ದೀಪಾವಳಿಗೆ ಏನೇನೋ ಖರೀದಿಸ್ಬೇಡಿ, ಶಾಪಿಂಗ್ ನಿಮ್ಮ ರಾಶಿಗೆ ಅನುಗುಣವಾಗಿದ್ರೆ ಸಕ್ಸಸ್ ಗ್ಯಾರೆಂಟಿ!

ದೀಪಾವಳಿ ಸಮಯದಲ್ಲಿ ಅಥವಾ ಧನತ್ರಯೋದಶಿಯಂದು ಯಾವ್ಯಾವುದೋ ವಸ್ತುಗಳನ್ನು ಖರೀದಿ ಮಾಡಿದರೆ ಸಮೃದ್ಧಿಯಾಗುವುದಿಲ್ಲ. ರಾಶಿಗೆ ಅನುಗುಣವಾಗಿ ಏನನ್ನು ಖರೀದಿ ಮಾಡುವುದು ಸೂಕ್ತ ಎಂದು ಅರಿತು ನಡೆದರೆ ಮನೋಭಿಲಾಷೆ ನೆರವೇರುತ್ತದೆ. 

ವಿಜೃಂಭಣೆಯ ದಸರಾ ಪೂರ್ಣಗೊಂಡ ಕೆಲವೇ ದಿನಗಳಲ್ಲಿ ಬದುಕಲ್ಲಿ ಹೊಸ ಬೆಳಕು, ಉತ್ಸಾಹ ಮೂಡಿಸುವ ದೀಪಾವಳಿ ಹಬ್ಬ ಎದುರಾಗುತ್ತಿದೆ. ದೀಪಾವಳಿಯನ್ನು ಹೊಸ ಚೈತನ್ಯದ ಕುರುಹಿನಂತೆಯೇ ಪರಿಗಣಿಸಲಾಗುತ್ತದೆ. ಈ ಸಮಯ ಕೇವಲ ಮನೆಯನ್ನು ಸ್ವಚ್ಛಗೊಳಿಸುವುದು, ಅಲಂಕರಿಸುವುದಕ್ಕೆ ಮಾತ್ರ ಸೀಮಿತವಲ್ಲ. ಹಣಕಾಸು ಪ್ರಗತಿ, ಉಜ್ವಲ ಭವಿಷ್ಯಕ್ಕಾಗಿ ಉತ್ತಮ ಕ್ರಮಗಳನ್ನು ಅನುಸರಿಸಬೇಕಾದ ದಿನಗಳೂ ಆಗಿವೆ. ದೀಪಾವಳಿಯ ಮೊದಲು ಬರುವ ತ್ರಯೋದಶಿಯಂದು ಏನಾದರೂ ಖರೀದಿ ಮಾಡುವುದು ಉತ್ತಮ ಎಂದು ಭಾವಿಸಲಾಗಿದೆ. ಈ ದಿನವನ್ನು ಧನತ್ರಯೋದಶಿ ಎಂದೇ ಹೇಳಲಾಗುತ್ತದೆ. ಈ ಬಾರಿ ನೀವು ಏನನ್ನು ಖರೀದಿಸಬೇಕೆಂದುಕೊಂಡಿದ್ದೀರಿ? ಮನಸ್ಸಿನಲ್ಲಿ ಅಂದುಕೊಂಡಿದ್ದನ್ನು ಖರೀದಿಸುವ ಮುನ್ನ ನಿಮ್ಮ ರಾಶಿಗೆ ಅನುಗುಣವಾಗಿ, ನಿಮಗೆ ಅದೃಷ್ಟ ತರುವ ವಸ್ತುಗಳನ್ನು ಶಾಪಿಂಗ್ ಮಾಡುವುದು ಶ್ರೇಯಸ್ಕರ. ಯಾವ ರಾಶಿಗೆ ಏನನ್ನು ಖರೀದಿಸುವುದು ಉತ್ತಮ ಎಂದು ತಿಳಿದುಕೊಳ್ಳಿ.

•    ಮೇಷ (Aries)
ಮೇಷ ರಾಶಿಯ ಚೈತನ್ಯಕ್ಕೆ (Energy) ಸರಿಸಾಟಿಯಾಗುವಂತೆ ಈ ಬಾರಿಯ ದೀಪಾವಳಿಗೆ ಚಿನ್ನದ ಆಭರಣ (Jewelry) ಅಥವಾ ನಾಣ್ಯಗಳನ್ನು (Coins) ಖರೀದಿ ಮಾಡುವುದು ಉತ್ತಮ. ನಿಮ್ಮ ಹಣಕಾಸು (Financial) ಪ್ರಗತಿಗೆ ಇದರಿಂದ ಹೆಚ್ಚಿನ ವೇಗ ದೊರೆಯುತ್ತದೆ.

