಿ ಬೀಳಿಸಿದೆ. ಪ್ರಸ್ತುತ ಹಿಟ್ ಸಿನಿಮಾಗಳಿಲ್ಲದಿದ್ದರೂ.. ನಾಗಾರ್ಜುನ ಸಿನಿಮಾ ಬರುತ್ತಿದೆ ಎಂದರೆ ಯಾರೂ ಲೆಕ್ಕಿಸದಿದ್ದರೂ.. ಅವರಿಗೆ ಶಾಕಿಂಗ್ ಸಂಭಾವನೆ ನೀಡಲಾಗುತ್ತಿದೆಯಂತೆ. 

ಟಾಲಿವುಡ್ ಮನ್ಮಥುಡು ನಾಗಾರ್ಜುನ ಅವರಿಗೆ ಕೂಲಿ ಸಿನಿಮಾಗಾಗಿ ಬರೋಬ್ಬರಿ 24 ಕೋಟಿ ರೂಪಾಯಿ ಸಂಭಾವನೆ ನೀಡಲಾಗುತ್ತಿದೆಯಂತೆ. ಲೋಕೇಶ್ ಕನಕರಾಜ್ ನಿರ್ದೇಶನದಲ್ಲಿ ರಜನಿಕಾಂತ್ ನಾಯಕನಾಗಿ ಪ್ಯಾನ್ ಇಂಡಿಯಾ ಸಿನಿಮಾ ಕೂಲಿ ತೆರೆಗೆ ಬರುತ್ತಿದೆ. ನಾಗಾರ್ಜುನ ಈ ಸಿನಿಮಾದಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಚಿತ್ರೀಕರಣ ಕೂಡ ಮುಗಿದಿದೆ. ಸಿನಿಮಾ ಬಿಡುಗಡೆ ಮಾತ್ರ ಬಾಕಿ ಇದೆ. 

ಇನ್ನು ಈ ಸಿನಿಮಾದಲ್ಲಿ ಡಾನ್ ಪಾತ್ರದಲ್ಲಿ ನಾಗಾರ್ಜುನ ಕಾಣಿಸಿಕೊಳ್ಳಲಿದ್ದಾರಂತೆ. ಆದರೆ ಈ ಆಫರ್ ಬಂದ ಕೂಡಲೇ ನಾಗಾರ್ಜುನ ಸ್ವಲ್ಪ ಹಿಂದೇಟು ಹಾಕಿದರಂತೆ. ಕೂಡಲೇ ಅವರಿಗೆ ಪಾತ್ರದ ಬಗ್ಗೆ ಪಾತ್ರದ ಶಕ್ತಿಯ ಬಗ್ಗೆ ವಿವರಿಸಿ ಹೆಚ್ಚಿನ ಸಂಭಾವನೆ ನೀಡುವುದಾಗಿ ಚಿತ್ರತಂಡ ಹೇಳಿದೆಯಂತೆ. ಇದರಿಂದ ನಾಗ್ ಗ್ರೀನ್ ಸಿಗ್ನಲ್ ನೀಡಿದ್ದಾರಂತೆ. 

ಇಲ್ಲಿಯವರೆಗೆ ನಾಗಾರ್ಜುನ ನಾಯಕರಾಗಿ 10 ಕೋಟಿ ರೂಪಾಯಿಗಳ ಒಳಗೆ ಸಂಭಾವನೆ ಪಡೆಯುತ್ತಿದ್ದರು. ಒಂದೆರಡು ಹಿಟ್ ಸಿನಿಮಾಗಳು ಬಂದಾಗ ಮಾತ್ರ 7 – 8 ಕೋಟಿ ರೂಪಾಯಿ ಪಡೆದಿದ್ದರು. ನಾಗಾರ್ಜುನಗೆ 10 ಕೋಟಿ ರೂಪಾಯಿ ಸಂಭಾವನೆ ಎಂದರೆ ತುಂಬಾ ಜಾಸ್ತಿ. ಅಂಥದ್ದರಲ್ಲಿ ಬರೋಬ್ಬರಿ 24 ಕೋಟಿ ರೂಪಾಯಿ ಸಂಭಾವನೆಯೊಂದಿಗೆ ಕೂಲಿ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ ಎಂದರೆ ಇಡೀ ಸಿನಿಮಾ ಇಂಡಸ್ಟ್ರಿ ಆಶ್ಚರ್ಯಚಕಿತವಾಗಿದೆ.