*ವಿದ್ಯಾರ್ಥಿಗಳಿಗೆ ಶೈಕ್ಷಣಿಕ ಸಾಲ ನೀಡುವ ಈ ಫಿನ್‌ಟೆಕ್ ಕಂಪನಿ 8 ತಿಂಗಳ ಹಿಂದೆಯಷ್ಟೇ ಆರಂಭವಾಗಿದೆ
*ವೆಸ್ಟ್ ಬ್ರಿಡ್ಜ್ ಕ್ಯಾಪಿಟಲ್ ಇದೀಗ ಈ ಕಂಪನಿಯಗೆ ಫಂಡಿಂಗ್ ಮಾಡಿದ್ದು, ಹೆಚ್ಚು ಕುತೂಹಲ ಮೂಡಿದೆ.
ಬೆಂಗಳೂರು(ಮಾ.3): ಎಂಟು ತಿಂಗಳ ಹಿಂದೆಯಷ್ಟೇ ಆರಂಭವಾಗಿರುವ ಮುಂಬೈ ಮೂಲದ ಫಿನ್‌ಟೆಕ್ ವೇದಿಕೆಯಾಗಿರುವ ಕುಹೂ (Kuhoo) ಮತ್ತೊಂದು ಹಂತಕ್ಕೆ ಹೋಗಿದೆ. ವಿದ್ಯಾರ್ಥಿಗಳಿಗೆ ಶೈಕ್ಷಣಿಕ ಸಾಲವನ್ನು ಒದಗಿಸುವ ಈ ಫಿನ್‌ಟೆಕ್ ಕಂಪನಿಯು, ವೆಸ್ಟ್ ಬ್ರಿಡ್ಜ್ ಕ್ಯಾಪಿಟಲ್ (West Bridge Capital)ನಿಂದ ನಿಧಿ ಪಡೆದುಕೊಂಡಿದೆ. ಈ ಸ್ಟಾರ್ಟ್‌ಅಪ್ ಕಂಪನಿ ಹೇಳಿಕೊಂಡಿರುವ 20 ಮಿಲಿಯನ್ ಡಾಲರ್ (ಅಂದಾಜು 1,51,84,30,000 ರೂ.) ಮೊತ್ತದ ಫಂಡಿಂಗ್ ಪಡೆದುಕೊಂಡಿದೆ. ಫಿನ್‌ಟೆಕ್ ಕುಹೂ ಕಂಪನಿಯು, ಭಾರತ ಮತ್ತು ವಿದೇಶಗಳಲ್ಲಿನ ವಿಶ್ವವಿದ್ಯಾಲಯಗಳಲ್ಲಿ ಅಧ್ಯಯನ ಮಾಡಲು ಬಯಸುವ ವಿದ್ಯಾರ್ಥಿಗಳಿಗೆ ಆನ್‌ಲೈನ್ ಸಾಲ (Online Loan) ವನ್ನು ಒದಗಿಸುವ ಗುರಿಯನ್ನು ಹೊಂದಿದೆ.
ಉನ್ನತ ಶಿಕ್ಷಣ ಪಡೆಯಲು ಬಯಸುವ ವಿದ್ಯಾರ್ಥಿಗಳಿಗೆ ಆನ್‌ಲೈನ್ ಸಾಲವನ್ನು ಒದಗಿಸುವ ಮೂಲಕ ಆರ್ಥಿಕ ನೆರವು ನೀಡುತ್ತದೆ. ಎಂಜಿನಿಯರಿಂಗ್ (Engineering), ಎಂಬಿಎ (MBA), ಕಾರ್ಯನಿರ್ವಾಹಕ ಶಿಕ್ಷಣ, ಆನ್‌ಲೈನ್ ಕೋರ್ಸ್‌ಗಳು (online courses), ಕೋಚಿಂಗ್ ತರಗತಿಗಳು (coaching) ಮತ್ತು ಹೊಸ-ಯುಗದ ಕೋರ್ಸ್‌ಗಳಂತಹ ವಿವಿಧ ಸ್ಟ್ರೀಮ್‌ಗಳಲ್ಲಿ ಸಾಲವನ್ನು ನೀಡುತ್ತದೆ. ಕುಹೂ ಸಂಸ್ಥಾಪಕ ಪ್ರಶಾಂತ್ ಎ ಭೋಂಸ್ಲೆ (Prashant A Bhonsle) ಅವರ ಪ್ರಕಾರ, ವಿದ್ಯಾರ್ಥಿಗಳಿಗೆ ಶೈಕ್ಷಣಿಕ ಸಾಲ ಪೂರೈಸುವ ಮೊದಲ ಫಿನ್‌ಟೆಕ್ ಕಂಪನಿಯಾಗಿದೆ.
