ಜಾವಾ ಯೆಝೆಡಿ ಬೈಕ್ ಖರೀದಿಸಬೇಕಾ? 29,000 ರೂಪಾಯಿ ಡಿಸ್ಕೌಂಟ್, ಜೊತೆಗೆ ಬ್ಯಾಂಕ್ ಕಾರ್ಡ್ ಡಿಸ್ಕೌಂಟ್, ಕೇವಲ 2,999 ರೂಪಾಯಿ ಡೌನ್‌ ಪೇಮೆಂಟ್ ಸೇರಿದಂತೆ ಹಲವು ಆಫರ್ ನೀಡಲಾಗಿದೆ.ಇದು ಫ್ಲಿಪ್‌ಕಾರ್ಟ್ ಬಿಗ್ ಬಿಲಿಯನ್ ಡೇಸ್ ಸೇಲ್‌ನಲ್ಲಿ ಮಾತ್ರ ಲಭ್ಯವಿದೆ.
ಫ್ಲಿಪ್‌ಕಾರ್ಡ್ ಬಿಗ್ ಬಿಲಿಯನ್ ಡೇಸ್ ಮಾರಾಟದಲ್ಲಿ ಇದೀಗ ಜಾವಾ ಯೆಝಡಿ ಬೈಕ್ ಭಾರಿ ಡಿಸ್ಕೌಂಟ್ ಮೊತ್ತದಲ್ಲಿ ಲಭ್ಯವಿದೆ. ಜಾವಾ ಯೆಝೆಡಿ ಹಾಗೂ ಫ್ಲಿಪ್‌ಕಾರ್ಟ್ ಮಹತ್ವದ ಒಪ್ಪಂದ ಮಾಡಿಕೊಂಡಿದೆ. ಇದರ ಪರಿಣಾಮ ಇದೀಗ ಪ್ಲಿಪ್‌ಕಾರ್ಟ್ ಮೂಲಕ ಬೈಕ್ ಖರೀದಿಸುವ ಗ್ರಾಹಕರಿಗೆ ಭರ್ಜರಿ ಡಿಸ್ಕೌಂಟ್ ಘೋಷಿಸಲಾಗಿದೆ.
ಜಾವಾ ಯೆಝೆಡಿ ಬೈಕ್‌ಗೆ ಗರಿಷ್ಠ 29,000 ರೂಪಾಯಿ ಡಿಸ್ಕೌಂಟ್ ನೀಡಲಾಗಿದೆ. ಇನ್ನು ಏಕ್ಸಿಸ್ ಬ್ಯಾಂಕ್ ಕ್ರೆಡಿಟ್ ಕಾರ್ಡ್ ಮೂಲಕ ಖರೀದಿಸುವ ಗ್ರಾಹಕರಿಗೆ 10,000 ರೂಪಾಯಿ ಬೋನಸ್ ಸಿಗಲಿದೆ. ಇದೀಗ ಫ್ಲಿಪ್‌ಕಾರ್ಟ್ ಮೂಲಕ ಜಾವಾ ಯೆಝಡಿ ಬೈಕ್ ಖರೀದಿಗೆ ಆಸಕ್ತಿ ಹೆಚ್ಚಾಗಿದೆ. ಜಾವಾ ಯೆಝಡಿ ಬೈಕ್ ಖರೀದಿಯಲ್ಲಿ ಕನಿಷ್ಠ 12,500 ರೂಪಾಯಿ ಡಿಸ್ಕೌಂಟ್‌ನಿಂದ ಆಫರ್ ಆರಂಭಗೊಳ್ಳುತ್ತಿದೆ. ಗರಿಷ್ಠ 29,900 ರೂಪಾಯಿ.
ಹೆಚ್‌ಡಿಎಫ್‌ಸಿ ಕ್ರಿಡಿಟ್ ಕಾರ್ಡ್ ಮೂಲಕ ಖರೀದಿಸುವ ಗ್ರಾಹಕರು 8.500 ರೂಪಾಯಿ ಹೆಚ್ಚುವರಿ ಬೋನಸ್ ಪಡೆಯಲಿದ್ದಾರೆ. ಆಫರ್ ಇಷ್ಟಕ್ಕೆ ಮುಗಿದಿಲ್ಲ. ಕೇವಲ 2,999 ರೂಪಾಯಿ ಡೌನ್‌ ಪೇಮೆಂಟ್ ಮೂಲಕ ಬೈಕ್ ಖರೀದಿಸಲು ಸಾಧ್ಯವಿದೆ. ಬಾಕಿ ಮೊತ್ತಕ್ಕೆ ಸುಲಭವಾಗಿ ಸಾಲ ಸೌಲಭ್ಯವನ್ನೂ ಫ್ಲಿಪ್‌ಕಾರ್ಟ್ ನೀಡುತ್ತಿದೆ.
