ಜೂನ್ 15ರಂದು ಮಿಥುನ ರಾಶಿಯಲ್ಲಿ ಸೂರ್ಯ ಸಂಕ್ರಮಣ 2022. ಇದರ ಪರಿಣಾಮ 5 ರಾಶಿಗಳ ಮೇಲೆ ನಕಾರಾತ್ಮಕವಾಗಿ ಕಾಣಿಸಿಕೊಳ್ಳಲಿದೆ.
ಗ್ರಹಗಳ ಗೋಚಾರವು ವ್ಯಕ್ತಿಯ ಜೀವನದ ಮೇಲೆ ಶುಭ ಮತ್ತು ಅಶುಭ ಪರಿಣಾಮಗಳನ್ನು ಬೀರುತ್ತದೆ. ಜೂನ್ 15 ರಂದು, ಸೂರ್ಯ ದೇವರು ವೃಷಭ ರಾಶಿಯಿಂದ ಮಿಥುನ ರಾಶಿಗೆ ಚಲಿಸಲಿದ್ದಾನೆ. ಎಲ್ಲ ಗ್ರಹಗಳ ಅಧಿಪತಿ ಎನಿಸಿದ ಸೂರ್ಯನ ಈ ಸಂಚಾರ(Sun Transit)ವು ಎಲ್ಲಾ ರಾಶಿಚಕ್ರ ಚಿಹ್ನೆಗಳ ಮೇಲೆ ವಿಭಿನ್ನ ಪರಿಣಾಮಗಳನ್ನು ಬೀರುತ್ತದೆ. ಆತ ಅಧಿಕಾರ ಮತ್ತು ಆಡಳಿತ ಕಾರಕ. ತಿಂಗಳಿಗೊಮ್ಮೆ ಆತ ರಾಶಿ ಪರ್ಯಟನೆ ಮಾಡುತ್ತಾನೆ. ಅವನ ಈ ರಾಶಿ ಬದಲಾವಣೆಯಿಂದ ಕೆಲವರಿಗೆ ಮಂಗಳಕರವಾದರೆ ಇನ್ನು ಕೆಲವರಿಗೆ ಅಶುಭವಾಗಿರಬಹುದು. ಮಿಥುನ ರಾಶಿಯಲ್ಲಿ ಸೂರ್ಯನ ಸಂಚಾರದಿಂದ ಯಾವ ರಾಶಿಚಕ್ರದ ಜನರು ಪ್ರಭಾವಿತರಾಗುತ್ತಾರೆ, ಯಾವ ರಾಶಿಗಳು ನಕಾರಾತ್ಮಕ ಪರಿಣಾಮಗಳನ್ನು ಎದುರಿಸುತ್ತಾರೆ ನೋಡೋಣ.
ಮೇಷ ರಾಶಿ(Aries)
ಮೇಷ ರಾಶಿಯ ಜನರ ಮೇಲೆ ಸೂರ್ಯನ ಸಂಚಾರವು ಮಿಶ್ರ ಪರಿಣಾಮವನ್ನು ಬೀರುತ್ತದೆ. ನೀವು ದೊಡ್ಡ ಹೂಡಿಕೆ ಮಾಡಲು ಬಯಸಿದರೆ, ಮನೆಯಲ್ಲಿ ಅನುಭವಿ ಜನರ ಸಲಹೆ ತೆಗೆದುಕೊಳ್ಳಿ. ಅದನ್ನು ಕೊಂಚ ಮುಂದೂಡಿದರೂ ಒಳ್ಳೆಯದೇ. ಕೌಟುಂಬಿಕ ವಾತಾವರಣ ಸಾಮಾನ್ಯವಾಗಿರುತ್ತದೆ. ಒಡಹುಟ್ಟಿದವರೊಂದಿಗೆ ವಾದಗಳು ಉಂಟಾಗಬಹುದು. ನಿಮ್ಮ ಕೋಪವನ್ನು ನಿಯಂತ್ರಿಸಬೇಕು. ಬಾಯಿಗೆ ಬಂದಿದ್ದೆಲ್ಲ ಮಾತಾಡಬೇಡಿ. ಈ ಅವಧಿಯಲ್ಲಿ ಹಣವನ್ನು ಸಾಲವಾಗಿ ನೀಡಬೇಡಿ, ಒಂದು ವೇಳೆ ನೀಡಿದರೆ ಅದು ಮರಳಿ ಬರುವ ಸಾಧ್ಯತೆ ಇಲ್ಲ.
