Daily Horoscope: ಈ ರಾಶಿಯವರಿಗಿಂದು ಉದ್ಯೋಗ ಪ್ರಾಪ್ತಿ!

26 ನವೆಂಬರ್ 2021, ಶುಕ್ರವಾರದ ಭವಿಷ್ಯ ಹೇಗಿದೆ? ಯಾವ ರಾಶಿಗೆ ಶುಭ ಫಲವಿದೆ? ಇಂದಿನ ದಿನಭವಿಷ್ಯ ಕುಂಭ ರಾಶಿಯವರಿಗೆ ಬಯಸಿದ ಸಂತಾನ ಪ್ರಾಪ್ತಿ

ಮೇಷ(Aries): ಸಮೃದ್ಧ ಫಲಗಳಿವೆ. ಅತ್ಯುತ್ತಮವಾಗಿ ಕೌಟುಂಬಿಕ ಸಹಕಾರ ಸಿಕ್ಕಲಿದೆ. ಸರಕಾರಿ ಕೆಲಸ ಕಾರ್ಯಗಳಿಗೆ ಯಶಸ್ಸು. ಕೋರ್ಟ್ ವ್ಯವಹಾರಗಳಲ್ಲಿ ಜಯ. ನೆಮ್ಮದಿಯ ದಿನ, ವ್ಯಾಪಾರ ವ್ಯವಹಾರದಲ್ಲಿ ಪ್ರಗತಿ ಕಂಡು ಬರುವುದರಿಂದ ಧನಲಾಭವಾಗಲಿದೆ. ಅಮ್ಮನವರ ದೇವಾಲಯಕ್ಕೆ ಭೇಟಿ ನೀಡಿ. 
ವೃಷಭ(Taurus): ಹೊಸ ಕಾರ್ಯಾರಂಭಕ್ಕೆ ಸಿದ್ಧತೆ. ಸಹೋದರರ ಸಹಕಾರ ಇರಲಿದೆ. ಮಂಗಲ ಕಾರ್ಯ, ಕಂಕಣ ಬಲ ಯೋಗ. ಇಷ್ಟಾರ್ಥ ಸಿದ್ಧಿ. ಆರೋಗ್ಯ ಅನುಕೂಲವಿದ್ದರೂ ಅಸಡ್ಡೆ ಮಾಡದಿರಿ, ಉದ್ಯೋಗದಲ್ಲಿ ಅನುಕೂಲ, ಕೃಷ್ಣ ಪ್ರಾರ್ಥನೆ ಮಾಡಿ.
ಮಿಥುನ(Gemini): ವ್ಯಾಪಾರಿಗಳಲ್ಲಿ ಜಾಗ್ರತೆ ಬೇಕು, ಧನಲಾಭ, ಆಹಾರದಲ್ಲಿ ಕೊರತೆ ಇಲ್ಲ. ದಾಂಪತ್ಯದಲ್ಲಿ ಭಿನ್ನಾಭಿಪ್ರಾಯ ಸಾಧ್ಯತೆ, ಪರರಿಂದ ವಂಚನೆ, ಮಾನ- ಮನಸ್ಸುಗಳಿಗೆ ಭಂಗ ಉಂಟಾಗಬಹುದು. ಹೆಚ್ಚಿನ ನಷ್ಟ ತಪ್ಪಿಸಿಕೊಳ್ಳಲು ಲಕ್ಷ್ಮೀ-ನಾರಾಯಣ ಪ್ರಾರ್ಥನೆ ಮಾಡಿ.

Date of Birth and Luck: ಈ ದಿನ ಹುಟ್ಟಿದ ಹುಡುಗಿಯರಿಂದ ಗಂಡಂದಿರಿಗೆ ಅದೃಷ್ಟ..!
ಕಟಕ(Cancer): ದೇಹಸೌಖ್ಯ, ಆರೋಗ್ಯದಲ್ಲಿ ಬಲವಿದೆ. ವಿದ್ಯಾರ್ಥಿಗಳಿಗೆ ಹೆಚ್ಚಿನ ಅಭಿವೃದ್ದಿ ಇದೆ. ಹಾಗಂಥ ಪರಿಶ್ರಮ ಹಾಕುವುದರಲ್ಲಿ ಅಸಡ್ಡೆ ಬೇಡ. ವ್ಯಾಪಾರದಲ್ಲಿ ಲಾಭ, ಸಿವಿಲ್ ಉದ್ಯಮಿಗಳಿಗೆ ಅನುಕೂಲ, ಸ್ಥಿರಾಸ್ಥಿ ಜಯ. ಅವಿವಾಹಿತರಿಗೆ ಕಂಕಣಬಲ. ಹಸುವಿಗೆ ಅಕ್ಕಿಬೆಲ್ಲ ತಿನ್ನಿಸಿ. 
