ಹೆಸರಿನ ಮೊದಲ ಅಕ್ಷರ ನಮ್ಮ ವ್ಯಕ್ತಿತ್ವವನ್ನು ಹೇಳುತ್ತೆ ಅನ್ನೋದು ಸಂಖ್ಯಾಶಾಸ್ತ್ರದ ನಂಬಿಕೆ. ಅದರಲ್ಲೂ 'A' ಅಕ್ಷರದಿಂದ ಹೆಸರು ಶುರುವಾಗುವವರ ಗುಣಸ್ವಭಾವ ಹೇಗಿರುತ್ತೆ, ಅವರ ಸಾಮರ್ಥ್ಯ ಮತ್ತು ದೌರ್ಬಲ್ಯಗಳೇನು ಅನ್ನೋದನ್ನು ಇಲ್ಲಿ ತಿಳಿಯೋಣ.
ಇಂಗ್ಲಿಷ್ ವರ್ಣಮಾಲೆಯ ಮೊದಲ ಅಕ್ಷರ 'A'. ಹೀಗಾಗಿ ಇದು 1ನೇ ಸಂಖ್ಯೆಯೊಂದಿಗೆ ಸಂಬಂಧ ಹೊಂದಿದೆ. ಹೆಸರಿನ ಮೊದಲ ಅಕ್ಷರವು ವೃತ್ತಿ ಮತ್ತು ಜೀವನದ ಮೇಲೆ ದೊಡ್ಡ ಪ್ರಭಾವ ಬೀರುತ್ತದೆ. 'A' ಅಕ್ಷರದವರು ಶಕ್ತಿಶಾಲಿಗಳಾಗಿದ್ದು, ಯಾವುದೇ ಪರಿಸ್ಥಿತಿಯಲ್ಲೂ ಮುನ್ನುಗ್ಗಲು ಇಷ್ಟಪಡುತ್ತಾರೆ.
24
ಆತ್ಮವಿಶ್ವಾಸ, ಧೈರ್ಯ
ಇವರು ಜಗತ್ತನ್ನೇ ಬದಲಿಸುವ ಶಕ್ತಿ ಹೊಂದಿರಬಹುದು. ಯಾವುದೇ ಸಂಸ್ಥೆಯನ್ನು ಸ್ಥಾಪಿಸುವ ಸಾಮರ್ಥ್ಯ ಇವರಿಗಿರುತ್ತದೆ. ಜವಾಬ್ದಾರಿಗಳನ್ನು ತೆಗೆದುಕೊಳ್ಳಲು ಇಷ್ಟಪಡುತ್ತಾರೆ. ಆತ್ಮವಿಶ್ವಾಸ, ಧೈರ್ಯದಿಂದ ಸ್ವಂತ ನಿರ್ಧಾರಗಳನ್ನು ತೆಗೆದುಕೊಳ್ಳುತ್ತಾರೆ. ಹೊಸ ವಿಷಯಗಳನ್ನು ಕಲಿಯುವುದು ಮತ್ತು ಹೊಸ ಅವಕಾಶಗಳನ್ನು ಹುಡುಕುವುದರಲ್ಲಿ ಇವರು ಸದಾ ಮುಂದಿರುತ್ತಾರೆ.
34
ನಾಯಕತ್ವದ ಗುಣ
ಇವರು ಉತ್ತಮ ಮಾರ್ಗದರ್ಶಕರಾಗಬಲ್ಲರು. ಇತರರಿಗೆ ದಾರಿ ತೋರಿಸುವ ಕೆಲಸದಲ್ಲಿ ಯಶಸ್ಸು ಕಾಣುತ್ತಾರೆ. ಹೀಗಾಗಿ, ನಾಯಕತ್ವದ ಗುಣಗಳಿರುವ ಉದ್ಯೋಗಗಳು ಇವರಿಗೆ ಸೂಕ್ತ. ಸಂಸ್ಥೆಯನ್ನು ಸ್ಥಾಪಿಸುವುದು, ಶಿಕ್ಷಕರಾಗುವುದು ಅಥವಾ ಸಂಶೋಧನೆ ಮಾಡುವುದು ಇವರಿಗೆ ಸರಿಹೊಂದುತ್ತದೆ. ವ್ಯಾಪಾರದಲ್ಲೂ ಇವರು ಯಶಸ್ಸು ಗಳಿಸುತ್ತಾರೆ.
ಪ್ರತಿಯೊಬ್ಬ ವ್ಯಕ್ತಿಗೂ ಸಾಮರ್ಥ್ಯದ ಜೊತೆಗೆ ಕೆಲವು ದೌರ್ಬಲ್ಯಗಳೂ ಇರುತ್ತವೆ. 'A' ಅಕ್ಷರದವರು ಕೆಲವೊಮ್ಮೆ ಅತಿಯಾದ ಆತ್ಮವಿಶ್ವಾಸ ಹೊಂದಿರುತ್ತಾರೆ. ಇದು ಕೆಲವೊಮ್ಮೆ ಅವರಿಗೆ ಕೆಟ್ಟದ್ದನ್ನು ಮಾಡಬಹುದು. ತಮ್ಮ ಆಲೋಚನೆಯೇ ಸರಿ ಎಂದು ಭಾವಿಸಿ, ಇತರರ ಸಲಹೆಗಳನ್ನು ಕಡೆಗಣಿಸುವುದರಿಂದ ನಷ್ಟವಾಗಬಹುದು. ಹೊರಗಿನಿಂದ ಧೈರ್ಯವಂತರಂತೆ ಕಂಡರೂ, ಮನಸ್ಸಿನಲ್ಲಿ ಒತ್ತಡ ಮತ್ತು ಆತಂಕಕ್ಕೆ ಒಳಗಾಗುವ ಸಾಧ್ಯತೆ ಇರುತ್ತದೆ.