ವೃಷಭ ರಾಶಿ(Taurus)
ಸೂರ್ಯನ ಸಂಕ್ರಮಣದಿಂದಾಗಿ ವೃಷಭ ರಾಶಿಯ ಜನರು ಹಣಕಾಸಿನ ತೊಂದರೆಗಳನ್ನು ಎದುರಿಸಬೇಕಾಗಬಹುದು. ಮಗುವಿನ ಕಡೆಯಿಂದ ಉದ್ವಿಗ್ನತೆ ಇರುತ್ತದೆ. ಅಲ್ಲದೆ, ಸಂಗಾತಿಯೊಂದಿಗೆ ವಿವಾದವಿರುತ್ತದೆ ಮತ್ತು ಕಠಿಣ ಪರಿಶ್ರಮದ ನಂತರವೂ ನೀವು ಫಲಿತಾಂಶವನ್ನು ಪಡೆಯುವುದಿಲ್ಲ. ಮನೆಯ ಅಗತ್ಯಗಳಿಗಾಗಿ ಹೆಚ್ಚಿನ ಹಣವನ್ನು ಖರ್ಚು ಮಾಡಲಾಗುವುದು. ಹಣವನ್ನು ಅಗತ್ಯವಿರುವಲ್ಲಿ ಖರ್ಚು ಮಾಡಿ, ಅನಗತ್ಯ ಒಂದು ರುಪಾಯಿಯೂ ಹೋಗದಂತೆ ನೋಡಿಕೊಳ್ಳಿ. ಇಲ್ಲದಿದ್ದರೆ ನೀವು ತೊಂದರೆ ಅನುಭವಿಸಬೇಕಾಗುತ್ತದೆ. ವಾಹನಗಳನ್ನು ಓಡಿಸುವಾಗ ಹೆಚ್ಚು ಜಾಗರೂಕರಾಗಿರುವುದು ಅಗತ್ಯ.
ಮೂದೇವಿ ಎಂದು ಬೈಯ್ಯೋದು ಕೇಳಿರ್ತೀರಿ, ಇಷ್ಟಕ್ಕೂ ಈಕೆ ಯಾರು ಗೊತ್ತಾ?
ಕರ್ಕಾಟಕ ರಾಶಿ(cancer)
ಕರ್ಕ ರಾಶಿಯ ಜನರು ಸೂರ್ಯನ ಸಂಚಾರದಿಂದ ಒತ್ತಡವನ್ನು ಎದುರಿಸಬೇಕಾಗಬಹುದು. ನೀವು ಕೆಲವು ಪ್ರಮುಖ ಕೆಲಸಗಳಲ್ಲಿ ವೈಫಲ್ಯವನ್ನು ಎದುರಿಸಬಹುದು, ಇದರಿಂದಾಗಿ ನೀವು ಅಸಮಾಧಾನಗೊಳ್ಳಬಹುದು ಮತ್ತು ಚಿಂತೆ ಮಾಡಬಹುದು. ಈ ಸಮಯದಲ್ಲಿ ಯಾರಿಂದಲೂ ಹಣ ಪಡೆಯಬೇಡಿ. ಹಣವನ್ನು ಹಿಂತಿರುಗಿಸಲು ಕಷ್ಟವಾಗುತ್ತದೆ. ಸಾಲ ನೀಡುವ ಸಾಹಸವೂ ಬೇಡ. ವಿದ್ಯಾರ್ಥಿಗಳು ತಮ್ಮ ಅಧ್ಯಯನದತ್ತ ಗಮನ ಹರಿಸಬೇಕು ಮತ್ತು ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ಹೆಚ್ಚು ಶ್ರಮಿಸಬೇಕು. ದಾಂಪತ್ಯ ಜೀವನದಲ್ಲೂ ಏರಿಳಿತಗಳಿರುತ್ತವೆ.
