ಇಂದು ಶುಕ್ರವಾರ ಈ ರಾಶಿಗೆ ಶುಭ, ಅದೃಷ್ಟ

ಯಾವ ರಾಶಿಗೆ ಹಣದ ಲಾಭ? ಯಾರಿಗೆ ಆರೋಗ್ಯದ ಸಮಸ್ಯೆ? ಕುಟುಂಬ ಜೀವನ, ಉದ್ಯೋಗ ಮತ್ತು ಹಣಕಾಸಿನ ಬಗ್ಗೆ ಪೂರ್ಣ ದೈನಂದಿನ ಜ್ಯೋತಿಷ್ಯ ಭವಿಷ್ಯವಾಣಿ. 

ಮೇಷ(Aries): ಉದ್ಯೋಗ ರಂಗದಲ್ಲಿ ಪ್ರಶಂಸೆ, ಪ್ರಶಸ್ತಿ ಅರಸಿ ಬರಲಿವೆ. ನಿಮ್ಮ ಏಳ್ಗೆ ಬಗ್ಗೆ ಸಹೋದ್ಯೋಗಿಗಳಲ್ಲಿ ಅಸೂಯೆ ಮೂಡಬಹುದು. ಕುಟುಂಬ ಸದಸ್ಯರ ಆರೋಗ್ಯ ಸಮಸ್ಯೆಗಳು ಕಂಗಾಲಾಗಿಸಬಹುದು. ಪ್ರಮುಖ ವಿಚಾರಗಳಲ್ಲಿ ಸಂಗಾತಿಯ ಸಹಕಾರ ಸಿಗಲಿದೆ. ಗಣಪತಿಗೆ ದರ್ಬೆ ಸಲ್ಲಿಸಿ.

ವೃಷಭ(Taurus): ಲೇವಾದೇವಿ ವ್ಯವಹಾರಗಳಲ್ಲಿ ನಷ್ಟಫಲವಿದೆ. ಸ್ನೇಹಿತರ ವಂಚನೆ ಬೆಳಕಿಗೆ ಬಂದು ಆಘಾತವಾಗಬಹುದು. ಮನಸ್ಸು ಚಂಚಲವಾಗಿರುವುದು. ಅನಗತ್ಯ ಆತಂಕಗಳು ಕಾಡುವುವು. ವಿರೋಧಿಗಳ ಉಪದ್ರವ ಹೆಚ್ಚಬಹುದು. ಗಣಪತಿ ದೇವಾಲಯಕ್ಕೆ ಭೇಟಿ ನೀಡಿ.

ಮಿಥುನ(Gemini): ಸ್ಥಿರಾಸ್ತಿ ಖರೀದಿ ಸಾಧ್ಯತೆ. ಪಿತ್ರಾರ್ಜಿತ ಆಸ್ತಿ ಕೈಗೆ ಬರಬಹುದು. ಪಾಲುದಾರಿಕೆ ವ್ಯವಹಾರಗಳಲ್ಲಿ ಲಾಭ. ದಾಂಪತ್ಯ ಜೀವನ ಹಾಲು ಜೇನಿನಂತಿರುತ್ತದೆ. ಹಿತೈಷಿಗಳೊಂದಿಗೆ ಜೀವನದ ಪ್ರಮುಖ ವಿಚಾರಗಳ ಬಗ್ಗೆ ಚರ್ಚೆ ನಡೆಸುವಿರಿ. ನವಗ್ರಹ ಶ್ಲೋಕ ಹೇಳಿಕೊಳ್ಳಿ.

ಕಟಕ(Cancer): ಸಾಲ ಪಡೆಯಲು, ಕೊಡಲು ಉತ್ತಮ ದಿನ. ನಿಮ್ಮ ಅನೈತಿಕ ಕೆಲಸಗಳು, ವಂಚನೆ ಬೆಳಕಿಗೆ ಬರಬಹುದು. ಸತ್ಯದ ದಾರಿಯಲ್ಲಿರುವವರಿಗೆ ಭಯದ ಅಗತ್ಯವಿಲ್ಲ. ಅನಿರೀಕ್ಷಿತವಾಗಿ ಆರೋಗ್ಯ ಸಮಸ್ಯೆಗಳು ಕಾಡಬಹುದು. ಬಿದ್ದು ಪೆಟ್ಟಾಗಬಹುದು. ಎಚ್ಚರ ಅಗತ್ಯ. ಕುಲದೇವರ ಸ್ಮರಣೆ ಮಾಡಿ.

