*ದೇಶದ ಪ್ರತಿಷ್ಠಿತ ಶಿಕ್ಷಣ ಸಂಸ್ಥೆಗಳು ಎನಿಸಿಕೊಂಡಿರುವ ಐಐಟಿಗಳಲ್ಲಿ ಓದುವ ಇಚ್ಛೆ ಪೂರೈಸಿಕೊಳ್ಳಿ
*ಐಐಟಿಗಳು ಒದಗಿಸುವ ಆನ್‌ಲೈನ್ ಕೋರ್ಸುಗಳ ನಿಮ್ಮ ವೃತ್ತಿಪರ ಜೀವನವನ್ನು ಸುಧಾರಿಸಲಿವೆ
* ಕಿರು ಅವಧಿಯ ಕೋರ್ಸುಗಳಿಗೆ ಹೆಚ್ಚಿನ ಮಾನ್ಯತೆ ಇದೆ, ಯಾವೆಲ್ಲ ಕೋರ್ಸುಗಳಿವೆ ಪರೀಕ್ಷಿಸಿ
ದೇಶದ ಪ್ರತಿಷ್ಠಿತ (Prestigious Institutes) ಐಐಟಿ ಕಾಲೇಜುಗಳಲ್ಲಿ (IIT College) ಓದಲು ಯಾರಿಗೆ ಇಷ್ಟವಿರುವುದಿಲ್ಲ ಹೇಳಿ. ಪ್ರತಿಷ್ಠಿತ ಕಾಲೇಜುಗಳಲ್ಲಿ ಓದುವುದೇ ಹೆಮ್ಮೆ. ಆದರೆ, ಎಲ್ಲರಿಗೂ ಅಂಥ ಅವಕಾಶಗಳು ಸಿಗುವುದಿಲ್ಲ. ಇದಕ್ಕೆ ವರಿ ಮಾಡಬೇಕಿಲ್ಲ.ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (Indian Institute of Technology- IIT)ಯಲ್ಲಿ ಓದಬೇಕು ಎಂಬ ಆಸೆ ಇದ್ರೂ, ಈಡೇರಿಸಿಕೊಳ್ಳಲು ಆಗಲಿಲ್ಲ ಅನ್ನೋ ಬೇಸರಿಸಿಕೊಳ್ಳವುದು ಬೇಡು. ಐಐಟಿಯಲ್ಲಿ ಪದವಿ ಪಡೆಯೋಕ್ಕಾಗಲಿಲ್ಲ ಅಂತ ಕೊರಗುವುದು ಬೇಡ. ಯಾಕೆದಂರೆ, ನೀವು ಇದ್ದಲ್ಲಿಂದಲೇ ಐಐಟಿ ಶಿಕ್ಷಣ ಪಡೆಯಬಹುದು. ಮನೆಯಲ್ಲಿದ್ದುಕೊಂಡೇ ಆನ್ ಲೈನ್ ಮೂಲಕ ಒಂದಷ್ಟು ಕೋರ್ಸ್‌ಗಳನ್ನು ಮಾಡಬಹುದು. ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (IIT), ಆನ್‌ಲೈನ್ ಕಲಿಕಾ ವೇದಿಕೆಯಾದ Coursera ನೊಂದಿಗೆ ಪಾಲುದಾರಿಕೆ ಹೊಂದಿದೆ. ಪ್ರೀಮಿಯಂ ಇನ್‌ಸ್ಟಿಟ್ಯೂಟ್‌ನಿಂದ ಪ್ರಮಾಣೀಕರಿಸಿದ ಪದವಿಗಳನ್ನು ಪಡೆಯಲು ನೀವು ಈಗ ನಿಮ್ಮ ಮನೆಯ ಸೌಕರ್ಯದಿಂದಲೇ ಹಲವಾರು ಕೋರ್ಸ್‌ಗಳಿಗೆ ಎಂಟ್ರಿ ಪಡೆಯಬಹುದು.
JEE Mains ಪರೀಕ್ಷೆಗೆ ತಯಾರಾಗಿ, ಈ ಟಿಪ್ಸ್ ಫಾಲೋ ಮಾಡಿ..
ಐಐಟಿ ರೂರ್ಕಿಯಿಂದ ಎಕ್ಸಿಕ್ಯೂಟಿವ್ ಎಂಬಿಎ: ಈ ಕೋರ್ಸ್ ವ್ಯಾಪಾರ ಮತ್ತು ತಂತ್ರಜ್ಞಾನದಲ್ಲಿ ಬಲವಾದ ಅಡಿಪಾಯವನ್ನು ನೀಡುತ್ತದೆ. ಬ್ಯುಸಿನೆಸ್ ಬಗ್ಗೆ ಉದ್ಯಮ ತಜ್ಞರಿಂದ ಕಲಿಯಲು ಇದು ಒಂದು ಅವಕಾಶ. ಪಠ್ಯಕ್ರಮವು ವ್ಯವಹಾರ, ನಿರ್ವಹಣೆ, ದತ್ತಾಂಶ ವಿಜ್ಞಾನ ಮತ್ತು ಡೇಟಾ ವಿಶ್ಲೇಷಣೆಯನ್ನು ವ್ಯಾಪಿಸಿದೆ. ಶೇಕಡಾ 65 ರಷ್ಟು ಅಂಕಗಳೊಂದಿಗೆ ಬ್ಯಾಚುಲರ್ ಪದವಿ ಪೂರೈಸಿದವರು, ಈ ಕೋರ್ಸ್ ಸೇರಬಹುದು. ಪದವಿಯ ನಂತರ ಸಂಬಂಧಿತ ಕೆಲಸದಲ್ಲಿ ನಾಲ್ಕು ವರ್ಷಗಳ ಅನುಭವ ಇರಬೇಕು.
ಮಷಿನಲ್ ಲರ್ನಿಂಗ್(Machin Learning)ನಲ್ಲಿ ಸರ್ಟಿಫಿಕೇಟ್ ಪೋಸ್ಟ್ ಗ್ರಾಜುಯೇಷನ್ ಕೋರ್ಸ್ ಮಾಡಬಹುದು. ರೂರ್ಕಿ ಐಐಟಿಯಿಂದಲೇ ಈ ಕೋರ್ಸ್ ಕಲಿಸಲಾಗುತ್ತದೆ. ಅಲ್ಗಾರಿದಮ್‌ಗಳು ನಮ್ಮ ಜಗತ್ತು ಮತ್ತು ವ್ಯವಹಾರಗಳನ್ನು ರೂಪಿಸುವುದರಿಂದ, ವೇಗವನ್ನು ಇಟ್ಟುಕೊಳ್ಳುವುದು ಹೆಚ್ಚು ಮುಖ್ಯವಾಗುತ್ತಿದೆ. ಕೋರ್ಸ್‌ನಲ್ಲಿ, ಯಂತ್ರ ಕಲಿಕೆಗೆ ಅಗತ್ಯವಿರುವ ವಿಭಿನ್ನ ಅಲ್ಗಾರಿದಮ್‌ಗಳಿಗೆ ನೀವು ಮಾನ್ಯತೆ ಪಡೆಯುತ್ತೀರಿ. ಮೂಲ ಗಣಿತ, ರೇಖೀಯ ಬೀಜಗಣಿತ, ಕಲನಶಾಸ್ತ್ರ, ಅಂಕಿಅಂಶಗಳು ಮತ್ತು ಸ್ಪ್ರೆಡ್‌ಶೀಟ್‌ಗಳ ಜ್ಞಾನ ಹೊಂದಿದ್ದವರು ಈ ಕೋರ್ಸ್ ಪ್ರವೇಶಿಸಬಹುದು. ಇದರ ಅವಧಿ 6 ತಿಂಗಳು.
