ಮ್ಯಾನ್ಮಾರ್‌ನಿಂದ ಬೆಂಗ್ಳೂರಿಗೆ ಕುಕ್ಕರ್‌ನಲ್ಲಿ ಡ್ರಗ್ಸ್‌ ತಂದು ದಂಧೆ..!

3 ವರ್ಷದಿಂದ ನಡೆಯುತ್ತಿದ್ದ ಕೃತ್ಯ| ಬಿಬಿಎಂ ವಿದ್ಯಾರ್ಥಿಗಳು ಸೇರಿ ಮೂವರು ಅಂತಾರಾಜ್ಯ ಡ್ರಗ್ಸ್‌ ದಂಧೆಕೋರರ ಸೆರೆ| ಸೋಪ್‌ ಬಾಕ್ಸ್‌ಗಳಲ್ಲಿ ಸಂಗ್ರಹಿಸಿ ಸಾಗಾಣೆ| ಖಚಿತ ಮಾಹಿತಿ ಮೇರೆಗೆ ಪೊಲೀಸರ ದಾಳಿ| 

ಬೆಂಗಳೂರು(ಏ.13):  ಮ್ಯಾನ್ಮಾರ್‌ನಿಂದ ಬರು​ತ್ತಿದ್ದ ಮಾದಕ ವಸ್ತು​ಗ​ಳ​ನ್ನು ಗೃಹೋ​ಪ​ಯೋಗಿ ವಸ್ತು​ಗ​ಳಲ್ಲಿ ​ಅ​ಡ​ಗಿ​ಸಿಟ್ಟು ಬೆಂಗ​ಳೂ​ರಿ​ಗೆ ತಂದು ಮಾರಾಟ ಮಾಡು​ತ್ತಿದ್ದ ಬಿಬಿಎ ವಿದ್ಯಾರ್ಥಿ ಸೇರಿ ಮೂವರು ಅಂತಾ​ರಾಜ್ಯ ಡ್ರಗ್ಸ್‌ ಪೆಡ್ಲ​ರ್‌​ಗ​ಳು ಕೆ.ಜಿ.ಹಳ್ಳಿ ಠಾಣೆ ಪೊಲೀಸರ ಬಲೆಗೆ ಬಿದ್ದಿದ್ದಾರೆ.

ಮಣಿ​ಪು​ರದ ಮೊಹ​ಮ್ಮದ್‌ ಸಾಜಿ​ದ್‌​ಖಾ​ನ್‌​ (27), ಮೊಹ​ಮ್ಮದ್‌ ಅಜಾ​ಜ್‌​ (27) ಮತ್ತು ಸಪಮ್‌ ಸೀತಲ್‌ ಕುಮಾರ್‌ ಸಿಂಗ್‌​ (25) ಬಂಧಿತರು. ಅವ​ರಿಂದ 60 ಲಕ್ಷ ಮೌಲ್ಯದ 130 ಗ್ರಾಂ ಹೆರಾ​ಯಿನ್‌, 2480 ಎಕ್ಸಟಸಿ ಮಾತ್ರೆ​ಗಳು, 9,500 ನಗದು, ಪ್ಲಾಸ್ಟಿಕ್‌ ಕವ​ರ್‌​ಗಳು, ಸೋಪು ಬಾಕ್ಸ್‌​ಗಳು, ನಾಲ್ಕು ಮೊಬೈಲ್‌ ವಶಕ್ಕೆ ಪಡೆ​ಯ​ಲಾ​ಗಿದೆ ಎಂದು ಪೂರ್ವ ವಿಭಾ​ಗದ ಡಿಸಿಪಿ ಡಾ. ಶರ​ಣಪ್ಪ ಹೇಳಿ​ದ್ದಾರೆ.

ಆರೋ​ಪಿ​ಗಳು ಮೂರು ವರ್ಷ​ಗ​ಳಿಂದ ಬಾಣ​ಸ​ವಾಡಿ, ಕಮ್ಮ​ನ​ಹಳ್ಳಿ, ಹೆಣ್ಣೂರು ವ್ಯಾಪ್ತಿ​ಯ ಬಾಡಿಗೆ ಮನೆ​ಯಲ್ಲಿ ನೆಲೆಸಿದ್ದರು. ಈ ಪೈಕಿ ಮೊಹ​ಮ್ಮದ್‌ ಸಾಜಿ​ದ್‌​ಖಾನ್‌ ಮತ್ತು ಮೊಹ​ಮ್ಮದ್‌ ಅಜಾದ್‌ ಶಿವಾ​ಜಿ​ನ​ಗ​ರ​ದ ಚಿಕನ್‌ ಅಂಗ​ಡಿ​ಯಲ್ಲಿ ದಿನ​ಗೂಲಿ ನೌಕ​ರ​ರಾ​ಗಿ​ದ್ದರು. ಸಪಮ್‌ ಸೀತಲ್‌ ಕುಮಾರ್‌ ಸಿಂಗ್‌ ಖಾಸಗಿ ಕಾಲೇ​ಜಿ​ನಲ್ಲಿ 2ನೇ ವರ್ಷದ ಬಿಬಿಎ ವಿದ್ಯಾ​ರ್ಥಿ​ಯಾ​ಗಿದ್ದ.

