
ಗದಗ(ಸೆ.09): ಕಾರ್ ವ್ಯಾಮೋಹದಿಂದ ಶಿಕ್ಷಕಿ ಹಾಗೂ ಅವರ ಮಗಳು ಲಕ್ಷಾಂತರ ರೂಪಾಯಿ ಕಳೆದುಕೊಂಡ ಘಟನೆ ಜಿಲ್ಲೆ ರೋಣ ತಾಲೂಕಿನ ನರೇಗಲ್ ಪಟ್ಟಣದಲ್ಲಿ ಇಂದು(ಬುಧವಾರ) ನಡೆದಿದೆ. ಶಿಕ್ಷಕಿ ಪ್ರಭಾವತಿ ಜುಟ್ಲದ್ ಹಾಗೂ ಅವರ ಮಗಳು ವರ್ಷ ಪಾಟೀಲ್ ಅವರೇ ವಂಚನೆಗೊಳಗಾದವರಾಗಿದ್ದಾರೆ.
ಖದೀಮರು ಸ್ನ್ಯಾಪ್ ಡೀಲ್ ಎಂಬ ಪ್ರಸಿದ್ಧ ಆನ್ಲೈನ್ ಶಾಪಿಂಗ್ ಕಂಪನಿ ಹೆಸರಲ್ಲಿ ಶಿಕ್ಷಕಿ ಹಾಗೂ ಅವರ ಮಗಳಿಗೆ ಮೋಸ ಮಾಡಿದ್ದಾರೆ. ಸ್ನ್ಯಾಪ್ ಡೀಲ್ ಎಂಬ ಆನ್ಲೈನ್ ಶಾಪಿಂಗ್ ಕಂಪನಿಯಿಂದ ನೀವು ಬಹುಮಾನವಾಗಿ ಕಾರ್ ಗೆದ್ದಿದ್ದು, ನಿಮಗೆ ಕಾರ್ ಬೇಕೋ ಹಣ ಬೇಕೋ ಎಂದು ಆಸೆ ವಂಚಕರು ತೋರಿಸಿದ್ದಾರೆ. ಖದೀಮರ ಬಣ್ಣದ ಮಾತಿಗೆ ಮರುಳಾದ ತಾಯಿ ಮಗಳು ಹಣ ವರ್ಗಾವಣೆ ಮಾಡುವ ಮೂಲಕ ಮೋಸ ಹೋಗಿದ್ದಾರೆ.
ಡ್ರಗ್ಸ್ ಮಾಫಿಯಾ ಹಿಂದೆ ರಾಜಕಾರಣಿ, ಅಧಿಕಾರಿಗಳು ಅಡಗಿದ್ದಾರೆ: ಕೈ ಹಿರಿಯ ನಾಯಕ ಹೊಸ ಬಾಂಬ್
ಮಾತು ನಂಬಿದ ಶಿಕ್ಷಕಿಯಎಸ್ಬಿಐ ಖಾತೆಯಿಂದ 2 ಲಕ್ಷ 35 ಸಾವಿರ ಹಾಗೂ ಮಗಳು ವರ್ಷ ಅವರ ಸೆಂಟ್ರಲ್ ಬ್ಯಾಂಕ್ ಅಕೌಂಟ್ ನಿಂದ 4 ಸಾವಿರದ 500 ರೂಪಾಯಿ ಹಣವನ್ನ ವರ್ಗಾವಣೆ ಮಾಡಿದ್ದಾರೆ. ದುಡ್ಡು ಕಳೆದುಕೊಂಡ ಮೇಲೆ ವಂಚನೆಗೊಳಗಾಗಿದ್ದು ಗೊತ್ತಾಗಿದೆ. ಬಳಿಕ ಈ ಸಂಬಂಧ ಗದಗನ ಸೈಬರ್ ಕ್ರೈಂ ಠಾಣೆಯಲ್ಲಿ ಐಟಿ ಕಾಯ್ದೆಯಡಿ ಪ್ರಕರಣ ದಾಖಲಿಸಿದ್ದಾರೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