*ಕೋವಿಡ್ ಹಿನ್ನೆಲೆಯಲ್ಲಿ ವಿದ್ಯಾರ್ಥಿಗಳಿಗೆ ಸಾಕಷ್ಟು ಕಲಿಕೆಯಲ್ಲಿ ಹಿನ್ನಡೆಯಾಗಿದೆ.
*ಈ ಹಿನ್ನಡೆಯನ್ನು ಸರಿದೂಗಿಸಲು ಕೇರಳ ಸರ್ಕಾರ ವಿನೂತನ ಕ್ರಮಕ್ಕೆ ಮುಂದಾಗಿದೆ
*ಈ ಆಡಿಯೋ ಬುಕ್ಸ್ ಪರೀಕ್ಷೆಗೆ ತಯಾರಾಗಲು 10 ಮತ್ತು 12ನೇ ತರಗತಿ ವಿದ್ಯಾರ್ಥಿಗಳಿಗೆ ನೆರವು ನೀಡಲಿವೆ.
ತಿರುವನಂತಪುರಂ: ಕಳೆದೆರಡು ವರ್ಷಗಳಿಂದ ಸರಿಯಾಗಿ ಪಾಠ- ತರಗತಿಗಳಿಲ್ಲದೇ, ಮಕ್ಕಳ ಶಿಕ್ಷಣ ಡೋಲಾಯಮಾನ ಆಗ್ಬಿಟ್ಟಿದೆ. ವಿದ್ಯಾರ್ಥಿ ಜೀವನದ ಅತ್ಯಂತ ಪ್ರಮುಖ ಘಟ್ಟಗಳಾಗಿರುವ ಎಸ್ಎಸ್ಎಲ್ಸಿ ಹಾಗೂ ಪಿಯುಸಿ ಪರೀಕ್ಷೆಗಳನ್ನ ಕ್ರಮಬದ್ಧವಾಗಿ ನಡೆಸೋದು ಸಾಧ್ಯವಾಗಲಿಲ್ಲ. ಕೋವಿಡ್ ಪರಿಸ್ಥಿತಿಯಿಂದಾಗಿ ಎಲ್ಲವೂ ಅಯೋಮಯವಾಗಿತ್ತು. ಮಕ್ಕಳು ಆನ್ ಲೈನ್ ಶಿಕ್ಷಣವನ್ನೇ ನೆಚ್ಚಿಕೊಂಡು ಹೇಗೋ ಎರಡು ವರ್ಷ ಕಠಿಣ ಪರಿಸ್ಥಿತಿಯನ್ನು ಎದುರಿಸಿದ್ದಾಯ್ತು. ಇದೀಗ ಕೋವಿಡ್ ಸೋಂಕಿನ ಅಬ್ಬರ ಕಮ್ಮಿಯಾಗುತ್ತಿದ್ದಂತೆ, ವಿದ್ಯಾರ್ಥಿ ಜೀವನ ಸಹಜ ಸ್ಥಿತಿಗೆ ಮರಳುತ್ತಿದೆ. ಆದ್ರೆ ವಾರ್ಷಿಕ ಪರೀಕ್ಷೆಗಳು ಸಮೀಪದಲ್ಲೇ ಇರೋದ್ರಿಂದ ವಿದ್ಯಾರ್ಥಿಗಳನ್ನು ತ್ವರಿತವಾಗಿ ಸಜ್ಜುಗೊಳಿಸಬೇಕಿದೆ.
ಈ ನಿಟ್ಟಿನಲ್ಲಿ ಕೇರಳ ಸರ್ಕಾರ (Keral Government) ದಿಟ್ಟ ಹೆಜ್ಜೆ ಇಟ್ಟಿದೆ. ಕೇರಳ ಶಿಕ್ಷಣ ಇಲಾಖೆಯು 10 ಮತ್ತು 12ನೇ ತರಗತಿಗಳ ವಿದ್ಯಾರ್ಥಿ (Students)ಗಳಿಗೆ ಸಹಾಯ ಆಗುವಂತೆ ಆಡಿಯೋ ಬುಕ್ (Audio Book) ಗಳನ್ನು ಬಿಡುಗಡೆ ಮಾಡಿದೆ. ಪಠ್ಯಕ್ರಮವನ್ನು ಪರಿಷ್ಕರಿಸಲು ನೆರವಾಗುವಂತೆ ಆಡಿಯೋ ಬುಕ್‌ಗಳನ್ನು ಅಭಿವೃದ್ಧಿಪಡಿಸಲಾಗಿದೆ. ಕೇರಳ ಇನ್‌ಫ್ರಾಸ್ಟ್ರಕ್ಚರ್ ಅಂಡ್ ಟೆಕ್ನಾಲಜಿ ಫಾರ್ ಎಜುಕೇಶನ್ (Kerala Infrastructure and Technology for Education - KITE) ನಿಂದ ಫಸ್ಟ್ ಬೆಲ್ ಪೋರ್ಟಲ್‌ (www.firstbell.kite.kerala.gov.in) ನಲ್ಲಿ ಅಭಿವೃದ್ಧಿಪಡಿಸಿದ ಮತ್ತು ಲಭ್ಯವಾಗುವಂತೆ ಆಡಿಯೋ ಪುಸ್ತಕಗಳನ್ನು ಎಲ್ಲಾ ವಿಷಯಗಳ ಪರಿಷ್ಕರಣೆ ಮಾಡುವ ರೀತಿಯಲ್ಲಿ ವಿನ್ಯಾಸಗೊಳಿಸಲಾಗಿದೆ.
