Daily Horoscope: ಕಟಕಕ್ಕೆ ಅಪಘಾತ ಸಂಭವ, ಕನ್ಯಾ ರಾಶಿಗೆ ಯಶಸ್ಸು

30 ಜನವರಿ 2022, ಭಾನುವಾರದ ಭವಿಷ್ಯ ಹೇಗಿದೆ? ಯಾವ ರಾಶಿಗೆ ಶುಭ ಫಲವಿದೆ? ವೃಶ್ಚಿಕಕ್ಕೆ ಕುಟುಂಬ ಸದಸ್ಯರ ಬೆಂಬಲ, ಮಕರಕ್ಕೆ ಅಪಾರ ಲಾಭ

ಮೇಷ(Aries): ದಿನದ ಆರಂಭವು ಉತ್ತಮವಾಗಿರಲಿದೆ. ಸ್ನೇಹಿತರು, ಪ್ರೀತಿಪಾತ್ರರೊಂದಿಗೆ ಸಮಯ ಕಳೆಯಲಿದ್ದೀರಿ. ಸಂಬಂಧಿಕರು, ಪರಿಚಿತರ ಮನೆಯ ಶುಭ ಕಾರ್ಯಕ್ರಮದಲ್ಲಿ ಭಾಗವಹಿಸುವ ಅವಕಾಶ ಲಭಿಸಲಿದೆ. ಧೈರ್ಯ, ಆತ್ಮವಿಶ್ವಾಸ ಹೆಚ್ಚಲಿದೆ. ಗಣಪತಿ ಆರಾಧನೆ ಮಾಡಿ. 

ವೃಷಭ(Taurus): ತೀರಾ ನಂಬಿದವರಿಂದಲೇ ಮೋಸವಾಗಬಹುದು. ಧನನಷ್ಟ ಸಾಧ್ಯತೆ ಇದೆ. ವಿದ್ಯಾಭ್ಯಾಸದಲ್ಲಿ ಏಕಾಗ್ರತೆ ತಪ್ಪಬಹುದು. ಮಾಡದ ತಪ್ಪಿಗೆ ಅಪವಾದ ಎದುರಿಸಬೇಕಾಗಬಹುದು. ಅಲ್ಪ ಆದಾಯ. ವಿಷ್ಣು ಸಹಸ್ರನಾಮ ಹೇಳಿಕೊಳ್ಳಿ. 

ಮಿಥುನ(Gemini): ನೀವು ಸ್ನೇಹಿತರು ಅಥವಾ ಕುಟುಂಬದೊಂದಿಗೆ ಪ್ರವಾಸ ಮಾಡಲಿದ್ದೀರಿ. ಹಿಂದೆ ಮಾಡಿದ ಉತ್ತಮ ಕೆಲಸಗಳ ಫಲವಾಗಿ ಇಂದು ಸಂತೋಷವಾಗಿರಲಿದ್ದೀರಿ. ಪ್ರಭಾವಿ ವ್ಯಕ್ತಿಗಳ ಸಂಪರ್ಕದಿಂದ ಕಾರ್ಯ ಸಾಧನೆಯಾಗಲಿದೆ. ಆದಿತ್ಯ ಹೃದಯ ಪಠಣ ಮಾಡಿ. 

ಕಟಕ(Cancer): ವಾಹನ ಅಪಘಾತ ಸಾಧ್ಯತೆ ಇದ್ದು ಇದು ಅಪಾಯದ ದಿನವಾಗಿದೆ. ಎಚ್ಚರಿಕೆಯ ಚಾಲನೆ ಅಗತ್ಯ. ಬಂಧು-ಬಾಂಧವರ ಜೊತೆ ಜಗಳ, ಮಾತಿಗೆ ಮಾತು ಬೆಳೆಯುವ ಸಂಭವಗಳಿವೆ. ಕೃಷಿಯಲ್ಲಿ ಮೋಸವಾಗಬಹುದು. ಆಂಜನೇಯ ಉಪಾಸನೆ ಮಾಡಿ. 

