ಫೆರಾರಿಯಿಂದ ಬೆಂಟ್ಲಿವರೆಗೆ ಲಲತ್‌ ಮೋದಿ ಲಕ್ಷುರಿಯಸ್‌ ಕಾರುಗಳ ಕಲೆಕ್ಷನ್‌ ಇವು

ಲಲಿತ್ ಮೋದಿ (alit Modi) ಮತ್ತು ಸುಶ್ಮಿತಾ ಸೇನ್ (Sushmita Sen) ತಮ್ಮ ಸಂಬಂಧವನ್ನು ಬಹಿರಂಗಪಡಿಸಿದಾಗಿನಿಂದ ಸಾಮಾಜಿಕ ಮಾಧ್ಯಮದಲ್ಲಿ ಟ್ರೆಂಡಿಂಗ್ ಆಗಿದ್ದಾರೆ. ಉದ್ಯಮಿ ಮೋದಿ ಅವರು ಮಾಜಿ ವಿಶ್ವ ಸುಂದರಿ ಸುಶ್ಮತಾರ ಜೊತೆಗಿನ  ಕೆಲವು ಫೋಟೋಗಳನ್ನು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ಸ್ವಲ್ಪ ಸಮಯದಿಂದ ಡೇಟಿಂಗ್ ಮಾಡುತ್ತಿದ್ದಾರೆ ಎಂದು ಬಹಿರಂಗಪಡಿಸಿದ್ದಾರೆ. ಲಲಿತ್ ಮೋದಿ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಸ್ಥಾಪಕರು. ಮೋದಿ ಅವರು ಗಾಡ್‌ಫ್ರೇ ಫಿಲಿಪ್ಸ್ ಇಂಡಿಯಾದ ಮಾಜಿ ಕಾರ್ಯನಿರ್ವಾಹಕ ನಿರ್ದೇಶಕರೂ ಆಗಿದ್ದು ಪ್ರಸ್ತುತ ಲಂಡನ್‌ನಲ್ಲಿ ನೆಲೆಸಿದ್ದಾರೆ. ಲಲಿತ್ ಮೋದಿಯವರ ಒಡೆತನದ ಕೆಲವು ಆಕರ್ಷಕ ಕಾರುಗಳ ಬಗ್ಗೆ ಮಾಹಿತಿ ಇಲ್ಲಿದೆ

1. Ferrari F12 Berlinetta:

ಲಲಿತ್ ಮೋದಿ 50ನೇ ಹುಟ್ಟುಹಬ್ಬದ ಉಡುಗೊರೆಯಾಗಿ ತಮ್ಮ ಪುತ್ರನಿಂದ ಫೆರಾರಿ ಎಫ್12 ಬರ್ಲಿನೆಟ್ಟಾ ಸ್ಪೋರ್ಟ್ಸ್ ಕಾರನ್ನು ಉಡುಗೊರೆಯಾಗಿ ಪಡೆದರು. ಕಾರಿನಲ್ಲಿ ವಿಶೇಷ ನಂಬರ್ ಪ್ಲೇಟ್ ಇದ್ದು ಅದರ ಮೇಲೆ 'CRI3KET' ಎಂದು ಬರೆಯಲಾಗಿದೆ. ಈ ಕಾರು ಭಾರತದಲ್ಲಿ ಮಾರಾಟವಾಗುವುದಿಲ್ಲ ಮತ್ತು ಇದರ ಬೆಲೆ ಸುಮಾರು 4.72 ಕೋಟಿ ರೂ. 

2. Ferrari 488 Pista Spider:

ಲಲಿತ್ ಮೋದಿಯವರ ಒಡೆತನದ ಫೆರಾರಿ 488 ಪಿಸ್ತಾ ಸ್ಪೈಡರ್ ಅನ್ನು ಅರ್ಜೆಂಟೀನಾದ ಲಿವರಿಯೊಂದಿಗೆ ಬ್ಲೂ TDF ಪೇಂಟ್ ಸ್ಕೀಮ್‌ನಲ್ಲಿ ಪೂರ್ಣಗೊಳಿಸಲಾಗಿದೆ. ಡಿಸೆಂಬರ್ 2020 ರಲ್ಲಿ ಲಲಿತ್ ಮೋದಿ ಖರೀದಿಸಿದ ಈ ಕಾರಿನ ಮೇಲೆ 'MOD IR' ಎಂದು ಬರೆಯಲಾದ ವಿಶೇಷ ನಂಬರ್ ಪ್ಲೇಟ್ ಕೂಡ ಇದೆ. 

3. Bentley Mulsanne Speed:

ಲಲಿತ್ ಮೋದಿ ಒಡೆತನದ ವಿಶೇಷ ನಂಬರ್ ಪ್ಲೇಟ್ ಹೊಂದಿರುವ ಮತ್ತೊಂದು ವಿಶೇಷ ಕಾರು. ಬೆಂಟ್ಲಿ ಮುಲ್ಸಾನ್ನೆ ಸ್ಪೀಡ್ ಅನ್ನು ಕಂಪನಿಯು ಸ್ಥಗಿತಗೊಳಿಸಿಲ್ಲ ಮತ್ತು ಸಾಕಷ್ಟು ಅಪರೂಪವಾಗಿದೆ. 

4. BMW 7 series:

ಲಲಿತ್ ಮೋದಿ ಅವರು ಭಾರತದಲ್ಲಿ ತಮ್ಮ BMW 7 ಸಿರೀಸ್ ಐಷಾರಾಮಿ ಕಾರಿನಲ್ಲಿ ಹಲವಾರು ಬಾರಿ ಪ್ರಯಾಣಿಸುತ್ತಿದ್ದರು. ಈ ಕಾರು ಟಾಪ್ ಎಂಡ್ 760 LE ರೂಪಾಂತರವಾಗಿದೆ ಮತ್ತು ಇದರ ಬೆಲೆ ಸುಮಾರು 1.95 ಕೋಟಿ ರೂ. (ಎಕ್ಸ್ ಶೋ ರೂಂ).

5. McLaren 720S:

McLaren 720S ಕಾರು ಲಲಿತ್ ಮೋದಿ ಅವರ ಪುತ್ರನ ಒಡೆತನದಲ್ಲಿದೆ ಮತ್ತು ಉದ್ಯಮಿ ತಮ್ಮ Instagram ಖಾತೆಯಲ್ಲಿ ಸೂಪರ್ ಕಾರಿನ ಫೋಟೋವನ್ನು ಹಂಚಿಕೊಂಡಿದ್ದಾರೆ.