ಸಿಂಹ(Leo): ಹಣ ಹೂಡಿಕೆ ಮಾಡುವ ದಿನ, ಆಲೋಚನೆಗಳು ವ್ಯತಿರಿಕ್ತವಾಗಲಿವೆ. ಕೆಲಸ ಕಾರ್ಯಗಳಲ್ಲಿ ಆದಷ್ಟು ತಾಳ್ಮೆ, ಸಮಾಧಾನ, ಪ್ರಯತ್ನ ಬಲದಿಂದ ಮುಂದುವರಿಯಬೇಕಾಗುತ್ತದೆ. ಸಹೋದರರಲ್ಲಿ ಅಸಮಾಧಾನ ಇರಲಿದೆ. ಒಳ್ಳೆಯ ರೀತಿಯ ಮಾತುಕತೆಯಿಂದ ತೊಡಕು ಬಗೆಹರಿಸಿಕೊಳ್ಳಲು ಪ್ರಯತ್ನಿಸಿ. ಮಕ್ಕಳ ಬಗ್ಗೆ ಆತಂಕ ಬೇಡ, ಸೂರ್ಯ ಪ್ರಾರ್ಥನೆ ಮಾಡಿ.
ಕನ್ಯಾ(Virgo): ಪ್ರಯಾಣದಲ್ಲಿ ತೊಡಕು, ಕಟ್ಟಡ ನಿರ್ಮಾಣ ಕೆಲಸಗಾರರಿಗೆ ತೊಡಕು, ತಾಯಿಯ ಆರೋಗ್ಯದಲ್ಲಿ ವ್ಯತ್ಯಾಸ, ಅಸಮಾಧಾನ ಇರಲಿದೆ. ಮಾಡದ ತಪ್ಪಿಗೆ ದಂಡ ತೆರಬೇಕಾದೀತು. ಪಡೆದ ಸಾಲವನ್ನು ತೀರಿಸುವತ್ತ ಗಮನ ಹರಿಸಿದರೆ ನೆಮ್ಮದಿಯ ದಿನಗಳನ್ನು ಎದುರು ನೋಡಬಹುದು. ಅಮ್ಮನವರಿಗೆ ಕ್ಷೀರಾಭಿಷೇಕ ಮಾಡಿಸಿ.

A, K, P, R ನಿಂದ ಶುರುವಾಗೋ ಹೆಸರಿನ ಹುಡುಗರು ತುಂಬಾ ಕೇರಿಂಗ್..!
ತುಲಾ(Libra): ವಿದ್ಯಾರ್ಥಿಗಳಿಗೆ ಹೆಚ್ಚಿನ ಪ್ರಯತ್ನ ಬಲದಿಂದಲೇ ಮುಂದುವರಿಯಬೇಕಾಗುತ್ತದೆ. ಅರ್ಧಕ್ಕೆ ನಿಲ್ಲಿಸಿದ ಕಾರ್ಯವನ್ನು ಪೂರ್ತಿಗೊಳಿಸುವುದರಿಂದ ಕೊಂಚ ನೆಮ್ಮದಿ. ವ್ಯಯ ಹೆಚ್ಚಾಗಲಿದೆ, ಉದ್ಯೋಗದಲ್ಲಿ ಹೊಸ ಅವಕಾಶ. ಮಂಗಲ ಕಾರ್ಯ, ಕಂಕಣಬಲಕ್ಕಾಗಿ ನರಸಿಂಹ ಪ್ರಾರ್ಥನೆ ಮಾಡಿ.
ವೃಶ್ಚಿಕ(Scorpio): ಆಹಾರದಲ್ಲಿ ವ್ಯತ್ಯಾಸದಿಂದ ಆರೋಗ್ಯದಲ್ಲಿ ಏರುಪೇರು. ಆಸ್ಪತ್ರೆ ಓಡಾಟ. ಕುಟುಂಬದಲ್ಲಿ ಸ್ವಲ್ಪ ಕಹಿಯಾದ ವಾತಾವರಣ. ಮಾತಿನಿಂದ ಬೇಸರ, ಹಣ ವ್ಯವಹಾರ ಬೇಡ. ಹೊಸ ಹೂಡಿಕೆ ಫಲಕಾರಿಯಾಗದು. ಮಾನಸಿಕ ಕಿರಿಕಿರಿಯಿಂದ ಪಾರಾಗಲು ಕುಲದೇವತಾ ಪ್ರಾರ್ಥನೆ ಮಾಡಿ.
