*ಅಮೆರಿಕದ ಕಾಲೇಜೊಂದರಲ್ಲಿ ವಿಲಕ್ಷಣ ಕೋರ್ಸ್ ಆರಂಭಿಸಲಾಗಿದೆ
*ಕೋರ್ಸ್‌ಗೆ ಇಚ್ಛೆಯಿದ್ದವರು ಮಾತ್ರ ಹಾಜರಾಗಬಹುದು
*ಕೋರ್ಸ್ ಆರಂಭಿಸಿದ್ದಕ್ಕೆ ಸಾಕಷ್ಟು ವಿರೋಧವೂ ವ್ಯಕ್ತವಾಗಿದೆ
ಭಾರತದಲ್ಲಿ ಶಾಲಾ ಹಂತದಲ್ಲೇ ಲೈಂಗಿಕ ಶಿಕ್ಷಣ ಒದಗಿಸಬೇಕೋ? ಬೇಡವೇ? ಎಂಬ ಚರ್ಚೆ ಹಲವು ವರ್ಷಗಳಿಂದ ಇದೆ. ಇನ್ನು ಈ ಶಿಕ್ಷಣ ಒದಗಿಸಲು ಸಾಕಷ್ಡು ಅಡೆತಡೆಗಳ ಜೊತೆಗೆ ತೀವ್ರ ವಿರೋಧವೂ ವ್ಯಕ್ತ ವಾಗುತ್ತಿದೆ. ಮಕ್ಕಳಿಗೆ ಲೈಂಗಿಕತೆಯ ಶಿಕ್ಷಣ ನೀಡುವುದು ಹೇಗೆ? ಯಾವ ಮಾದರಿಯಲ್ಲಿ ಇರಬೇಕು? ಅದರಿಂದಾಗುವ ಪರಿಣಾಮಗಳ ಬಗ್ಗೆ ಇನ್ನೂ ಸ್ಪಷ್ಟ ನಿಲುವು ಸಿಕ್ಕಿಲ್ಲ. ವ್ಯಕ್ತಿಯ ಮನಸ್ಸಿನ ಮೇಲೆ ಅಶ್ಲೀಲತೆಯ ಋಣಾತ್ಮಕ ಪರಿಣಾಮಗಳ ಬಗ್ಗೆ ಅಥವಾ ಸಮಾಜವು ಅದರ ಸುಲಭ ಪ್ರವೇಶದಲ್ಲಿ ಕಂಡುಕೊಳ್ಳುವ ಅನೇಕ ಸಮಸ್ಯೆಗಳ ಬಗ್ಗೆ ನೀವು ಖಂಡಿತವಾಗಿ ಕೇಳಿರಬೇಕು. ಆದರೆ ಅಶ್ಲೀಲತೆಯನ್ನು ಒಂದು ವಿಷಯವಾಗಿ ನೀಡುವ ಕಾಲೇಜಿನ ಬಗ್ಗೆ ನೀವು ಕೇಳಿದ್ದೀರಾ? ಅಮೆರಿಕಾದ ಕಾಲೇಜೊಂದರಲ್ಲಿ ಅಶ್ಲೀಲತೆಯ ಕೋರ್ಸ್ ಅನ್ನೇ ಪರಿಚಯಿಸಲಾಗಿದೆ. 'ಫಿಲ್ಮ್ 3000 ಪೋ** (Film 3000 P**n)' ಕೋರ್ಸ್ ಅನ್ನು ನೀಡುತ್ತದೆ. ವೆಸ್ಟ್‌ಮಿನಿಸ್ಟರ್‌ನಲ್ಲಿ ಮೇ ಬೇಸಿಗೆ ಅವಧಿಯಲ್ಲಿ ಪ್ರತಿ ವರ್ಷ ಭಿನ್ನವಾಗಿರುವ ಕೋರ್ಸ್‌ಗಳನ್ನು ಒದಗಿಸಲಾಗುತ್ತದೆ. ಈ ಕೋರ್ಸ್ ವೆಸ್ಟ್‌ಮಿನಿಸ್ಟರ್‌ನಲ್ಲಿ ಐಚ್ಛಿಕ ಕೋರ್ಸ್ ಆಗಿದೆ. ಯಾವುದೇ ವಿದ್ಯಾರ್ಥಿಗೆ ಕಡ್ಡಾಯವಲ್ಲ. ಅಮೆರಿಕಾ(USA)ದಂತಹ ದೇಶಗಳಲ್ಲಿ ಅಶ್ಲೀಲ ಚಿತ್ರಗಳು ಬಹು-ಶತಕೋಟಿ ಡಾಲರ್ ಉದ್ಯಮವಾಗಿದೆ. ಈ ಕೋರ್ಸ್ ಉದ್ಯಮದ ಅಧ್ಯಯನವನ್ನು ಒಳಗೊಂಡಿದೆ. ಇದು ಲೈಂಗಿಕ ಅಸಮಾನತೆಗಳನ್ನು ಪ್ರತಿಬಿಂಬಿಸುವ ಮತ್ತು ಬಲಪಡಿಸುವ ಸಾಮರ್ಥ್ಯವನ್ನು ಹೊಂದಿದೆ.