HIJAB ROW: ಏಕರೂಪ ಸಂಹಿತೆ ಬಗ್ಗೆ ಅಂಬೇಡ್ಕರ್‌ ಹೇಳಿದ್ದೇನು?
KITE VICTERS ಚಾನೆಲ್ ಮೂಲಕ ಪ್ರಸಾರವಾಗುತ್ತಿರುವ ಫಸ್ಟ್ ಬೆಲ್ ಡಿಜಿಟಲ್ ತರಗತಿಗಳ ಮುಂದುವರಿದ ಭಾಗವಾಗಿ, ಕೇರಳ ಶಿಕ್ಷಣ ಇಲಾಖೆಯು 10 ಮತ್ತು 12 ನೇ ತರಗತಿಗಳಿಗೆ 'ಆಡಿಯೋ ಪುಸ್ತಕಗಳನ್ನು' ಬಿಡುಗಡೆ ಮಾಡಿದೆ. ಆಡಿಯೋ ಬುಕ್‌ಗಳಲ್ಲಿನ ಎಲ್ಲಾ ಪರಿಷ್ಕರಣೆ ತರಗತಿಗಳು, ಫಸ್ಟ್ ಬೆಲ್ ಪೋರ್ಟಲ್‌ನಲ್ಲಿ ಲಭ್ಯವಿವೆ. ರೇಡಿಯೊ ಕಾರ್ಯಕ್ರಮವನ್ನು ಆಲಿಸುವ ರೀತಿಯಲ್ಲಿ ಆನಂದಿಸಬಹುದಾದ ರೀತಿಯಲ್ಲಿ ಕೇಳಲಾಗುತ್ತದೆ. ಸುಲಭವಾಗಿ ಡೌನ್‌ಲೋಡ್ ಮಾಡಬಹುದಾಗಿದೆ ಮತ್ತು MP3 ಸ್ವರೂಪದಲ್ಲಿ ಹಂಚಿಕೊಳ್ಳಬಹುದಾಗಿದೆ.
10 ಮತ್ತು 12 ನೇ ತರಗತಿಗಳ ವಾರ್ಷಿಕ ಪರೀಕ್ಷೆಗಳಿಗೆ ಕೆಲವೇ ವಾರಗಳು ಬಾಕಿ ಇರೋವಾಗ, ಪರಿಷ್ಕೃತ ಭಾಗಗಳ ಆಡಿಯೊಬುಕ್‌ಗಳನ್ನು ಶಿಕ್ಷಣ ಇಲಾಖೆ ಬಿಡುಗಡೆ ಮಾಡಿದೆ. ಹತ್ತನೇ ತರಗತಿಯ ವಿದ್ಯಾರ್ಥಿಗಳು ತಮ್ಮ ಎಲ್ಲಾ ವಿಷಯಗಳನ್ನು 10 ಗಂಟೆಗಳಲ್ಲಿ ಪರಿಷ್ಕರಿಸುವ ರೀತಿಯಲ್ಲಿ ಆಡಿಯೋಬುಕ್‌ಗಳನ್ನು ವಿನ್ಯಾಸಗೊಳಿಸಲಾಗಿದೆ ಎಂಬುದ ಕೈಟ್ ಅಂಬೋಣವಾಗಿದೆ. ಪ್ರತಿ ವಿಷಯಕ್ಕೆ ಸರಾಸರಿ 1.5 ಗಂಟೆಗಳ ಅವಧಿಯೊಂದಿಗೆ 12ನೇ ತರಗತಿಯ ಆಡಿಯೊ ಬುಕ್‌ಗಳು ಫೆಬ್ರವರಿ 21 ರಿಂದ ಲಭ್ಯವಿರುತ್ತವೆ.ಆಡಿಯೋ ಬುಕ್‌ಗಳನ್ನು ಫಸ್ಟ್ ಬೆಲ್ ಪೋರ್ಟಲ್‌ನಿಂದ ಸುಲಭವಾಗಿ ಡೌನ್‌ಲೋಡ್ ಮಾಡಬಹುದು. MP3 ಫಾರ್ಮ್ಯಾಟ್‌ನಲ್ಲಿ ಹಂಚಿಕೊಳ್ಳಬಹುದು. ಆಡಿಯೋ ಪುಸ್ತಕಗಳನ್ನು QR ಕೋಡ್‌ಗಳ ಮೂಲಕವೂ ಡೌನ್‌ಲೋಡ್ ಮಾಡಬಹುದು. ಮುಖ್ಯವಾಗಿ ದೃಷ್ಟಿ ವಿಕಲಚೇತನ ವಿದ್ಯಾರ್ಥಿಗಳಿಗೆ ಆಡಿಯೋಬುಕ್‌ಗಳು ಸಹಕಾರಿಯಾಗಲಿವೆ.
