ಟ್ರೇನ್‌ ಟಿಕೆಟ್‌ ಬುಕ್‌ ಮಾಡೋದ್ರಿಂದಲೇ ತಿಂಗಳಿಗೆ 50 ಸಾವಿರ ಸಂಪಾದಿಸಬಹುದು, ಅದಕ್ಕೆ ಹೀಗೆ ಮಾಡಿ

ಎಂದಿನ ಜಾಬ್‌ ಮಾಡುತ್ತಿರುವ ನಡುವೆಯೇ ಹೆಚ್ಚುವರಿ ಹಣ ಬೇಕಾ? ಅದಕ್ಕೆ ನೀವು ಐಆರ್‌ಸಿಟಿಸಿ ಟಿಕೆಟ್‌ ಏಜೆಂಟ್‌ ಆಗಬಹುದು. ಇದರಲ್ಲಿ ನೀವು ಬುಕ್‌ ಮಾಡೋ ಪ್ರತಿ ಟಿಕೆಟ್‌ಗೂ ಕಮೀಷನ್‌ ಸಿಗುತ್ತದೆ. ಲಿಮಿಟ್ ಇಲ್ಲದೆ ಟಿಕೆಟ್ ಬುಕ್ ಮಾಡಿ ಹೆಚ್ಚು ಹಣ ಗಳಿಸಬಹುದು.

ಬಿಸಿನೆಸ್ ಐಡಿಯಾಗಳು

ದೈನದಿಂನ ಕೆಲಸದೊಂದಿಗೆ ವ್ಯಾಪಾರವನ್ನೂ ಮಾಡುವ ಆಸಕ್ತಿ ನಿಮ್ಮಲ್ಲಿದ್ಯಾ? ಹಾಗಿದ್ದರೆ, ನೀವು ಈ ಅವಕಾಶ ನೋಡಬೇಕು. ಈಗಿರುವ ಕೆಲಸವನ್ನು ಬಿಡದೇ ಈ ಕೆಲಸವನ್ನು ನೀಡು ಮಾಡಬಹುದು. ಭಾರತೀಯ ರೈಲ್ವೆ ಕ್ಯಾಟರಿಂಗ್ ಮತ್ತು ಪ್ರವಾಸೋದ್ಯಮ ನಿಗಮ (IRCTC) ಟಿಕೆಟ್ ಬುಕಿಂಗ್ ಏಜೆಂಟ್ ಆಗಿ ಸುಲಭವಾಗಿ ಹಣ ಗಳಿಸಲು ಸಾಧ್ಯವಿದೆ.ಟಿಕೆಟ್ ಬುಕಿಂಗ್ ಸೇರಿದಂತೆ ಅನೇಕ ರೈಲ್ವೆ ಸಂಬಂಧಿತ ಸೇವೆಗಳನ್ನು ಐಆರ್‌ಸಿಟಿಸಿಯಿಂದಲೇ ಮಾಡಬೇಕು. ಐಆರ್‌ಸಿಟಿಸಿ ಅಧಿಕೃತ ಟಿಕೆಟ್‌ ಏಜೆಂಟ್‌ ಆಗೋ ಮೂಲಕ ತಿಂಗಳಿಗೆ ಸಾವಿರಾರು ರೂಪಾಯಿ ಹಣವನ್ನು ನೀವು ಗಳಿಸಬಹುದು.  

