31 ಜನವರಿ 2022, ಸೋಮವಾರದ ಭವಿಷ್ಯ ಹೇಗಿದೆ?
ಯಾವ ರಾಶಿಗೆ ಶುಭ ಫಲವಿದೆ?
ಮೇಷ ರಾಶಿಯ ಮಂಗಳ ಕಾರ್ಯಕ್ಕೆ ಪುಷ್ಠಿ, ಉಳಿದ ರಾಶಿಗಳ ಫಲವೇನಿದೆ?
ಮೇಷ(Aries): ಕಾರ್ಯ ಕ್ಷೇತ್ರದಲ್ಲಿ ಎಂದಿನಂತೆ ಇಂದೂ ಸೈ ಎನಿಸಿಕೊಳ್ಳುವಿರಿ. ನಿಮ್ಮ ಕಾರ್ಯಕ್ಷಮತೆ ಹೆಚ್ಚಲಿದೆ. ಮನೆಯಲ್ಲಿ ಸಂಗಾತಿಯ ಜೊತೆ ಜಗಳವಾಗಬಹುದು. ವಿವಾಹಾದಿ ಮಂಗಳಕಾರ್ಯಕ್ಕೆ ಪುಷ್ಠಿ ಸಿಕ್ಕೀತು. ಸುಬ್ರಹ್ಮಣ್ಯನ ಸ್ಮರಣೆ ಮಾಡಿ.
ವೃಷಭ(Taurus): ಲಾಭದಾಯಕ ಆದಾಯವಿದ್ದರೂ ಖರ್ಚು ವೆಚ್ಚಗಳು ಹೆಚ್ಚಿ ಆತಂಕವಾಗಲಿದೆ. ಕುಟುಂಬದಲ್ಲಿ ಸಂಗಾತಿಯ ಸಹಕಾರ್ಯದಿಂದ ಶುಭ ಕಾರ್ಯಗಳು ನಡೆಯಲಿವೆ. ವಾತ ಸಮಸ್ಯೆಗಳು ಕಂಗೆಡಿಸಬಹುದು. ಗಣಪತಿಯ ಪ್ರಾರ್ಥನೆ ಮಾಡಿ.
undefined
ಮಿಥುನ(Gemini): ನಿಮ್ಮ ವೃತ್ತಿ ಜೀವನದಲ್ಲಿ ವಂಚನೆಗಳು ಬೆಳಕಿಗೆ ಬಂದು ಅವಮಾನಕರ ಘಟನೆಗಳು ಜರುಗಬಹುದು. ಕೌಟುಂಬಿಕವಾಗಿ ನಿಮ್ಮ ಮೇಲೆ ಅನುಮಾನ ವ್ಯಕ್ತವಾಗಿ ನೋವುಂಟು ಮಾಡಬಹುದು. ಪಶ್ಚಾತ್ತಾಪವೊಂದೇ ಮಾರ್ಗ. ಪ್ರಾಮಾಣಿಕತೆಯ ದಾರಿ ಹಿಡಿಯಿರಿ. ಶಿವ ಶತನಾಮಾವಳಿ ಹೇಳಿಕೊಳ್ಳಿ.
ಕಟಕ(Cancer): ವಿದ್ಯಾರ್ಥಿಗಳಿಗೆ ವಿದ್ಯಾಭ್ಯಾಸದಲ್ಲಿ ಅಡ್ಡಿ ಆತಂಕಗಳು ಎದುರಾದಾವು. ಆರ್ಥಿಕ ವ್ಯಯದಿಂದ ಅಭಿಮಾನ ಭಂಗವಾಗುವುದು. ಕುಟುಂಬ ಸದಸ್ಯರಲ್ಲಿ ಅನಿರೀಕ್ಷಿತವಾಗಿ ಅನಾರೋಗ್ಯ ಎದುರಾಗಬಹುದು. ತಾಯಿಯ ಕೈಯಿಂದ ಸಿಹಿ ತಿನ್ನಿಸಿಕೊಳ್ಳಿ.