ಸಿಂಹ(Leo): ನಿಮ್ಮ ಹಟಮಾರಿತನದಿಂದ ಕುಟುಂಬಕ್ಕೆ ಸಮಸ್ಯೆಗಳು ಹೆಚ್ಚಬಹುದು. ಯಂತ್ರೋಪಕರಣಗಳಿಂದ ನಷ್ಟ. ಉನ್ನತ ವಿದ್ಯಾಭ್ಯಾಸದಲ್ಲಿ ಅಡಚಣೆ. ಮಾತಾ ಪಿತರ ಆರೋಗ್ಯದಲ್ಲಿ ಏರುಪೇರಾಗಿ ಮನಸ್ಸು ಆತಂಕಕ್ಕೆ ಒಳಗಾಗಬಹುದು. ಸೂರ್ಯನಿಗೆ ಅರ್ಘ್ಯ ಬಿಡಿ. 

Margi Shukra 2022: ಇಂದಿನ ಶುಕ್ರ ಮಾರ್ಗಿಯಿಂದ ಈ ರಾಶಿಯವರಿಗೆ ಖುಲಾಯಿಸಲಿದೆ ಅದೃಷ್ಟ

ಕನ್ಯಾ(Virgo): ರಾಜಕೀಯ ವ್ಯಕ್ತಿಗಳಿಗೆ ಅನುಕೂಲ, ವಿದ್ಯಾರ್ಥಿಗಳಿಗೆ ಶುಭ, ಶಿಕ್ಷಣ ಕ್ಷೇತ್ರದಲ್ಲಿ ಯಶಸ್ಸು, ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ಉತ್ತಮ ಫಲ ಸಿಗಲಿದೆ. ನಿರುದ್ಯೋಗಿಗಳಿಗೆ ಹೊಸ ಯೋಚನೆಗಳು ಬರಲಿವೆ. ಅವು ಭವಿಷ್ಯದಲ್ಲಿ ಲಾಭ ತಂದು ಕೊಡಲಿವೆ. ದೈವಾನುಕೂಲ ಇರಲಿದೆ. ತಾಮ್ರ ಪಾತ್ರೆ ದಾನ ಮಾಡಿ.

ತುಲಾ(Libra): ನಾಗದೋಷದಿಂದ ಸಮಸ್ಯೆಗಳು ಎದುರಾಗಬಹುದು. ಏನೇ ಪ್ರಯತ್ನ ಹಾಕಿದರೂ ಫಲ ದೊರೆಯುತ್ತಿಲ್ಲವಲ್ಲ ಎನಿಸಬಹುದು. ಹಣದ ಸಮಸ್ಯೆಗಳು ಹೆಚ್ಚಲಿವೆ. ಮಾತು ಕಡಿಮೆ ಇರಲಿ. ಕೋಪ ತಾಪ ತಗ್ಗಿಸಿ. ಬಡಬಗ್ಗರಿಗೆ ಕೈಲಾದ ಸಹಾಯ ಮಾಡಿ. 

ವೃಶ್ಚಿಕ(Scorpio): ನೀವು ಕುಟುಂಬ ಸದಸ್ಯರಿಂದ ಸಾಧ್ಯವಿರುವ ಎಲ್ಲ ಬೆಂಬಲವನ್ನು ಪಡೆಯುತ್ತೀರಿ. ಕೆಲಸದ ಕ್ಷೇತ್ರದಲ್ಲಿ ನಿಮ್ಮ ಪ್ರತಿಸ್ಪರ್ಧಿಗಳಿಗಿಂತ ನೀವು ಮುಂದಿರುವಿರಿ. ಎಲ್ಲ ಕೆಲಸಗಳಲ್ಲಿ ಅದೃಷ್ಟದ ಬೆಂಬಲ ನಿಮ್ಮದಾಗಲಿದೆ. ಆದಿತ್ಯ ಹೃದಯ ಪಠಣ ಮಾಡಿ. 

