'ಕನ್ನಡ್ ಗೊತ್ತಿಲ್ಲ' ಹೀರೋಯಿನ್ ಬರೆದ ಕನ್ನಡ ಪತ್ರ!
ಸಾರಾಂಶ
‘ಎಲ್ಲರಿಗೂ ನಮಸ್ಕಾರ. ನನಗೆ ಕನ್ನಡ ಮಾತಾಡಲು, ಬರೆಯಲು, ಓದಲು ತುಂಬಾ ಚೆನ್ನಾಗಿ ಬರುತ್ತದೆ. ಕನ್ನಡ ಬರವಣಿಗೆಯಲ್ಲಿ ನಾನು ಎಕ್ಸ್ಟ್ರಾ ಅಂಕ ಗಳಿಸುತ್ತಿದ್ದೆ. ಕನ್ನಡ ಭಾಷೆಯ ಮೇಲೆ ನನಗೆ ತುಂಬು ಹೃದಯದ ಗೌರವವಿದೆ.’
ಹೀಗೆ ಮುತ್ತು ಪೋಣಿಸಿದಂತೆ ಮುದ್ದಾದ ಅಕ್ಷರಗಳಲ್ಲಿ ಪತ್ರ ಬರೆದವರು ‘ನೀರ್ದೋಸೆ’ ಹುಡುಗಿ ಹರಿಪ್ರಿಯಾ.
ಅಷ್ಟಕ್ಕೂ ಇದ್ದಕ್ಕಿದ್ದ ಹಾಗೆ ಹರಿಪ್ರಿಯಾಗೆ ತನ್ನ ಕನ್ನಡತನವನ್ನು ತೋರಿಸಬೇಕು ಅಂತ ಅನಿಸಿದ್ಯಾಕೆ ಅಂದರೆ ಅದಕ್ಕೂ ಪತ್ರದಲ್ಲಿ ಉತ್ತರವಿದೆ. ಸೋಷಿಯಲ್ ಮೀಡಿಯಾಗಳಲ್ಲಿ ಅವರು ಇಂಗ್ಲೀಷ್ ಭಾಷೆ ಬಳಸೋದಕ್ಕೆ ಹಲವು ಅಭಿಮಾನಿಗಳು ತಕರಾರು ಎತ್ತಿದ್ದಾರಂತೆ. ಇನ್ ಬಾಕ್ಸ್ಗೆ ಬಂದು ನೀವು ಕನ್ನಡ ಬಳಸಲೇ ಬೇಕು ಅಂತ ಒತ್ತಡ ಹೇರಿದ್ದಾರಂತೆ. ಆದರೆ ತನಗೆ ಬೇರೆ ಭಾಷೆಗಳಲ್ಲೂ ಅಭಿಮಾನಿಗಳಿದ್ದಾರೆ. ಕನ್ನಡದಲ್ಲಿ ಬರೆದರೆ ಅವರಿಗೆ ಅರ್ಥ ಆಗಲ್ಲ ಎಂಬುದು ಹರಿಪ್ರಿಯಾ ನುಡಿ. ಕನ್ನಡ ಜನರ ಉದಾರ ಹೃದಯವಂತಿಕೆಯನ್ನೂ ಹರಿಪ್ರಿಯಾ ಪತ್ರದಲ್ಲಿ ಹಾಡಿ ಹೊಗಳಿದ್ದಾರೆ.
"
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.