ಅಂತೂ ನಿಧಾನಗತಿಯ ಶನಿ ಗ್ರಹವು ರಾಶಿ ಬದಲಾವಣೆ ಮಾಡುವ ಸಮಯ ಸನ್ನಿಹಿತವಾಗಿದೆ. ಇದರಿಂದ ಕೆಲ ರಾಶಿಗಳು ಶನಿಯ ಸಾಡೇಸಾತಿ, ಅರ್ಧಾರ್ಧದಿಂದ ಮುಕ್ತಿ ಪಡೆದರೆ ಮತ್ತೆ ಕೆಲ ರಾಶಿಗಳು ಶನಿಯ ಕಠಿಣ ಪರೀಕ್ಷೆಗಳಿಗೆ ಒಳಗಾಗಬೇಕಾಗುತ್ತದೆ. ಹಾಗೆ ಶನಿ ಗೋಚಾರದಿಂದ ಕಷ್ಟಗಳನ್ನು ಎದುರಿಸುವ 5 ರಾಶಿಗಳು ಇಲ್ಲಿವೆ.
ಜ್ಯೋತಿಷ್ಯ ಲೆಕ್ಕಾಚಾರದ ಪ್ರಕಾರ, ಜನವರಿ 17, ಮಂಗಳವಾರ, ಶನಿಯು ಮಕರ ರಾಶಿಯನ್ನು ತೊರೆದು ಕುಂಭ ರಾಶಿಯನ್ನು ಪ್ರವೇಶಿಸುತ್ತಿದೆ. ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಶನಿಯ ಸಂಕ್ರಮಣವು ದೇಶ ಮತ್ತು ಪ್ರಪಂಚದಲ್ಲಿ ಬಹಳಷ್ಟು ಪ್ರಭಾವ ಬೀರಲಿದೆ. ಇದರೊಂದಿಗೆ ಕೆಲ ರಾಶಿಚಕ್ರದವರಿಗೆ ನಡೆಯುತ್ತಿದ್ದ ಶನಿಗ್ರಹದ ಸಾಡೇಸಾತಿ, ಮಹಾದಶಾ, ಅರ್ಧಾರ್ಧ ಕೊನೆಗೊಳ್ಳುತ್ತವೆ. ಮತ್ತೆ ಕೆಲ ರಾಶಿಗಳಿಗೆ ಶುರುವಾಗುತ್ತದೆ. ಶನಿಯ ರಾಶಿ ಬದಲಾವಣೆಯು ಅನೇಕ ರಾಶಿಗಳಿಗೆ ವಿಶೇಷವಾಗಿರುತ್ತದೆ. ಆದರೆ ಹಲವು ರಾಶಿಚಕ್ರದವರು ಸ್ವಲ್ಪ ಎಚ್ಚರಿಕೆ ವಹಿಸಬೇಕಾಗುತ್ತದೆ. ಶನಿಯ ಸಂಕ್ರಮಣದಿಂದ ಯಾವ ರಾಶಿಯವರಿಗೆ(zodiac signs) ಕಷ್ಟಗಳು ಎದುರಾಗುತ್ತವೆ ಎಂಬುದನ್ನು ತಿಳಿಯೋಣ.
2023ರಲ್ಲಿ ಶನಿಯ ರಾಶಿ ಪರಿವರ್ತನೆ ಯಾವಾಗ?
ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಶನಿದೇವನು ಮಕರ ರಾಶಿಯಲ್ಲಿ ಸಂಚರಿಸುತ್ತಿದ್ದಾನೆ. ಜನವರಿ 17, 2023ರಂದು ರಾತ್ರಿ 8:02ಕ್ಕೆ ಶನಿಯು ಮಕರ ರಾಶಿಯಿಂದ ಹೊರಟು ಕುಂಭ ರಾಶಿಯನ್ನು(Saturn transit to Aquarius) ಪ್ರವೇಶಿಸುತ್ತಾನೆ. ಶನಿಯ ಈ ರಾಶಿ ಬದಲಾವಣೆಯು ಪ್ರತಿಯೊಂದು ರಾಶಿಯ ಸ್ಥಳೀಯರ ಜೀವನದ ಮೇಲೆ ಪರಿಣಾಮ ಬೀರಲಿದೆ.
ಈ ರಾಶಿಚಕ್ರದ ಚಿಹ್ನೆಗಳ ಮೇಲೆ ಶನಿಯ ದುಷ್ಟ ಪ್ರಭಾವ ಹೆಚ್ಚಾಗುತ್ತದೆ.
ಮೇಷ ರಾಶಿ(Aries)
ಶನಿಯ ಸಂಚಾರವು ಈ ರಾಶಿಚಕ್ರ ಚಿಹ್ನೆಗೆ ಅಶುಭವೆಂದು ಸಾಬೀತುಪಡಿಸಬಹುದು. ಅಂಥ ಪರಿಸ್ಥಿತಿಯಲ್ಲಿ, ಈ ರಾಶಿಚಕ್ರದ ಸ್ಥಳೀಯರ ಆರ್ಥಿಕ ಸ್ಥಿತಿಯು ಕೆಟ್ಟದಾಗುತ್ತದೆ. ನಿಮ್ಮ ಮಾತಿನ ಮೇಲೆ ಸಂಪೂರ್ಣ ಹಿಡಿತವನ್ನು ಇಟ್ಟುಕೊಳ್ಳಿ, ಇಲ್ಲದಿದ್ದರೆ ಸಂಬಂಧವು ರೂಪುಗೊಳ್ಳುವ ಸಮಯದಲ್ಲಿ ಹಾಳಾಗಬಹುದು. ತಂದೆಯೊಂದಿಗಿನ ಸಂಬಂಧಗಳು ಕೆಟ್ಟದಾಗಬಹುದು.