ಇತ್ತೀ​ಚೆಗೆ ಆರೋ​ಪಿ​ಗಳು ಕೆ.ಜಿ.​ಹಳ್ಳಿ ಠಾಣೆಯ ಕಬ್ಬನ್‌ ರಸ್ತೆ, ಎಚ್‌​ಬಿ​ಆರ್‌ ಲೇಔಟ್‌, ಬಿಡಿಎ ಕಾಂಪ್ಲೆಕ್ಸ್‌ ಹಿಂಭಾ​ಗದ ರಸ್ತೆ​ಯಲ್ಲಿ ಬೈಕ್‌​ವೊಂದ​ರಲ್ಲಿ ಮಾದಕ ವಸ್ತು ಇಟ್ಟು​ಕೊಂಡು ಮಾರಾಟ ಮಾಡು​ತ್ತಿ​ದ್ದರು. ಈ ಬಗ್ಗೆ ಖಚಿತ ಮಾಹಿತಿ ಮೇರೆಗೆ ಕೆ.​ಜಿ.​ಹ​ಳ್ಳಿ ಠಾಣೆಯ ಇನ್‌ಸ್ಪೆಕ್ಟರ್‌ ಎಲ್‌.​ಸಂತೋಷ್‌ ಕುಮಾರ್‌ ನೇತೃ​ತ್ವದ ತಂಡ ದಾಳಿ ನಡೆಸಿ ಆರೋ​ಪಿ​ಗ​ಳನ್ನು ಬಂಧಿ​ಸಿದೆ.

ಸೋಪ್‌ ಬಾಕ್ಸ್‌ಗಳಲ್ಲಿ ಸಂಗ್ರಹಿಸಿ ಸಾಗಾಣೆ

ಮ್ಯಾನ್ಮಾರ್‌ ದೇಶದ ಗಡಿ​ಭಾಗ ಮಣಿ​ಪು​ರಕ್ಕೆ ಬರು​ತ್ತಿದ್ದ ಡ್ರಗ್ಸ್‌​ಗ​ಳನ್ನು ಮಧ್ಯ​ವ​ರ್ತಿ​ಗಳ ಮೂಲಕ ಆರೋ​ಪಿ​ಗ​ಳು ಖರೀ​ದಿಸುತ್ತಿ​ದ್ದರು. ಬಳಿಕ ಮಿಕ್ಸರ್‌ ಗ್ರೈಂಡರ್‌, ಕುಕ್ಕರ್‌ ಹಾಗೂ ಇತರೆ ಗೃಹೋ​ಪ​ಯೋಗಿ ವಸ್ತು​ಗಳ ಬಾಕ್ಸ್‌​ಗಳ ಕೆಳ​ಭಾ​ಗ​ದಲ್ಲಿ ಸಣ್ಣ-ಸಣ್ಣ ಸೋಪು ಬಾಕ್ಸ್‌​ಗ​ಳು ಹಾಗೂ ಪ್ಲಾಸ್ಟಿಕ್‌ ಕವ​ರ್‌​ಗ​ಳಲ್ಲಿ ತುಂಬಿದ ಡ್ರಗ್ಸ್‌​ ಪಾಕೆಟ್‌​ಗ​ಳನ್ನು ಇಡು​ತ್ತಿ​ದ್ದ​ರು. ಅಂತಹ ನಿರ್ದಿಷ್ಟಬಾಕ್ಸ್‌​ಗಳ ಮೇಲೆ ಮಣಿ​ಪುರಿ ಭಾಷೆ​ಯಲ್ಲಿ ಕೋಡ್‌ ವರ್ಡ್‌​ಗ​ಳನ್ನು ಬರೆ​ಯು​ತ್ತಿ​ದ್ದರು. ಅವು​ಗ​ಳು ಬೆಂಗ​ಳೂ​ರಿಗೆ ಬಂದ ಕೂಡಲೇ ಬಾಕ್ಸ್‌​ಗ​ಳನ್ನು ತೆರೆದು ಮಾದಕ ದ್ರವ್ಯ ಪಡೆ​ದು​ಕೊಂಡು, ಬಳಿಕ ಬಾಕ್ಸ್‌​ಗ​ಳನ್ನು ಪ್ಯಾಕ್‌ ಮಾಡಿ ಕಳು​ಹಿ​ಸ​ಲಾ​ಗಿತ್ತು. ಈ ರೀತಿ ಸುಮಾರು ಮೂರು ವರ್ಷ​ಗ​ಳಿಂದ ಆರೋ​ಪಿ​ಗಳು ದಂಧೆ​ಯಲ್ಲಿ ತೊಡ​ಗಿ​ದ್ದಾರೆ ಎಂದು ತನಿಖಾಧಿಕಾರಿಗಳು ಮಾಹಿತಿ ನೀಡಿದ್ದಾರೆ.