ಸ್ಪೈಡಲ್ ಮ್ಯಾನ್ ಸೃಷ್ಟಿಕರ್ತ ಸ್ಟಾನ್ ಇನ್ನಿಲ್ಲ
ಸಾರಾಂಶ
ಕಾರ್ಟೂನ್ ನೋಡಿ ಬೆಳೆದ ಮಕ್ಕಳಿಗೆ ಸ್ಟಾನ್ ಲೀ ರಿಯಲ್ ಹೀರೋ ಇದ್ದ ಹಾಗೆ. ಒಂದಕ್ಕಿಂತ ಒಂದು ವಿಭಿನ್ನವಾದ ಪಾತ್ರಗಳನ್ನು ಸೃಷ್ಟಿಸಿ, ಮಕ್ಕಳನ್ನು ಕಲ್ಪನಾ ಲೋಕದಲ್ಲಿ ತೇಲುವಂತೆ ಮಾಡಿದವರು ಇವರು. ಇವರ ಸೃಷ್ಟಿಯ ಎಲ್ಲ ಪಾತ್ರಗಳನ್ನು ನೋಡುವುದೇ ಆನಂದ.
ಲಾಸ್ ಎಂಜಲೀಸ್ನಲ್ಲಿ ಸ್ಟಾನ್ ಕೊನೆಯುಸಿರೆಳೆದಿದ್ದಾರೆ. ಅವರಿಗೆ 95 ವರ್ಷ ವಯಸ್ಸಾಗಿತ್ತು. ಇನ್ನು ಇವರು ಸೃಷ್ಟಿಸಿದ ಪಾತ್ರಗಳೆಲ್ಲ ಅನಾಥ.
ಇವರು ಸೃಷ್ಟಿಸಿದ ಹಲವು ಪಾತ್ರಗಳೇ ಸಿನಿಮಾಗಳಾಗಿವೆ. ಏಳು ದಶಕಗಳ ಕಾಲ ಕಾಮಿಕ್ ಲೋಕದ ರಾಜನಾಗಿಯೇ ಮೆರೆದಿದ್ದರು ಸ್ಟಾನ್ ಲೀ. 17 ವರ್ಷದರಾಗಿದ್ದಾಗಲೇ ಟೈಂಲಿ ಪಬ್ಲಿಕೇಷನ್ನಲ್ಲಿ ಕೆಲಸ ನಿರ್ವಹಿಸಿದ್ದರು ಸ್ಟಾನ್. 19ನೇ ವಯಸ್ಸಲೇ ಆ ಸಂಸ್ಥೆಗೆ ಮುಖ್ಯ ಸಂಪಾದಕರಾಗಿ ಸೇವೆ ಸಲ್ಲಿಸಿದ ಕೀರ್ತಿಯೂ ಇವರದ್ದು.
2ನೇ ವಿಶ್ವ ಮಹಾ ಯುದ್ಧದ ನಂತರ ಯಾರು ಕಾಮಿಕ್ ನೋಡಲು ಇಚ್ಛಿಸುತ್ತಿರಲಿಲ್ಲ. ಆ ಕೆಲಸವನ್ನೇ ಬಿಡಬೇಕು ಎಂದು ಕೊಂಡಿದ್ದರು. ಆಗ ಇವರಿಗೆ ಬೆನ್ನೆಲುಬಾಗಿ ನಿಂತವರು ಅವರ ಮಡದಿ. ಮಡದಿಯ ಮಹಾದಾಸೆ ತೀರಿಸಲು Fantastic Four ಕಾಮಿಕ್ ಬರೆದರು. ಮತ್ತೆ ನಡೆದದ್ದು ಇತಿಹಾಸ. ಅವರು ಬರೆದಿದ್ದೆಲ್ಲಾ ಕ್ಲಿಕ್ ಆಯಿತು. ವಿಶ್ವದ ಶ್ರೇಷ್ಟ ಕಾಮಿಕ್ ಬರಹಗಾರರಾಗಿ ಬೆಳೆದರು. ನಂತರ Marvel ಹಾಗೂ ಸ್ಟೈಡರ್ ಮ್ಯಾನ್ ಪಾತ್ರಗಳನ್ನು ಸೃಷ್ಟಿಸಿದರು. ಹಾಲ್ಕ್, ಎಕ್ಸ್ ಮ್ಯಾನ್, ಐರನ್ ಮ್ಯಾನ್, ಟೋನಿ ಸ್ಟ್ರಾಕ್...ಹೀಗೆ ಒಂದಕ್ಕಿಂತ ಮತ್ತೊಂದು ಪಾತ್ರಗಳನ್ನು ಸೃಷ್ಟಿಸಿದ್ದು, ಎಲ್ಲವೂ ಕ್ಲಿಕ್ ಆದವು. ಮಕ್ಕಳ ನೆಚ್ಚಿನ ಪಾತ್ರಗಳನ್ನು ಸೃಷ್ಟಿಸಿದ ಸ್ಟಾನ್ ಲೀ ಇನ್ನು ನೆನಪು ಮಾತ್ರ.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.