IRCTC

ನಿಮ್ಮ ಮನೆಯಲ್ಲಿ ಅಥವಾ ನೀವು ಇಷ್ಟಪಡೋ ಯಾವುದೇ ಸ್ಥಳದಲ್ಲಿ ಕುಳಿತು ಉತ್ತಮ ಆದಾಯ ಗಳಿಸಬಹುದು. ಏಜೆಂಟ್ ಆಗಿ, ಪ್ರಯಾಣಿಕರಿಗೆ ಟಿಕೆಟ್ ಕಾಯ್ದಿರಿಸುವುದು ನಿಮ್ಮ ಮುಖ್ಯ ಜವಾಬ್ದಾರಿಯಾಗಿದೆ. ಇದಕ್ಕಾಗಿ ನೀವು ಅಧಿಕೃತ IRCTC ವೆಬ್‌ಸೈಟ್‌ಗೆ ಭೇಟಿ ನೀಡಬೇಕು ಮತ್ತು ಏಜೆಂಟ್ ಆಗಲು ಅರ್ಜಿ ಸಲ್ಲಿಸಬೇಕು. ಇದಕ್ಕೆ ಒಪ್ಪಿಗೆ ಸಿಕ್ಕ ಬಳಕ ನೀವು ರೈಲು ಟಿಕೆಟ್‌ಗಳನ್ನು ಕಾಯ್ದಿರಿಸಲು ಅಧಿಕೃತ ಏಜೆಂಟ್‌ ಎನಿಸಿಕೊಳ್ಳುತ್ತೀರಿ. ನೀವು ಬುಕ್ ಮಾಡುವ ಪ್ರತಿ ಟಿಕೆಟ್‌ಗೆ ನೀವು ಕಮಿಷನ್‌ಗಳನ್ನು ಗಳಿಸುತ್ತೀರಿ.

ಭಾರತೀಯ ರೈಲ್ವೆ

ನಾನ್-ಎಸಿ ಟಿಕೆಟ್‌ಗಳಿಗೆ, ನೀವು ಪ್ರತಿ ಟಿಕೆಟ್‌ಗೆ 20 ರೂಪಾಯಿ ಸಿಗಲಿದ್ದರೆ.  ಎಸಿ ಕ್ಲಾಸ್ ಟಿಕೆಟ್‌ಗಳ ಬೆಲೆ ಮೇಲೆ 40 ರೂಪಾಯಿ ಕಮೀಷನ್‌ ಸಿಗುತ್ತದೆ. ಅದರೊಂದಿಗೆ ನಿಮ್ಮ ಕಮೀಷನ್‌ ಭಾಗವಾಗಿ ನೀವು ಒಟ್ಟು ಟಿಕೆಟ್ ದರದ ಶೇಕಡಾವಾರು ಮೊತ್ತವನ್ನು ಸ್ವೀಕರಿಸುತ್ತೀರಿ. ಐಆರ್‌ಸಿಟಿಸಿ ಏಜೆಂಟ್ ಆಗುವ ಒಂದು ಪ್ರಮುಖ ಪ್ರಯೋಜನವೆಂದರೆ ನೀವು ಪ್ರತಿ ತಿಂಗಳು ಎಷ್ಟು ಟಿಕೆಟ್‌ಗಳನ್ನು ಬೇಕಾದರೂ ಬುಕ್ ಮಾಡಬಹುದು. ಇದಕ್ಕೆ ಯಾವುದೇ ಮಿತಿ ಇರೋದಿಲ್ಲ ನೀವು ಅನಿಯಮಿತ ಬುಕಿಂಗ್ ಅನ್ನು ನಿರ್ವಹಿಸಬಹುದು, ಅದು ಸಾಮಾನ್ಯ ಅಥವಾ ತತ್ಕಾಲ್ ಟಿಕೆಟ್ ಆಗಿರಬಹುದು. ದೇಶೀಯ ಮತ್ತು ಅಂತರಾಷ್ಟ್ರೀಯ ವಿಮಾನ ಟಿಕೆಟ್‌ಗಳನ್ನು ಬುಕ್ ಮಾಡಲು ನಿಮಗೆ ಅನುಮತಿ ಸಿಗುತ್ತದೆ.