ಸಿಂಹ(Leo): ಅದೃಷ್ಟದ ಬೆಂಬಲ ನಿಮ್ಮೆಲ್ಲ ಕೆಲಸಗಳಿಗಿರುತ್ತದೆ. ನಿರುದ್ಯೋಗಿಗಳಿಗೆ ತಾತ್ಕಾಲಿಕ ಉದ್ಯೋಗ ದೊರಕಬಹುದು. ವ್ಯಾಪಾರ, ವ್ಯವಹಾರ ಕ್ಷೇತ್ರದಲ್ಲಿ ತುಸು ಅಭಿವೃದ್ಧಿ ಇರಲಿದೆ. ಬಾಕಿ ಇರಿಸಿದ ಹಿಂದಿನ ಕೆಲಸಗಳು ಪೂರ್ಣಗೊಂಡಾವು. ತಂದೆ ತಾಯಿಯ ಆಶೀರ್ವಾದ ಪಡೆಯಿರಿ.
Marriage Horoscope: ಈ ಐದು ರಾಶಿಯವರಿಗೆ ಹತ್ತಿರದಲ್ಲಿದೆ ವಿವಾಹ ಯೋಗ
ಕನ್ಯಾ(Virgo): ಕೌಟುಂಬಿಕವಾಗಿ ಉತ್ತಮ ಸಹಕಾರ ದೊರೆತು ಎಲ್ಲ ಕೆಲಸಗಳು ಸರಾಗವಾಗಿ ಸಾಗುತ್ತವೆ. ದಾಂಪತ್ಯ ಜೀವನದಲ್ಲಿ ಸಂಯಮ ಇರಲಿ. ವೃತ್ತಿರಂಗದಲ್ಲಿ ಅಸೂಯಾಪರ ಸಹೋದ್ಯೋಗಿಗಳ ಕಾಟ ಇರಬಹುದು. ನಿಮ್ಮ ನಿಲುವನ್ನು ಸ್ಪಷ್ಟಪಡಿಸಿ ಹಾಗೂ ಪ್ರಾಮಾಣಿಕತೆಯಿಂದ ಶ್ರಮ ಹೆಚ್ಚಿಸಿ. ಶಿವ ಧ್ಯಾನ ಮಾಡಿ.
ತುಲಾ(Libra): ಕೆಲಸದಲ್ಲಿ ಅಡ್ಡಿ ಆತಂಕಗಳು ಎದುರಾದಾವು. ಧೈರ್ಯ, ಪ್ರಯತ್ನ ಬಲ ಮುಂದುವರಿಯಲಿ. ಹಿರಿಯರೊಡನೆ ವಾದ ಮಾಡಲು ಹೋಗಿ ಮನಸ್ಸು ಕೆಡಿಸಿಕೊಳ್ಳಬೇಡಿ. ಆದಷ್ಟು ವಿನಯದಿಂದ ವರ್ತಿಸಿ ಅವರ ಆಶೀರ್ವಾದ ಬಲ ಪಡೆಯಿರಿ. ಸುಬ್ರಹ್ಮಣ್ಯ ಪ್ರಾರ್ಥನೆ ಮಾಡಿ.
Love horoscpe: ಫೆಬ್ರವರಿಯ ಪ್ರಣಯ ಪ್ರಸಂಗ- ನಿಮ್ಮ ರಾಶಿಗೆ ಮುಂದಿನ ತಿಂಗಳು ಏನು ಫಲ?
ವೃಶ್ಚಿಕ(Scorpio): ತಾಯಿಯ ಆರೋಗ್ಯ ಸುಧಾರಿಸಿ ಸಮಾಧಾನವಾಗಲಿದೆ. ಕೆಲಸವು ಪ್ರಗತಿ ಪಥದಲ್ಲಿ ಮುಂದುವರಿಯಲಿದೆ. ಪ್ರಯಾಣ ವ್ಯರ್ಥವಾಗಬಹುದು. ಶತ್ರುಗಳು ನಿಮ್ಮ ಕಾರ್ಯವೈಖರಿಗೆ ವ್ಯಾವಹಾರಿಕವಾಗಿ ಪರಾಭವಗೊಳ್ಳುವರು. ಶಿವ ಶಕ್ತಿಯರ ಆರಾಧನೆ ಮಾಡಿ.