ಮಕ್ಕಳಿಗೆ ಯಾವ ವಯಸ್ಸಿನಲ್ಲಿ ಲೈಂಗಿಕ ಶಿಕ್ಷಣ ನೀಡಬೇಕು?
ಆದ್ರೆ ಈ ಕೋರ್ಸ್ ಬಗ್ಗೆ ಉತಾಹ್ ನಾಗರಿಕರಿಂದ ತೀವ್ರ ವಿರೋಧ ವ್ಯಕ್ತವಾಗಿದೆ. ಉತಾಹ್ ನಾಗರಿಕರ change.org ಅರ್ಜಿಯು ಕೋರ್ಸ್ ಅನ್ನು ತೆಗೆದುಹಾಕಬೇಕೆಂದು ಒತ್ತಾಯಿಸುತ್ತಿದೆ. ಈ ಕೋರ್ಸ್ ನ ಭಾಗವಾಗಿ ವಿದ್ಯಾರ್ಥಿಗಳು ತರಗತಿಯಲ್ಲಿ ಒಟ್ಟಿಗೆ ಅಶ್ಲೀಲತೆಯನ್ನು ವೀಕ್ಷಿಸುತ್ತಾರೆ. ಲೈಂಗಿಕತೆ ಕುರಿತಂತೆ ಚರ್ಚಿಸುತ್ತಾರೆ ಎಂದು ಕೋರ್ಸ್ ವಿವರಣೆಯಲ್ಲಿ ಉಲ್ಲೇಖಿಸಲಾಗಿದೆ. ಆದಾಗ್ಯೂ, ಶಿಕ್ಷಕರು ಮತ್ತು ವಿದ್ಯಾರ್ಥಿಗಳು ಒಟ್ಟಿಗೆ ತರಗತಿಯಲ್ಲಿ ಅಶ್ಲೀಲತೆಯನ್ನು ಒಟ್ಟಿಗೆ ನೋಡುವುದರಿಂದ ಸಂಸ್ಕೃತಿಯಲ್ಲಿ ಅಶ್ಲೀಲತೆಯನ್ನು ಸಾಮಾನ್ಯೀಕರಿಸುವಾಗ ವಿದ್ಯಾರ್ಥಿಗಳಿಗೆ ಅಸುರಕ್ಷಿತ ವಾತಾವರಣವನ್ನು ಸೃಷ್ಟಿಸುತ್ತದೆ ಎಂದು ಅರ್ಜಿಯಲ್ಲಿ ಹೇಳಲಾಗಿದೆ.
I thought this was a joke—it isn’t. This is a pornography class that you can enroll in at Westminster College in Salt Lake City. The class description reads that porn is as American as apple pie and students will watch pornographic films together and discuss sex as an art form. pic.twitter.com/ZxcWP8J2jB
— Candace Owens (@RealCandaceO)
po****phy ಅಮೇರಿಕನ್ ಆಪಲ್ ಪೈನಂತೆ ಮತ್ತು ಫುಟ್‌ಬಾಲ್‌ಗಿಂತ ಹೆಚ್ಚು ಜನಪ್ರಿಯವಾಗಿದೆ ಎಂದು ಕೋರ್ಸ್ ನ ವಿವರಣೆಯಲ್ಲಿ ಹೇಳಲಾಗಿದೆ. ಖಾಸಗಿ ಲಿಬರಲ್ ಆರ್ಟ್ಸ್ ಕಾಲೇಜು 2022-23 ಶೈಕ್ಷಣಿಕ ವರ್ಷದಲ್ಲಿ ಸಂಪೂರ್ಣ ತರಗತಿಯನ್ನು ನೀಡುತ್ತಿರುವ ಕಾರಣ ಉತಾಹ್‌ನ ಖಾಸಗಿ ಕಾಲೇಜು ನೀಡುತ್ತಿರುವ ಕೋರ್ಸ್‌ನ ಕಿರು ವಿವರಣೆಯ ಸ್ಕ್ರೀನ್‌ಶಾಟ್ ವೈರಲ್ ಆಗಿದೆ. 'ಫಿಲ್ಮ್ 3000 (Film 3000)' ಹೆಸರಿನ ಕೋರ್ಸ್‌ನ ಉಲ್ಲೇಖವನ್ನು ವೆಬ್‌ಸೈಟ್‌ನ ಪಟ್ಟಿಯಿಂದ ಹಿಂತೆಗೆದುಕೊಳ್ಳಲಾಗಿದೆ ಆದರೆ ಕೋರ್ಸ್ ಅನ್ನು ಹಿಂತೆಗೆದುಕೊಳ್ಳಲಾಗಿಲ್ಲ ಎಂದು ಯುಎಸ್ ಮಾಧ್ಯಮಗಳು ವರದಿ ಮಾಡಿದೆ.
ಅಂದ ಹಾಗೇ ಯುಎಸ್ಎ ಟುಡೆ (USA Today) ವರದಿಯ ಪ್ರಕಾರ, ಈ ಕೋರ್ಸ್ ಹೊಸದಲ್ಲ ಎಂದು ಕಾಲೇಜು ಅಧಿಕಾರಿಗಳು ಹೇಳಿದ್ದಾರೆ. ಅವರು ಈ ಹಿಂದೆ ಹಲವಾರು ಬಾರಿ ಕೋರ್ಸ್ ಅನ್ನು ನೀಡಿದ್ದಾರೆ. ಆದರೆ ಸಾಂಕ್ರಾಮಿಕ ಪರಿಸ್ಥಿತಿಯಿಂದಾಗಿ ಅದನ್ನು ನಿಲ್ಲಿಸಲಾಗಿತ್ತು. ಕೋರ್ಸ್‌ನಲ್ಲಿ ಸಾಮಾನ್ಯವಾಗಿ ಸುಮಾರು 20 ವಿದ್ಯಾರ್ಥಿಗಳು ಇರುತ್ತಾರೆ ಎಂದು ಕಾಲೇಜು ತಿಳಿಸಿದೆ. ಅಮೆರಿಕ ಸೇರಿದಂತೆ ವೆಸ್ಟರ್ನ್ ದೇಶಗಳ ಸಮಾಜವು ಮುಕ್ತವಾಗಿದ್ದರೂ, ಅಶ್ಲೀತೆಯ ವಿಷಯ ಬಂದಾಗ ನೈತಿಕತೆಯೇ ಮೇಲುಗೈ ಸಾಧಿಸುತ್ತದೆ. ಹಾಗಾಗಿ, ಮುಕ್ತ ಸಮಾಜದಲ್ಲೂ ಪೋರ್ನಗ್ರಿಫಿಯಂಥ ಕೋರ್ಸ್ ನೀಡಲಾಗುತ್ತಿದೆ ಎಂದು ಹೇಳಿದ ಕೂಡಲೇ ವ್ಯಾಪಕ ವಿರೋಧ ವ್ಯಕ್ತವಾಗುತ್ತದೆ. ನೈತಿಕತೆಗೆ ಯಾವುದೇ ಗಡಿ ಮತ್ತು ಕಾಲಗಳು ಮಿತಿಯಾಗಿರುವುದಿಲ್ಲ ಎಂಬುದು ಈ ಕೋರ್ಸ್ ವಿವಾದದ ಹಿನ್ನೆಲೆಯಲ್ಲಿ ಅರಿತುಕೊಳ್ಳಬಹುದಾಗಿದೆ.
ಮಕ್ಕಳಿಗೆ ಲೈಂಗಿಕ ಶಿಕ್ಷಣ : ಮಕ್ಕಳು ಏನು ಮತ್ತು ಯಾವಾಗ ಕಲಿಯಬೇಕು?