ಆನ್‌ಲೈನ್ ಟಿಕೆಟ್ ಬುಕಿಂಗ್

ಇದು ನಿಮಗೆ ಮತ್ತೊಂದು ಆದಾಯದ ಮೂಲವನ್ನು ನೀಡುತ್ತದೆ. ರಜಾದಿನಗಳು ಮತ್ತು ಹಬ್ಬಗಳಂತಹ ಪೀಕ್ ಋತುಗಳಲ್ಲಿ, ನಿಮ್ಮ ಆದಾಯವು ಇದರಿಂದ ಹೆಚ್ಚಾಗುತ್ತದೆ ಉದಾಹರಣೆಗೆ, ನೀವು ತಿಂಗಳಿಗೆ 100 ಎಸಿ ಕ್ಲಾಸ್ ಟಿಕೆಟ್‌ಗಳನ್ನು ಬುಕ್ ಮಾಡಿದರೆ 2 ಸಾವಿರ ರೂಪಾಯಿ ಕಮೀಷನ್‌ ಪಡೆಯುತ್ತೀರಿ. ಹೆಚ್ಚಿನ ಬೇಡಿಕೆಯ ಅವಧಿಯಲ್ಲಿ ಈ ಆದಾಯವು ಇನ್ನೂ ಹೆಚ್ಚಾಗಬಹುದು. ಏಜೆಂಟ್‌ ಆಗೋದಕ್ಕೆ ಸಣ್ಣ ಪ್ರಮಾಣದ ಶುಲ್ಕವೂ ಇದೆ. ಐಆರ್‌ಸಿಟಿಸಿ ಏಜೆಂಟ್‌ ಆಗಲು 1 ವರ್ಷಕ್ಕೆ 3999 ರೂಪಾಯಿ ಹಾಗೂ 2 ವರ್ಷಗಳ ಲೈಸೆನ್ಸ್‌ಗೆ 6999 ರೂಪಾಯಿ ಪಾವತಿ ಮಾಡಬೇಕು  ಒಮ್ಮೆ ನೀವು ಏಜೆಂಟ್ ಆಗಿದ್ದರೆ, ಟಿಕೆಟ್ ಬುಕಿಂಗ್ ಶುಲ್ಕಗಳು ತಿಂಗಳಿಗೆ ಬುಕ್ ಮಾಡಿದ ಟಿಕೆಟ್‌ಗಳ ಸಂಖ್ಯೆಯನ್ನು ಆಧರಿಸಿರುತ್ತದೆ.

IRCTC ಟಿಕೆಟ್ ಏಜೆಂಟ್

ಒಂದು ತಿಂಗಳಲ್ಲಿ 100 ಟಿಕೆಟ್‌ಗಳನ್ನು ಕಾಯ್ದಿರಿಸಿದರೆ, ಇದಕ್ಕೆ 10 ರೂಪಾಯಿ ಕಮೀಷನ್‌ ಸಿಗುತ್ತದೆ. 101ರಿಂದ 300 ಟಿಕೆಟ್ ಬುಕ್ ಮಾಡಿದರೆ ಪ್ರತಿ ಟಿಕೆಟ್ ಗೆ 8 ರೂ., 300ಕ್ಕಿಂತ ಹೆಚ್ಚು ಟಿಕೆಟ್ ಬುಕ್ ಮಾಡಿದರೆ 5 ರೂಪಾಯಿ ಸಿಗುತ್ತದೆ. ನೀವು ಎಷ್ಟು ಟಿಕೆಟ್‌ಗಳನ್ನು ಬುಕ್ ಮಾಡಬಹುದು ಎಂಬುದಕ್ಕೆ ಯಾವುದೇ ಮಿತಿಯಿಲ್ಲ. IRCTC ಟಿಕೆಟ್ ಬುಕಿಂಗ್ ಏಜೆಂಟ್ ಆಗುವುದು ಲಾಭದಾಯಕ. ಇದರ ಹೂಡಿಕೆ ಕಡಿಮೆ. ಗಳಿಕೆಯ ಸಾಮರ್ಥ್ಯವು ಹೆಚ್ಚು ಮತ್ತು ಈ ವ್ಯಾಪಾರವನ್ನು ಎಲ್ಲಿಂದಲಾದರೂ ನಡೆಸಬಹುದು.
ಇದನ್ನೂ ಓದಿ: ಕರಾವಳಿಗೆ ಬಿಗ್‌ ನ್ಯೂಸ್‌, ದೀಪಾವಳಿಗೆ ಸ್ಪೆಷಲ್‌ ಟ್ರೇನ್‌ ಘೋಷಿಸಿದ SWR, ಬುಕ್ಕಿಂಗ್‌ ಓಪನ್‌