Gayatri Mantra: ಧೀ ಶಕ್ತಿ ಹೆಚ್ಚಿಸುವ ಗಾಯತ್ರಿ ಮಂತ್ರ, ಪಠಣದ ಲಾಭ ಒಂದೆರಡಲ್ಲ..

ಧನುಸ್ಸು(Sagittarius): ಕಾರ್ಯದಲ್ಲಿ ಅಭಿವೃದ್ಧಿ, ನೆಮ್ಮದಿಯ ದಿನ, ಮನೆಯ ಸದಸ್ಯರೊಂದಿಗೆ ನಗು ನಗುತ್ತಾ ದಿನ ಕಳೆಯುವಿರಿ. ಅಂದುಕೊಂಡ ಕೆಲಸಗಳು ಆಗಲಿವೆ. ಮನೆಯಲ್ಲಿ ಮಂಗಳ ಕಾರ್ಯಕ್ಕೆ ನಾಂದಿ ಹಾಡಲಿದ್ದೀರಿ. ಗುರುವಿನ ಆರಾಧನೆ ಮಾಡಿ.

ಮಕರ(Capricorn): ಚುರುಕುತನದಿಂದ ಎಲ್ಲರ ಮೆಚ್ಚುಗೆಗೆ ಪಾತ್ರರಾಗಲಿರುವಿರಿ. ವ್ಯಾಪಾರದಲ್ಲಿ ಅಪಾರ ಲಾಭ ಇರಲಿದೆ. ಸಾಮಾಜಿಕ ಕೆಲಸಗಳಿಂದ ಗೌರವ ಪ್ರಾಪ್ತಿಯಾಗಲಿದೆ. ಮನೆಯಲ್ಲಿ ಶುಭ ಕಾರ್ಯದ ಸಡಗರವಿರಲಿದೆ. ಮನೆಯಲ್ಲಿ ವ್ಯಾಜ್ಯಗಳು ಬಗೆ ಹರಿಯಲಿವೆ. ವಿಷ್ಣು ಸಹಸ್ರನಾಮ ಪಠಣ ಮಾಡಿ. 

ಕುಂಭ(Aquarius): ಪ್ರೇಮ ವ್ಯವಹಾರಗಳು ಚೆನ್ನಾಗಿ ನಡೆಯಲಿವೆ. ಸಂಗಾತಿಯ ಸಂಪ್ರೀತಿಯಲ್ಲಿ ಮುಳುಗೇಳುವಿರಿ. ಮಗುವಿನ ಪ್ರಗತಿ ಸಂತೋಷ ತರಲಿದೆ. ನಿಮ್ಮ ಕಠಿಣ ಪರಿಶ್ರಮಕ್ಕೆ ತಕ್ಕ ಫಲ ಪಡೆಯಲಿದ್ದೀರಿ. ವ್ಯಾಪಾರದಲ್ಲಿ ಅಪಾರ ಲಾಭದ ದಿನ. ಗೋವಿಗೆ ಹಸಿರು ಆಹಾರ ತಿನ್ನಿಸಿ. 

ಮೀನ(Pisces): ಹೆಚ್ಚಿನ ಜನರ ಸಂಪರ್ಕದಿಂದ ಸಂತೋಷ ಹೆಚ್ಚಲಿದೆ. ಹಣ ಉಳಿತಾಯದ ಕಡೆಗೆ ಗಮನ ಹರಿಸುವುದು ಒಳ್ಳೆಯದು. ತಾಯಿಯ ಕಡೆಯಿಂದ ಬರುವ ಸಲಹೆಗಳನ್ನು ಪರಿಗಣಿಸಿ. ಸೋಮಾರಿತನ ಬಿಟ್ಟರೆಎಲ್ಲ ಅಂದುಕೊಂಡಂತಾಗಲಿದೆ. ಪಶು ಪಕ್ಷಿಗಳಿಗೆ ಆಹಾರ ಒದಗಿಸಿ.