ಬಾಲಿವುಡ್ ನಟಿ ಅದಿತಿ ರಾವ್ ಹೈದರಿ ನಟ ಸಿದ್ಧಾರ್ಥ್ ಅವರನ್ನು ತೆಲಂಗಾಣದ 400 ವರ್ಷಗಳಷ್ಟು ಹಳೆಯದಾದ ರಂಗನಾಯಕ ಸ್ವಾಮಿ ದೇವಾಲಯದಲ್ಲಿ ವಿವಾಹವಾದರು. ಈ ದೇವಾಲಯವು ಅದಿತಿ ಕುಟುಂಬಕ್ಕೆ ವಿಶೇಷ ಸಂಪರ್ಕವನ್ನು ಹೊಂದಿದೆ. ಈ ದೇವಾಲಯದ ವಿಶೇಷತೆಯ ಬಗ್ಗೆ ತಿಳಿಯಿರಿ.
ಬಾಲಿವುಡ್‌ನ ಟಾಪ್ ನಟಿ ಅದಿತಿ ರಾವ್ ಹೈದರಿ ಗೆಳೆಯ ನಟ ಸಿದ್ಧಾರ್ಥ್ (Aditi Rao Hydari Siddharth Wedding) ಅವರನ್ನು ವಿವಾಹವಾದರು. ಕಳೆದ 4 ವರ್ಷಗಳಿಂದ ಈ ಮಾರ್ಚ್‌ನಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ನಿಶ್ಚಿತಾರ್ಥದ ನಂತರ ಈಗ ಸದ್ದು ಸುದ್ದಿ ಇಲ್ಲದೆ ವಿವಾಹವಾಗಿದ್ದು, ಅಭಿಮಾನಿಗಳಿಗೆ ಅಚ್ಚರಿ ಮೂಡಿಸಿದೆ. ಅದಿತಿ ರಾವ್ ಹೈದರಿ ತೆಲಂಗಾಣದ ವನಪರ್ತಿಯಲ್ಲಿರುವ ಪ್ರಸಿದ್ಧ ರಂಗನಾಯಕ ಸ್ವಾಮಿ ದೇವಸ್ಥಾನದಲ್ಲಿ (Rangnayaka Swamy Temple) ದಕ್ಷಿಣ ಭಾರತೀಯ ಸಂಪ್ರದಾಯದಂತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು.
ಈ ದೇವಾಲಯ ಸುಮಾರು 400 ವರ್ಷಗಳಷ್ಟು ಹಳೆಯದು. ಅದಿತಿ ಕುಟುಂಬಕ್ಕೆ ಈ ದೇವಾಲಯದೊಂದಿಗೆ ವಿಶೇಷ ಸಂಪರ್ಕವಿದೆ ಎಂದು ಹೇಳಲಾಗುತ್ತಿದೆ. ಅದು ಹೇಗೆ? ದೇವಾಲಯದ ಶಕ್ತಿ ಏನು ಎಂಬುದು ಇಲ್ಲಿದೆ.
undefined
ದಾಂಪತ್ಯ ಜೀವನಕ್ಕೆ ಅದಿತಿ ರಾವ್ ಹೈದರಿ – ಸಿದ್ಧಾರ್ಥ್, ಸೋಶಿಯಲ್ ಮೀಡಿಯಾದಲ್ಲಿ ಫೋಟೋ ವೈರಲ್‌
ರಾಜಮನೆತನದ ಅದಿತಿ:
ರಂಗನಾಯಕ ಸ್ವಾಮಿ ದೇವಸ್ಥಾನದೊಂದಿಗೆ ಅದಿತಿ ಅವರ ವಿಶೇಷ ಸಂಪರ್ಕ (Rangnayaka Swamy Temple) ಇದೆ. ಅದಿತಿ ರಾವ್ ಹೈದರಿ ರಾಜಮನೆತನಕ್ಕೆ ಸೇರಿದವರು. ನಟಿ ವನಪರ್ತಿಯಲ್ಲಿ ವಿವಾಹವಾದ ಸ್ಥಳದಲ್ಲಿ ಅವರ ಅಜ್ಜ ರಾಜರಾಗಿದ್ದರು. ಅದಕ್ಕಾಗಿಯೇ ಈ ಸ್ಥಳ ಅದಿತಿಗೆ ತುಂಬಾ ವಿಶೇಷವಾಗಿದೆ. ಈ ದೇವಾಲಯ ನಿಜಕ್ಕೂ ತುಂಬಾ ಸುಂದರವಾಗಿದೆ. ದೇವಸ್ಥಾನ ನೋಡಲು ಬರುವವರು ನೋಡುತ್ತಲೇ ಇರುತ್ತಾರೆ. ಈ ದೇವಾಲಯ ಸೆಲೆಬ್ರಿಟಿಗಳಲ್ಲಿ ಬಹಳ ಪ್ರಸಿದ್ಧವಾಗಿದೆ, ನೀವು ಕೂಡ ಇಲ್ಲಿಗೆ ಭೇಟಿ ನೀಡಲು ಬಯಸಿದರೆ, ನೀವು ಕೂಡ ಭೇಟಿ ನೀಡಬಹುದು.
