Friendship Day 2025: ನಿಮ್ಮ ರಾಶಿಗೆ ತಕ್ಕಂತೆ ಸ್ನೇಹಿತರಿಗೆ ಬ್ಯಾಂಡ್ ಕಟ್ಟಿ, ಸ್ನೇಹಕ್ಕೆ ಬಲ ನೀಡಿ

Friendship Day Band Color  : ಆಗಸ್ಟ್ 3 ರಂದು ಫ್ರೆಂಡ್ ಶಿಪ್ ಡೇ ಆಚರಣೆ ಮಾಡಲಾಗ್ತಿದೆ. ಫ್ರೆಂಡ್ಸ್ ಮಧ್ಯೆ ಸಂಬಂಧ ಮತ್ತಷ್ಟು ಗಟ್ಟಿ ಆಗ್ಬೇಕು ಅಂದ್ರೆ ಜ್ಯೋತಿಷ್ಯದ ಈ ರೂಲ್ಸ್ ಫಾಲೋ ಮಾಡಬಹುದು.  

ಜೀವನದ ಅತ್ಯಂತ ಸುಮಧುರ ಸಂಬಂಧ ಸ್ನೇಹ (Friendship). ಪ್ರೀತಿ, ವಿಶ್ವಾಸ, ನಂಬಿಕೆ, ಗೌರವದಿಂದ ಕೂಡಿದ ಈ ಸಂಬಂಧ ಸಾಕಷ್ಟು ಆಳವಾಗಿದೆ. ಸುಖ – ದುಃಖ ಎರಡರಲ್ಲೂ ಸಮನಾಗಿ ನಿಲ್ಲಬಲ್ಲ ಒಬ್ಬೇ ಒಬ್ಬ ಸ್ನೇಹಿತನಿದ್ರೂ ಜೀವನ ಸಾರ್ಥಕ. ಸ್ನೇಹ ಸಂಬಂಧವನ್ನು ಸಂಭ್ರಮಿಸಲು, ಹೊಸ ಸ್ನೇಹವನ್ನು ಬೆಸೆಯಲು ಸ್ನೇಹಿತರ ದಿನವನ್ನು ವಿಶ್ವದಾದ್ಯಂತ ಆಚರಣೆ ಮಾಡಲಾಗುತ್ತೆ. ಈ ಬಾರಿ ಆಗಸ್ಟ್ 3 ರಂದು ಫ್ರೆಂಡ್ಶಿಪ್ ಡೇ (Friendship Day) ಆಚರಣೆ ಮಾಡಲಾಗ್ತಿದೆ. ನಿಮ್ಮ ಸ್ನೇಹ ಮತ್ತಷ್ಟು ಗಟ್ಟಿಯಾಗಿರ್ಬೇಕು, ಸದಾ ನಿಮ್ಮ ಸ್ನೇಹಿತರು ನಿಮ್ಮ ಜೊತೆಗಿರಬೇಕು ಎಂದಾದ್ರೆ ನಿಮ್ಮ ರಾಶಿಗೆ ಅನುಗುಣವಾಗಿ ನಿಮ್ಮ ಸ್ನೇಹಿತರಿಗೆ ಫ್ರೆಂಡ್ ಶಿಪ್ ಬೆಲ್ಟ್ ಕಟ್ಟಿ.

ಯಾವ ರಾಶಿಯವರು ಯಾವ ಫ್ರೆಂಡ್ ಶಿಪ್ ಬ್ಯಾಂಡ್ (Friendship Band) ಕಟ್ಬೇಕು ಗೊತ್ತಾ? : ಫ್ರೆಂಡ್ ಶಿಪ್ ಡೇ, ಬಣ್ಣದ ಬ್ಯಾಂಡ್, ಗಿಫ್ಟ್ ನಿಮ್ಮ ಸ್ನೇಹವನ್ನು ಮತ್ತಷ್ಟು ಗಟ್ಟಿಗೊಳಿಸಬಲ್ಲದು. ಆದ್ರೆ ಸ್ನೇಹ ನಿಂತಿರೋದು ಸಂಪೂರ್ಣವಾಗಿ ನಂಬಿಕೆ ಹಾಗೂ ವಿಶ್ವಾಸದ ಮೇಲೆ ಎಂಬುದು ನೆನಪಿರಲಿ.