ಸಿಂಹ(Leo): ಕೈ ತಪ್ಪಿ ಹೋದ ಕನಸೊಂದು ಮತ್ತೆ ಹೆಗಲೇರಲಿದೆ. ಆಸ್ತಿ ಖರೀದಿ ಸಾಧ್ಯತೆ ನಿಚ್ಚಳವಾಗಿದೆ. ಕಾರ್ಯ ರಂಗದಲ್ಲಿ ನಿಮ್ಮ ಸಾಧನೆಗೆ ಶ್ಲಾಘನೆ ದೊರೆಯುವುದು. ವೃತ್ತಿ ಬದುಕಿನಲ್ಲಿ ಬೆಳವಣಿಗೆಗೆ ಸಾಕಷ್ಟು ಅವಕಾಶಗಳು ಎದುರಾಗಲಿವೆ. ಅವುಗಳ ಸದ್ಬಳಕೆ ಮಾಡಿಕೊಳ್ಳಿ. ಮನೆದೇವರಿಗೆ ತುಪ್ಪದ ದೀಪ ಹಚ್ಚಿ.

ಕನ್ಯಾ(Virgo): ಬಹಳ ಬ್ಯುಸಿಯಾದ ದಿನ. ಸಾಕಷ್ಟು ಕೆಲಸಗಳು ಎಡೆಬಿಡದೆ ಮಾಡಿದರೂ ಮುಗಿಯದೆ ತಲೆ ನೋವು ತರುವುವು. ಷೇರು ವ್ಯವಹಾರಗಳಲ್ಲಿ ಅಲ್ಪ ಲಾಭ. ಅತ್ತೆಯೊಂದಿಗೆ ಜಗಳವಾಗುವುದು. ಆತುರದಲ್ಲಿ ಯಾವುದೇ ನಿರ್ಧಾರ ತೆಗೆದುಕೊಳ್ಳಬೇಡಿ. ಗಣಪತಿ ಶತನಾಮಾವಳಿ ಹೇಳಿಕೊಳ್ಳಿ.

ತುಲಾ(Libra): ಚರಾಸ್ತಿ ಖರೀದಿ ಮಾಡಲಿರುವಿರಿ. ಪ್ರಯಾಣದಿಂದ ಧನಲಾಭವಿರಲಿದೆ. ಪ್ರತಿಭೆಗೆ ತಕ್ಕ ವೇದಿಕೆಗಳು ದೊರೆತು ಸಂತಸವಾಗುವುದು. ಕುಟುಂಬದಲ್ಲಿ ಪ್ರೀತಿ, ಸಹನೆಯೊಂದಿಗಿರಿ. ಪ್ರೀತಿ ಪ್ರೇಮ ವ್ಯವಹಾರಗಳಿಗೆ ಮನೆಯವರ ಬೆಂಬಲ ದೊರೆತು ಸಂತಸ ಹೆಚ್ಚುವುದು. ಹಸುವಿಗೆ ಹಸಿರು ಹುಲ್ಲನ್ನು ತಿನ್ನಿಸಿ.

ವೃಶ್ಚಿಕ(Scorpio): ಸತತವಾಗಿ ಸಮಸ್ಯೆಗಳೇ ಎದುರಾಗುತ್ತಿವೆ ಎಂಬ ಚಿಂತೆ ಆವರಿಸುವುದು. ಎಲ್ಲ ಬದಲಾಗುವ ಕಾಲ ಸನ್ನಿಹಿತವಾಗಿದೆ. ಸಕಾರಾತ್ಮಕವಾಗಿರಿ. ವೈಯಕ್ತಿಕ ಸ್ಥಾನಮಾನ ಹೆಚ್ಚಿಸಿಕೊಳ್ಳಲು ಯತ್ನಿಸಿ. ಸಣ್ಣಪುಟ್ಟ ತಿರುಗಾಟದಿಂದ ಸಮಾಧಾನ. ಬಟ್ಟೆ ಖರೀದಿಯಿಂದ ಸಂತಸ. ವಿಘ್ನ ನಿವಾರಕನನ್ನು ಸ್ಮರಿಸಿ.

