ಮೂರನೇ ಆವೃತ್ತಿಯ ಸೂಪರ್‌ ಕಪ್‌ ಫುಟ್ಬಾಲ್ ಟೂರ್ನಿಯಲ್ಲಿ ಬಿಎಫ್‌ಸಿ-ಕೇರಳ ಮುಖಾಮುಖಿ
ಐಎಸ್‌ಎಲ್‌ ಪ್ಲೇ-ಆಫ್‌ ಪಂದ್ಯದ ಬಳಿಕ ಉಭಯ ತಂಡಗಳು ಮುಖಾಮುಖಿಯಾಗಿದ್ದವು
ವಿವಾದದಲ್ಲಿ ಅಂತ್ಯವಾದ ಬಳಿಕ ಮತ್ತೊಮ್ಮೆ ಉಭಯ ತಂಡಗಳು ಸೆಣಸಾಟ
ಮಂಜೇರಿ(ಏ.16): 3ನೇ ಆವೃತ್ತಿಯ ಸೂಪರ್‌ ಕಪ್‌ ಫುಟ್ಬಾಲ್ ಟೂರ್ನಿಯಲ್ಲಿ ಸೆಮಿಫೈನಲ್‌ ಪ್ರವೇಶಿಸುವ ನಿರೀಕ್ಷೆಯಲ್ಲಿರುವ ಬೆಂಗಳೂರು ಎಫ್‌ಸಿ ಭಾನುವಾರ ‘ಎ’ ಗುಂಪಿನ ನಿರ್ಣಾಯಕ ಕೊನೆ ಪಂದ್ಯದಲ್ಲಿ ಬದ್ಧವೈರಿ ಕೇರಳ ಬ್ಲಾಸ್ಟರ್ಸ್ ವಿರುದ್ಧ ಸೆಣಸಾಡಲಿದೆ. ವಿವಾದಿತ ಐಎಸ್‌ಎಲ್‌ ಪ್ಲೇ-ಆಫ್‌ ಪಂದ್ಯದ ಬಳಿಕ ಉಭಯ ತಂಡಗಳು ಮೊದಲ ಬಾರಿ ಮುಖಾಮುಖಿಯಾಗುತ್ತಿದ್ದು, ಭಾರೀ ಕುತೂಹಲ ಮೂಡಿಸಿದೆ.
ಬಿಎಫ್‌ಸಿ ಆಡಿದ 2 ಪಂದ್ಯಗಳಲ್ಲಿ 1 ಡ್ರಾ, 1 ಗೆಲುವಿನೊಂದಿಗೆ 4 ಅಂಕ ಸಂಪಾದಿಸಿ ಅಗ್ರಸ್ಥಾನದಲ್ಲಿದ್ದು, ಅಷ್ಟೇ ಅಂಕ ಹೊಂದಿರುವ ಶ್ರೀನಿಧಿ ಡೆಕ್ಕನ್‌ 2ನೇ ಸ್ಥಾನ, ಕೇರಳ ಬ್ಲಾಸ್ಟರ್ಸ್ 3 ಅಂಕದೊಂದಿಗೆ 3ನೇ ಸ್ಥಾನದಲ್ಲಿದೆ. ಹೀಗಾಗಿ ಬಿಎಫ್‌ಸಿ ಸೆಮೀಸ್‌ಗೇರಬೇಕಿದ್ದರೆ ಗೆಲ್ಲಲೇಬೇಕಾದ ಅನಿವಾರ್ಯತೆ ಇದೆ.
undefined
ಪಂದ್ಯ: ರಾತ್ರಿ 8.30ಕ್ಕೆ
ಪ್ರಸಾರ: ಸೋನಿ ಸ್ಪೋರ್ಟ್ಸ್‌/ಫ್ಯಾನ್‌ಕೋಡ್‌ ಆ್ಯಪ್‌
ಇಂಡಿಯನ್‌ ಗ್ರ್ಯಾನ್‌ ಪ್ರಿ: ಮನುಗೆ ಜಾವೆಲಿನ್‌ ಚಿನ್ನ
ಬೆಂಗಳೂರು: ಇಂಡಿಯನ್‌ ಗ್ರ್ಯಾನ್‌ ಪ್ರಿ-4 ಅಥ್ಲೆಟಿಕ್ಸ್‌ ಕೂಟದಲ್ಲಿ ಕರ್ನಾಟಕದ ಮನು ಡಿ.ಪಿ. ಹಾಗೂ ರಾಶಿ ಸಿ.ಎಂ. ಚಿನ್ನದ ಪದಕ ಗೆದ್ದಿದ್ದಾರೆ. ಇಲ್ಲಿನ ಶ್ರೀ ಕಂಠೀರವ ಕ್ರೀಡಾಂಗಣದಲ್ಲಿ ಶನಿವಾರ ನಡೆದ ಪುರುಷರ ವಿಭಾಗದ ಜಾವೆಲಿನ್‌ ಎಸೆತದಲ್ಲಿ ಮನು ಮೊದಲ ಪ್ರಯತ್ನದಲ್ಲೇ 84.33 ಮೀ. ದೂರ ಎಸೆದು ಪ್ರಥಮ ಸ್ಥಾನಿಯಾದರು.