ಮೇಷ ರಾಶಿ : ಈ ರಾಶಿಯ ಅಧಿಪತಿ ಮಂಗಳ. ಶಕ್ತಿ ಮತ್ತು ಉತ್ಸಾಹದ ಸಂಕೇತ ಇದು. ನೀವು ನಿಮ್ಮ ಸ್ನೇಹಿತರಿಗೆ ಕೆಂಪು ಅಥವಾ ಕಿತ್ತಳೆ ಬಣ್ಣದ ಫ್ರೆಂಡ್ ಶಿಪ್ ಬ್ಯಾಂಡ್ ಕಟ್ಟಿ. ಇದು ನಿಮ್ಮ ಸ್ನೇಹಕ್ಕೆ ಮತ್ತಷ್ಟು ಉತ್ಸಾಹ, ಶಕ್ತಿ ನೀಡುತ್ತದೆ.

ವೃಷಭ ರಾಶಿ : ಈ ರಾಶಿಯ ಅಧಿಪತಿ ಶುಕ್ರ. ಪ್ರೀತಿ ಹಾಗೂ ಸದ್ಭಾವದ ಸಂಕೇತ. ನೀವು ನಿಮ್ಮ ಸ್ನೇಹಿತರಿಗೆ ಬಿಳಿ, ಗುಲಾಬಿ ಅಥವಾ ಕ್ರೀಮ್ ಕಲರ್ ಫ್ರೆಂಡ್ ಶಿಪ್ ಬ್ಯಾಂಡ್ ಕಟ್ಟಿ. ಇದು ನಿಮ್ಮ ಸಂಬಂಧದಲ್ಲಿ ಶಾಂತಿ ನೆಲೆಸುವಂತೆ ಮಾಡುತ್ತದೆ.

ಮಿಥುನ ರಾಶಿ : ನಿಮ್ಮ ರಾಶಿಯ ಅಧಿಪತಿ ಬುಧ. ಇದು ಬುದ್ಧಿವಂತ ಗ್ರಹ. ನೀವು, ಮಿಥುನ ರಾಶಿಯವರಾಗಿದ್ದರೆ ಹಸಿರು ಅಥವಾ ಹಳದಿ ಬಣ್ಣದ ಫ್ರೆಂಡ್ ಶಿಪ್ ಬ್ಯಾಂಡ್ ನಿಮ್ಮ ಸ್ನೇಹಿತರಿಗೆ ಕಟ್ಟಬೇಕು.

ಕರ್ಕ ರಾಶಿ : ನಿಮ್ಮ ರಾಶಿಯ ಅಧಿಪತಿ ಚಂದ್ರ. ಭಾವನೆ ಹಾಗೂ ಸಂವೇದನಾಶೀಲ ಮನೋಭಾವಕ್ಕೆ ಹೆಸರುವಾಸಿ. ಬಿಳಿ ಅಥವಾ ಚಂದ್ರನ ಬಣ್ಣದ ಫ್ರೆಂಡ್ ಶಿಪ್ ಬ್ಯಾಂಡ್ ನೀವು ಸ್ನೇಹಿತರಿಗೆ ಕಟ್ಟಿದ್ರೆ, ಸ್ನೇಹಿತರ ಮಧ್ಯೆ ನಂಬಿಕೆ ಬೆಳೆಯುತ್ತದೆ.

ಸಿಂಹ ರಾಶಿ : ಈ ರಾಶಿಯವರ ಅಧಿಪತಿ ಸೂರ್ಯ. ಮುಂದಾಳತ್ವ ಹಾಗೂ ಗೌರವದ ಪ್ರತೀಕ. ಗೋಲ್ಡನ್ ಕಲರ್ ಅಥವಾ ಕಿತ್ತಳೆ ಬಣ್ಣದ ಫ್ರೆಂಡ್ ಶಿಪ್ ಬ್ಯಾಂಡ್ ಕಟ್ಟಿ. ಇದು ನಿಮ್ಮ ಸ್ನೇಹಕ್ಕೆ ಮತ್ತಷ್ಟು ಹೊಳಪು ನೀಡುತ್ತದೆ.

ಕನ್ಯಾ ರಾಶಿ : ಈ ರಾಶಿಯ ಅಧಿಪತಿ ಬುಧ. ವ್ಯವಹಾರ ಬುದ್ಧಿವಂತಿಕೆ ಪ್ರತೀಕ. ಹಸಿರು ಅಥವಾ ತಿಳಿ ನೀಲಿ ಬಣ್ಣದ ಫ್ರೆಂಡ್ ಶಿಪ್ ಬ್ಯಾಂಡ್ ಕಟ್ಟಿ.