ಅಗತ್ಯವಿರುವ ವಿದ್ಯಾರ್ಥಿಗಳಿಗೆ ಆಡಿಯೋ ಬುಕ್‌ಗಳನ್ನು ಡೌನ್‌ಲೋಡ್ ಮಾಡಲು ಸಹಾಯ ಮಾಡಲು ಹೈಟೆಕ್ ಶಾಲಾ ಯೋಜನೆಯ ಭಾಗವಾಗಿ ಶಾಲೆಗಳಿಗೆ ಒದಗಿಸಲಾದ ಬ್ರಾಡ್‌ಬ್ಯಾಂಡ್ ಇಂಟರ್ನೆಟ್ ಸೌಲಭ್ಯವನ್ನು ವಿಸ್ತರಿಸಲು KITE ನಿರ್ದೇಶನಗಳನ್ನು ನೀಡಿದೆ.
50 Year Old Seeks MBBS Course: 50ನೇ ವಯಸ್ಸಿನಲ್ಲಿ ಮೆಡಿಕಲ್ ಓದಬೇಕೆಂದು ಕೋರ್ಟ್‌ಗೆ ಮೊರೆ ಹೋದ!
ಈ ಹಿಂದೆ, KITE ನಿಂದ ಶಾಲೆಗಳಿಗೆ ಸರಬರಾಜು ಮಾಡುವ ಎಲ್ಲಾ ಲ್ಯಾಪ್‌ಟಾಪ್‌ಗಳಲ್ಲಿ ಉಚಿತ ಸಾಫ್ಟ್‌ವೇರ್ ಆಧಾರಿತ ಸ್ಕ್ರೀನ್ ರೀಡಿಂಗ್ ಸಾಫ್ಟ್‌ವೇರ್ ORCA' ಅನ್ನು ನಿಯೋಜಿಸಲಾಗಿದೆ ಮತ್ತು ಅದರ ಜೊತೆಗೆ, ಎಲ್ಲಾ ದೃಷ್ಟಿ ವಿಕಲಚೇತನ ಶಿಕ್ಷಕರಿಗೆ KITE ನಿಂದ ವಿಶೇಷ ICT ತರಬೇತಿಯನ್ನು ನೀಡಲಾಗ್ತಿದೆ. ದೃಷ್ಟಿದೋಷವುಳ್ಳ ಮಕ್ಕಳು ಆಡಿಯೋ ತರಗತಿಗಳನ್ನು ಒಂದು ಸದ್ಯ ಬಳಸಿಕೊಳ್ಳುತ್ತಿದ್ದಾರೆ. ಆದರೆ ಸಂಪೂರ್ಣವಾಗಿ ಧ್ವನಿ ಸ್ವರೂಪದಲ್ಲಿರುವ ಆಡಿಯೋ ಪುಸ್ತಕಗಳು ದೃಷ್ಟಿ ವಿಕಲಚೇತನ ವಿದ್ಯಾರ್ಥಿಗಳಿಗೆ ಇನ್ನು ಹೆಚ್ಚು ಪ್ರಯೋಜನಕಾರಿಯಾಗಲಿವೆ. ಅಂದಹಾಗೆ ಫಸ್ಟ್ ಬೆಲ್ ಇಲ್ಲಿಯವರೆಗೆ 10,000 ತರಗತಿಗಳ ಪ್ರಸಾರವನ್ನು ಪೂರ್ಣಗೊಳಿಸಿದೆ. ಇದರಲ್ಲಿ ಕನ್ನಡ ಮತ್ತು ತಮಿಳು ಮಾಧ್ಯಮದ ತರಗತಿಗಳು ಸಾಮಾನ್ಯ ಮಾಧ್ಯಮ ಮತ್ತು ಇಂಗ್ಲಿಷ್ ತರಗತಿಗಳು ಸೇರಿವೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ.