ನೀವು ತುಂಬಾ ಕ್ರಿಯೇಟಿವ್ ಆಗಿದ್ದರೆ, ಕಲೆ ಬಗ್ಗೆ ಆಸಕ್ತಿ ಇದ್ದರೆ ಅನಿಮೇಷನ್ ಕ್ಷೇತ್ರದಲ್ಲಿ ನಿಮ್ಮ ಕರಿಯರ್ ರೂಪಿಸಿಕೊಳ್ಳಬಹುದು. ಅದಕ್ಕಾಗಿ ಏನು ಮಾಡಬೇಕು ಗೊತ್ತಾ? ಇಲ್ಲಿದೆ ಮಾಹಿತಿ.
ಕ್ರಿಯೇಟಿವಿಟಿಯಲ್ಲಿ ವಿಶ್ವಾಸ ಇದ್ದರೆ ಮತ್ತು ಏನಾದರೂ ವಿಶಿಷ್ಟವಾದುದನ್ನು ಮಾಡಲು ಬಯಸಿದ್ದರೆ ಅನಿಮೇಷನ್ ಕ್ಷೇತ್ರದಲ್ಲಿ ಕರಿಯರ್ ರೂಪಿಸಿಕೊಳ್ಳಬಹುದು. ದೇಶ ವಿದೇಶದಲ್ಲಿ ಇಂದು ಬಹಳ ವೇಗದಲ್ಲಿ ಬೆಳೆಯುತ್ತಿರುವ ಕ್ಷೇತ್ರವೆಂದರೆ ಅನಿಮೇಷನ್. ಜಾಹಿರಾತು, ಫಿಲಂ, ಕಾರ್ಟೂನ್, ಸೀರಿಯಲ್ ಮೊದಲಾದ ಕ್ಷೇತ್ರದಲ್ಲಿ ನೀವು ಅದೃಷ್ಟ ಪರೀಕ್ಷೆ ಮಾಡಬಹುದು. ಈ ಕ್ಷೇತ್ರದಲ್ಲಿ ಕರಿಯರ್ ರೂಪಿಸಲು ಏನು ಮಾಡಬೇಕು ನೋಡೋಣ..
ಶೈಕ್ಷಣಿಕ ಅರ್ಹತೆ
ಅನಿಮೇಷನ್‌ನಲ್ಲಿ ಕರಿಯರ್ ರೂಪಿಸಲು ಇಚ್ಛೆಯ ಜೊತೆಗೆ ಪಿಯುಸಿ ಪಾಸ್ ಆಗಿರಬೇಕು. ಜೊತೆಗೆ ಅನಿಮೇಷನ್ ಕೋರ್ಸ್ ಮಾಡಲೇಬೇಕು.
undefined
ಪಾಸಾಗಬೇಕಂದ್ರೆ ಗಿಡ ನೆಡಿ: ಭೂ ರಮೆ ಹಸಿರಾಗಲು ಇನ್ನೇನು ಬೇಕೇಳಿ?
ಏನು ಕೋರ್ಸ್ ?
ಈ ಕ್ಷೇತ್ರದಲ್ಲಿ ಆಸಕ್ತಿ ಇರುವವರು ಗ್ರಾಜುಯೇಟ್, ಪೋಸ್ಟ್ ಗ್ರಾಜುಯೇಟ್ ಮತ್ತು ಡಿಪ್ಲೋಮಾ ಕೋರ್ಸ್ ಮಾಡಬಹುದು. ಇದು ಮಾತ್ರವಲ್ಲ ಇತ್ತೀಚಿಗೆ ಹಲವು ಪ್ರೊಫೆಷನಲ್ ಕೋರ್ಸ್‌ಗಳೂ ಇವಿದೆ. ಕೆಲವೊಂದು ಕಂಪನಿಗಳು ಈ ಕೆಲಸಕ್ಕೆ ಪ್ರೊಫೆಷನಲ್ ಟ್ರೇನಿಂಗ್ ಕೂಡ ನೀಡುತ್ತವೆ.
ಏನು ಬೇಕು?
ಒಬ್ಬ ಉತ್ತಮ ಅನಿಮೇಟರ್ ಆಗಬೇಕೆಂದರೆ ಹಾರ್ಡ್ ವರ್ಕ್, ವಿಶುಲೈಸಿಂಗ್ ಎಬಿಲಿಟಿ, ಇಮ್ಯಾಜಿನೇಷನ್, ಕ್ರಿಯೇಟಿವಿಟಿ, ಲಾಜಿಕಲ್ ಅಂಡರ್ ಸ್ಟ್ಯಾಂಡಿಂಗ್ ಜೊತೆಗೆ ಡೆಡ್ ಲೈನ್ ಒಳಗಡೆ ಕೆಲಸ ಮಾಡಿ ಮುಗಿಸುವ ಸಾಮರ್ಥ್ಯ ಇರಬೇಕು.
ಯಾರು ಈ ಕೋರ್ಸ್ ಮಾಡಬಹುದು?
ಏನಾದರೂ ಹೊಸತನದ ಬಗ್ಗೆ ಮತ್ತು ಕ್ರಿಯೇಟಿವಿಟಿ ಬಗ್ಗೆ ಮನಸ್ಸು ತುಡಿಯುತ್ತಿದ್ದರೆ, ಇದು ಬೆಸ್ಟ್ ಕೋರ್ಸ್.
ಕೆಲಸದ ಸಂದರ್ಶನ: ಫೇಲ್ ಆಗೋದೆಲ್ಲಿ?
ವೇತನ
ಆರಂಭದಲ್ಲಿ ಈ ಕ್ಷೇತ್ರದಲ್ಲಿ ತಿಂಗಳಿಗೆ ಹತ್ತು ಸಾವಿರದವರೆಗೂ ವೇತನ ಸಿಗುತ್ತದೆ. ಆದರೆ ನಂತರ ದಿನಕ್ಕೆ 20 ರಿಂದ 75 ಸಾವಿರ ರೂ.ವರೆಗೂ ಸಂಬಳ ಸಿಗುತ್ತದೆ. ಜೊತೆಗೆ ಫ್ರೀಲಾನ್ಸ್ ಆಗಿಯೂ ಕಾರ್ಯ ನಿರ್ವಹಿಸಬಹುದು.
ಈ ಕ್ಷೇತ್ರಕ್ಕೆ ಸಂಬಂಧಿಸಿದಂತೆ ದೇಶದಲ್ಲಿ, ರಾಜ್ಯದಲ್ಲಿ ಹಲವಾರು ಸಂಸ್ಥೆಗಳು ಅನಿಮೇಷನ್ ಕೋರ್ಸ್ ನೀಡುತ್ತಿವೆ. ಅವುಗಳಲ್ಲಿ ಯಾವ ಸಂಸ್ಥೆಯಲ್ಲೂ ಶಿಕ್ಷಣ ಪಡೆಯಬಹುದು.