Kolar Crime: ಉದ್ಯೋಗ, ಹಣದ ಆಮಿಷೆ ತೋರಿಸಿ ನಿರುದ್ಯೋಗಿ ಯುವಕ-ಯುವತಿಯರಿಗೆ ಮೋಸ

ಅಮಾಯಕ ನಿರುದ್ಯೋಗಿ ಯುವಕ-ಯುವತಿಯರಿಗೆ ಕೆಲಸ ಕೊಡಿಸುವುದಾಗಿ ನಂಬಿಸಿ ಮೋಸ ಮಾಡುತ್ತಿದ್ದ ಚೈನ್ ಲಿಂಕ್ ಸಂಸ್ಥೆಗಳು.ಡಬಲ್ ಹಣ, ಉದ್ಯೋಗ ಆಮೀಷ ನೀಡಿ ಚೈನ್‌ಲಿಂಕ್ ಮಾರ್ಕೆಟಿಂಗ್ ಮಾಡುತ್ತಿದ್ದ ಕಂಪನಿಗಳ ಮೇಲೆ ಪೊಲೀಸರು ದಾಳಿ 

ದೀಪಕ್, ಏಷಿಯಾನೆಟ್ ಸುವರ್ಣ ನ್ಯೂಸ್, ಕೋಲಾರ.

 ಕೋಲಾರ (ಸೆ.13) : ಅಮಾಯಕ ನಿರುದ್ಯೋಗಿ ಯುವಕ-ಯುವತಿಯರಿಗೆ ಕೆಲಸ ಕೊಡಿಸುವುದಾಗಿ ನಂಬಿಸಿ ಮೋಸ ಮಾಡುತ್ತಿದ್ದ ಚೈನ್ ಲಿಂಕ್ ಸಂಸ್ಥೆಗಳು.ಡಬಲ್ ಹಣ, ಉದ್ಯೋಗ ಆಮೀಷ ನೀಡಿ ಚೈನ್‌ಲಿಂಕ್ ಮಾರ್ಕೆಟಿಂಗ್ ಮಾಡುತ್ತಿದ್ದ ಕಂಪನಿಗಳ ಮೇಲೆ ಪೊಲೀಸರು ದಾಳಿ ನಡೆಸಿದ್ದಾರೆ. ಬಡಪಾಯಿ ನಿರುದ್ಯೋಗಿ ಯುವಕರನ್ನು ಬಳಸಿಕೊಂಡು ಚೈನ್ ಲಿಂಕ್ ಹೆಸರಲ್ಲಿ ಹಗಲು ದರೋಡೆ ಮಾಡುತ್ತಿದ್ದ ಕೃತ್ಯಗಳಿಗೆ ಬ್ರೇಕ್ ಹಾಕಿದ ಪೊಲೀಸರು.

ಒಂದೆಡೆ ಉದ್ಯೋಗದ ಆಸೆಯಲ್ಲಿ ಬಂದಿರುವ ನೂರಾರು ಯುವಕ ಯುವತಿಯರು, ಮತ್ತೊಂದೆಡೆ ಕಂಪನಿಯ ಮ್ಯಾನೇಜ್ಮೆಂಟ್‌(Management)ನವರನ್ನ ವಿಚಾರಣೆ ಮಾಡುತ್ತಿರುವ ಪೋಲೀಸರು ಇದು ಕೋಲಾರ(Kolar) ನಗರದ ಮೂರು ಕಡೆ ಏಕಕಾಲದಲ್ಲಿ ಪೋಲೀಸರು ಈ ಕಛೇರಿಗಳಿಗೆ ದಾಳಿ ನಡೆಸಿ ಕಚೇರಿಯಲ್ಲಿ ಮ್ಯಾನೇಜ್ಮೆಂಟ್ ನವರ ವಿಚಾರಣೆ ನಡೆಸಿದ್ದಾರೆ. ನಿರುದ್ಯೋಗಿ ಯುವಕರಿಗೆ ಉದ್ಯೋಗ ಹಾಗೂ ಹಣ ಮಾಡುವ ಆಸೆ ನೀಡಿ ವಿಶಿನರಿ ಬುಸಿನೆಸ್  ಟ್ರೈನಿಂಗ್ ಸೆಂಟರ್ (Visionary Business Training centre) ಖುಷಿ ಸಂಪದ, ಮಾಡ್ರನ್ ಸೋಲ್ಸ್(Modern Souls) ಎಂಬ ವಿವಿಧ ಕಂಪನಿಗಳು ಯುವಕರಿಗೆ ವಂಚನೆ ಮಾಡುತ್ತಿದ್ದವು. ಅದರಂತೆ ದಾಳಿ ಮಾಡಿದ ಪೊಲೀಸರು ಎರಡು ಪ್ರತ್ಯೇಕ ಪ್ರಕರಣ ದಾಖಲು ಮಾಡಿಕೊಂಡು 2 ಕಂಪನಿಗಳಲ್ಲಿ ಲಕ್ಷಾಂತರ ರೂಪಾಯಿ ಹಣ ಹಾಗೂ 9 ಜನರನ್ನ ಪೊಲೀಸರು ಬಂಧಿಸಿದ್ದಾರೆ.