ಇಲ್ಲಿವೆ ಶ್ರೀ ಸಿದ್ದೇಶ್ವರ ಸ್ವಾಮೀಜಿಗಳ ಹತ್ತು ನುಡಿ ಮುತ್ತು..
ಮಿಥುನ ರಾಶಿ(Gemini)
ಈ ರಾಶಿಯಲ್ಲಿ ಶನಿಯು ಒಂಬತ್ತನೇ ಸ್ಥಾನದಲ್ಲಿ ಸಂಚರಿಸುತ್ತಿದ್ದಾನೆ. ಇಂಥ ಪರಿಸ್ಥಿತಿಯಲ್ಲಿ ಈ ರಾಶಿಯವರು ಸಣ್ಣ ಕೆಲಸಕ್ಕೂ ಹೆಚ್ಚು ಶ್ರಮ ಪಡಬೇಕಾಗುತ್ತದೆ. ಉದ್ಯೋಗ ಮತ್ತು ವ್ಯವಹಾರದಲ್ಲಿ ಕೆಲವು ರೀತಿಯ ಸಮಸ್ಯೆ ಉಂಟಾಗಬಹುದು. ನಿಮ್ಮ ಆರೋಗ್ಯದ ಬಗ್ಗೆ ಸ್ವಲ್ಪ ಜಾಗರೂಕರಾಗಿರಿ. ಕುಟುಂಬ ಸದಸ್ಯರೊಂದಿಗೆ ಸಣ್ಣ ವಿವಾದಗಳು ಉಂಟಾಗಬಹುದು.
ಸಿಂಹ ರಾಶಿ(Leo)
ಈ ರಾಶಿಚಕ್ರದಲ್ಲಿ ಶನಿಯು ಏಳನೇ ಮನೆಯಲ್ಲಿರುತ್ತಾನೆ. ಅಂತಹ ಪರಿಸ್ಥಿತಿಯಲ್ಲಿ, ಈ ರಾಶಿಚಕ್ರದ ಜನರು ದೈಹಿಕ ಮತ್ತು ಮಾನಸಿಕ ಒತ್ತಡವನ್ನು ಎದುರಿಸಬೇಕಾಗಬಹುದು. ಶನಿಯ ದುಷ್ಟ ಅಂಶದಿಂದಾಗಿ ಹತ್ತಿರದ ಮತ್ತು ಆತ್ಮೀಯರೊಂದಿಗೆ ದೂರವಿರಬಹುದು. ನೀವು ಎಲ್ಲೋ ಹೂಡಿಕೆ ಮಾಡಲು ಯೋಚಿಸುತ್ತಿದ್ದರೆ, ಸ್ವಲ್ಪ ಸಮಯದವರೆಗೆ ನಿಲ್ಲಿಸಿ.
ವೃಶ್ಚಿಕ ರಾಶಿ(Scorpio)
ಈ ರಾಶಿಚಕ್ರದ ಸ್ಥಳೀಯರಿಗೆ ಶನಿಯ ಸಂಕ್ರಮಣವು ಮಂಗಳಕರವೆಂದು ಸಾಬೀತುಪಡಿಸುವುದಿಲ್ಲ. ಈ ರಾಶಿಚಕ್ರದಲ್ಲಿ ಶನಿಯು ನಾಲ್ಕನೇ ಸ್ಥಾನದಲ್ಲಿ ಕುಳಿತುಕೊಳ್ಳುತ್ತಾನೆ. ನಿಮ್ಮ ಮಾತು ಮತ್ತು ಕೋಪದ ಮೇಲೆ ಸ್ವಲ್ಪ ನಿಯಂತ್ರಣವಿರಲಿ. ಏಕೆಂದರೆ ಇದರಿಂದ ನೀವು ಉತ್ತಮ ಅವಕಾಶವನ್ನೂ ಕಳೆದುಕೊಳ್ಳಬಹುದು. ವೈವಾಹಿಕ ಜೀವನದಲ್ಲಿ ಕೆಲವು ಸಮಸ್ಯೆಗಳಿರಬಹುದು.
Grah Gochar January 2023; 4 ರಾಶಿಗಳಿಗೆ ಅದೃಷ್ಟ ತರುವ ಜನವರಿ
ಮೀನ ರಾಶಿ(Pisces)
ಈ ರಾಶಿಚಕ್ರದಲ್ಲಿ ಶನಿಯು ಹನ್ನೆರಡನೇ ಮನೆಯಲ್ಲಿ ಸಂಚರಿಸುತ್ತಿದ್ದಾನೆ. ಇಂಥ ಪರಿಸ್ಥಿತಿಯಲ್ಲಿ ಶನಿಯ ಸ್ಥಾನದ ದುಷ್ಪರಿಣಾಮಗಳು ಈ ರಾಶಿಯವರಿಗೆ ಕಾಣಿಸಲಿವೆ. ಜೊತೆಗೆ ಮಾನಸಿಕ, ಆರ್ಥಿಕ ಸಮಸ್ಯೆಗಳನ್ನು ಎದುರಿಸಬೇಕಾಗಬಹುದು. ಹಾಗಾಗಿ ಯಾವುದೇ ಕೆಲಸ ಮಾಡುವ ಮುನ್ನ ಎಚ್ಚರದಿಂದಿರಿ.