ಧನುಸ್ಸು(Sagittarius): ಆರ್ಥಿಕ ಅಡಚಣೆ ಇದ್ದರೂ ಅನುಕೂಲಕರ ಸ್ಥಿತಿಯಲ್ಲಿ ಕೆಲಸಗಳು ಸಾಗಲಿವೆ. ವಂಚನೆಗೊಳಗಾಗದಂತೆ ಎಚ್ಚರಿಕೆ ವಹಿಸಿ. ಕೌಟುಂಬಿಕವಾಗಿ ತಾಳ್ಮೆ, ಸಮಾಧಾನಕ್ಕೆ ಹೆಚ್ಚು ಗಮನ ನೀಡುವುದು ಉತ್ತಮ. ಪ್ರಯಾಣಕ್ಕೆ ಸಿದ್ಧತೆ. ನಿರುದ್ಯೋಗಿಗಳಿಗೆ ಆಕಸ್ಮಿಕ ಉದ್ಯೋಗ ಪ್ರಾಪ್ತಿಯಾಗಲಿದೆ. ನವಗ್ರಹ ಪ್ರಾರ್ಥನೆ ಮಾಡಿ.
ಮಕರ(Capricorn): ಖರ್ಚು ಹೆಚ್ಚಾಗಲಿದೆ, ಉದ್ಯೋಗ ನಿಮಿತ್ತ ವ್ಯಯ. ಸಂಗಾತಿಯ ಸಹಕಾರ, ಸ್ನೇಹಿತರ ಸಹಕಾರದಿಂದ ಮನಸ್ಸು ಪ್ರಫುಲ್ಲವಾಗಿರುವುದು. ತಂಟೆ ತಕರಾರುಗಳಿಂದ ಮುಕ್ತಿ, ಶತ್ರು ಪೀಡಾ ನಿವಾರಣೆ. ಸಾಂಸಾರಿಕ ಸುಖ ಸಂತೋಷ ಪ್ರಾಪ್ತಿಯಾಗುವುದು. ಕೃಷ್ಣನಿಗೆ ತುಳಸಿ ಅರ್ಚನೆ ಮಾಡಿ.
ಕುಂಭ(Aquarius): ವೃತ್ತಿರಂಗದಲ್ಲಿ ವಿವೇಚನೆಯಿಂದ ನಡೆಯಬೇಕಾಗುತ್ತದೆ. ಲಾಭ ಸಮೃದ್ಧಿ, ಶತ್ರುಗಳಿಂದಲೂ ಸಹಾಯ, ಮಾತಿಗೆ ಮಾನ್ಯತೆ ಸಿಗಲಿದೆ. ಲೋಹ, ಯಂತ್ರೋಪಕರಣ ವ್ಯಾಪಾರಸ್ಥರಿಗೆ ಯಶಸ್ಸು. ದಂಪತಿಗೆ ಎಣಿಸಿದ ಸಂತಾನ ಪ್ರಾಪ್ತಿಯಾಗುವುದು. ವಾತಮಯದಿಂದ ದೇಹಾಯಾಸ. ಮನೆ ದೇವರ ಪ್ರಾರ್ಥನೆ ಮಾಡಿ.
ಮೀನ(Pisces): ವೃತ್ತಿರಂಗದಲ್ಲಿ ಹಿತಶತ್ರುಗಳ ಕಾಟ ತೋರಿಬರಲಿದೆ. ವಿದ್ಯಾರ್ಥಿಗಳಿಗೆ ಉನ್ನತ ವ್ಯಾಸಂಗಕ್ಕೆ ಅವಕಾಶ. ಬೆಳ್ಳಿ ಬಂಗಾರ ಖರೀದಿ ಮಾಡಬಹುದು. ದೂರ ಪ್ರಯಾಣಕ್ಕೆ ಸುದಿನ. ಗೃಹಿಣಿಯಿಂದಾಗಿ ಕೌಟುಂಬಿಕ ಸಮಸ್ಯೆ ನಿವಾರಣೆಯಾಗಲಿದೆ. ಗಣಪತಿ ಪ್ರಾರ್ಥನೆ ಮಾಡಿ.