ಪ್ರತಿಭಾವಂತ ವಿದ್ಯಾರ್ಥಿಗಳು ಉತ್ತಮ ವಿಶ್ವವಿದ್ಯಾನಿಲಯಗಳಿಗೆ ಅರ್ಜಿ ಸಲ್ಲಿಸುವುದಿಲ್ಲ. ಏಕೆಂದರೆ ಅವರು ತಮ್ಮ ಪೋಷಕರಿಗೆ ಹೆಚ್ಚಿನ ಶುಲ್ಕ ಮತ್ತು ಜೀವನ ವೆಚ್ಚಗಳ ಹೊರೆಯ ಬಗ್ಗೆ ಚಿಂತಿಸುತ್ತಾರೆ. ನಾವು ಇದನ್ನು ಬದಲಾಯಿಸಲು ಬಯಸುತ್ತೇವೆ. Kuhoo ನಲ್ಲಿ, ಅಪಾಯ ಮತ್ತು ಕ್ರೆಡಿಟ್ ಮಾದರಿಗಳನ್ನು ರಚಿಸಲು ಸುಧಾರಿತ ತಂತ್ರಜ್ಞಾನ ಮತ್ತು ಡೇಟಾ ವಿಜ್ಞಾನದೊಂದಿಗೆ ಈ ವೇದಿಕೆ ಕಾರ್ಯರ ನಿರ್ವಹಿಸುತ್ತದೆ. ಈ ಮಾದರಿಗಳು ವಿದ್ಯಾರ್ಥಿಗಳ ಸಂಭಾವ್ಯ ಉದ್ಯೋಗ ಮತ್ತು ಭವಿಷ್ಯದ ಆದಾಯವನ್ನು ಮೌಲ್ಯಮಾಪನ ಮಾಡಲು ಇದು ಸಹಾಯ ಮಾಡುತ್ತದೆ. ವಿವಿಧ ಕುಟುಂಬದ ಹಿನ್ನೆಲೆಯ ವಿದ್ಯಾರ್ಥಿಗಳ ವೈಯಕ್ತಿಕ ಪ್ರೊಫೈಲ್‌ಗಳಿಗೆ ಸೂಕ್ತವಾದ ವಿಭಿನ್ನ ಉತ್ಪನ್ನಗಳನ್ನು ಈ ಫಿನ್‌ಟೆಕ್ ಕಂಪನಿ ಒದಗಿಸುತ್ತದೆ.
ಇದು ವಿಶ್ವದಾದ್ಯಂತ ಉನ್ನತ ಕಾಲೇಜುಗಳು ಮತ್ತು ಕೋಚಿಂಗ್ ಸೆಂಟರ್‌ಗಳ ಜೊತೆಗೆ ಬ್ಯಾಂಕುಗಳು ಮತ್ತು ಇತರ NBFC ಗಳೊಂದಿಗೆ ಪಾಲುದಾರಿಕೆಯನ್ನು ಹೊಂದಿದೆ. ಆ ಮೂಲಕ ಶೈಕ್ಷಣಿಕ ಸಾಲವನ್ನು ಒದಗಿಸುವ ವೇದಿಕೆಯಾಗಿ ಈ ಕಂಪನಿಯು ಕಾರ್ಯ ನಿರ್ವಹಿಸುತ್ತದೆ.
ವೆಸ್ಟ್ ಬ್ರಿಡ್ಜ್ ಕ್ಯಾಪಿಟಲ್ (West Bridge Capital)ನ ಪಾಲುದಾರ ದೀಪಕ್ ರಾಮಿನೀದಿ (Deepak Ramineedi), “ನಾವು ಈಗ ಒಂದು ದಶಕದಿಂದ ಭಾರತೀಯ ಶಿಕ್ಷಣ ಕ್ಷೇತ್ರವನ್ನು ಕೂಲಂಕುಷವಾಗಿ ಅನುಸರಿಸಿದ್ದೇವೆ. ಶಿಕ್ಷಣದಲ್ಲಿ ಹೆಚ್ಚುತ್ತಿರುವ ವೆಚ್ಚಗಳೊಂದಿಗೆ, ವಿದ್ಯಾರ್ಥಿಗಳು, ಪೋಷಕರು ಮತ್ತು ಶೈಕ್ಷಣಿಕ ಸಂಸ್ಥೆಗಳ ಸಮಸ್ಯೆಗಳನ್ನು ಸಮಗ್ರವಾಗಿ ಅರ್ಥಮಾಡಿಕೊಳ್ಳುವ ಸಾಲ ಪೂರೈಕೆದಾರರು ಭಾರತಕ್ಕೆ ಅಗತ್ಯವಿದೆ. ಭವಿಷ್ಯದ ಉದ್ಯೋಗಾವಕಾಶ ಮತ್ತು ವಿದ್ಯಾರ್ಥಿಗಳ ಆದಾಯವನ್ನು ನಿರ್ಣಯಿಸುವುದು ಅಸ್ತಿತ್ವದಲ್ಲಿರುವ ಬ್ಯಾಂಕ್‌ಗಳು ಮತ್ತು ವಿದ್ಯಾರ್ಥಿ ಸಾಲಗಳನ್ನು ನೀಡುತ್ತಿರುವ NBFC ಗಳಿಗೆ ಎರಡು ದೊಡ್ಡ ಸವಾಲುಗಳಾಗಿವೆ ಎಂದು ಅಭಿಪ್ರಾಯ ಪಟ್ಟಿದ್ದಾರೆ.
