ಮಹಾಶಿವರಾತ್ರಿಯು ಶಿವ-ಪಾರ್ವತಿಯರ ಸಂಯೋಗದ ಸಂಕೇತವಾಗಿದೆ. ಪ್ರೀತಿಯಲ್ಲಿರುವವರು ಬಯಸಿದ ಜೀವನ ಸಂಗಾತಿಯನ್ನು ಪಡೆಯಲು, ವಿವಾಹ ವಿಳಂಬದಿಂದ ಕಂಗಾಲಾದವರು ಶೀಘ್ರ ವಿವಾಹಕ್ಕಾಗಿ ಈ ದಿನ ಈ ಕ್ರಮಗಳನ್ನು ಮಾಡುವುದರಿಂದ ಬಯಕೆ ಪೂರ್ಣಗೊಳ್ಳಲಿದೆ.
ಮಹಾಶಿವರಾತ್ರಿ ಹಬ್ಬವನ್ನು ಪ್ರತಿ ವರ್ಷ ಮಾಘ ಮಾಸದ ಚತುರ್ದಶಿಯಂದು ಆಚರಿಸಲಾಗುತ್ತದೆ. ನಂಬಿಕೆಯ ಪ್ರಕಾರ, ಈ ದಿನದಂದು ಭಗವಾನ್ ಶಿವ ಮತ್ತು ತಾಯಿ ಪಾರ್ವತಿಯನ್ನು ಪೂಜಿಸುವುದರಿಂದ ವೈವಾಹಿಕ ಜೀವನದ ಎಲ್ಲಾ ಸಮಸ್ಯೆಗಳು ದೂರವಾಗುತ್ತವೆ. ಇದರೊಂದಿಗೆ, ಮಹಾಶಿವರಾತ್ರಿಯ(Maha Shivratri 2023) ಹಬ್ಬವು ಮದುವೆ ವಿಳಂಬವಾಗುವವರಿಗೆ ಅಥವಾ ಅವರ ನಿಜವಾದ ಪ್ರೀತಿಯನ್ನು ಪಡೆಯಲು ಬಯಸುವವರಿಗೆ ಅತ್ಯಂತ ಮಂಗಳಕರ ದಿನವಾಗಿದೆ. ಈ ದಿನ, ನಿಜವಾದ ಸಮರ್ಪಣೆಯೊಂದಿಗೆ ಕೆಲವು ಕ್ರಮಗಳನ್ನು ಮಾಡುವುದರಿಂದ, ನಿಮ್ಮ ಇಷ್ಟಾರ್ಥಗಳನ್ನು ಪೂರೈಸಬಹುದು. ಹಾಗಾದರೆ ಪರಿಹಾರವನ್ನು ತಿಳಿಯೋಣ.
ಶೀಘ್ರ ಮದುವೆಗೆ
ಮದುವೆಯಲ್ಲಿ ಅಡೆತಡೆಗಳಿದ್ದರೆ, ಮಹಾಶಿವರಾತ್ರಿಯ ದಿನ, ಶಿವ ಮತ್ತು ಪಾರ್ವತಿಯ ಮೂರ್ತಿಗಳನ್ನು ಹತ್ತಿರವಿರುವ ದೇವಸ್ಥಾನಕ್ಕೆ ತೆಗೆದುಕೊಂಡು ಹೋಗಿ. ಇದರ ನಂತರ, ತೆಗೆದುಕೊಂಡು ಶಿವ ಮತ್ತು ತಾಯಿ ಪಾರ್ವತಿಗೆ ಏಳು ಬಾರಿ ಪ್ರದಕ್ಷಿಣೆ ಹಾಕಿ ಮತ್ತು ಕೆಂಪು ದಾರದಿಂದ ಇಬ್ಬರನ್ನೂ ಸುತ್ತಿ ಕಟ್ಟಿಕೊಳ್ಳಿ. ಪ್ರದಕ್ಷಿಣೆ ಮಾಡಲು ಸೂಕ್ತ ಸ್ಥಳವಿಲ್ಲದಿದ್ದರೆ, ಅದೇ ಸ್ಥಳದಲ್ಲಿ ನಿಂತಿರುವಾಗಲೂ ನೀವು ದಾರವನ್ನು ಕಟ್ಟಬಹುದು. ಆ ನಂತರ ಇಬ್ಬರನ್ನೂ ಒಟ್ಟಾಗಿ ಪೂಜಿಸಿ. ಕಡೆಯಲ್ಲಿ ಶಿವ ಮತ್ತು ತಾಯಿ ಪಾರ್ವತಿಯನ್ನು ನಿಮ್ಮ ಇಷ್ಟಾರ್ಥಗಳನ್ನು ಪೂರೈಸಲು ಪ್ರಾರ್ಥಿಸಿ.
