ಏರ್‌ಟೆಲ್ ಗ್ರಾಹಕರಿಗೆ ಬಂಪರ್ ಆಫರ್ ನೀಡಲಾಗಿದೆ. ಯಾವುದೇ ಕಂತು, ಹೆಚ್ಚುವರಿ ಪಾವತಿ ಮಾಡಬೇಕಿಲ್ಲ. ಬರೋಬ್ಬರಿ 5 ಲಕ್ಷ ರೂಪಾಯಿವರೆಗೆ ವಿಮಾ ಸೌಲಭ್ಯವನ್ನು ಪಡೆಯಲಿದ್ದಾರೆ. ಇದಕ್ಕಾಗಿ ಏರ್‌ಟೆಲ್ ವಿಮಾ ಸೌಲಭ್ಯಗಳನ್ನು ಒದಗಿಸಲು ಐಸಿಐಸಿಐ ಲೊಂಬಾರ್ಡ್‌ ಜೊತೆ ಕೈಜೋಡಿಸಿದೆ.
ಭಾರ್ತಿ ಏರ್‌ಟೆಲ್ ದೇಶದ ಎರಡನೇ ಅತಿದೊಡ್ಡ ದೂರಸಂಪರ್ಕ ಕಂಪನಿಯಾಗಿದೆ. ಸುಮಾರು 39 ಕೋಟಿ ಜನರು ಏರ್‌ಟೆಲ್‌ನೊಂದಿಗೆ ಸಂಪರ್ಕ ಹೊಂದಿದ್ದಾರೆ. ಏರ್‌ಟೆಲ್ ತನ್ನ ಗ್ರಾಹಕರಿಗಾಗಿ ಹೊಸ ಸೇವೆಗಳನ್ನು ಪ್ರಾರಂಭಿಸುತ್ತಿದೆ, ಈ ಪೈಕಿ ಉಚಿತ ವಿಮಾ ಯೋಜನೆ ಕುರಿತು ತಿಳಿದಿರುವ ಅಗತ್ಯವಿದೆ ಇದರಲ್ಲಿ ಜನರಿಗೆ ಉಚಿತ ವಿಮೆಯನ್ನು ಸಹ ನೀಡಲಾಗುತ್ತದೆ. ಏರ್‌ಟೆಲ್ ತನ್ನ ಗ್ರಾಹಕರಿಗೆ 5 ಲಕ್ಷ ರೂ.ವರೆಗೆ ಉಚಿತ ವಿಮೆಯನ್ನು ಒದಗಿಸುತ್ತದೆ. ಅಂತಹ 3 ಯೋಜನೆಗಳ ಬಗ್ಗೆ ಇಂದು ತಿಳಿದುಕೊಳ್ಳೋಣ.
ಏರ್‌ಟೆಲ್‌ನ ₹239 ಯೋಜನೆ
ಏರ್‌ಟೆಲ್ ತನ್ನ ₹239 ರೂಪಾಯಿ ರೀಚಾರ್ಜ್ ಮಾಡಿದರೆ ಸಾಕು. ಯೋಜನೆಯಲ್ಲಿ ಉಚಿತ ಅಪಘಾತ ವಿಮೆಯನ್ನು ಒದಗಿಸುತ್ತದೆ. ಈ ಯೋಜನೆಯಲ್ಲಿ, ಬಳಕೆದಾರರಿಗೆ ಅನಿಯಮಿತ ಉಚಿತ ಕರೆ ಮತ್ತು ದೈನಂದಿನ 2 ಜಿಬಿ ಡೇಟಾವನ್ನು 28 ದಿನಗಳ ವ್ಯಾಲಿಡಿಟಿಯೊಂದಿಗೆ ನೀಡಲಾಗುತ್ತದೆ. ಇದಲ್ಲದೆ, ದೈನಂದಿನ 100 ಉಚಿತ SMS ಸೌಲಭ್ಯವನ್ನು ಸಹ ಈ ಯೋಜನೆಯಲ್ಲಿ ಸೇರಿಸಲಾಗಿದೆ. ಈ ಯೋಜನೆಯಲ್ಲಿ, ಫಲಾನುಭವಿ ಮರಣ ಹೊಂದಿದರೆ ಅಥವಾ ಅಂಗವೈಕಲ್ಯ ಹೊಂದಿದರೆ ಅಪಘಾತ ವಿಮೆ ಅಡಿಯಲ್ಲಿ 1 ಲಕ್ಷ ರೂ. ಮತ್ತು ಆಸ್ಪತ್ರೆಗೆ ದಾಖಲಾದರೆ 25,000 ರೂ. ನೀಡಲಾಗುತ್ತದೆ. ಈ ಅಪಘಾತ ವಿಮೆ 30 ದಿನಗಳವರೆಗೆ ಮಾನ್ಯವಾಗಿರುತ್ತದೆ.
