ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ವ್ಯಕ್ತಿಯ ಜಾತಕದಲ್ಲಿ ಈ ಒಂದು ರಾಜಯೋಗವಿದ್ದರೆ ಆತನು ಬದುಕಿನಲ್ಲಿ ಅತಿ ಅದೃಷ್ಟವಂತ. ಜೀವನದಲ್ಲಿ ಸಿಕ್ಕಾಪಟ್ಟೆ ಶ್ರೀಮಂತನಾಗುವುದಷ್ಟೇ ಅಲ್ಲ, ಹೆಸರು, ಅಭಿಮಾನಿಗಳು ಎಲ್ಲವೂ ಹೆಚ್ಚುತ್ತದೆ. ಯಾವುದು ಈ ಮಹಾಯೋಗ?
ಇದೊಂದು ಯೋಗ ಹುಟ್ಟುತ್ತಲೇ ಜಾತಕದಲ್ಲಿತ್ತೆಂದರೆ ನೀವು ಗೆದ್ದಿರೆಂದೇ ಅರ್ಥ. ನಿಮ್ಮ ಭವಿಷ್ಯದಲ್ಲಿ ನೀವು ಅತ್ಯುತ್ತಮ ಆರ್ಥಿಕ ಸ್ಥಿತಿ ಹೊಂದುವುದನ್ನು, ಹೆಸರು, ಖ್ಯಾತಿ ಗಳಿಸುವುದನ್ನು ಹಾಗೂ ಎಲ್ಲ ಭೌತಿಕ ಸಂತೋಷವನ್ನು ಗಳಿಸುವುದನ್ನು ಖಾತ್ರಿಪಡಿಸುತ್ತದೆ ಇದೊಂದು ಯೋಗ. ಇದು ವ್ಯಕ್ತಿಯೊಬ್ಬ ಕುಂಡಲಿಯಲ್ಲಿ ಹೊಂದಬಹುದಾದ ಶ್ರೇಷ್ಠ ಯೋಗವೆಂದು ಪರಿಗಣಿತವಾಗಿದೆ.
ಯಾವುದಪ್ಪಾ ಈ ಅದೃಷ್ಟದ ಮಹಾಯೋಗ ಎಂದಿರಾ? ಇದೇ ಮಾಳವ್ಯ ಯೋಗ. ಇದು ಸಂಪತ್ತು ಮತ್ತು ಭೌತಿಕ ಸಂತೋಷವನ್ನು ನೀಡುವ ಶುಕ್ರ ಗ್ರಹಕ್ಕೆ ಸಂಬಂಧಿಸಿದೆ.
ಜಾತಕ(Horoscope)ದಲ್ಲಿ ಈ ಯೋಗ ಇರುವವರ ಆರ್ಥಿಕ ಸ್ಥಿತಿ ಉತ್ತಮವಾಗಿರುತ್ತದೆ. ಅಲ್ಲದೆ ಫಿಲ್ಮ್ ಲೈನ್, ಮೀಡಿಯಾ ಮತ್ತು ಫ್ಯಾಶನ್ ಡಿಸೈನಿಂಗ್ ಕ್ಷೇತ್ರದಲ್ಲಿ ಅವರು ಒಳ್ಳೆಯ ಹೆಸರು ಗಳಿಸುತ್ತಾರೆ. ಅಲ್ಲದೆ, ಈ ಜನರು ಆಕರ್ಷಕ ವ್ಯಕ್ತಿತ್ವವನ್ನು ಹೊಂದಿರುತ್ತಾರೆ. ಈ ಯೋಗವಿದ್ದವರ ಜೀವನವು ಯಶಸ್ಸಿನ ಸರಮಾಲೆಯಿಂದ ಕೂಡಿರುತ್ತದೆ. ಜೀವನದ ಎಲ್ಲಾ ಸಂತೋಷಗಳು ದಕ್ಕುತ್ತವೆ. ಇವರು ಮಾಡುವ ಯಾವುದೇ ಕೆಲಸದಲ್ಲಿ ಉತ್ಕೃಷ್ಟರಾಗಿರುತ್ತಾರೆ ಮತ್ತು ಕುಟುಂಬಕ್ಕೆ ಹೆಮ್ಮೆ ತರುತ್ತಾರೆ.