ಜಾವಾ ಯೆಝಡಿ ಬೈಕ್ ಖರೀದಿಸಲು ಹೆಚ್ಚಿನ ಸರ್ಕಸ್ ಮಾಡಬೇಕಿಲ್ಲ. ಕಾರಣ ಅತೀ ಕಡಿಮೆ ಡೌನ್‌ ಪೇಮೆಂಟ್ ಮಾತ್ರವಲ್ಲ, ಸುಲಭ ಸಾಲ ಸೌಲಭ್ಯ, ಇದಕ್ಕೆ ಶೇ.5.99 ರ ಅತ್ಯಂತ ಕಡಿಮೆ ಬಡ್ಡಿದರ ಫಿಕ್ಸ್ ಮಾಡಲಾಗಿದೆ. ಇನ್ನು ತಿಂಗಳ ಇಎಂಐ ಕೇವಲ 1,888 ರೂಪಾಯಿ ಮಾತ್ರ. ಹೀಗಾಗಿ ಇತರ ಹೈಎಂಡ್ ಬೈಕ್‌ಗಳಿಗೆ ಹೋಲಿಕೆ ಮಾಡಿದರೆ ಅತೀ ಕಡಿಮೆ ದರದಲ್ಲಿ ಜಾವಾ ಯೆಝಡಿ ಬೈಕ್ ಮನೆ ಸೇರಲಿದೆ.
ಫ್ಲಿಪ್‌ಕಾರ್ಡ್ ಬಿಗ್ ಬಿಲಿಯನ್ ಡೇಸ್ ಮೂಲಕ ಬೈಕ್ ಖರೀದಿಸುವ ಗ್ರಾಹಕರಿಗೆ ಜಾವಾ ಯೆಝಡಿ ಕಂಪನಿ ಕಡೆಯಿಂದ 4 ವರ್ಷ ಅಥವಾ 50,000 ಕಿಲೋಮೀಟರ್ ವಾರೆಂಟಿ, 4 ವರ್ಷ ಲೇಬರ್ ಫ್ರೀ ಸರ್ವೀಸ್ ಸೇರಿದಂತೆ ಹಲವು ಸೌಲಭ್ಯಗಳನ್ನೂ ನೀಡುತ್ತಿದೆ. ದೇಶದ ಪೂರ್ವ ಭಾಗದಲ್ಲಿ 14,000 ರೂಪಾಯಿ ಮೌಲ್ಯದ ಉಚಿತ ರೋಡ್ ಸೈಡ್ ಅಸಿಸ್ಟೆನ್ಸ್, 1,500 ರೂಪಾಯಿ ಹಾಗೂ 2,500 ರೂಪಾಯಿ ಆ್ಯಕ್ಸೆಸರಿ ಉಚಿತವಾಗಿ ಸಿಗಲಿದೆ. ಇದರ ಜೊತೆಗೆ 10,000 ರೂಪಾಯಿ ಎಕ್ಸ್‌ಚೇಂಜ್ ಬೋನಸ್ ಲಭ್ಯವಿದೆ.
ದೇಶದಲ್ಲಿ ಉತ್ತರ ಭಾಗದಲ್ಲಿನ ಗ್ರಾಹಕರಿಗೆ 10,000 ರೂಪಾಯಿ ಎಕ್ಸ್‌ಚೇಂಜ್ ಬೋನಸ್, 10,00 ರೂಪಾಯಿ ಇತರ ಬೆನಿಫಿಟ್ ಸೇರಿ ಒಟ್ಟು 20,000 ರೂಪಾಯಿ ಬೋನಸ್ ಲಭ್ಯವಿದೆ. ಫ್ಲಿಪ್‌ಕಾರ್ಟ್ ಜೊತೆಗೆ ಜಾವಾ ಯೆಝಡಿ ಆಫರ್ ಗ್ರಾಹಕರ ಬೈಕ್ ಕನಸನ್ನು ಸುಲಭವಾಗಿ ಈಡೇರಿಸಲಿದೆ.