ಐಐಟಿ ಗುವಾಹಟಿ ನಿಮಗೆ ಡಿಜಿಟಲ್ ಮ್ಯಾನುಫ್ಯಾಕ್ಚರಿಂಗ್ ಸರ್ಟಿಫಿಕೇಷನ್ (Digital Manufacturing Certificate) ಕೋರ್ಸ್ ಕಲಿಸುತ್ತದೆ. ಈ ಕೋರ್ಸ್‌ನಲ್ಲಿ, ಉತ್ಪಾದನಾ ಪ್ರಕ್ರಿಯೆಗಳು ಮತ್ತು ಕಂಪ್ಯೂಟರ್ ತಂತ್ರಜ್ಞಾನದ ಮೂಲಕ ಇವುಗಳನ್ನು ಹೇಗೆ ವರ್ಧಿಸಬಹುದು ಎಂಬುದನ್ನು ನಿಮಗೆ ಪರಿಚಯಿಸಲಾಗುತ್ತದೆ. ಕಂಪ್ಯೂಟರ್ ನೆರವಿನ ವಿನ್ಯಾಸ (ಸಿಎಡಿ) ಮತ್ತು ಕಂಪ್ಯೂಟರ್ ನೆರವಿನ ತಯಾರಿಕೆ (ಸಿಎಎಂ) ಸಾಫ್ಟ್‌ವೇರ್‌ಗಳಲ್ಲಿ ನಿಮಗೆ ತರಬೇತಿ ನೀಡಲಾಗುತ್ತದೆ. ಇನ್ನು ಬಿಇ ಅಥವಾ ಬಿಟೆಕ್ ಓದುತ್ತಿರುವ ವಿದ್ಯಾರ್ಥಿಗಳು ಸಹ ದಾಖಲಾಗಬಹುದು.
ಜಾಬ್ ಮಾಡುತ್ತಲೇ ಎಂಟೆಕ್ ಕೋರ್ಸ್ ಮಾಡಿ, ಪ್ರಮೋಷನ್‌ ಪಡೆಯಿರಿ
ವರ್ಚುವಲ್ ರಿಯಾಲಿಟಿ ಪ್ರಪಂಚದ (Virtual Reality World) ಬಗ್ಗೆ ನೀವು ಆಸಕ್ತಿ ಹೊಂದಿದ್ದರೆ, ಅದನ್ನು ಅರ್ಥಮಾಡಿಕೊಳ್ಳಲು ಈ ಕೋರ್ಸ್ ಡೀಪ್ ಲರ್ನಿಂಗ್ ಫಾರ್ ಕಂಪ್ಯೂಟರ್ ವಿಶನ್ ಕೋರ್ಸ್ (Deep Learning for Computer Vision Course) ನಿಮಗೆ ಸಹಾಯ ಮಾಡುತ್ತದೆ. ಐಐಟಿ ಗುವಾಹಟಿ ನಿಮಗೆ ಈ ಕೋರ್ಸ್ ಆಫರ್ ಡುತ್ತದೆ. ಎನ್‌ಕೋಡರ್-ಡಿಕೋಡರ್‌ನಂತಹ ಆಳವಾದ ಕಲಿಕೆಯ ಮಾದರಿಗಳನ್ನು ಹೇಗೆ ನಿರ್ಮಿಸುವುದು ಎಂಬುದರ ಕುರಿತು ತಜ್ಞರಿಂದ ತಿಳಿಯಬಹುದು. ಪ್ರೋಗ್ರಾಮಿಂಗ್‌ನ ಮೂಲಭೂತ ಜ್ಞಾನದೊಂದಿಗೆ ಸಂಬಂಧಿತ ಕ್ಷೇತ್ರದಲ್ಲಿ ಬ್ಯಾಚುಲರ್ ಪದವಿ ಪಡೆದಿರಬೇಕು. ನ್ಯಾಚುರಲ್ ಲ್ಯಾಂಗ್ವೇಜ್ ಪ್ರೊಸೆಸಿಂಗ್‌ ಕೋರ್ಸ್ ಕೈಗಾರಿಕೆಗಳಾದ್ಯಂತ ನೈಜ-ಪ್ರಪಂಚದ ಸಮಸ್ಯೆಗಳನ್ನು ಪರಿಹರಿಸಲು ಯಂತ್ರ ಕಲಿಕೆ ಮತ್ತು ನೈಸರ್ಗಿಕ ಭಾಷಾ ಸಂಸ್ಕರಣೆಯನ್ನು ಹೇಗೆ ಸಂಯೋಜಿಸುವುದು ಎಂಬುದನ್ನು ಕಲಿಸುತ್ತದೆ. ಸಂಬಂಧಿತ ಕ್ಷೇತ್ರದಲ್ಲಿ ಬ್ಯಾಚುಲರ್ ಪದವಿ ಪಡೆದವರು ಇದಕ್ಕೆ ಎಂಟ್ರಿ ಪಡೆಯಬಹುದು. ಈ ಕೋರ್ಸನ್ನು ಕೂಡ ಐಐಟಿ ಗುವಾಹಟಿ ಆಫರ್ ಮಾಡುತ್ತದೆ.