'ಕಷ್ಟಗಳು ಮನುಷ್ಯನಿಗೆ ಅಲ್ಲದೆ ಮರಕ್ಕೆ ಬರುತ್ತದೆಯೇ?' ಅನ್ನುವ ಮಾತಿನಂತೆ, ಎಂತಹದೇ ಸವಾಲಿನ ಪರಿಸ್ಥಿತಿ ಹಾಗೂ ಸಂದರ್ಭಗಳು ಎದುರಾದರೂ ಅದನ್ನು ಸಮಾಧಾನದಿಂದ ಎದುರಿಸಿ ಉತ್ತಮ ಪರಿಹಾರ ಕಂಡುಕೊಳ್ಳುವ ಜನರಿವರು, ಇವರ ಈ ನಡೆಗೆ ಅವರು ಜನಿಸಿರುವ ರಾಶಿ ನಕ್ಷತ್ರಗಳು ಕಾರಣ..!
ನಾವೆಲ್ಲರೂ ಜೀವನದಲ್ಲಿ ಹಲವಾರು ಸವಾಲಿನ ಸಂದರ್ಭಗಳನ್ನು ಎದುರಿಸುತ್ತೇವೆ, ಆದರೆ ನಮ್ಮಲ್ಲಿ ಬೆರಳೆಣಿಕೆಯಷ್ಟು ಜನರು ಮಾತ್ರ ಅವುಗಳನ್ನು ಸರಾಗವಾಗಿ ನಿಭಾಯಿಸುತ್ತಾರೆ ಹಾಗೂ ಅದನ್ನು ಅತ್ಯಂತ ತಾಳ್ಮೆಯಿಂದ ನಿರ್ವಹಿಸುತ್ತಾರೆ. ಇಲ್ಲಿ ನೀಡಲಾಗಿರುವ ಕೆಲವು ರಾಶಿಚಕ್ರದ ಚಿಹ್ನೆಯ ಜನ ತಮ್ಮ ಜವಾಬ್ದಾರಿಗಳ ಬಗ್ಗೆ ತಿಳಿದಿರುತ್ತಾರೆ ಮತ್ತು ಅಂತಹ ಕಷ್ಟಕರವಾದ ಪರಿಸ್ಥಿತಿಗಳು ತಮ್ಮ ಮೇಲೆ ಯಾವುದೇ ರೀತಿಯ ನಕಾರಾತ್ಮಕ ಪರಿಣಾಮ ಬೀರಲು ಬಿಡುವುದಿಲ್ಲ. ಎಂತಹದೇ ಸನ್ನಿವೇಶವನ್ನು ಎದುರಿಸಲು ಬೇಕಾಗುವ ಅರಿವು ಮತ್ತು ಸಾಮರ್ಥ್ಯ ಅವರಲ್ಲಿ ಇರುತ್ತದೆ. ಕಷ್ಟಕರ ಸಂದರ್ಭಗಳು, ಬಿಕ್ಕಟ್ಟುಗಳು ಎಲ್ಲವೂ ಜೀವನದ ಒಂದು ಭಾಗ ಇದನ್ನು ಧೈರ್ಯದಿಂದ ಎದುರಿಸಬೇಕೆಂದು ನಂಬುವ ರಾಶಿಚಕ್ರಗಳ ಪಟ್ಟಿ ಇಲ್ಲಿದೆ.
ಮಿಥುನ ರಾಶಿ (Gemini)
ಮಿಥುನ ರಾಶಿಯವರು ತಮ್ಮ ಸಮತೋಲನವನ್ನು ಕಾಪಾಡಿಕೊಳ್ಳುತ್ತಾರೆ ಮತ್ತು ಒತ್ತಡದಲ್ಲಿಯೂ ಮನಸ್ಸು ತಮ್ಮ ಹತೋಟಿಯಲ್ಲಿ ಇರುವಂತೆ ನೋಡಿಕೊಳ್ಳುತ್ತಾರೆ . ಅವರಿಗೆ ಅತ್ಯುತ್ತಮ ಭಾಷಣ (Oratory) ಕೌಶಲ್ಯವಿದೆ. ಇದರಿಂದಾಗಿ ಎಂತಹದೇ ವಿವಾದಗಳಿದ್ದರೂ ಅದನ್ನು ಪರಿಹರಿಸುವಲ್ಲಿ ಯಶಸ್ಸು ಕಾಣುತ್ತಾರೆ. ಅವರ ಸಂವಹನ (Communication) ಸಾಮರ್ಥ್ಯದಿಂದಾಗಿಯೆ ಅವರು ಒತ್ತಡದ ಸಂದರ್ಭವನ್ನು ಎದುರಿಸುವ ಮಾರ್ಗವಾಗಿರುತ್ತದ. ತಮಗೆ ಯಾವ ರೀತಿಯ ಸಮಸ್ಯೆ (Problems) ಎಂದುರಾಗಬಹುದು, ಬೇರೆಯವರು ತಂದೊಡ್ಡುವ ಸಮಸ್ಯೆಗಳನ್ನು ಹೇಗೆ ಪರಿಣಾಮಕಾರಿಯಾಗಿ ಎದುರಿಸಬಹುದು ಅನ್ನುವಂತಹ ಪರಿಹಾರಗಳ (Solutions) ಕುರಿತು ಆಗಾಗ ಕಲಿಸಿಕೊಳ್ಳುವ ಮೂಲಕ ಹೊಸ ಮಾರ್ಗಗಳನ್ನು ರೂಪಿಸುತ್ತಾರೆ.
ಇದನ್ನೂ ಓದಿ: Flirting ಮಾಡೋದರಲ್ಲಿ ಈ zodiac signನ ಜನರು ನಿಸ್ಸೀಮರು!
ಸಿಂಹ ರಾಶಿ (Leo)
ಸಿಂಹ ರಾಶಿಯವರು ಸಂದರ್ಭಗಳ ಉಸ್ತುವಾರಿಯನ್ನು (Charge) ತೆಗೆದುಕೊಳ್ಳುತ್ತಾರೆ ಮತ್ತು ಸಮಸ್ಯೆಗಳನ್ನು ಎದುರಿಸುತ್ತಾರೆ. ಅವರು ಒತ್ತಡದ ಸಂದರ್ಭಗಳನ್ನು ನಿಭಾಯಿಸಲು ಸಮರ್ಥರಾಗಿದ್ದಾರೆ. ಅವರು ಶಾಂತ ಸ್ವಭಾವದ ವ್ಯಕ್ತಿಗಳು. ಸನ್ನಿವೇಶವು ಎಷ್ಟೇ ಉದ್ವಿಗ್ನವಾಗಿದ್ದರೂ (Critical), ಅದನ್ನು ನಿಧಾನವಾಗಿ ತಮ್ಮ ಹತೋಟಿಗೆ ತಂದುಕೊಂಡು ಸಮಾಧಾನದಿಂದ ನಿಭಾಯಿಸುತ್ತಾರೆ. ಹಾಗೂ ಅವರ ಕಂಡುಕೊಳ್ಳುವ ಪರಿಹಾರ ತರ್ಕಬದ್ಧವಾಗಿ ಇರುತ್ತದೆ. ಸುಮ್ಮನೆ ಕೋಪಗೊಂಡು ಸಮಸ್ಯೆ ಉಲ್ಬಣವಾಗುವಂತೆ ಮಾಡುವ ಬದಲು ತಾಳ್ಮೆಯಿಂದ (Calm) ಸಮಸ್ಯೆಯ ಪರಿಹಾರ ಕಂಡುಕೊಳ್ಳುವುದು ಸೂಕ್ತ ಎಂಬುದು ಇವರ ನಂಬಿಕೆ.
ಮಕರ ರಾಶಿ (Capricorn)
ಯಾವುದೇ ಸನ್ನಿವೇಶವನ್ನು ನಿಭಾಯಿಸಲು ಮತ್ತು ಒತ್ತಡವನ್ನು (Stress) ನಿರ್ವಹಿಸಲು ಮಕರ ರಾಶಿಯ ಜನರು ಪ್ರಾಯೋಗಿಕವಾಗಿ ಚಿಂತನೆ ನಡೆಸಿ ಪರಿಹಾರ ಕಂಡುಕೊಳ್ಳುತ್ತಾರೆ. ವಿಷಯಗಳು ತಮ್ಮ ಕೈ ತಪ್ಪುವ ಮೊದಲು ಅಥವಾ ಅವರ ವ್ಯಾಪ್ತಿಯು ಮತ್ತು ಶಕ್ತಿಯನ್ನು ಮೀರುವ ಮುನ್ನ, ಅವರು ತಮ್ಮ ಶಾಂತತೆಯನ್ನು ಕಳೆದುಕೊಳ್ಳದೆ ಪರಿಹಾರ ಕಂಡುಕೊಳ್ಳಬೇಕು ಎಂದು ಬಯಸುತ್ತಾರೆ ಮತ್ತು ಅದನ್ನು ಪರಿಣಾಮಕಾರಿಯಾಗಿ (Effective) ನಿರ್ವಹಿಸುತ್ತಾರೆ. ಅವರು ಒತ್ತಡವನ್ನು ಎದುರಿಸುವಲ್ಲಿ ವ್ಯವಸ್ಥಿತರಾಗಿ ಯೋಜನೆ ರೂಪಿಸಿ ಸವಾಲಿನ ಸಂದರ್ಭಗಳನ್ನು ನಿಭಾಯಿಸುತ್ತಾರೆ.
ಇದನ್ನೂ ಓದಿ: ಅತ್ತೆಯನ್ನು ಬುಟ್ಟಿಗೆ ಹಾಕಿಕೊಳ್ಳುವಲ್ಲಿ ಎತ್ತಿದ ಕೈ ಈ ರಾಶಿಯವರು!
ತುಲಾ ರಾಶಿ (Libra)
ತುಲಾ ರಾಶಿಯವರು ಯಾವುದರ ಬಗ್ಗೆಯೂ ಬಹಳವಾಗಿ ಚಿಂತಿಸುವುದಿಲ್ಲ. ಇದು ಎಷ್ಟರ ಮಟ್ಟಿಗೆ ಇರುತ್ತದೆ ಅಂದರೆ, ಯಾವುದೋ ಒಂದು ಸಮಸ್ಯೆಯಲ್ಲಿ ಅವರು ಸಿಲುಕಿ ಹಾಕಿಕೊಂಡಿದ್ದು, ಪರಿಸ್ಥಿತಿ ಎದುರಿಸಲು ಕಷ್ಟವಾಗುತ್ತಿದೆ ಅನ್ನುವ ಸಂದರ್ಭದಲ್ಲಿಯೂ (Situation) ಕೂಡ, ಯಾವುದೂ ತನ್ನ ಕೈ ಮೀರಿ ಹೋಗಿಲ್ಲ ಎಲ್ಲವೂ ತನ್ನ ಹಿಡಿತದಲ್ಲಿದೆ (Control) ಅನ್ನುವ ರೀತಿಯ ವರ್ತನೆಯನ್ನು ತೋರುತ್ತಾರೆ. ಅದನ್ನು ಎದುರಿಸಲು ಕ್ರಮ ತೆಗೆದುಕೊಳ್ಳುವುದನ್ನು ವಿಳಂಬಗೊಳಿಸುವ ಮೂಲಕ ಮತ್ತು ಪರಿಸ್ಥಿತಿಯನ್ನು ಶಾಂತಗೊಳಿಸಲು ಸಮಯವನ್ನು ನೀಡುವ ಮೂಲಕ, ಅವರು ಒತ್ತಡವನ್ನು ಎದುರಿಸುವ ಕೂಲಾದ (Cool) ವಿಧಾನವನ್ನು ಅನುಸರಿಸುತ್ತಾರೆ. ಅವರು ಇತರರಿಗೆ ಸಾಂತ್ವನವನ್ನು ನೀಡುವ ಮೂಲಕ ದೃಢತೆಯಿಂದ (Firmness) ಸಮಸ್ಯೆಯನ್ನು ಉಲ್ಬಣಗೊಳಿಸದಂತೆ ತಡೆಯುತ್ತಾರೆ.