ಇಸ್ಲಾಂಗೆ ನಟಿ ಸಂಜನಾ ಬಲವಂತದ ಮತಾಂತರ : ಪೊಲೀಸರಿಗೆ ದೂರು

ನಟಿ ಸಂಜನಾ ಗಲ್ರಾನಿಯನ್ನು ಬಲವಂತವಾಗಿ ಇಸ್ಲಾಂ ಧರ್ಮಕ್ಕೆ ಮತಾಂತರ ಮಾಡಲಾಗಿದೆ ಎಂದು ಇದೀಗ ದೂರು ದಾಖಲು ಮಾಡಲಾಗಿದೆ

 ಬೆಂಗಳೂರು (ಡಿ.14):  ನಟಿ ಸಂಜನಾ ಗಲ್ರಾ​ನಿ​ಯನ್ನು ಬಲ​ವಂತ​ವಾಗಿ ಮುಸ್ಲಿಂ ಧರ್ಮಕ್ಕೆ ಮತಾಂತರ ಮಾಡ​ಲಾ​ಗಿದೆ ಎಂದು ಆರೋ​ಪಿಸಿ ವಕೀಲ ಎನ್‌.​ಪಿ.​ಅ​ಮೃ​ತೇಶ್‌ ಅವರು ಗೃಹ ಸಚಿವ ಬಸ​ವ​ರಾಜ ಬೊಮ್ಮಾಯಿ, ಕಾಟನ್‌ ಪೇಟೆ ಪೊಲೀಸ್‌ ಠಾಣೆ, ಕೇಂದ್ರ ಅಪ​ರಾಧ ವಿಭಾ​ಗ​ದ (​ಸಿ​ಸಿ​ಬಿ) ಪೊಲೀ​ಸ​ರಿಗೆ ರಿಜಿ​ಸ್ಟರ್‌ ಪೋಸ್ಟ್‌ ಮೂಲಕ ದೂರು ನೀಡಿ​ದ್ದಾರೆ.

ನಟಿ ಸಂಜನಾ ಗಲ್ರಾನಿ ಅವ​ರನ್ನು ಮುಸ್ಲಿಂ ಧರ್ಮಕ್ಕೆ ಮತಾಂತರ ಮಾಡಿದ ಟ್ಯಾನರಿ ರಸ್ತೆ​ಯ​ಲ್ಲಿ​ರುವ ದಾರುಲ್‌ ಉಲುಮ್‌ ಶಾ ವಲಿ​ಯುಲ್ಲಾ ಮಸೀ​ದಿಯ ಮೌಲ್ವಿ ವಿರುದ್ಧ ದೂರು ನೀಡ​ಲಾ​ಗಿದೆ. ಆದರೆ, ಈ ಬಗ್ಗೆ ಇದು​ವ​ರೆಗೂ ಯಾವುದೇ ದೂರು ಬಂದಿರುವ ಬಗ್ಗೆ ಮಾಹಿತಿ ಇಲ್ಲ ಎಂದು ಪಶ್ಚಿಮ ವಿಭಾಗದ ಡಿಸಿಪಿ ಡಾ.ಸಂಜೀವ್‌ ಎಂ.ಪಾಟೀಲ್‌ ಹೇಳಿದ್ದಾರೆ.

ವಕೀಲ ಅಮೃ​ತೇಶ್‌ ನೀಡಿ​ರುವ ದೂರಿ​ನ​ಲ್ಲಿ, ‘ಸ್ಯಾಂಡ​ಲ್‌​ವುಡ್‌ ಡ್ರಗ್ಸ್‌ ಪ್ರಕ​ರ​ಣ​ದಲ್ಲಿ ಬಂಧ​ನ​ಕ್ಕೊ​ಳ​ಗಾ​ಗಿದ್ದ ಸಂಜನಾ ಗಲ್ರಾ​ನಿ​ ಮೂಲ ಹೆಸರು ಅರ್ಚನಾ ಮನೋ​ಹರ್‌ ಗಲ್ರಾನಿ. ಈ ಮಧ್ಯೆ 2018ರಲ್ಲಿ ಮುಸ್ಲಿಂ ಧರ್ಮಕ್ಕೆ ಮತಾಂತ​ರ​ಗೊಂಡಿದ್ದು, ‘ಮಹಿರಾ’ ಎಂದು ಹೆಸರು ಬದ​ಲಾ​ಯಿ​ಸಿ​ಕೊಂಡಿ​ದ್ದಾರೆ. ಆದ​ರೆ, ಈ ಬಗ್ಗೆ ಯಾವುದೇ ಅಧಿ​ಕೃತ ದಾಖ​ಲೆ​ಗ​ಳಿಲ್ಲ. ಆಕೆ ಕೂಡ ಎಲ್ಲಿಯೂ ಹೇಳಿ​ಕೊಂಡಿಲ್ಲ. ಹೀಗಾಗಿ ಸಂಜನಾ ಗಲ್ರಾ​ನಿ​ಯನ್ನು ಬಲ​ವಂತ​ವಾಗಿ ಮತಾಂತರ ಮಾಡ​ಲಾ​ಗಿದೆ. ಈ ಮಧ್ಯೆ ವೈದ್ಯ ಅಜೀಜ್‌ ಪಾಷಾ​ ಅ​ವ​ರನ್ನು ಮದು​ವೆ​ಯಾ​ಗಿ​ದ್ದಾ​ರೆ ಎಂದು ಅಮೃ​ತೇಶ್‌ ದೂರಿ​ನಲ್ಲಿ ಆರೋ​ಪಿ​ಸಿ​ದ್ದಾ​ರೆ. ಈ ಬಗ್ಗೆ ದೂರು ಬಂದರೆ ಪರಿಶೀಲನೆ ನಡೆಸಲಾಗುವುದು’ ಎಂದು ಅಧಿಕಾರಿ ತಿಳಿಸಿದ್ದಾರೆ.