•    ವೃಷಭ (Taurus)
ಲಕ್ಸುರಿ ಹಾಗೂ ಸುಂದರವಾದ ವಸ್ತುಗಳ ಬಗ್ಗೆ ಮೋಹವಿರುವ ವೃಷಭ ರಾಶಿಯ ಜನ ಈ ದೀಪಾವಳಿಗೆ ವಿಶೇಷ ಖರೀದಿ (Purchase) ಮಾಡಬೇಕು. ಚಿನ್ನಾಭರಣ, ಕಲಾತ್ಮಕ (Artistic) ವಸ್ತು ಅಥವಾ ಮನೆಯನ್ನು ಅಲಂಕರಿಸುವ ಯಾವುದಾದರೂ ಸುಂದರ ಸಲಕರಣೆ ಖರೀದಿಸಬೇಕು. ಇದರಿಂದ ಮನದಾಳದ ಬಯಕೆಗಳು ಪೂರ್ತಿಯಾಗಿ ಜೀವನ ಸಮೃದ್ಧವೆನಿಸುತ್ತದೆ.

•     ಮಿಥುನ (Gemini)
ಸಂವಹನದಲ್ಲಿ ನಂಬಿಕೆ ಇಟ್ಟಿರುವ ಮಿಥುನ ರಾಶಿಯ ಜನ ಗ್ಯಾಜೆಟ್ಸ್ ಅಥವಾ ಮೌಲಿಕ ಕೃತಿಗಳನ್ನು (Books) ಖರೀದಿಸುವುದು ಉತ್ತಮ. ಮಾಹಿತಿ ಹೆಚ್ಚಿಸಲು, ಜ್ಞಾನ ವೃದ್ಧಿಸಲು ಇವು ನೆರವಾಗುತ್ತವೆ.

•    ಕರ್ಕಾಟಕ (Cancer)
ಮನೆ ಮತ್ತು ಕುಟುಂಬಕ್ಕೆ ಆಳವಾದ ಸಂಪರ್ಕ ಹೊಂದಿರುವ ಕರ್ಕಾಟಕ ರಾಶಿಯ ಜನ ಈ ಬಾರಿ, ಮನೆಗೆ ಅಗತ್ಯವಿರುವ ಯಾವುದೇ ಸಲಕರಣೆ, ಅಡುಗೆ ಮನೆಯಲ್ಲಿ (Kitchen) ಬಳಸುವ ವಸ್ತುಗಳನ್ನು ಖರೀದಿ ಮಾಡಬೇಕು. ಇದರಿಂದ ಮನೆಯಲ್ಲಿ ಸಂತಸ ಹೆಚ್ಚುತ್ತದೆ. 

•    ಸಿಂಹ (Leo)
ಆತ್ಮವಿಶ್ವಾಸಿ, ವರ್ಚಸ್ಸಿನ ಸಿಂಹ ರಾಶಿಯ ಜನ ಈ ಬಾರಿಯ ದೀಪಾವಳಿಗೆ ಬಟ್ಟೆ (Cloth), ಆಭರಣ ಅಥವಾ ನಿಮ್ಮತನವನ್ನು ಉತ್ತೇಜಿಸುವ ಯಾವುದೇ ವಸ್ತುವನ್ನು ಖರೀದಿಸಬಹುದು. ಇದರಿಂದ ಹೆಚ್ಚು ಅವಕಾಶಗಳು ನಿಮ್ಮದಾಗುತ್ತವೆ. 

•    ಕನ್ಯಾ (Virgo)
ವಿಸ್ತೃತ ಮಾಹಿತಿ ಇಷ್ಟಪಡುವ ಕನ್ಯಾ ರಾಶಿಯ ಜನರು, ಸ್ಟೇಷನರಿ ಅಥವಾ ಆರೋಗ್ಯಕ್ಕೆ (Health) ಸಂಬಂಧಿಸಿದ ಯಾವುದೇ ವಸ್ತುಗಳನ್ನು ಖರೀದಿ ಮಾಡಬಹುದು. ಇದರಿಂದ ಸಂಘಟಿತವಾಗಿರಲು ಹಾಗೂ ಒಟ್ಟಾರೆ ನಿಮ್ಮ ಕ್ಷೇಮಕ್ಕೆ ಅನುಕೂಲವಾಗುತ್ತದೆ.