ಶ್ರೀ ಮಹಾವಿಷ್ಣುವಿಗೆ ಸಮರ್ಪಿತವಾದ ದೇವಸ್ಥಾನ:
400 ವರ್ಷಗಳಷ್ಟು ಹಳೆಯದಾದ ರಂಗನಾಯಕ ಸ್ವಾಮಿ ದೇವಸ್ಥಾನವು ತನ್ನ ವಾಸ್ತುಶಿಲ್ಪ ಮತ್ತು ಸೌಂದರ್ಯಕ್ಕೆ ಹೆಸರುವಾಸಿಯಾಗಿದೆ. ಇದು ತೆಲಂಗಾಣದ ವನಪರ್ತಿಯ ಪೆಬ್ಬಲ್ ಮಂಡಲ್ ಗ್ರಾಮದ ಅಂಥರ್ಗತದಲ್ಲಿ ಬರುವ ಶ್ರೀರಂಗಪುರ ಗ್ರಾಮದಲ್ಲಿದೆ. ಈ ದೇವಸ್ಥಾನದಲ್ಲಿ ಪ್ರತಿ ವರ್ಷ 400-500 ವಿವಾಹಗಳು ಮತ್ತು ಮುಂಡನ್ ಮುಂತಾದ ಕಾರ್ಯಕ್ರಮಗಳು ನಡೆಯುತ್ತವೆ.
ಈ ದೇವಸ್ಥಾನದಲ್ಲಿ ವಿವಾಹವಾಗುವ ದಂಪತಿಗಳಿಗೆ ಸ್ವತಃ ದೇವರೇ ಆಶೀರ್ವದಿಸಲು ಬರುತ್ತಾರೆ ಎಂಬ ನಂಬಿಕೆಯಿದೆ. ನೀವು ಕೂಡ ದೇವಸ್ಥಾನಕ್ಕೆ ಹೋಗಲು ಬಯಸಿದರೆ ಬೆಳಿಗ್ಗೆ 6 ರಿಂದ ಮಧ್ಯಾಹ್ನ 1 ರವರೆಗೆ ಮತ್ತು ಸಂಜೆ 4 ರಿಂದ ರಾತ್ರಿ 8 ರವರೆಗೆ ದರ್ಶನ ಪಡೆಯಬಹುದು.
ಗಿಚ್ಚಿಗಿಲಿಗಿಲಿ ಸೀಸನ್ 3 ವಿನ್ನರ್ ಆದ ಹುಲಿ ಕಾರ್ತಿಕ್, ರನ್ನರ್ ತುಕಾಲಿ ಮಾನಸ, ಗೆದ್ದ ಹಣವೆಷ್ಟು?