ಧನುಸ್ಸು(Sagittarius): ನೀಚ ಜನರ ಒಡನಾಟದಿಂದ ಸಾಕಷ್ಟು ಕಷ್ಟನಷ್ಟಗಳನ್ನು ಎದುರಿಸಬೇಕಾಗುವುದು. ಮಾನಸಿಕ ಸಮತೋಲನ ಸಾಧಿಸಲಾಗದೆ ಒದ್ದಾಡುವಿರಿ. ವ್ಯಾಪಾರದಲ್ಲಿ ನಷ್ಟ, ಉದ್ಯೋಗದಲ್ಲಿ ಸಾಮಾನ್ಯ ದಿನ. ಪೋಷಕರ ಭಾವನೆಗಳನ್ನು ಗೌರವಿಸಿ. ನವಗ್ರಹ ಶ್ಲೋಕ ಹೇಳಿ.

ಮಕರ(Capricorn): ದೈವಾನುಗ್ರಹವಿದ್ದು ಎಲ್ಲವೂ ನೀವೆಣಿಸಿದಂತೆಯೇ ಆಗಲಿದೆ. ಅದೃಷ್ಟವೊಂದೇ ನಂಬಿ ಕೂರದೆ ಪ್ರಯತ್ನ ಹೆಚ್ಚಿಸಿ. ವಿದ್ಯಾರ್ಥಿಗಳಗೆ ಪ್ರತಿಭಾ ಶಕ್ತಿ ಜಾಗೃತವಾಗಲಿದೆ. ಕೈಗೆತ್ತಿಕೊಂಡ ಕೆಲಸವನ್ನು ಅವಧಿಪೂರ್ವ ಪೂರ್ಣಗೊಳಿಸಿ ಸೈ ಎನಿಸಿಕೊಳ್ಳುವಿರಿ. ವಿಷ್ಣು ಸಹಸ್ರನಾಮ ಹೇಳಿ.

ಕುಂಭ(Aquarius): ಮಾಡುವ ಕೆಲಸದ ಮೇಲೆ ಶ್ರದ್ಧೆ ನಿಲ್ಲದೆ ಹೋಗಿ ಆತಂಕವಾಗುವುದು. ದೂರ ಪ್ರಯಾಣ ಯೋಗವಿದೆ. ತಂದೆ ತಾಯಿಯ ಯೋಗಕ್ಷೇಮ ವಿಚಾರಿಸಿಕೊಳ್ಳಿ. ಮಾತಿನಿಂದ ಲಾಭ ಹೆಚ್ಚಲಿದೆ. ಷೇರು ವ್ಯವಹಾರಗಳಲ್ಲಿ ನಷ್ಟ. ಹಣವನ್ನು ಉಳಿಸುವ ಬಗ್ಗೆ ಗಮನ ಹರಿಸಿ. ಕೃಷ್ಣನಿಗೆ ತುಳಸಿ ಅರ್ಪಿಸಿ.

ಮೀನ(Pisces): ಕೆಲಸ ಕಾರ್ಯಗಳಲ್ಲಿ ಎಡವಟ್ಟುಗಳು ಹೆಚ್ಚಿ ಬೈಸಿಕೊಳ್ಳಬೇಕಾಗುವುದು. ಹಣದ ವಿಷಯದಲ್ಲಿ ಹೆಚ್ಚಿನ ಎಚ್ಚರ ಅಗತ್ಯ. ಮನೆಗೆ ಅಗತ್ಯ ವಸ್ತುಗಳ ಖರೀದಿಯಲ್ಲಿ ಆಸಕ್ತಿ, ಧನವ್ಯಯ. ಯಾರೊಂದಿಗೂ ಮಾತಿಗೆ ಮಾತು ಬೆಳೆಸದೆ ಮೌನದಿಂದ ಕಾರ್ಯ ಸಾಧಿಸಿ. ಕೃಷ್ಣ ಸ್ಮರಣೆ ಮಾಡಿ.