ಪಾಂಡೀಚೇರಿ ವಿಶ್ವವಿದ್ಯಾಲಯದ ವಿದ್ಯಾರ್ಥಿ ರಾಮು ಎಂಬವರು ಕೊರೋನಾ ಸೋಂಕು ಗುಣಪಡಿಸುವ ಮನೆಮದ್ದೊಂದನ್ನು ಕಂಡುಹಿಡಿದಿದ್ದಾರೆ. ವಿಶ್ವ ಆರೋಗ್ಯ ಸಂಸ್ಥೆ ಕೂಡ ಈ ಮನೆಮದ್ದನ್ನು ಒಪ್ಪಿಕೊಂಡಿದೆ ಎನ್ನುವ ಸಂದೇಶ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ. ಇದು ನಿಜಾನಾ? ಇಲ್ಲಿದೆ ವಿವರ
ಪಾಂಡೀಚೇರಿ(ಜು.16): ಹಲವು ದೇಶಗಳು ಕೊರೋನಾ ವಿರುದ್ಧ ಲಸಿಕೆ ಅಭಿವೃದ್ಧಿಪಡಿಸಲು ಶತಪ್ರಯತ್ನ ಮಾಡುತ್ತಿವೆ. ಈ ನಡುವೆ ಪಾಂಡೀಚೇರಿ ವಿಶ್ವವಿದ್ಯಾಲಯದ ವಿದ್ಯಾರ್ಥಿ ರಾಮು ಎಂಬವರು ಕೊರೋನಾ ಸೋಂಕು ಗುಣಪಡಿಸುವ ಮನೆಮದ್ದೊಂದನ್ನು ಕಂಡುಹಿಡಿದಿದ್ದಾರೆ. ವಿಶ್ವ ಆರೋಗ್ಯ ಸಂಸ್ಥೆ ಕೂಡ ಈ ಮನೆಮದ್ದನ್ನು ಒಪ್ಪಿಕೊಂಡಿದೆ ಎನ್ನುವ ಸಂದೇಶ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.
Finally a INDIAN student from PONDICHERRY university, named RAMU found a home remedy cure for Covid-19 which is for the very first time accepted by WHO.
- He proved that by adding 1 tablespoon of black pepper powder to 2 table spoons of honey and some ginger juice for 1/2
ಅದರಲ್ಲಿ ‘ ಭಾರತೀಯ ವಿದ್ಯಾರ್ಥಿ, ಪಾಂಡೀಚೇರಿ ವಿಶ್ವವಿದ್ಯಾಲಯದ ರಾಮು ಎಂಬವರು ಕೊರೋನಾ ವಿರುದ್ಧ ನೂತನ ಮನೆಮದ್ದನ್ನು ಕಂಡುಹಿಡಿದಿದ್ದಾರೆ. ಇದನ್ನು ವಿಶ್ವ ಆರೋಗ್ಯ ಸಂಸ್ಥೆ ಸಹ ಒಪ್ಪಿಕೊಂಡಿದೆ. ಒಂದು ಚಮಚ ಕಾಳುಮೆಣಸಿನ ಪುಡಿ, ಎರಡು ಚಮಚ ಜೇನುತುಪ್ಪವನ್ನು ಶುಂಠಿಯ ರಸದ ಜೊತೆ ಸೇರಿಸಿ ಸತತ ೫ ದಿನ ಸೇವಿಸುವುದರಿಂದ ಕೊರೋನಾ ಸೋಂಕಿತರು ೧೦೦% ಗುಣಮುಖರಾಗಿತ್ತಾರೆ. ಇಡೀ ಜಗತ್ತು ಈ ಮನೆಮದ್ದನ್ನು ಒಪ್ಪಿಕೊಂಡಿದೆ. 2020ರಲ್ಲಿ ಕೇಳುತ್ತಿರುವ ಶುಭಸುದ್ದಿ ಇದು’ ಎಂದು ಹೇಳಲಾಗಿದೆ.
ಆದರೆ ಬೂಮ್‌ಲೈವ್ ಈ ಸುದ್ದಿಯ ಸತ್ಯಾಸತ್ಯ ಪರಿಶೀಲಿಸಿದಾಗ ಇದು ಸುಳ್ಳುಸುದ್ದಿ ಎಂಬುದು ಖಚಿತವಾಗಿದೆ. ಬೂಮ್ ಪಾಂಡೀಚೇರಿ ವಿವಿ ಕುಲಪತಿ ಗುರ್ಮೀತ್ ಸಿಂಗ್ ಅವರನ್ನೇ ಸಂಪರ್ಕಿಸಿ ಸ್ಪಷ್ಟನೆ ಪಡೆದಿದೆ. ಅವರು, ‘ಇದು ಸುಳ್ಳು ಸುದ್ದಿ. ನಮ್ಮ ಯಾವ ವಿದ್ಯಾರ್ಥಿಯೂ ಕೊರೋನಾ ವಿರುದ್ಧ ಲಸಿಕೆ/ ಔಷಧ ಅಭಿವೃದ್ಧಿಪಡಿಸಿಲ್ಲ’ ಎಂದಿದ್ದಾರೆ. ವಿಶ್ವ ಆರೋಗ್ಯ ಸಂಸ್ಥೆ ಈ ಔಷಧವನ್ನು ಅನುಮೋದಿಸಿದೆ ಎಂಬುದೂ ಸುಳ್ಳು.