•    ತುಲಾ (Libra)
ಸಾಮರಸ್ಯ, ಸೌಹಾರ್ದತೆಯ ತುಲಾ ರಾಶಿಯ ಜನ ಕಲೆ, ಸಂಗೀತ (Music) ಅಥವಾ ಮನೆಯ ಅಲಂಕಾರಿಕ ವಸ್ತುಗಳನ್ನು ಖರೀದಿಸಬೇಕು. ಈ ಹೂಡಿಕೆಯಿಂದ ಜೀವನದ ಸೌಂದರ್ಯ, ಸಮತೋಲನ ಹೆಚ್ಚುತ್ತದೆ. ಅಲೌಕಿಕ ನೆಮ್ಮದಿ ದೊರೆಯುತ್ತದೆ.

•    ವೃಶ್ಚಿಕ (Scorpio)
ವೃಶ್ಚಿಕ ರಾಶಿಯ ಜನ ತೀವ್ರತೆಗೆ ಮತ್ತೊಂದು ಹೆಸರು. ಹೀಗಾಗಿ, ಇವರು ರತ್ನಗಳು (Gemstones), ಹರಳು, ಸುಗಂಧಭರಿತ ವಸ್ತುಗಳು ಮತ್ತು ಧಾರ್ಮಿಕ ಕಲಾಕೃತಿಗಳನ್ನು ಮನೆಗೆ ತರಬೇಕು. ಇವುಗಳಿಂದ ನಿಮ್ಮ ಆಸೆ ಪೂರೈಸುತ್ತದೆ. 

•    ಧನು (Sagittarius)
ಅನ್ವೇಷಣೆಯನ್ನು ಪ್ರೀತಿಸುವ ಧನು ರಾಶಿಯ ಜನ ಪ್ರಯಾಣಕ್ಕೆ ಸಂಬಂಧಿಸಿದ ಅಥವಾ ಶೈಕ್ಷಣಿಕ (Educational) ವಸ್ತುಗಳನ್ನು ಖರೀದಿಸಬೇಕು. ಜ್ಞಾನಕ್ಕಾಗಿ ಹಂಬಲಿಸುವ ನಿಮ್ಮ ಮನಸ್ಸಿಗೆ ಇದರಿಂದ ಬೆಂಬಲ ದೊರೆಯುತ್ತದೆ. ದೈಹಿಕವಾಗಿ, ಮಾನಸಿಕವಾಗಿ ನೆಮ್ಮದಿ ಸಿಗುತ್ತದೆ.

•    ಮಕರ (Capricorn)
ಮಹತ್ವಾಕಾಂಕ್ಷೆಯ ಮಕರ ರಾಶಿಯ ಜನ ಈ ಬಾರಿಯ ದೀಪಾವಳಿಗೆ ವಹಿವಾಟಿಗೆ (Business) ಸಂಬಂಧಿಸಿದ ಯಾವುದೇ ವಸ್ತು, ಸಲಕರಣೆಗಳನ್ನು ಖರೀದಿಸಬಹುದು. ಇದರಿಂದ ನಿಮ್ಮ ಗುರಿ ಸಾಧಿಸಲು ಅನುಕೂಲವಾಗುತ್ತದೆ. ಯಶಸ್ಸು ದೊರೆಯುತ್ತದೆ. ಪ್ರಗತಿಯತ್ತ ದಾಪುಗಾಲು ಹಾಕುತ್ತೀರಿ.

•    ಕುಂಭ (Aquarius)
ವಿಶಿಷ್ಟ ದೃಷ್ಟಿಕೋನದ ಕುಂಭ ರಾಶಿಯ ಜನ ತಂತ್ರಜ್ಞಾನ (Tech) ಅಥವಾ ಸಾಮಾಜಿಕ ಉದ್ದೇಶಕ್ಕೆ ಬಳಕೆ ಮಾಡಬಹುದಾದ ಯಾವುದೇ ಸಲಕರಣೆ ಖರೀದಿಸುವುದು ಒಳ್ಳೆಯದು. ಇದರಿಂದಾಗಿ ನಿಮ್ಮ ಚಿಂತನಾಕ್ರಮಕ್ಕೆ ಬೆಂಬಲ ದೊರೆಯುತ್ತದೆ.

•    ಮೀನ (Pisces)
ಕ್ರಿಯಾಶೀಲತೆಯ ಸೂಕ್ಷ್ಮ ಮನಸ್ಸಿನ ಮೀನ ರಾಶಿಯ ಜನರು ಕಲಾತ್ಮಕ ವಸ್ತುಗಳು, ಸಂಗೀತದ ಸಲಕರಣೆಗಳು, ಆಧ್ಯಾತ್ಮಿಕ (Spiritual) ಸಾಹಿತ್ಯಗಳನ್ನು ಖರೀದಿಸಬೇಕು. ಇದರಿಂದ ಕ್ರಿಯಾಶೀಲತೆ, ಆಧ್ಯಾತ್ಮಿಕ ಭಾವನೆಗಳಿಗೆ ಚೈತನ್ಯ ದೊರೆಯುತ್ತದೆ.