ಏರ್‌ಟೆಲ್‌ನ ₹399 ಯೋಜನೆ
ಏರ್‌ಟೆಲ್‌ನ ₹399 ಯೋಜನೆಯಲ್ಲಿ ₹239 ಯೋಜನೆಯ ಎಲ್ಲಾ ಪ್ರಯೋಜನಗಳೂ ಸೇರಿವೆ. ಈ ಯೋಜನೆಯಲ್ಲಿ, ಗ್ರಾಹಕರಿಗೆ 30 ದಿನಗಳ ವ್ಯಾಲಿಡಿಟಿ ಸಿಗುತ್ತದೆ. ಇದರಲ್ಲಿ ಅಪಘಾತ ವಿಮೆಯೂ ಸೇರಿದೆ.ಅಪಘಾತವಾದ ಬಳಕೆದಾರ ಮೃತಪಟ್ಟರೆ ಕುಟುಂಬಕ್ಕೆ 1 ಲಕ್ಷ ರೂಪಾಯಿ, ಗಾಯಗೊಂಡರೆ 25,000 ರೂಪಾಯಿ ಮೊತ್ತ ವಿಮೆ ರೂಪದಲ್ಲಿ ಸಿಗಲಿದೆ. ಇನ್ನು ಈ ರಿಚಾರ್ಜ್ ಪ್ಲಾನ್‌ನಲ್ಲಿ ಅನ್‌ಲಿಮಿಟೆಡ್ ಕಾಲ್, ಡೇಟಾ ಸೇರಿದಂತೆ ಇತರ ಸೌಲಭ್ಯಗಳು ಇರಲಿದೆ.
ಏರ್‌ಟೆಲ್‌ನ ₹969 ಯೋಜನೆ
ಏರ್‌ಟೆಲ್‌ನ ₹969 ಯೋಜನೆ 84 ದಿನಗಳ ವ್ಯಾಲಿಡಿಟಿಯೊಂದಿಗೆ ಬರುತ್ತದೆ. ಈ ಯೋಜನೆಯಲ್ಲಿ, ಬಳಕೆದಾರರಿಗೆ ಅನಿಯಮಿತ ಕರೆ, ದೈನಂದಿನ 100 ಉಚಿತ SMS ಮತ್ತು ದೈನಂದಿನ 1.5 ಜಿಬಿ ಡೇಟಾವನ್ನು ನೀಡಲಾಗುತ್ತದೆ. ಈ ಯೋಜನೆಯಲ್ಲಿ, 18 ರಿಂದ 30 ವರ್ಷ ವಯಸ್ಸಿನವರಿಗೆ ಉಚಿತ ಅಪಘಾತ ವಿಮೆಯನ್ನು ನೀಡಲಾಗುತ್ತದೆ. ಈ ಯೋಜನೆಯನ್ನು ಬಳಸುವ ಮೂಲಕ 5 ಲಕ್ಷ ರೂ.ವರೆಗೆ ಅಪಘಾತ ವಿಮೆಯನ್ನು ಪಡೆಯಬಹುದು.