ಫಿಫಾ ಪ್ರತಿ ಸದಸ್ಯ ರಾಷ್ಟ್ರಕ್ಕೆ ತಲಾ 1 ಮಿಲಿಯನ್‌ ಡಾಲರ್‌ (ಅಂದಾಜು 7.5 ಕೋಟಿ ರು.) ನೀಡುವುದಾಗಿ ತಿಳಿಸಿದೆ. ಅಲ್ಲದೇ ಸದಸ್ಯ ರಾಷ್ಟ್ರಗಳ ಫುಟ್ಬಾಲ್ ಸಂಸ್ಥೆಗಳು ಬಡ್ಡಿ ರಹಿತ ಸಾಲಕ್ಕೆ ಅರ್ಜಿ ಸಲ್ಲಿಸಬಹುದಾಗಿದೆ ಎಂದು ತಿಳಿಸಿದೆ. ಈ ಕುರಿತಾದ ಒಂದು ರಿಪೋರ್ಟ್ ಇಲ್ಲಿದೆ ನೋಡಿ.
ನವದೆಹಲಿ(ಜೂ.27): ಕೊರೋನಾ ಸೋಂಕಿನಿಂದಾಗಿ ಜಾಗತಿಕ ಮಟ್ಟದಲ್ಲಿ ಫುಟ್ಬಾಲ್ ಕ್ರೀಡೆ ಆರ್ಥಿಕ ಸಂಕಷ್ಟಕ್ಕೆ ಗುರಿಯಾಗಿದ್ದು, ತನ್ನ 211 ಸದಸ್ಯ ರಾಷ್ಟ್ರಗಳ ನೆರವಿಗೆ ಅಂತಾರಾಷ್ಟ್ರೀಯ ಫುಟ್ಬಾಲ್ ಫೆಡರೇಷನ್‌ (ಫಿಫಾ) ಧಾವಿಸಿದೆ.
1.5 ಬಿಲಿಯನ್‌ ಅಮೆರಿಕನ್‌ ಡಾಲರ್‌ (ಅಂದಾಜು 11 ಸಾವಿರ ಕೋಟಿ ರು.) ನೆರವು ಘೋಷಿಸಿರುವ ಫಿಫಾ, ಪ್ರತಿ ಸದಸ್ಯ ರಾಷ್ಟ್ರಕ್ಕೆ ತಲಾ 1 ಮಿಲಿಯನ್‌ ಡಾಲರ್‌ (ಅಂದಾಜು 7.5 ಕೋಟಿ ರು.) ನೀಡುವುದಾಗಿ ತಿಳಿಸಿದೆ. ಅಲ್ಲದೇ ಸದಸ್ಯ ರಾಷ್ಟ್ರಗಳ ಫುಟ್ಬಾಲ್ ಸಂಸ್ಥೆಗಳು ಬಡ್ಡಿ ರಹಿತ ಸಾಲಕ್ಕೆ ಅರ್ಜಿ ಸಲ್ಲಿಸಬಹುದಾಗಿದೆ. ಸಂಸ್ಥೆಗಳ ವಾರ್ಷಿಕ ಆದಾಯದ ಶೇ.35ರಷ್ಟು ಮೊತ್ತವನ್ನು ಸಾಲವಾಗಿ ನೀಡುವುದಾಗಿ ಫಿಫಾ ತಿಳಿಸಿದೆ. ಇದೇ ವೇಳೆ ಅಭಿವೃದ್ಧಿಗಾಗಿ ಮೀಸಲಿಟ್ಟಿರುವ ಹಣವನ್ನು ನೆರವು ಕಾರ್ಯಗಳಿಗೆ ಬಳಸಿಕೊಳ್ಳಲು ಎಲ್ಲಾ ಸದಸ್ಯ ರಾಷ್ಟ್ರಗಳಿಗೆ ಫಿಫಾ ಅನುಮತಿ ನೀಡಿದೆ.
undefined
6 ವರ್ಷದಲ್ಲೇ ಸಿಕ್ಸ್‌ ಪ್ಯಾಕ್‌ ; ನಾನು ಮೆಸ್ಸಿಯಂತಾಗುತ್ತೇನೆ ಎಂದ ಪೋರ..!
"Health comes first, well before football"
FIFA President Gianni Infantino speaks about the FIFA Council's unanimous approval of the FIFA Relief Plan, which will make available up to USD 1.5 billion to assist the football community.
Details 👉 https://t.co/YSFNGtg1PR pic.twitter.com/H4ldahJcnC
ಖರ್ಚಿನ ಮೇಲೆ ನಿಗಾ: ಆರ್ಥಿಕ ನೆರವು ಪಡೆಯುವ ರಾಷ್ಟ್ರಗಳು, ಹಣವನ್ನು ಸೂಕ್ತ ರೀತಿಯಲ್ಲಿ ಬಳಸಿಕೊಳ್ಳಬೇಕು ಎಂದು ಫಿಫಾ ಸೂಚಿಸಿದೆ. ಖರ್ಚಿನ ಮೇಲೆ ಫಿಫಾ ಕಣ್ಣಿಡಲಿದ್ದು, ಅವ್ಯವಹಾರ ಕಂಡು ಬಂದಲ್ಲಿ ಕಠಿಣ ಕ್ರಮ ಕೈಗೊಳ್ಳುವುದಾಗಿ ಎಚ್ಚರಿಸಿದೆ.