ಜಾಗತಿಕವಾಗಿ ಅಗ್ರ 50 ವಿಶ್ವವಿದ್ಯಾನಿಲಯಗಳಲ್ಲಿ ಶ್ರೇಯಾಂಕ ಗಳಿಸುವ ಐಐಟಿ ಬಾಂಬೆಯ ಮಹತ್ವಾಕಾಂಕ್ಷೆಯ 2030 ರ ದೃಷ್ಟಿಯಲ್ಲಿ ಮತ್ತು ಅಂತಾರಾಷ್ಟ್ರೀಯ ವೇದಿಕೆಯಲ್ಲಿ ಶ್ರೇಷ್ಠತೆಯ ಪರಂಪರೆಯನ್ನು ಸ್ಥಾಪಿಸಲು ಈ ನಿಧಿಗಳು ಕೊಡುಗೆ ನೀಡುತ್ತವೆ.
ಮುಂಬೈ (ಡಿಸೆಂಬರ್ 25, 2023): ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಸಾಕಷ್ಟು ಉದ್ಯಮಿಗಳನ್ನು ಹೊರತಂದಿದೆ. ಈ ಪೈಕಿ ಐಐಟಿ ಬಾಂಬೆ ಸಹ ಸಾಕಷ್ಟು ಪ್ರಸಿದ್ಧಿ ಪಡೆದಿದೆ. ತಮ್ಮ ರಜತ ಮಹೋತ್ಸವದ ಪುನರ್ಮಿಲನ ಆಚರಣೆಯ ಅಂಗವಾಗಿ, ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಐಐಟಿ) ಯ 1998 ರ ಬ್ಯಾಚ್‌ನಲ್ಲಿ ಓದಿದ ವಿದ್ಯಾರ್ಥಿಗಳು, ತಾವು ಓದಿದ ಕಾಲೇಜಿಗೆ ಬರೋಬ್ಬರಿ 57 ಕೋಟಿ ರೂ. ಕೊಡುಗೆ ನೀಡಿದ್ದಾರೆ.
ಇದು ಒಂದೇ ಕ್ಲಾಸ್‌ನಿಂದ ಅಥವಾ ವರ್ಗದಿಂದ ಅತ್ಯಧಿಕ ದೇಣಿಗೆಯನ್ನು ಗುರುತಿಸಿದೆ. ಇದು 1971 ರಲ್ಲಿ ತಮ್ಮ ಸುವರ್ಣ ಮಹೋತ್ಸವದ ಸಂದರ್ಭದಲ್ಲಿ ದೇಣಿಗೆ ನೀಡಿದ 41 ಕೋಟಿ ರೂ. ನ ಹಿಂದಿನ ದಾಖಲೆಯನ್ನು ಮೀರಿಸಿದೆ. ಖಾಸಗಿ ಈಕ್ವಿಟಿ ಸಂಸ್ಥೆಯ ಸಿಲ್ವರ್ ಲೇಕ್‌ನ ವ್ಯವಸ್ಥಾಪಕ ನಿರ್ದೇಶಕ ಅಪೂರ್ವ್ ಸಕ್ಸೇನಾ, ಪೀಕ್ XV ನ ವ್ಯವಸ್ಥಾಪಕ ನಿರ್ದೇಶಕ ಶೈಲೇಂದ್ರ ಸಿಂಗ್, ವೆಕ್ಟರ್ ಕ್ಯಾಪಿಟಲ್‌ನ ವ್ಯವಸ್ಥಾಪಕ ನಿರ್ದೇಶಕ ಅನುಪಮ್ ಬ್ಯಾನರ್ಜಿ, ಎಐ ರೀಸರ್ಚ್‌ನ ದಿಲೀಪ್ ಜಾರ್ಜ್, ಗೂಗಲ್ ಡೀಪ್‌ಮೈಂಡ್, ಗ್ರೇಟ್ ಲರ್ನಿಂಗ್‌ನ ಸಿಇಒ ಮೋಹನ್ ಲಕಮರಾಜು, ಕೊಲೊಪ್ಲಾಸ್ಟ್‌ನ ಹಿರಿಯ ಉಪಾಧ್ಯಕ್ಷ ಮನು ವರ್ಮ, ಸಿಲಿಕಾನ್ ವ್ಯಾಲಿ ಉದ್ಯಮಿ ಸುಂದರ್ ಅಯ್ಯರ್, ಇಂಡೋವೆನ್ಸ್‌ನ ಸಹ-ಸಂಸ್ಥಾಪಕ ಮತ್ತು ಸಿಇಒ ಸಂದೀಪ್ ಜೋಶಿ ಮತ್ತು ಅಮೆರಿಕದಲ್ಲಿ ಎಚ್‌ಸಿಎಲ್‌ನಲ್ಲಿ ಮುಖ್ಯ ಬೆಳವಣಿಗೆ ಅಧಿಕಾರಿ ಶ್ರೀಕಾಂತ್ ಶೆಟ್ಟಿ ಯಂತಹ ಉದ್ಯಮಿಗಳು, ಹಿರಿಯ ಉದ್ಯೋಗಿಗಳು ಕೊಡುಗೆ ನೀಡಿದ್ದಾರೆ.
ಇದನ್ನು ಓದಿ: 3.7 ಕೋಟಿ ರೂ. ಸಂಬಳ ಪಡೆದ ಐಐಟಿ ವಿದ್ಯಾರ್ಥಿ: ಹಲವರಿಗೆ ಕೋಟಿ ಕೋಟಿ ವೇತನ!
ಡಿಸೆಂಬರ್ 24, 2023 ರಂದು, IIT ಬಾಂಬೆಯು ಹಳೆಯ ವಿದ್ಯಾರ್ಥಿಗಳ ದಿನವನ್ನು ಸ್ಮರಿಸಿದೆ. ಇದು 1998 ರ ತರಗತಿಯ ಬೆಳ್ಳಿ ಮಹೋತ್ಸವದ ಪುನರ್‌ಮಿಲನದೊಂದಿಗೆ ಸೇರಿಕೊಳ್ಳುತ್ತದೆ. 1998 ಬ್ಯಾಚ್ ವಿದ್ಯಾರ್ಥಿಗಳ ದೇಣಿಗೆಯು 1971 ರ ವರ್ಗದವರು 2022 ರಲ್ಲಿ ತಮ್ಮ ಸುವರ್ಣ ಮಹೋತ್ಸವದ ಆಚರಣೆಯಲ್ಲಿ ನೀಡಿದ ಗಮನಾರ್ಹ ಕೊಡುಗೆಯನ್ನು ಮೀರಿಸುತ್ತದೆ.
1998 ರ ವಿದ್ಯಾರ್ಥಿಗಳು ಸಂಗ್ರಹಿಸಿದ ನಿಧಿಯು ಪ್ರಮುಖ ಶೈಕ್ಷಣಿಕ ಯೋಜನೆಗಳನ್ನು ಬೆಂಬಲಿಸುವಲ್ಲಿ ಮತ್ತು IIT ಬಾಂಬೆಯಲ್ಲಿ ಸಂಶೋಧನಾ ಭೂದೃಶ್ಯವನ್ನು ರೂಪಿಸುವಲ್ಲಿ ಪ್ರಮುಖ ಪಾತ್ರವನ್ನು ವಹಿಸುತ್ತದೆ ಎಂದು ಈ ಬಗ್ಗೆ ಐಐಟಿ ಬಾಂಬೆ ಟ್ವೀಟ್‌ ಮೂಲಕ ಹರ್ಷ ವ್ಯಕ್ತಪಡಿಸಿದೆ.
ವಿಶ್ವದ ಮೊದಲ ಫೋಲ್ಡೇಬಲ್ ಇ ಬೈಕ್ ಮೇಲೆ ಆನಂದ್ ಮಹೀಂದ್ರ ಸವಾರಿ, ಬೆಲೆ 44,999 ರೂ!
ಈ ಉಪಕ್ರಮಗಳು Project Evergreen, ಸಮರ್ಥನೀಯ ಮತ್ತು ಪರಿಸರ ಸ್ನೇಹಿ ಹಾಸ್ಟೆಲ್‌ಗಳ ಮೇಲೆ ಕೇಂದ್ರೀಕರಿಸುತ್ತವೆ; ನಾವೀನ್ಯತೆ ಮತ್ತು ಸೃಜನಶೀಲತೆಯನ್ನು ಬೆಳೆಸಲು Makerspace labs; ಮತ್ತು Student Aid programsಗಳನ್ನು ಬೆಂಬಲಿಸಲು ವಿದ್ಯಾರ್ಥಿವೇತನ ಸೇರಿದಂತೆ ವಿದ್ಯಾರ್ಥಿ ಸಹಾಯ ಕಾರ್ಯಕ್ರಮಗಳನ್ನು ಒಳಗೊಂಡಿದೆ.
ಹೆಚ್ಚುವರಿಯಾಗಿ, ಜಾಗತಿಕವಾಗಿ ಅಗ್ರ 50 ವಿಶ್ವವಿದ್ಯಾನಿಲಯಗಳಲ್ಲಿ ಶ್ರೇಯಾಂಕ ಗಳಿಸುವ ಐಐಟಿ ಬಾಂಬೆಯ ಮಹತ್ವಾಕಾಂಕ್ಷೆಯ 2030 ರ ದೃಷ್ಟಿಯಲ್ಲಿ ಮತ್ತು ಅಂತಾರಾಷ್ಟ್ರೀಯ ವೇದಿಕೆಯಲ್ಲಿ ಶ್ರೇಷ್ಠತೆಯ ಪರಂಪರೆಯನ್ನು ಸ್ಥಾಪಿಸಲು ಈ ನಿಧಿಗಳು ಕೊಡುಗೆ ನೀಡುತ್ತವೆ.
ಬಾಂಬೆ ಐಐಟಿಯಲ್ಲಿ ಓದಿದ ಇವರು ಭಾರತದ ಪ್ರತಿಷ್ಟಿತ ಐಟಿ ಕಂಪನಿ ಸಿಇಒ; ಇವರ ಒಂದು ದಿನದ ವೇತನವೇ 21ಲಕ್ಷ ರೂ.!