ತುಲಾ ರಾಶಿ : ಈ ರಾಶಿಯವರ ಅಧಿಪತಿ ಶುಕ್ರ. ಇದು ನ್ಯಾಯದ ಪ್ರತೀಕ. ತಿಳಿ ನೀಲಿ ಅಥವಾ ಗುಲಾಬಿ ಬಣ್ಣದ ಫ್ರೆಂಡ್ ಶಿಪ್ ಬ್ಯಾಂಡ್ ನೀವು ಕಟ್ಟಬೇಕು. ಇದು ಸ್ನೇಹದಲ್ಲಿ ಮಧುರತೆ ಹೆಚ್ಚಿಸುತ್ತದೆ.

ವೃಶ್ಚಿಕ ರಾಶಿ : ನಿಮ್ಮ ರಾಶಿಯ ಅಧಿಪತಿ ಮಂಗಳ ಮತ್ತು ಪ್ಲುಟೋ. ಫ್ಯಾಷನ್ ಮತ್ತು ರಹಸ್ಯದ ಪ್ರತೀಕ. ಅಚ್ಚು ಕೆಂಪು ಅಥವಾ ಕಪ್ಪು ಬಣ್ಣದ ಫ್ರೆಂಡ್ ಶಿಪ್ ಬ್ಯಾಂಡ್ ಕಟ್ಟಿ. ಇದು ನಿಮ್ಮ ಸ್ನೇಹವನ್ನು ಮತ್ತಷ್ಟು ಬಲಗೊಳಿಸುತ್ತದೆ.

ಧನು ರಾಶಿ : ನಿಮ್ಮ ರಾಶಿ ಅಧಿಪತಿ ಗುರು. ಜ್ಞಾನ ಮತ್ತು ಭಾಗ್ಯದ ಸಂಕೇತ. ಹಳದಿ ಅಥವಾ ಬದನೆಕಾಯಿ ಬಣ್ಣದ ಫ್ರೆಂಡ್ ಶಿಪ್ ಬ್ಯಾಂಡ್ ಕಟ್ಟಿ. ಇದ್ರಿಂದ ಸ್ನೇಹದಲ್ಲಿ ಸಕಾರಾತ್ಮಕತೆ ಹೆಚ್ಚುತ್ತದೆ.

ಮಕರ ರಾಶಿ : ಮಕರ ರಾಶಿಯ ಅಧಿಪತಿ ಶನಿ. ಧೈರ್ಯ ಹಾಗೂ ನ್ಯಾಯದ ಸಂಕೇತ. ಅಚ್ಚು ನೀಲಿ ಅಥವಾ ಕಪ್ಪು ಬಣ್ಣದ ಫ್ರೆಂಡ್‌ ಶಿಪ್‌ ಬೆಲ್ಟನ್ನು ನೀವು ಸ್ನೇಹಿತರಿಗೆ ಕಟ್ಟಬೇಕು.

ಕುಂಭ ರಾಶಿ : ನಿಮ್ಮ ರಾಶಿಯ ಸ್ವಾಮಿ ಶನಿ ಮತ್ತು ಯುರೇನಸ್‌. ಸ್ವತಂತ್ರತೆ ಮತ್ತು ನವೀನತೆಯ ಪ್ರತೀಕ. ಆಕಾಶ ನೀಲಿ ಅಥವಾ ಬದನೆಕಾಯಿ ಬಣ್ಣದ ಫ್ರೆಂಡ್ ಶಿಪ್ ಬ್ಯಾಂಡ್ ಕಟ್ಟಬೇಕು.

ಮೀನ ರಾಶಿ : ಈ ರಾಶಿಯ ಅಧಿಪತಿ ಗುರು ಹಾಗೂ ನೆಪ್ಚೂನ್. ಆಧ್ಯಾತ್ಮಿಕ ಮತ್ತು ಕರುಣೆಯ ಸಂಕೇತ. ಹಳದಿ ಅಥವಾ ತಿಳಿ ನೀಲಿ ಬಣ್ಣದ ಫ್ರೆಂಡ್ಶಿಪ್ ಬ್ಯಾಂಡ್ ಕಟ್ಟಬೇಕು.