ಈ ಯೋಗವು ನಿಮ್ಮನ್ನು ಆಸಕ್ತಿದಾಯಕ ಮತ್ತು ಆಕರ್ಷಕ ವ್ಯಕ್ತಿಯನ್ನಾಗಿ ಮಾಡುತ್ತದೆ. ನಿಮ್ಮ ಆಕರ್ಷಕ ಮತ್ತು ಬಲವಾದ ವ್ಯಕ್ತಿತ್ವದಿಂದ ಜನರು ಆಕರ್ಷಿತರಾಗುತ್ತಾರೆ. ಅವರು ನೀವು ಯಾರೆಂಬುದನ್ನು ಪ್ರೀತಿಸುತ್ತಾರೆ ಮತ್ತು ನಿಮ್ಮನ್ನು ಅನುಕರಿಸಲು ಪ್ರಯತ್ನಿಸುತ್ತಾರೆ.
ದಾರಿ ಮಧ್ಯೆ ಬಿದ್ದ ಈ ವಸ್ತುವನ್ನು ಅಪ್ಪಿ ತಪ್ಪಿಯೂ ತುಳೀಬೇಡಿ
ಜಾತಕದಲ್ಲಿ ಈ ಯೋಗವು ಹೇಗೆ ರೂಪುಗೊಳ್ಳುತ್ತದೆ ಮತ್ತು ಈ ಯೋಗದ ರಚನೆಯಿಂದ ವ್ಯಕ್ತಿಗೆ ಯಾವ ಪ್ರಯೋಜನಗಳು ಸಿಗುತ್ತವೆ ಎಂಬುದನ್ನು ತಿಳಿಯೋಣ.
ಮಾಲವ್ಯ ಯೋಗವು ರೂಪುಗೊಳ್ಳುವುದು ಹೀಗೆ
ವೈದಿಕ ಜ್ಯೋತಿಷ್ಯದ ಪ್ರಕಾರ, ಶುಕ್ರ ಗ್ರಹವು ತನ್ನದೇ ಆದ ರಾಶಿಯಲ್ಲಿ ಅಥವಾ ಜಾತಕದ ಮೊದಲ, ನಾಲ್ಕನೇ, ಏಳನೇ ಮತ್ತು ಹತ್ತನೇ ಮನೆಯಲ್ಲಿ ಉತ್ಕೃಷ್ಟ ರಾಶಿಯಲ್ಲಿ ಇದ್ದರೆ, ಆಗ ಮಾಳವ್ಯ ಯೋಗ(Malavya Yoga)ವು ರೂಪುಗೊಳ್ಳುತ್ತದೆ. ಮಾಳವ್ಯ ಯೋಗವು ಪೂರ್ಣ ರಾಜಯೋಗದ ಅಡಿಯಲ್ಲಿ ಬರುತ್ತದೆ. ಅದೇ ಸಮಯದಲ್ಲಿ, ಶುಕ್ರ ಗ್ರಹದ ಡಿಗ್ರಿ ಏನು ಮತ್ತು ಯಾವ ಗ್ರಹವು ಅದರ ಮೇಲೆ ತನ್ನ ದೃಷ್ಟಿಯನ್ನು ಹೊಂದಿದೆ ಎಂಬುದನ್ನು ನೋಡುವುದು ಕೂಡಾ ಅವಶ್ಯಕ. ಶುಕ್ರ ಗ್ರಹ(Planet Venus)ದ ಬಲ ಕಡಿಮೆಯಿದ್ದರೆ ವ್ಯಕ್ತಿಗೆ ಈ ಯೋಗದಿಂದ ಕಡಿಮೆ ಫಲ ಸಿಗುತ್ತದೆ.