IPL 2023 ಆರ್‌ಸಿಬಿ ಸೋಲಿನ ಅನಿಷ್ಠ ದೂರಮಾಡಿದ ಕನ್ನಡಿಗ ವೈಶಾಕ್‌..!
ಮಹಿಳೆಯರ 1500 ಮೀ. ಓಟದಲ್ಲಿ ರಾಶಿ 4 ನಿಮಿಷ 41.58 ಸೆಕೆಂಡ್‌ಗಳಲ್ಲಿ ಕ್ರಮಿಸಿದರು. ಮಹಿಳೆಯರ 100 ಮೀ. ಓಟದಲ್ಲಿ 2ನೇ ಸ್ಥಾನ ಪಡೆದ ದಾನೇಶ್ವರಿ 200 ಮೀ. ಓಟದಲ್ಲಿ 3ನೇ ಸ್ಥಾನ ಪಡೆದರು. ಮಹಿಳೆಯರ 3000 ಮೀ. ಸ್ಟೀಪಲ್ಚೇಸ್ ಶಾಹೀನ್‌ 3ನೇ ಸ್ಥಾನ ಪಡೆದರೆ, ಮಹಿಳೆಯರ ಪೋಲ್‌ವಾಲ್ಟ್‌ನಲ್ಲಿ ಸಿಂಧುಶ್ರೀ 2ನೇ ಸ್ಥಾನ ಗಳಿಸಿದರು. ಇದೇ ವೇಳೆ ಪುರುಷರ ಲಾಂಗ್‌ಜಂಪ್‌ನಲ್ಲಿ ರಾಜ್ಯದ ಆರ್ಯ ಎಸ್‌. 7.64 ಮೀ. ಜಿಗಿದು 3ನೇ ಸ್ಥಾನ ಪಡೆದರು.
ಟೆನಿಸ್‌: ಭಾರತ ಮಹಿಳಾ ತಂಡಕ್ಕೆ ರೋಚಕ ಸೋಲು
ತಾಷ್ಕೆಂಟ್: ವಿಶ್ವ ಮಹಿಳಾ ತಂಡಗಳ(ಬಿಲ್ಲಿ ಜೀನ್‌ ಕಿಂಗ್‌ ಕಪ್‌) ಚಾಂಪಿಯನ್‌ಶಿಪ್‌ನ ಏಷ್ಯಾ-ಓಷಿಯಾನಿಯಾ ಗುಂಪು-1ರಲ್ಲಿ ಭಾರತ ಸತತ 3ನೇ ಸೋಲು ಕಂಡಿದ್ದು, ವಿಶ್ವ ಗುಂಪು ಪ್ಲೇ-ಆಫ್‌ಗೇರಲು ವಿಫಲವಾಗಿದೆ. ಮೊದಲೆರಡು ಪಂದ್ಯದಲ್ಲಿ ಜಯಿಸಿದ್ದ ಭಾರತ ಆ ಬಳಿಕ ನೀರಸ ಪ್ರದರ್ಶನ ತೋರಿತು. ಶನಿವಾರ ಕೊರಿಯಾ ವಿರುದ್ದ 1-2ರಲ್ಲಿ ಸೋಲುಂಡಿತು. ಸಿಂಗಲ್ಸ್‌ನಲ್ಲಿ ಋತುಜಾ ಗೆದ್ದರೆ, ವೈದೇಹಿ ಸೋತರು. ಡಬಲ್ಸ್‌ನಲ್ಲೂ ಭಾರತ ಸೋಲುಂಡಿತು.