ಬಯಸಿದ ಜೀವನ ಸಂಗಾತಿಗಾಗಿ
ಮಹಾಶಿವರಾತ್ರಿಯ ದಿನ ಕೆಂಪು ಬಣ್ಣದ ಬಟ್ಟೆಗಳನ್ನು ಧರಿಸಿ ಶಿವನ ದೇವಸ್ಥಾನಕ್ಕೆ ಹೋಗಿ. ಶಿವ ಮತ್ತು ತಾಯಿ ಪಾರ್ವತಿಯನ್ನು ಆರಾಧಿಸಿ. ಇದರ ನಂತರ, ತಾಯಿ ಪಾರ್ವತಿಗೆ ಕೆಂಪು ಬಳೆಗಳು, ಕೆಂಪು ಕುಪ್ಪಸ, ಮೆಹಂದಿ, ಬಿಂದಿ, ಸಿಂಧೂರ, ಕುಂಕುಮ ಇತ್ಯಾದಿಗಳನ್ನು ಅರ್ಪಿಸಿ. ಇದರ ನಂತರ ತಾಯಿ ಪಾರ್ವತಿಯನ್ನು ಪ್ರಾರ್ಥಿಸಿ. ಬಳಿಕ, ರಾಮಚರಿತ ಮಾನಸದಲ್ಲಿ ವಿವರಿಸಲಾದ ಶಿವ-ಪಾರ್ವತಿ ವಿವಾಹದ ಸಂದರ್ಭವನ್ನು ಓದಬೇಕು. ಮದುವೆಯಲ್ಲಿನ ಅಡೆತಡೆಗಳನ್ನು ನಿವಾರಿಸಲು ಮತ್ತು ಬಯಸಿದ ಜೀವನ ಸಂಗಾತಿಯನ್ನು ಪಡೆಯಲು ಈ ಪಾಠವು ತುಂಬಾ ಮಂಗಳಕರವಾಗಿದೆ.
MahaShivratri 2023: ಶಿವನ ಕುರಿತ ಈ ಆಸಕ್ತಿಕರ ಕತೆಗಳನ್ನು ಕೇಳಿದ್ದೀರಾ?
ಪ್ರೇಮ ವಿವಾಹಕ್ಕಾಗಿ
ಪ್ರೇಮವಿವಾಹಕ್ಕಾಗಿ ಮಹಾಶಿವರಾತ್ರಿಯ ದಿನದಂದು ಪಾರ್ವತಿ ತಾಯಿಯ ಮುಂದೆ ರಾಮಚರಿತ ಮಾನಸದ ಈ ದ್ವಿಪದಿ ಪಠಿಸಿ. ರಾಮಚರಿತ ಮಾನಸದಲ್ಲಿ, ಈ ಘಟನೆಯು ಬಾಲಕಾಂಡಕ್ಕೆ ಸಂಬಂಧಿಸಿದೆ. ಅದರ ಪ್ರಕಾರ, ಭಗವಾನ್ ಶ್ರೀರಾಮನನ್ನು ನೋಡಿದ ಸೀತೆ, ತಾಯಿ ಪಾರ್ವತಿಯ ಬಳಿ ಭಗವಾನ್ ರಾಮನನ್ನು ವರನಾಗಿ ಪಡೆಯಲು ಬಯಸುತ್ತಾಳೆ. ಈ ಚೌಪಾಯಿಯನ್ನು ಓದುವಾಗ ಅವನನ್ನು ಮದುವೆಯಾಗಲು ಬಯಸುತ್ತಾಳೆ.