ತುಲಾ ರಾಶಿ(Libra)
ಸೂರ್ಯನ ಸಾಗಣೆಯಿಂದಾಗಿ, ತುಲಾ ರಾಶಿಯ ಜನರು ಕಷ್ಟಕರ ಸಂದರ್ಭಗಳನ್ನು ಎದುರಿಸಬಹುದು. ಮಗುವಿನ ಕಡೆಯಿಂದ ಉದ್ವಿಗ್ನತೆ ಇರುತ್ತದೆ. ವಿದ್ಯಾರ್ಥಿಗಳು ಪರೀಕ್ಷೆಗೆ ಕಷ್ಟಪಡಬೇಕಾಗುತ್ತದೆ. ಖರ್ಚಿನ ವಿಷಯದಲ್ಲಿ ಜಾಗರೂಕರಾಗಿರಿ ಇಲ್ಲದಿದ್ದರೆ ಹಣದ ನಷ್ಟವಾಗಬಹುದು. ವ್ಯಾಪಾರವನ್ನು ಬದಲಾಯಿಸಬೇಡಿ ಇಲ್ಲದಿದ್ದರೆ ನಷ್ಟವಾಗುತ್ತದೆ.
ಬಯಸಿದ್ದೆಲ್ಲ ಕೊಡುವ ಕಾಮಧೇನು ಹಸುವಿನ ಕತೆ ಕೇಳಿದ್ದೀರಾ?
ಮೀನ ರಾಶಿ(Pisces)
ಮೀನ ರಾಶಿಯವರಿಗೆ ಸೂರ್ಯ ಸಂಚಾರದ ಫಲಿತಾಂಶಗಳು ಮಿಶ್ರವಾಗಿರುತ್ತವೆ. ನೀವು ಪ್ರಯಾಣಕ್ಕೆ ಹೋಗುತ್ತಿದ್ದರೆ, ಚಾಲನೆ ಮಾಡುವಾಗ ಜಾಗರೂಕರಾಗಿರಿ. ವ್ಯಾಪಾರಸ್ಥರು ಜಾಗರೂಕರಾಗಿರಬೇಕು, ಸ್ವಲ್ಪ ಅಜಾಗರೂಕತೆಯಿಂದ ಭಾರೀ ನಷ್ಟ ಉಂಟಾಗಬಹುದು. ದೊಡ್ಡ ಹೂಡಿಕೆಗಳು ಸಧ್ಯಕ್ಕೆ ಬೇಡ. ಕೆಲಸದಲ್ಲಿ ಕಿರಿಕಿರಿ ಹೆಚ್ಚಲಿದೆ. ಧ್ಯಾನದ ಮೊರೆ ಹೋಗಿ.
ದಿನ ಭವಿಷ್ಯ, ವಾರ ಭವಿಷ್ಯ, ಸಂಖ್ಯಾ ಶಾಸ್ತ್ರ, ನಿಮ್ಮ ರಾಶಿ ವಿಶೇಷ, ದಿನ ವಿಶೇಷ, ಹಬ್ಬ ಹರಿದಿನಗಳು, ಸಂಪ್ರದಾಯ ಆಚರಣೆಗಳು, ಅವುಗಳ ವೈಜ್ಞಾನಿಕ ಹಿನ್ನೆಲೆ, ಪುರಾಣ ಪುಣ್ಯ ಕತೆಗಳು, ವಾಸ್ತು ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಸುವರ್ಣ ನ್ಯೂಸ್ ಜ್ಯೋತಿಷ್ಯ ವಿಭಾಗವನ್ನು ತಪ್ಪದೇ ನೋಡುತ್ತಿರಿ.