ಎಂಜಿನಿಯರಿಂಗ್, ಎಂಬಿಎ, ಕಾರ್ಯನಿರ್ವಾಹಕ ಶಿಕ್ಷಣ, ಆನ್‌ಲೈನ್ ಕೋರ್ಸ್‌ಗಳು, ಕೋಚಿಂಗ್ ತರಗತಿಗಳು ಮತ್ತು ಹೊಸ-ಯುಗದ ಕೋರ್ಸ್‌ಗಳಂತಹ ವಿವಿಧ ಸ್ಟ್ರೀಮ್‌ಗಳ ಕಲಿಕೆಗೆ ಫಿನ್‌ಟೆಕ್ ಕುಹೂ ಆನ್ ಲೈನ್ ಸಾಲ ಒದಗಿಸಲಿದೆ.
ಎಂಟು ತಿಂಗಳ ಹಿಂದೆ ಶುರುವಾಗಿರುವ ಈ ಸ್ಟಾರ್ಟಪ್ ಕಂಪನಿ, ಟೆಕ್ ಮತ್ತು ಡೇಟಾ ಸೈನ್ಸ್ ಸಾಮರ್ಥ್ಯವನ್ನು ನಿರ್ಮಿಸಲು ಮತ್ತು ಉತ್ಪನ್ನ ಮತ್ತು ವಿತರಣಾ ಆವಿಷ್ಕಾರಗಳನ್ನು ಹೊರತರಲು ನಿಧಿಸಂಗ್ರಹವನ್ನು ಬಳಸಲು ಯೋಜಿಸಿದೆ. ಈ Edu fintech ಪ್ಲಾಟ್‌ಫಾರ್ಮ್ ಜಾಗತಿಕವಾಗಿ ಕಾಲೇಜುಗಳು ಮತ್ತು ಕೋಚಿಂಗ್ ಸೆಂಟರ್‌ಗಳ ಜೊತೆಗೆ ಬ್ಯಾಂಕುಗಳು ಮತ್ತು ಇತರ NBFC ಗಳೊಂದಿಗೆ (ಬ್ಯಾಂಕಿಂಗ್ ಅಲ್ಲದ ಹಣಕಾಸು ಕಂಪನಿಗಳು) ತಂಡವನ್ನು ಹೊಂದಲು ನೋಡುತ್ತಿದೆ.
ವಿದೇಶದಲ್ಲಿ ವೈದ್ಯಕೀಯ ಶಿಕ್ಷಣ ಪಡೆದು ಬಂದ ಶೇ. 90ರಷ್ಟು ಮಂದಿ ನೀಟ್ ಪಾಸಾಗುವುದಿಲ್ಲ
"ಕಳೆದ ಕೆಲವು ದಶಕಗಳಲ್ಲಿ, ಪ್ರತಿಭಾನ್ವಿತ ಭಾರತೀಯ ವಿದ್ಯಾರ್ಥಿಗಳ ಪೈಕಿ ಕೇವಲರು ತಮ್ಮ ಉನ್ನತ ಶಿಕ್ಷಣದ ಕನಸುಗಳನ್ನು ವಿದೇಶದಲ್ಲಿರುವ ವಿಶ್ವವಿದ್ಯಾನಿಲಯಗಳಲ್ಲಿ ಮುಂದುವರಿಸಲು ಅವಕಾಶವನ್ನು ಪಡೆದರು. ಅದು ಬೆಳೆಯುತ್ತಲೇ ಇದ್ದರೂ, ಉದಯೋನ್ಮುಖ ವಿಶ್ವ ಕ್ರಮಾಂಕ ಮತ್ತು ಭಾರತದ ಆರ್ಥಿಕ ಬೆಳವಣಿಗೆಯು ವಿದ್ಯಾರ್ಥಿಗಳಿಗೆ ಅನೇಕ ಅವಕಾಶಗಳು ವೃತ್ತಿಜೀವನವನ್ನು ನೀಡುತ್ತದೆ." ಅನ್ನೋದು ವೆಸ್ಟ್ ಬ್ರಿಡ್ಜ್ ಕ್ಯಾಪಿಟಲ್ ಪಾರ್ಟ್‌ನರ್ಸ್‌ನ ಸಹ-ಸಂಸ್ಥಾಪಕ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಸುಮಿರ್ ಚಡ್ಡಾ ಅಭಿಪ್ರಾಯ.