ತೌ ಭಗವಾನು ಸ್ಥೂಲ ಉರ್ ಸ್ಥೂಲ
ಕರಿಹಿ ಮೋಹಿ ರಘುಬರನ ದಾಸಿ ॥
ನೀವು ಕೂಡಾ ಈ ಶ್ಲೋಕ ಓದಿ, ನೀವು ಬಯಸುವ ಸಂಗಾತಿಯನ್ನು ಕರುಣಿಸಲು ಪಾರ್ವತಿಯಲ್ಲಿ ಬೇಡಿಕೊಳ್ಳಿ.
ಕುಂಭ ರಾಶಿಯಲ್ಲಿ ಸೂರ್ಯನ ಸಂಕ್ರಮಣ, ಈ 4 ರಾಶಿಯವರಿಗೆ ಕಷ್ಟಗಳು ಹೆಚ್ಚಾಗಬಹುದು!
ಕುಜ ದೋಷವಿದ್ದರೆ
ಶಿವನಿಗೆ ಪಂಚಾಮೃತ ಅಭಿಷೇಕ ಮಾಡಿ ಮದುವೆಗಾಗಿ ಪ್ರಾರ್ಥಿಸಿ. ನೀವು ಕುಜ ದೋಷದಿಂದ ಬಳಲುತ್ತಿದ್ದರೆ ಜೇನುತುಪ್ಪದೊಂದಿಗೆ ಅಭಿಷೇಕವನ್ನು ಮಾಡಿ. ಶನಿ ಅಥವಾ ಶನಿಗ್ರಹದಿಂದ ನೀವು ದಾಂಪತ್ಯದಲ್ಲಿ ಸಮಸ್ಯೆ ಎದುರಿಸುತ್ತಿದ್ದರೆ ಅಭಿಷೇಕವನ್ನು ಕಪ್ಪು ಎಳ್ಳಿನಿಂದ ಮಾಡಿ. ಈ ಮಂಗಳಕರ ಹಗಲು ರಾತ್ರಿ ರುದ್ರಾಭಿಷೇಕ ಖಂಡಿತವಾಗಿಯೂ ನಿಮಗೆ ಅನಿರೀಕ್ಷಿತ ಫಲಿತಾಂಶಗಳನ್ನು ತೋರಿಸುತ್ತದೆ.
ನಿಮ್ಮ ಜೀವನವನ್ನು ಫಲಪ್ರದ, ಶಕ್ತಿಯುತ, ಸುಗಮವಾಗಿಸಲು ಶಿವ ದೇವರ ಈ ಮಂಗಳಕರ ರಾತ್ರಿಯನ್ನು ಬಳಸಿಕೊಳ್ಳಿ. ನಿಮ್ಮ ಜೀವನವನ್ನು ಬಲಪಡಿಸಲು ಆಧ್ಯಾತ್ಮಿಕ ಅಭ್ಯಾಸಗಳನ್ನು ಮಾಡಿ. ಈ ಪವಿತ್ರ ರಾತ್ರಿ ವರ್ಷಕ್ಕೊಮ್ಮೆ ಬರುತ್ತದೆ ಮತ್ತು ಯಾರಾದರೂ ಶಿವನಿಗೆ ಸಂಬಂಧಿಸಿದ ಜಪತಪದಲ್ಲಿ ನಿರತರಾದರೆ ಖಂಡಿತವಾಗಿಯೂ ಯಶಸ್ಸಿನ ಬಾಗಿಲು ತೆರೆಯುತ್ತದೆ.
ದಿನ ಭವಿಷ್ಯ, ವಾರ ಭವಿಷ್ಯ, ನಿಮ್ಮ ರಾಶಿ ವಿಶೇಷ, ದಿನ ವಿಶೇಷ, ಹಬ್ಬ ಹರಿದಿನಗಳು, ಸಂಪ್ರದಾಯ ಆಚರಣೆಗಳು, ಅವುಗಳ ವೈಜ್ಞಾನಿಕ ಹಿನ್ನೆಲೆ, ಪುರಾಣ ಪುಣ್ಯ ಕತೆಗಳು, ವಾಸ್ತು ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಸುವರ್ಣ ನ್ಯೂಸ್ ಜ್ಯೋತಿಷ್ಯ ವಿಭಾಗವನ್ನು ತಪ್ಪದೇ ನೋಡುತ್ತಿರಿ.