ಈ ಪ್ರದೇಶಗಳಲ್ಲಿ ಯಶಸ್ಸು(Success)
ಜಾತಕದಲ್ಲಿ ಈ ಯೋಗದ ರಚನೆಯೊಂದಿಗೆ, ವ್ಯಕ್ತಿಯು ನಟನಾಗಬಹುದು. ಅಲ್ಲದೆ ಅವರು ಮಾಧ್ಯಮ, ಸಂಗೀತಗಾರ, ಫ್ಯಾಷನ್ ಡಿಸೈನರ್, ಬ್ಯೂಟಿಷಿಯನ್ ಕ್ಷೇತ್ರಗಳಲ್ಲಿ ಉತ್ತಮ ಹೆಸರು ಗಳಿಸಬಹುದು. ಮತ್ತೊಂದೆಡೆ, ವ್ಯವಹಾರದ ಬಗ್ಗೆ ಮಾತನಾಡುವುದಾದರೆ, ಒಬ್ಬ ವ್ಯಕ್ತಿಯು ಬಟ್ಟೆ ಮತ್ತು ಐಷಾರಾಮಿ ವಸ್ತುಗಳ ವ್ಯಾಪಾರವನ್ನು ಮಾಡಬಹುದು.
ನಿಮ್ಮದು ಮಿಥುನ ರಾಶಿಯೇ? ಅದೃಷ್ಟದ ಕೊರತೆಯಿದ್ದರೆ ಈ ರತ್ನ ಧರಿಸಿ..
ಆಕರ್ಷಕ ವ್ಯಕ್ತಿತ್ವವನ್ನು ಹೊಂದಿರುತ್ತಾರೆ..
ಶುಕ್ರ ಗ್ರಹದ ಪ್ರಭಾವದಿಂದ ಮಾಳವ್ಯ ಯೋಗದಲ್ಲಿ ಜನಿಸಿದವರು ಆಕರ್ಷಕ ವ್ಯಕ್ತಿತ್ವವನ್ನು ಹೊಂದಿರುತ್ತಾರೆ. ಈ ಜನರು ತಮ್ಮ ಎದುರಿನ ವ್ಯಕ್ತಿಯನ್ನು ಮೊದಲ ಭೇಟಿಯಲ್ಲೇ ತಮ್ಮೆಡೆಗೆ ಹುಚ್ಚರನ್ನಾಗಿ ಮಾಡಬಹುದು. ಜಾತಕದಲ್ಲಿ ಮಾಳವ್ಯ ಯೋಗದ ರಚನೆಯಿಂದಾಗಿ, ಜನರು ದುಬಾರಿ ವಾಹನಗಳನ್ನು ಇಷ್ಟಪಡುತ್ತಾರೆ, ಉನ್ನತ ಶಿಕ್ಷಣವನ್ನು ಹೊಂದಿದ್ದಾರೆ ಮತ್ತು ಐಷಾರಾಮಿ ಜೀವನವನ್ನು ನಡೆಸುತ್ತಾರೆ. ಈ ಜನರು ಹರ್ಷಚಿತ್ತದಿಂದ ಕೂಡಿರುತ್ತಾರೆ ಮತ್ತು ಪ್ರತಿ ಕಷ್ಟದಲ್ಲೂ ಶಾಂತವಾಗಿರುತ್ತಾರೆ. ಈ ಜನರು ಕಲಾ ಪ್ರೇಮಿಗಳು ಮತ್ತು ಕಲಾ ರಸಿಕರು. ಈ ಜನರು ಜ್ಯೋತಿಷ್ಯದಲ್ಲಿಯೂ ಆಸಕ್ತಿ ಹೊಂದಿದ್ದಾರೆ. ಅಲ್ಲದೆ ಅವರು ಜೀವನದಲ್ಲಿ ಎಲ್ಲಾ ಭೌತಿಕ ಸಂತೋಷಗಳನ್ನು ಪಡೆಯುತ್ತಾರೆ. ಈ ಜನರು ಪ್ರೇರಕ ಭಾಷಣಕಾರರೂ ಆಗಿರಬಹುದು. ಅಲ್ಲದೆ, ಈ ಜನರು ಉತ್ತಮ ವೈವಾಹಿಕ ಜೀವನವನ್ನು ಹೊಂದಿದ್ದಾರೆ.