ಆಕರ್ಷಕ ಹೆಸರುಗಳನ್ನು ಇಟ್ಟು ಯುವಕರನ್ನ ತನ್ನತ್ತ ಸೆಳೆಯುವ ನೀಡುವ ಸೆಂಟರ್, ಟ್ರೈನಿಂಗ್ ನೀಡಿ 38 ಸಾವಿರ ರೂಪಾಯಿ ಕಟ್ಟಿಸಿಕೊಂಡು ಕೆಲವು ಬಟ್ಟೆಗಳನ್ನು ನೀಡುತ್ತಿದ್ದಾರೆ. ಆ ಬಟ್ಟೆಗಳನ್ನು ಅವರು ಮೂರು ಮಂದಿಗೆ ಮಾರುವ ಮೂಲಕ ಅವರನ್ನ ಈ ಕಂಪನಿಗೆ ಸೇರಿಸಬೇಕು. ಮೂರು ಮಂದಿಗೆ ಸೇರಿಸಿದವರಿಗೆ ಸಂಬಳ ನೀಡುತ್ತೇವೆ ಎಂದು ಹೇಳಿ, ಹೀಗೆ ಕೆಲಸ, ಸಂಬಳ ತೆಗೋಬಹುದು ಅನ್ನೋ ನಿರೀಕ್ಷೆಗಳೊಂದಿಗೆ ಮೋಸ ಹೋಗಿದ್ದಾರೆ. ಕಳೆದ ಹಲವು ದಿನಗಳಿಂದ ನಿರುದ್ಯೋಗಿಗಳಿಂದ 37 ಸಾವಿರ ರೂಪಾಯಿ ಪಡೆದು ಚೈನ್‌ಲಿಂಕ್ ಮಾರ್ಕೆಟಿಂಗ್‌ಗೆ ದೂಡಲಾಗಿದೆ. 

ಇನ್ನೂ ಕಂಪನಿ ನಿಯಮದಂತೆ ತಲಾ ಮೂವರನ್ನು ಸೇರಿಸಿ ಅವರಿಗೂ ಗೊತ್ತಿಲ್ಲದಂತೆ ಚೈನ್‌ಲಿಂಕ್ ಮಾರ್ಕೆಟಿಂಗ್‌(Chainlink Marketing)ಗೆ ದೂಡಿದ್ದಾರೆ. ಈ ಉದ್ಯೋಗಿಗಳು ಮಾಡಬೇಕಾದ ಕೆಲಸವೇನೆಂದರೆ ಆ ಮೂರು ಜೊತೆ ಬಟ್ಟೆ ಬೇರೆಯವರಿಗೆ ಕೊಟ್ಟು ಕೆಲಸಕ್ಕೆ ಸೇರಿಸುವುದು, ಇದರಿಂದ ಕೆಲವರಿಗೆ ಈ ಚೈನ್ ಲಿಂಕ್ ಮೋಸ ಗೊತ್ತಾಗಿದ್ದು ತಮ್ಮ ಹಣ ವಾಪಸ್ ಕೇಳುತ್ತಿದ್ದಾರೆ. ಕೆಲವರು ತಮ್ಮ ಪೋಷಕರ ಕಣ್ಣು ತಪ್ಪಿಸಿ ಸೇರ್ಪಡೆಯಾಗಿದ್ದಾರೆ. ಅಂತಹ ಯುವಕನೊಬ್ಬ ಈಗ ಹಣ ವಾಪಾಸು ಕೊಡಲಾಗದೆ ಮನೆ ಬಿಟ್ಟು ಓಡಿಹೋಗಿದ್ದಾನೆ. ಇನ್ನೂ ಈ ಸಂಬಂಧ ಯಾವುದೇ ನಿಯಂತ್ರಿತ ಪ್ರಾಧಿಕಾರದ ಅನುಮತಿ ಪಡೆಯದೆ ಕೋಟ್ಯಂತರ ರೂಪಾಯಿ ಸಾರ್ವಜನಿಕರಿಂದ ಹಣವನ್ನ ಠೇವಣಿಯನ್ನಾಗಿ ಸ್ವೀಕರಿಸಿದ್ದಾರೆ.

