ನೀಮ್ ಕರೋಲಿ ಬಾಬಾನ ಅದ್ಭುತ ಕಥೆಗಳು ಪ್ರಪಂಚದಾದ್ಯಂತ ಪ್ರಸಿದ್ಧವಾಗಿವೆ. ಬಾಬಾರನ್ನು ಹನುಮಾನ್ ಜಿ ಅವರ ಅವತಾರ ಎಂದು ಕರೆಯಲಾಗುತ್ತದೆ. ಬಾಬಾರ ವಿಶೇಷತೆ ಏನೆಂದರೆ ಅವರು ತಮ್ಮ ಪಾದ ಮುಟ್ಟಲು ಯಾರಿಗೂ ಅವಕಾಶ ನೀಡುತ್ತಿರಲಿಲ್ಲ.
ಇತ್ತೀಚೆಗೆ ನೀಮ್ ಕರೋಲಿ ಬಾಬಾ ಆಶ್ರಮಕ್ಕೆ ವಿರಾಟ್ ಕೊಹ್ಲಿ, ಅನುಷ್ಕಾ ಶರ್ಮಾ ದಂಪತಿ ಭೇಟಿ ನೀಡಿದಾಗಿನಿಂದ ಬಾಬಾ ಹೆಸರು ಎಲ್ಲೆಡೆ ಸುದ್ದಿಯಾಗುತ್ತಿದೆ. ಆ್ಯಪಲ್‌ ಸಿಇಒ ಸ್ಟೀವ್ ಜಾಬ್ಸ್, ಫೇಸ್‌ಬುಕ್‌ ಸಂಸ್ಥಾಪಕ ಮಾರ್ಕ್ ಝುಕರ್‌ಬರ್ಗ್ ಸೇರಿ ಜಗತ್ತಿನಾದ್ಯಂತ ಹಲವು ಪ್ರಸಿದ್ಧ ರಾಜಕಾರಣಿಗಳು, ಸಿನಿಮಾ ತಾರೆಯರು, ಕ್ರೀಡಾಪಟುಗಳು, ಕೈಗಾರಿಕೋದ್ಯಮಿಗಳೆಲ್ಲ ಬಾಬಾ ಭಕ್ತರಾಗಿದ್ದಾರೆ.
ಬಾಬಾನನ್ನು ನಂಬುವವರೆಲ್ಲರೂ ಅವರನ್ನು ಭಗವಾನ್ ಹನುಮಂತನ ಅವತಾರವೆಂದೇ ನಂಬುತ್ತಾರೆ. ತಾನೊಬ್ಬ ಸಾಮಾನ್ಯ ವ್ಯಕ್ತಿ ಎಂದು ಸ್ವತಃ ಬಾಬಾರೇ ಹೇಳಿದರೂ ಜನರು ಅವರ ಮಾತನ್ನು ನಂಬಲು ಸಿದ್ಧವಿಲ್ಲದಷ್ಟು ಅವಧೂತರು ಅವರಾಗಿದ್ದರು. ನೀಮ್ ಕರೋಲಿ ಬಾಬಾ ಕುರಿತ ಕುತೂಹಲಕಾರಿ ಸಂಗತಿಗಳು ಇಲ್ಲಿವೆ..
ಬಾಬಾ ನಿಜವಾಗಿಯೂ ಹನುಮಂತನ ಅವತಾರವೇ?
ನೀಮ್ ಕರೋಲಿ ಬಾಬಾ ಅವರ ಮೂಲ ಹೆಸರು ಲಕ್ಷ್ಮೀನಾರಾಯಣ ಶರ್ಮಾ. ಅವರು ಭಜರಂಗಬಲಿಯ ಅವತಾರವೆಂದೇ ಪ್ರಸಿದ್ಧರು. ಭಕ್ತರು ನೀಮ್ ಕರೋಲಿ ಬಾಬಾರನ್ನು ಹನುಮಾನ್ ಜಿಯ ಅವತಾರವೆಂದು ಪರಿಗಣಿಸುತ್ತಾರೆ. ಇದಕ್ಕೆ ಕಾರಣವೆಂದರೆ ಬಾಬಾರ ಜೀವನದಲ್ಲಿ ನಡೆದ ಅನೇಕ ಘಟನೆಗಳು ಅವರ ಸಾಮರ್ಥ್ಯ, ಶಕ್ತಿ ಮತ್ತು ದಯೆಯನ್ನು ತೋರಿಸುತ್ತವೆ. ಇದರಿಂದಾಗಿ ಅವರನ್ನು ಆಂಜನೇಯನ ಅವತಾರವೆಂದು ಪರಿಗಣಿಸಲಾಗಿದೆ. ನೀಮ್ ಕರೋಲಿ ಬಾಬಾ ಅವರು ಆಧ್ಯಾತ್ಮಿಕ ಪ್ರಗತಿಗೆ ಜನರನ್ನು ಪ್ರೇರೇಪಿಸಿದರು ಮತ್ತು ದುಃಖಗಳನ್ನು ತೊಡೆದು ಹಾಕಲು ಸಹಾಯ ಮಾಡಿದರು. ಅದಕ್ಕಾಗಿಯೇ ನೀಮ್ ಕರೋಲಿ ಬಾಬಾ ಅವರನ್ನು ಹನುಮಾನ್ ಅವತಾರ ಎಂದು ಕರೆಯಲಾಗುತ್ತದೆ.
Baby Boy names: ಗಂಡು ಮಗುವಿಗೆ ಹೆಸರು ಹುಡುಕುತ್ತಿದ್ದೀರಾ? ಆಂಜನೇಯನ ಈ ಅನನ್ಯ ಹೆಸರಿಡಬಹುದು ನೋಡಿ..
ನೈನಿತಾಲ್‌ನಲ್ಲಿದೆ ಸಮಾಧಿ
ಬಾಬಾರವರ ಸಮಾಧಿಯು ನೈನಿತಾಲ್ ಬಳಿಯ ಪಂತನಗರದಲ್ಲಿದೆ. ಇದರೊಂದಿಗೆ ಬಾಬಾರವರ ಭವ್ಯ ವಿಗ್ರಹವೂ ಇದೆ. ಇಲ್ಲಿ ಹನುಮಾನ್ ಜೀ ಮೂರ್ತಿಯನ್ನೂ ಸ್ಥಾಪಿಸಲಾಗಿದೆ. ಏಕೆಂದರೆ ಬಾಬಾ ಆಂಜನೇಯನ ಪರಮ ಭಕ್ತರಾಗಿದ್ದರು. ಅವರೇ ದೇಶಾದ್ಯಂತ ಹಲವು ಹನುಮಾನ್ ಮಂದಿರಗಳನ್ನು ನಿರ್ಮಿಸಿದ್ದರು.
ನೀಮ್ ಕರೋಲಿ ಬಾಬಾ ಬಗ್ಗೆ ಕುತೂಹಲಕಾರಿ ಸಂಗತಿಗಳು