ಬಿಎಸ್‌ಎನ್‌ಎಲ್‌ನಿಂದ ಗೇಮ್ ಚೇಂಜರ್ ಹೆಜ್ಜೆ: ಜಿಯೋ, ಏರ್‌ಟೆಲ್ ಗಢಗಢ!

ಬಿಎಸ್ಎನ್ಎಲ್ ಕಡಿಮೆ ಬೆಲೆಗೆ 180 ದಿನಗಳ ವ್ಯಾಲಿಡಿಟಿ ಹೊಂದಿರುವ ಪ್ರಿಪೇಯ್ಡ್ ಯೋಜನೆಯನ್ನು ಪರಿಚಯಿಸಿದೆ. ಈ ಯೋಜನೆಯು ಅನಿಯಮಿತ ಕರೆಗಳು, 90 GB ಡೇಟಾ ಮತ್ತು ದಿನಕ್ಕೆ 100 SMS ಗಳನ್ನು ಒಳಗೊಂಡಿದೆ.

ಟೆಲಿಕಾಂ ಕಂಪನಿಗಳು ದರ ಏರಿಕೆ ಮತ್ತು ದುಬಾರಿ ರೀಚಾರ್ಜ್ ಯೋಜನೆಗಳಿಂದ ಗ್ರಾಹಕರ ಜೇಬಿಗೆ ಕತ್ತರಿ ಹಾಕುತ್ತಿವೆ. ಪ್ರತಿ ತಿಂಗಳು ದುಬಾರಿ ರೀಚಾರ್ಜ್ ಮಾಡುವುದು ಗ್ರಾಹಕರಿಗೆ ತಲೆನೋವು ಆಗಿದೆ. ಆದರೆ ಸರ್ಕಾರಿ ಸ್ವಾಮ್ಯದ ಬಿಎಸ್ಎನ್ಎಲ್, ಖಾಸಗಿ ದೈತ್ಯರಾದ ಜಿಯೋ, ಏರ್ಟೆಲ್ ಮತ್ತು ವಿ ಗೆ ಪೈಪೋಟಿ ನೀಡುವ ರೀಚಾರ್ಜ್ ಯೋಜನೆಯನ್ನು ಪರಿಚಯಿಸಿದೆ.

ಖಾಸಗಿ ಕಂಪನಿಗಳು ಒಂದು ತಿಂಗಳ ವ್ಯಾಲಿಡಿಟಿಗೆ ಹೆಚ್ಚಿನ ಹಣ ವಿಧಿಸುತ್ತಿರುವಾಗ, ಬಿಎಸ್ಎನ್ಎಲ್ ಕೈಗೆಟುಕುವ ಬೆಲೆಯಲ್ಲಿ ದೀರ್ಘಾವಧಿಯ ಯೋಜನೆಗಳನ್ನು ನೀಡುತ್ತಿದೆ. ಪದೇ ಪದೇ ರೀಚಾರ್ಜ್ ಮಾಡುವುದರಿಂದ ಬೇಸತ್ತವರಿಗೆ, ಬಿಎಸ್ಎನ್ಎಲ್ 180 ದಿನಗಳ ವ್ಯಾಲಿಡಿಟಿಯ ಯೋಜನೆಯನ್ನು ಪರಿಚಯಿಸಿದೆ.

ಬಿಎಸ್ಎನ್ಎಲ್‌ನ ಈ ಪ್ರಿಪೇಯ್ಡ್ ಯೋಜನೆ ಕೇವಲ 897 ರೂ. ಗಳಿಗೆ ಲಭ್ಯವಾಗಿದೆ. ಈ ಯೋಜನೆಯ ವಿಶೇಷತೆ ಏನೆಂದರೆ ಅದರ 180 ದಿನಗಳ ವ್ಯಾಲಿಡಿಟಿ. ಅಂದರೆ 6 ತಿಂಗಳವರೆಗೆ ರೀಚಾರ್ಜ್ ಬಗ್ಗೆ ಚಿಂತಿಸಬೇಕಾಗಿಲ್ಲ. ಈ ಯೋಜನೆಯಲ್ಲಿ ಎಲ್ಲಾ ನೆಟ್‌ವರ್ಕ್‌ಗಳಿಗೂ ಅನಿಯಮಿತ ಕರೆ ಸೌಲಭ್ಯವಿದೆ. ಒಮ್ಮೆ ರೀಚಾರ್ಜ್ ಮಾಡಿದರೆ ಆರು ತಿಂಗಳವರೆಗೆ ರೀಚಾರ್ಜ್ ಬಗ್ಗೆ ಯೋಚಿಸಬೇಕಿಲ್ಲ.

897 ರೂ. ಯೋಜನೆಯಲ್ಲಿ ಬಿಎಸ್ಎನ್ಎಲ್ 90 GB ಡೇಟಾ ನೀಡುತ್ತದೆ. ಇದರ ವಿಶೇಷತೆ ಏನೆಂದರೆ ದೈನಂದಿನ ಡೇಟಾ ಮಿತಿ ಇಲ್ಲ. ಅಂದರೆ ನಿಮಗೆ ಬೇಕಾದಷ್ಟು ಡೇಟಾವನ್ನು ಒಂದೇ ದಿನದಲ್ಲಿ ಬಳಸಬಹುದು ಅಥವಾ 180 ದಿನಗಳಲ್ಲಿ ಕ್ರಮೇಣ ಬಳಸಬಹುದು. ಇದರೊಂದಿಗೆ ಪ್ರತಿದಿನ 100 ಉಚಿತ SMS ಗಳನ್ನು ಸಹ ಪಡೆಯುತ್ತೀರಿ

ಕಡಿಮೆ ವೆಚ್ಚದಲ್ಲಿ ದೀರ್ಘಾವಧಿಯ ವ್ಯಾಲಿಡಿಟಿ ಬಯಸುವ ಎಲ್ಲ ಗ್ರಾಹಕರಿಗೂ ಬಿಎಸ್ಎನ್ಎಲ್‌ನ ಈ ಯೋಜನೆ ವರದಾನ. ಖಾಸಗಿ ಕಂಪನಿಗಳು ತಮ್ಮ ಯೋಜನೆಗಳನ್ನು ದುಬಾರಿ ಮಾಡುತ್ತಿರುವಾಗ, ಬಿಎಸ್ಎನ್ಎಲ್‌ನ ಈ ನಡೆ ಬಜೆಟ್ ಬಳಕೆದಾರರಿಗೆ ಉತ್ತಮ ಆಯ್ಕೆಯಾಗಿದೆ.