ರಂಗನಾಯಕ ಸ್ವಾಮಿ ದೇವಸ್ಥಾನದ ಇತಿಹಾಸ:
ಸ್ಥಳೀಯ ದಂತಕಥೆಗಳ ಪ್ರಕಾರ, ರಂಗನಾಯಕ ಸ್ವಾಮಿ ದೇವಸ್ಥಾನದ ಬಗ್ಗೆ ಸ್ವತಃ ವಿಷ್ಣುವೇ ವನಪರ್ತಿಯ ರಾಜನಿಗೆ ತಿಳಿಸಿದ್ದರು. ಒಂದು ದಿನ ವಿಜಯನಗರದ ಅರಸ ಶ್ರೀರಂಗರು ಅಲ್ಲಿಗೆ ಭೇಟಿ ನೀಡಿದ್ದರು. ಅಲ್ಲಿನ ಒಂದು ದೇವಾಲಯ ರಾಜನ ಮನಸ್ಸನ್ನು ಸೆಳೆಯಿತು. ಅವರು ತಮ್ಮ ರಾಜ್ಯದಲ್ಲಿ ಅದೇ ರೀತಿಯ ದೇವಾಲಯವನ್ನು ನಿರ್ಮಿಸಲು ಬಯಸಿದ್ದರು. ಈ ಮಧ್ಯೆ, ವಿಷ್ಣುವು ಅವರ ಕನಸಿನಲ್ಲಿ ಕಾಣಿಸಿಕೊಂಡು ದೇವಾಲಯದ ಬಗ್ಗೆ ಮಾಹಿತಿ ನೀಡಿದನು. ಅಷ್ಟೇ ಅಲ್ಲ, ವಿಗ್ರಹದ ಬಗ್ಗೆಯೂ ರಾಜನಿಗೆ ತಿಳಿಸಿದನು. ಮರುದಿನ ರಾಜನು ಆ ಸ್ಥಳಕ್ಕೆ ಹೋಗಲು ಬಯಸಿದನು ಆದರೆ ಎಲ್ಲಿಂದ ಪ್ರಾರಂಭಿಸಬೇಕೆಂದು ಅವನಿಗೆ ಅರ್ಥವಾಗಲಿಲ್ಲ.
ಈ ಮಧ್ಯೆ, ಗರುಡ ಪಕ್ಷಿಯೊಂದು ಅವನನ್ನು ಹಿಂಬಾಲಿಸಲು ಪ್ರಾರಂಭಿಸಿತು. ಮೊದಲ ದಿನ ರಾಜನಿಗೆ ಏನೂ ಅರ್ಥವಾಗಲಿಲ್ಲ ಆದರೆ ಎರಡನೇ ದಿನ ಗರುಡನನ್ನು ಹಿಂಬಾಲಿಸಲು ನಿರ್ಧರಿಸಿದನು. ನಿಧಾನವಾಗಿ ಅವರು ಕೊಠಾಕೋಟ ಬೆಟ್ಟಗಳನ್ನು ತಲುಪಿದರು, ಅಲ್ಲಿ ವಿಷ್ಣುವಿನ ವಿಗ್ರಹವಿತ್ತು. ಅದರ ನಂತರ, ರಾಜನು ಸಮಯ ವ್ಯರ್ಥ ಮಾಡದೆ ತನ್ನ ರಾಜ್ಯದಲ್ಲಿ ರಂಗನಾಯಕ ಸ್ವಾಮಿ ದೇವಸ್ಥಾನವನ್ನು ನಿರ್ಮಿಸಿದನು.
ರಂಗನಾಯಕ ದೇವಸ್ಥಾನವನ್ನು ಹೇಗೆ ತಲುಪುವುದು?
ನೀವು ವಿಮಾನದ ಮೂಲಕ ರಂಗನಾಯಕ ದೇವಸ್ಥಾನವನ್ನು ತಲುಪಲು ಬಯಸಿದರೆ, ಹೈದರಾಬಾದ್‌ಗೆ ಬರಬೇಕು. ಇಲ್ಲಿಂದ ದೇವಸ್ಥಾನವು ಕೇವಲ 200 ಕಿ.ಮೀ ದೂರದಲ್ಲಿದೆ. ನೀವು ಬಸ್, ಖಾಸಗಿ ಕಾರು ಅಥವಾ ಟ್ಯಾಕ್ಸಿ ಮೂಲಕ ಇಲ್ಲಿಗೆ ತಲುಪಬಹುದು. ಇದಲ್ಲದೆ, ನೀವು ರೈಲಿನಲ್ಲಿ ಬರುತ್ತಿದ್ದರೆ, ಹೈದರಾಬಾದ್‌ನಲ್ಲಿ ಇಳಿಯುವ ಬದಲು, ದೇವಸ್ಥಾನದಿಂದ 40 ಕಿ.ಮೀ ದೂರದಲ್ಲಿರುವ ಗದ್ವಾಲ್ ರೈಲು ನಿಲ್ದಾಣದಲ್ಲಿ ಬಂದಿಳಿಯಿರಿ. ಇಲ್ಲಿಂದ ನೀವು ದೇವಸ್ಥಾನಕ್ಕೆ ನೇರ ಬಸ್ ಮತ್ತು ಟ್ಯಾಕ್ಸಿಗಳನ್ನು ಪಡೆಯಬಹುದು.