ಈ ಸಂಬಂಧ 8 ಜನರನ್ನ ಬಂಧಿಸಿ ಅವರಿಂದ ಲಕ್ಷಾಂತರ ರೂಪಾಯಿ ಹಣ ವಶಕ್ಕೆ ಪಡೆಯಲಾಗಿದೆ. ಖುಷಿ ಸಂಪದ ಹಾಗೂ ವಿಷನರಿ ಬಿಸಿನೆಸ್ ಟ್ರೈನಿಂಗ್ ಸೆಂಟರ್ ವಿರುದ್ದ ಅನ್ ಎಕ್ಸ್ ಪ್ಲೈನಡ್ ಡೆಪಾಸಿಟ್(Unexplained Deposit) ಪ್ರಕರಣ ದಾಖಲು ಮಾಡಿಕೊಳ್ಳಲಾಗಿದೆ. ಖುಷಿ ಸಂಪದ ನಟರಾಜ್, ಮಧುಕಿರಣ್, ವರಲಕ್ಷ್ಮೀ ಎಂಬುವವರನ್ನು ಬಂಧಿಸಲಾಗಿದ್ದು ಇವರಿಂದ 5.7 ಲಕ್ಷ  ಹಣ ವಶಕ್ಕೆ ಪಡೆಯಲಾಗಿದೆ. ಮತ್ತೊಂದು ಪ್ರಕರಣದಲ್ಲಿ ಹಿಮಾಚಲ ಪ್ರದೇಶದ ರಾಹುಲ್ ಠಾಕೂರ್ ಮಾಡ್ರನ್ ಸೇಲ್ಸ್ ಪ್ರವೇಟ್ ಲಿಮಿಟೆಡ್ ಕಂಪನಿಯ ಗಂಗರಾಜು, ಕೃಷ್ಣ, ಜ್ಯೋತಿ ಎಂಬ ನಾಲ್ಕು ಜನರನ್ನ ಬಂಧಿಸಲಾಗಿದೆ. 

ಒಟ್ಟಿನಲ್ಲಿ ಉತ್ತರ ಭಾರತದಿಂದ ಕೋಲಾರದ ವರೆಗೂ ಲಿಂಕ್ ಇರುವ ಇರುವ ಈ ಚೈನ್ ಲಿಂಕ್ ಮಾರ್ಕೆಟಿಂಗ್ ಕಂಪನಿಗಳಿಂದ ಸಾವಿರಾರು ಯುವಕರು ಮೋಸ ಹೋಗುತ್ತಿದ್ದಾರೆ. ಎಷ್ಟೇ ಜಾಗೃತಿ ಮೂಡಿಸುತ್ತಿದ್ದರೂ, ಅಮಾಯಕ ಯುವಕ ಯುವತಿಯವರು ಇಂಥ ಚೈನ್ ಲಿಂಕ್ ಕೈಗಳಿಗೆ ಸಿಲುಕಿ ದಿನನಿತ್ಯ ಸಾವಿರಾರು ಜನ ನರಳುತ್ತಿರುವುದು ದುರಂತವೇ ಸರಿ.