ಧನುಸ್ಸು(Sagittarius): ಆಪ್ತರಿಂದಲೇ ವಂಚನೆಗೆ ಒಳಗಾಗುವ ಸಾಧ್ಯತೆ ಇದೆ. ನೋವಿನ ವಿಷಯ ಕೇಳಲಿದ್ದೀರಿ. ಕಾರ್ಯ ಕ್ಷೇತ್ರದಲ್ಲಿ ಪ್ರಗತಿ ಇರಲಿದೆ. ನೂತನ ಗೃಹ ನಿರ್ಮಾಣ ಕಾರ್ಯಗಳು ಅನುಕೂಲಕರ ರೀತಿಯಲ್ಲಿ ಪೂರ್ಣವಾಗಲಿವೆ. ಮಕ್ಕಳ ವಿದ್ಯಾಭ್ಯಾಸಕ್ಕಾಗಿ ಖರ್ಚು ಹೆಚ್ಚಲಿದೆ. ಗೋ ಗ್ರಾಸ ನೀಡಿ.
ಮಕರ(Capricorn): ಧಾರ್ಮಿಕ ಕ್ಷೇತ್ರಗಳಿಗೆ ಭೇಟಿ ನೀಡಲಿರುವಿರಿ. ಷೇರು ವ್ಯವಹಾರಗಳಲ್ಲಿ ಲಾಭವಿರಲಿದೆ. ಆತುರದಿಂದ ಯಾವ ಕಾರ್ಯಗಳನ್ನೂ ಮಾಡಲು ಹೋಗಬೇಡಿ. ಪತ್ನಿ ಪುತ್ರರ ಆರೋಗ್ಯದ ಬಗ್ಗೆ ಎಚ್ಚರವಿರಲಿ. ಹೊಸ ಯೋಜನೆಯೊಂದಕ್ಕೆ ಸಿದ್ಧವಾಗಲಿರುವಿರಿ. ಹಕ್ಕಿಗಳಿಗೆ ಕಾಳುಗಳನ್ನು ನೀಡಿ.
ಕುಂಭ(Aquarius): ಸರ್ಕಾರಿ ಕೆಲಸಗಳು ಈಡೇರಲಿವೆ. ಕೋಪದ ಕೈಗೆ ಬುದ್ಧಿಯನ್ನು ಕೊಡಬೇಡಿ. ಬರಬೇಕಾದ ಹಣ ಬರದೆ ಸತಾಯಿಸಲಿದೆ. ಪ್ರತಿಭಾ ರಂಗದಲ್ಲಿರುವವರಿಗೆ ಉತ್ತಮ ಅವಕಾಶಗಳು, ಮೆಚ್ಚುಗೆ ದೊರೆಯುತ್ತದೆ. ಯಾವುದೋ ಭಯ ಕಾಡಬಹುದು. ಶಿವ ಧ್ಯಾನ ಮಾಡಿ.
ಮೀನ(Pisces): ಹಣದ ಹೂಡಿಕೆಗೆ ಉತ್ತಮ ದಿನ. ಇಡೀ ದಿನ ಸಂತೋಷದಿಂದ ಕಳೆಯಲಿದೆ. ಹೊಸಬರ ಭೇಟಿಯಿಂದ ಕೆಲಸಗಳು ಈಡೇರಲಿವೆ. ಮಾಡುವ ಕೆಲಸಕ್ಕೆ ಪೋಷಕಾರ ಸಂಪೂರ್ಣ ಸಹಕಾರ ಸಿಗಲಿದೆ, ಉತ್ತಮ ನಿರ್ಧಾರಗಳನ್ನು ತೆಗೆದುಕೊಳ್ಳುವಿರಿ. ಸುಬ್ರಹ್ಮಣ್ಯನ ಪ್ರಾರ್ಥನೆ ಮಾಡಿ.